Dagblaðið - 28.07.1976, Blaðsíða 24

Fiskseljendur vilja hœrra
verð fyrir loðnu
Veruleg stígandi hefur að
undanförnu verið á verðlagi
loðnuafurða og að sögn Ágústs
Einarssonar viðskiptafræðings
hjá LÍO hafa fiskseljendur nú
sagt upp verðum verðlagsráðs á
grundvelli þessara hækkana.
A síðustu loðnuvertíð var
meðalverðið fyrir próteinein-
ingu í loðnumjöli milli 4-5
dollarar, en að undanförnu
hefur algengt verð verið 6,70
dollarar og hefur jafnvel farið
allt upp í 7,20 dollara. Að sögn
Ágústs stafar þessi stígandi
m.a. af uppskerubresti í
Evrópu og Rússlandi með yfir-
vofandi skorti á fóðurefnum i
kjölfarið.
Ekki vildi Agúst tjá sig um
hvaða verð væru nú til umræðu
í verðlagsráði og ekki treysti
hann sér til að spá um hvort
búast mætti við hækkun verðs á
loðnuafurðum fram á eða fram
yfir næstu vertíð.
Það er að frétta af loðnu-
veiðunum nú, að bátarnir fá nú
allt að helmingi hærra verð
fyrir loðnuna en að meðaltali á
síðustu vertíð, enda er nær öll
loðna, sem nú veiðist með 12%
eða meira fituinnihald. Sú
loðna fer í hæsta verðflokk
þeirra sex flokka, sem eru í
gildi. Fari loðna í hæsta flokk,
fást 7,20 krónur fyrir kilóið, en
til samanburðar fást fjórar
krónur fyrir kílóið 1 lægsta
flokki og á það er að líta, að
þegar kemur fram á loðnu-
vertíðina á vetrum, fellur fitu-
innihald loðnunnar mjög
—Sjá einnig bls. 9
—G.S.
Sextíu ára vega-
framkvœmd
— sem tengja átti Haf narf jörð og Reykjavík
„Þessi vegur var lagður í
atvinnubótavinnu á stríðs-
árunum og stóð vegagerðin
ekki nema í nokkrar vikur“
sagði Kristján Bersi Ölafsson er
hann sýndi DB mönnum hálf-
týndan veg suður í Hafnarfirði.
Hugmyndin var sú, að vegur
þessi tengdi Lækjargötuna í
Hafnarfirði við Elliðaárnar.
Kaupmenn i Hafnarfirði höfðu
mikinn hug á því, að beina við-
skiptum þeirra sem komu í
verzlunarerindum, suður í
Hafnarfjörð, fremur en í höfuð-
staðinn. Reykjavíkurkaupmenn
voru hinir óhressustu yfir
þessari framkvæmd. Þeir urðu
þó ekki gráhærðir yfir vega-
lagningunni þar sem að
peninga þraut áður en fram-
kvæmdinni lauk. Varð
vegurinn aldrei nema liðlega
tveir kílómetrar, frá skýli sem
Þjóðminjasafnið notar undir
gripi sína áleiðis til Vífils-
staða. Það sjúkrahús hefði átt
að njóta góðs af veginum
Eintóm handverkfæri voru
notuð við vegagerðina og allt
grjót sem notað var, var tekið
úr hrauninu í kring
Smátt og smátt hefur mosi
þakið veginn, en hann er
heldur slæmur yfirferðar nema
helzt fyrir jeppabifreiðar.
Kristján Bersi kvaðst hafa hug
á því að fá veg þennan frið-
lýstan. Hann væri einstaklega
vel lagður og þá einkum og
sérílagi kantarnir.
Kristján Bersi sagði að það
væru margir Hafnfirðingar alls
ófróðir um tilveru þessa vegar.
Og þyrfti að vekja athygli á
honum sem til dæmis heppi-
legum göngustíg. Það ætti ekki
að þurfa að vera nema um það
bil 20 mínútna gangur fyrir
íbúa í grennd við Kapla-
krikavöll að heimsækja
kunningja sína í Garðabæ.
—BA—
Ófá handtök hafa verið lögð í
þennan veg, enda þótt alörei hafi
verið ekið um hann. Má segja að
þarna hafi verið um að ræða sann-
kallaða atvinnubótavinnu.
— sjd kjallaragreln Kristjáns Bersa Ólafssonar á bls. 10-11
Ljósmynd: Bjarnleifur.
Þegar skipin eru hér heima í höf n:
ÓDÝRARA AÐ LÝSA SKIPIN MEÐ ERLENDRI
OLÍU ENINNLENDRI RAFORKU
— Sparnaðurinn getur numið tugum þúsunda á sólarhring
Þótt ótrúlegt megi virðast,
spara íslenzk skip sem liggja hér
í höfnum stórfé á að lýsa skipin
upp og knýja vindur með raf-
magni frá olíurafstöðvum um
borð fremur en að tengja rafkerfi
sín við rafveiturnar og nýta
þannig íslenzka orku, en rafmagn
til skipa stendur til boða í flestum
höfnum.
Nemendur þriðja stigs Vélskóla
Islands gerðu nýlega könnun á
rafnotkun báta og skipa í Reykja-
víkur-, Sunda- og Hafnarfjarðar-
höfn. 1 ljós kom að þar sem um
mjög óverulega notkun var að
ræða, eða innan við 24 KW á
sólarhring, borgaði sig að taka
taug úr landi og kaupa raforku úr
landi. 1. apríl sl. kostaði kílówatt-
stundin frá Rafmagnsveitu
Reykjavíkur 21,74 kr.
Hins vegar snerist dæmið við,
þar er notkun var meiri eins og
eftirfarandi dæmi sýnir: Togar-
inn Ingólfur Arnarson lá við
Faxagarð 12. apríl sl. og reyndist
aflnotkunin vera 80 KW. Ef um
landtengingu hefðiverið að ræða
og sömu aflnotkun, hefði útgerðin
þurft að greiða Rafmagnsveitum
Reykjavíkur 41.760 kr. En með
því að nota Ijósavél var kostn-
aðurinn 23.200 kr. Sparnaðurinn
var sem sagt 18.560 kr. I þessu
tilviki var vélstjóri að sinna
ýmsum öðrum störfum. en að líta
eftir ljósavélinni, þannig að um-
deilanlegt er að reikna vélgæzlu-
kostnaðinn með í þessu dæmi,
eins og gert er. En að vélgæzlu-
kostnaðinum undanskildum
verður sparnaðurinn hvorki
meira né minna en 26.500 kr.
Vegna þessa kjósa menn fremur
að keyra ljósavélarnar með til-
heyrandi hávaða, er skip liggja í
höfnum, en að kaupa innlenda
orku.
Þess má t.d. geta að hvalbátarn-
ir, sem bundnir eru við bryggju
allan veturinn og unnið er um
borð í nota eigin ljósavélar
fremur en innlenda raforku í
sparnaðarskyni.
Vélskólanemar segja þetta
fyrirkomulag þjóðhagslega óhag-
kvæmt, en það vóru einmitt nem-
endur úr þessum sama skóla sem
sýndu fram á, að unnt var að
stórbæta nýtingu olíukynditækja
í heimahúsum og tóku þátt í
breytingum á skipavélum til að
unnt yrði að taka upp svartolíu-
notkun til stórsparnaðar.
— G.S.
fijálst, óháð dagbfoð
MIÐVIKUDAGUR 28. JÚLÍ 1976.
Náttfari
enn á ferð?
Brotiztinná
tveimur stöðum
Þjófur komst inn í
húsnæði við Háaleitisbraut í
nótt með því að spenna upp
svalahurð. Þar komst hann í
veski og tók þaðan 4 þúsund
krónur í peningum.
— Þessa sömu nótt var farið
inn í biðskýli SVR vió
Bústaðaveg. Tókst innbrots-
manninum að komast inn
með því að brjóta rúðu. Ekki
hafði lögreglan séð nein
merki þess að hann hefði
tekið peninga.
Telur lögreglan ekki ólík-
legt, að hinn alræmdi Nátt-
fari hafi þarna verið á ferð.
—BA
Bílvelta
íHvalfirði
Ung stúlka ók bifreið út af
við olíustöðina í Hvalfirði
síðastliðinn sunnudag.
Missti hún stjórn á bifreið-
inni í brekkunni vestan við
olíustöðina.
Slasaðist hún mikið og
hlaut sérstaklega slæm
höfuðmeiðsli. Var hún flutt
á Sjúkrahúsið á Akranesi,
þar sem ekki þótti óhætt að
fara með hana í bæinn.
Einn farþegi var í bifreið-
inni, en hann slapp
ómeiddur.
Eldur í Grímsbœ
Laust fyrir hádegi í gær
kom upp eldur í verzluninni
Grímsbæ, sem er vió Efsta-
land. Þegar slökkviliðið kom
á staðinn reyndist eldurinn
vera í ruslageymslu, sem er
inni í húsinu. Tókst að
slökkva eldinn áður en hann
náði til verzlunarinnar.
Litlar skemmdir urðu
utan einhverjar af reyk.
Hurðin að innigeymslunni
var opin út og lögreglan
telur ekki útilokað að um
íkveikju hafi verið að ræða.
—ba
Þotan lenti í
Reykjavik
Slæm veðurskilyrði í
Keflavík urðu þess valdandi
að millilandaflugvél Flug-
leiða Boeing 727 lenti á
Reykjavíkurflugvelli í nótt.
Var vélin að koma frá Kaup-
mannahöfn.
Fyrirhugað er að fljúga
henni til Keflavíkur, en
veður er þar enn óhagstætt
til lendingar.
Ætlunin er að reyna að
koma vélinni til Keflavíkur
einhvern tímann í dag. —BA
Gjaldeyrislagabrot við kaup Grjótjðtuns
Gjaldeyrisef tirlit Seðlabankans gerir víðtœka könnun á skipakaupum erlendis frá
Gjaldeyriseftirlit Seðlabankans
gerir nú kiinnun á skipakaup-
um erlendis frá, Tekur könnun
þessi til nokkurra ára og beinist
einkum að þvi, hvort nokkuð
bendi til gjaldeyrislagabrota i
sambandi við þau kaup.
Að beiðni Seðlabankans
hefur ríkissaksóknari fyrir
nokkru krafizt rannsóknar
fyrir sakadómi á kaupum sand-
dæluskipsins Grjótjötuns, er
það var keypt á sínum tíma frá
Noregi. Hefur rannsóknin
beinzt að því, hvort kaupendur
hafi gefið upp hærra kaupverð
á skipinu, en hið raunverulega
verð var. Er þvi rannsókninni
beint að meintum brotum á
gjaldeyrislöggjöfinni.
Er talið, að nú sé það fram
komið, að sótt hafi verið um
gjaldeyrisleyfi til kaupanna
fyrir allt að 4 hundruð þúsund
króna, norskum, framyfir hið
raunverulega kaupverð
skipsins. Ekkt er blaðinu
kunnugt um, hvort hið
uppgefna kaupverð hefur haft
úrslitaáhrif á lánafyrir-
greiðslur til þessara skipa-
kaupa, né heldur hvort nokkrar
þær skýringar hafi verið gefnar
sem geti talizt til málsbóta í
þessum gjalueyrislagabroti.
Enda þótt könnun sU, sem
gerð er í Seðlabankanum varði
meðferð gjaideyrts til skipa-
kaupa, er ljóst, að ef upp kemst
um misfellur eða lögbrot, taka
þau væntanlega einnig til ODin-
berra lánafyrirgreiðslna, sem
fara eftir vissum reglum og
miðast að öðru jöfnu við
kaupverð.
BS