Dagblaðið Vísir - DV - 24.08.2001, Blaðsíða 12

12
FÖSTUDAGUR 24. ÁGÚST 2001
Skoðun DV
Spurning dagsins
Hver er bestur?
Pálmi Rúnarsson, 3ja ára:
Pabbi minn er alltaf bestur því hann
er svo skemmtilegur.
Guðmundur Hauksson, 4ra ára:
Pabbi minn er bestur og hann er
líka skemmtilegastur.
Hjalti Snorrason, 3ja ára:
Sturla er bestur því hann er svo
góöur vinur minn.
Guðbrandur Helgason, 3ja ára:
Pabbi og Ólafur eru bestir. Ólafur er
líka besti vinur minn.
Vitalía Lasareve, 5 ára:
Mér finnst mamma mín vera lang-
best þvi hún er svo góö.
Hugrún Kjartansdóttir, 3ja ára:
Mekkí besta vinkona mín og mamma
mín líka. Ég elska mömmu svo mikiö.
Bölvun verð-
tryggingarinnar
Halldór Ásgrímsson og Geir H. Haarde
Hafa þeir kannski haft hlutverkaskipti?
Bjarni Bjarnason
skrifar:___________________________
I Kastljósi Sjónvarpsins sl. þriðju-
dag voru tveir hagspekingar, annar
úr Seðlabankanum og hinn úr Há-
skólanum, fengnir til að sitja fyrir
svörum ásamt Ögmundi Jónassyni
alþm. Umræðuefnið var um verð-
tryggingu og bankavexti. Ögmund-
ur Jónasson fór vel af stað og lýsti
undrun sinni á þvi að samhliða hin-
um háu vöxtum í bankakerfinu
væri verðbótaþátturinn sem aldrei
virtist lækka. Hann spurði lengi vel
skynsamlegra spurninga og talaði
sama tungumál og hinn þrautpíndi
almenningur af yngri kynslóðinni
sem er að koma yfir sig húsnæði, en
á sífellt undir högg að sækja sökum
ofurvaxta og verðbótaþáttar.
Hann fékk það einfalda svar að
lánardrottnar þyrftu eðlilega að
huga að verðbólgunni og gæta þess
að höfuðstóll þess lánsfjár sem hann
væri með í útláni rýrnaði ekki.
Þetta skildi ég ofur vel. Það sem
kemur okkur skuldurunum við og
ég undrast mjög er hvers vegna
veröbótaþáttur þarf að leggjast bæði
á höfuðstólinn og háu vextina.
Nægilegt væri að innheimta verð-
bótaþáttinn með álagi á höfuðstól-
inn. Hvers vegna á vextina líka,
sem eru þegar settir í hæsta gír?
Þarna datt botninn úr spurning-
um Ögmundar sem spurði ekki að
þessu. Verðbótaþátturinn er orðinn
yfirþyrmandi ógn í lánakerfinu, þar
sem verðbólgan er þó enn undir
tveggja stafa tölu. Ögmundur hefði
gert rétt i því að halda hagspeking-
unum við efnið og á sömu nótum og
inngangur hans var; nefnilega að
„Nú er hins vegar orðin sú
breyting að allir sitja í
sama báti og bíða eftir er-
lendu björgunarskipi með
einkennisstafina ESB og
fullar lestir af ofstjóm. Má
ég þá heldur biðja um skip
merkt USA með fullar
lestir af frelsi.“
knýja á um afnám verðbótaþáttar-
ins.
Þetta sama kvöld var viðtal við ut-
anríkisráðherra, nýkominn af ríkis-
stjórnarfundi. Utanríkisráðherra
sagðist vera orðinn leiður á að bíða
eftir ákvörðun Seðlabankans um
vaxtalækkun. Flestir geta tekið und-
ir með ráðherranum um þetta. En
hvar var fjármálaráðherrann sjálfur,
og því var hann ekki spurður hvort
honum þætti löng biðin eftir vaxta-
lækkun Seðlabankans?
Ekki dettur mér í hug að vaxta-
lækkun Seðlabanka sjái dagsins ljós
á næstunni, hvað sem líður óþolin-
mæði utanríkisráðherra. Og þótt
Seðló myndi gefa út tilkynningu um
einhverja vaxtalækkun (aðallega
vegna þrábeiðni skuldum hlaðinna
fyrirtækja) þá yrði þaö slík hungur-
lús í prósentum mælt að engu mun-
aði fyrir húsnæðiskaupendur sem
eru með drápsklyíjar veröbótaþáttar.
- Jú, kannski svo sem 0,5%, eða 1%
og þætti rausnarlegt.
Það eru eflaust erfiðir timar að
renna upp hjá þeim sem skulda. Nú er
hins vegar orðin sú breyting að allir
sitja í sama báti og bíða eftir erlendu
björgunarskipi með einkennisstafina
ESB og fullar lestir af ofstjórn. - Má
ég þá heldur biðja um skip merkt USA
með fullar lestir af frelsi.
Gilið á Akureyri þrætuepli
Gilið er orðið
þrætuepli á milli
bæjaryfirvalda á
Akureyri og arki-
tektastofu sem tel-
ur sig eiga hönn-
unarrétt 1 gilinu
vegna samkeppni
sem stofan vann
um hönnun á
Ráðhústorgi en
þessir tveir staðir
voru saman í hönnuninni. Þrætt er
um hvernig gilið eigi að vera endan-
lega. Bæjaryfirvöld vilja gras og
laufskrúð en rétthafi vill gráar hell-
ur. Báðir kostir eru slæmir og bein-
línis rangir þegar ákveðin er notk-
un á landi því sem gilið er í.
Þarna er í grennd við gilið
„Bœjaryfirvöld vilja gras
og laufskrúð en rétthafi vill
gráar hellur. Báðir kostir
eru slœmir og beinlínis
rangir þegar ákveðin er
notkun á landi því sem
gilið er í. “
Heilsugæslustöðin á Akureyri. Þar
er viðvarandi bílastæðavandamál
alla virka daga bæði fyrir þá sem
þurfa að leita þjónustu í heilsu-
gæslustöðinni og þá íbúa sem eru
svo óheppnir að búa þarna því ekki
er auðvelt fyrir þessa tvo hópa að
komast þama að vegna þess að
bílakraðakið er svo mikið að það er
ótrúlegt. Bæjarfulltrúar á Akureyri
ættu að fara í vettvangskönnun til
þess að geta gert sér betur grein fyr-
ir til hvers á í raun að nota þetta
landsvæði. Þá gæti verið að þeir
kæmust aö réttri niðurstöðu.
Ef fyllt væri upp í gilið mætti
gera þar gott bílastæði í hluta af gil-
inu sem leysti vandann. Laufskrúð
er ekki það sem við bæjarbúar þurf-
um helst á aö halda, af því er nóg í
bænum en ekki bílastæðum. „Akur-
eyri vill auka við heilsugæsluþjón-
ustuna," segir Oktavía Jóhannes-
dóttir bæjarfulltrúi. Fyrsta aðgerðin
í þá átt væri aö laga aðkomuna að
heilsugæslustöðinni meö bílastæð-
um í gilinu með því að fylla upp í
það að hluta. Skreyta mætti svo
stæðið með blómakössum.
Brynjóifur
Brynjólfsson
skrifar:
memamsm
' '' ' '
Lítil þúfa veltir hlassi
Það virðast engin takmörk vera fyrir snilli
Davíðs Oddssonar. Enginn íslenskur stjórnmála-
maður hefur getað valdið jafn mikilli umræðu í
þjóðfélaginu og hann með jafn fáum orðum. Aftur
og aftur hefur hann sannað að þaö er ekki allt
fengið með endalausu orðagjálfri. Það sem skiptir
máli er að segja réttu hlutina á réttum stöðum á
réttum tíma. Þannig var það síðast þegar Davíð
talaði, að hann lét nokkur orð falla um Kára-
hnjúkavirkjun þar sem hann stóö með sjálft
Skriðuklaustur í baksýn, og sagði meira eins og i
framhjáhlaupi að úrskurður skipulagsstjóra stang-
aöist á við lög. Hvorki fréttamaðurinn né aðrir
nærstaddir virðast hafa áttað sig á mikilvægi
þessarar setningar því ekki var forsætisráðherra
spurður meira út í málið. Nema hvað að þegar
menn fóru að skoða upptökuna á fréttastofu Sjón-
varps sáu þeir að þama hafði Davíð laumað inn
sprengju og fóru því að leita viðbragða.
FJörgurra daga fjaörafok
Og það hefur ekki staðið á viðbrögðunum. All-
ir eru að velta fyrir sér hvað Davíö hafi átt við
með þessu. Skipulagsstjóri, umhverfissamtök,
stjómarsinnar og stjórnarandstæðingar, virkjun-
arsamtök BHM og fleiri og fleiri hafa tekið þátt í
umræðu um hvað það sé við úrskurð umhverfis-
stjóra sem valdi þvi að sjálfur forsætisráðherra
telji hann stangast á við lög. í fjóra daga hefur
Davíð þannig náð að stjórna og yfirskyggja alla
þjóðfélagsumræðu án þess í raun að taka
nokkum þátt í henni sjálfur. Málið er löngu orð-
ið hitamál og fáir sjá fyrir sér hvaða afleiðingar
þessi fáu orð forsætisráðherra munu hafa. Og
Garri var satt að segja að verða alveg ringlaður
þegar Össur Skarphéðinsson - sem Garri auglýsti
einmitt eftir í gær - sprettur fram á sjónarsviðið
eins og ofurmennið í bláu sokkabuxunum og
bendir á hvað vakir fyrir Davíð.
Fáir kostir Sivjar
Galdurinn - samkvæmt Össuri - felst í því að
láta ekki allt talið um stjómarandstöðu og nauðsyn
virkjunar villa um fyrir sér, en horfa þess í stað á
taflmennskuna inni í ríkisstjórninni. Samkvæmt
laganna hljóðan er það Siv Friðleifsdóttir umhverf-
isráðherra sem á að úrskurða um úrskurð skipu-
lagsstjóra en ekki Davíð. Siv er hins vegar ráð-
herra í ríkisstjórn Davíðs og sem slík getur hún
auðvitað ekki búið tfl augljósan klofning í ríkis-
stjórn með því að fara að úrskurða á einhvem ann-
an veg en þann að málið sé á einhvem hátt lög-
leysa. Siv á fáa kosti í stöðunni. Þetta var því snjall
leikur hjá Davíð - sannkaflaður gaffafl. Það lítur út
fyrir að hann sé aö kljást viö stjórnarandstöðuna
og skipulagsstjóra en í raun setur hann líka skák á
umhverfisráðherrann. Virkjunarmálin og um-
hverfismatsferlið er þannig út frá sjónarhóli for-
sætisráðherra skyndilega komið í þokkalegan far-
veg - hálf þjóðin og aOir lögmenn landsins eru að
leita að lögbrotinu í úrskurðinum sem rætt var um
í Skriðuklaustursræðu Davlðs. Betur sjá jú augu
en auga. En ef ekkert lögbrot finnst þá er það hugg-
un Davíðs að umhverfisráðherrann er enn í upp-
námi, hann verður annaðhvort að sprengja ríkis-
stjórnina eða úrskurða
Davíö aö skapi! GðlTI
Árvekni og hæfni
Tolleftirlit meö hasshundi.
Góður árangur
tollvarða
Þorsteinn Baldursson hringdi:
Eitt mikOvægasta viðfangsefni
toOvarða og annarra löggæslumanna
sem vinna að uppljóstrun fikniefna-
innflutnings er að hafa hendur í hári
þeirra sem standa að hinum ólöglega
innflutningi. Á Keflavíkurflugvefli er
t.d. ein helsta innflutningsleiðin með
farþegum og vörusendingum. Toll-
gæslumenn þar eiga mikið hrós skO-
ið fyrir frábæran árangur í störfum
sínum í gegnum tíðina. Ástæða er tO
að þakka árvekni þeirra og hæfni í
starfi. Líklegt er að ástandið hér á
landi í fíkniefnamálúm væri mun
verra ef ekki væri til staðar svo harð-
snúið lið sem tollverðir á Keflavíkur-
flugvelli og fleiri í löggæslunni.
Bandaríki Evrópu
eina lausnin
Halldór Kristjánsson ^krifar:
Ég las í morgun (22.8.) pistil Einars
Karls Haraldssonar, ritstjóra Frétta-
blaðsins, um Evrópusambandið sem
samningavettvang og heimsókn utan-
rikisráðherra Belgíu hingaö til lands.
Ráðherrann lítur á sambandið sem
pólitískan vettvang samninga og
sveigjanlega byggingu þar sem smá-
ríki geti hámarkað sin áhrif. Ráð-
herrann (segir í pistli Einars Karls)
álítur og að með þeirri fjölgun ríkja
sem fram undan er í ESB sé útilokað
að ESB verði nokkru sinni að Banda-
ríkjum Evrópu, með framsali fuO-
veldis. En það er einmitt stóri agnú-
inn á skipulagslausu Evrópusam-
bandinu að byggja það ekki upp eins
og t.d. Bandaríki Norður-Ameríku,
þar sem ríkin hafa mikla sjálfstjórn
en eina ríkisstjórn. Ég tel Bandaríki
Evrópu einu lausnina fyrir Evrópu-
ríkin í ESB - en óska þess jafnframt
að þangað förum við íslendingar
aldrei.
Keikó í Eyjakvínni
Beint í Hvalfjörö, takk.
Hvað á að gera
við Keikó?
Garðar Björgvinsson skrifar:
Ef Keikó viO ekki fara þá er ég al-
veg tObúinn að kaupa hann. Það er
best fyrir okkur að halda honum hér.
Hér á hann líka heima. Þeir pening-
ar sem hafa farið í hann eru ekki
okkar peningar og hefðu annars bara
farið í eitthvert annað buO úti í hinni
stóru Ameríku. Fólk ætti ekki að
vera að setja út á það. Flytjum Keikó
heldur inn í Hvalfjörð - stutt frá
borginni og í skjóli fyrir norðanvind-
inum. Já, Keikó í Hvalfjörð, takk.
Þangað kæmu vafalaust fleiri ferða-
menn til að skoða hann heldur en i
Vestmannaeyjum. Síðan mætti þjálfa
upp annan háhyrning sem staðgengil
Keikós. Þetta gæti allt gefið vel af
sér, auk þess sem allt uppihald hans
hér er frítt samkvæmt öllum samn-
ingum. - En svo er líka skömm að
því að höfuðborgin skuli ekki eiga
neitt sædýrasafn.
DV Lesendur
Lesendur geta hringt allan sólarhring-
inn í síma: 550 5035.
Eöa sent tölvupóst á netfangið:
gra@ff.is
Eöa sent bréf til: Lesendasíða DV,
Þverholti 11,105 Reykjavík.
Lesendur eru hvattir til aö senda mynd
af sér til birtingar meö bréfunum á
sama póstfang.