Dagblaðið - 25.06.1979, Blaðsíða 9
DAGBLAÐIÐ. MÁNUDAGUR 25. JÚNÍ 1979.
9
Elzta hús Húsavíkur i
sleðaferð um bæinn
Elzta húsið á Húsavík, aldargam-
alt, er nú um það bil að komast á
járnsleða mikinn og mun sennilega
nú í vikunni fara í sleðaferð yfir aðal-
götu Húsavíkur. Á það að fá nýjan
stað við norðurenda gamla barna-
skólans aillangt frá sjó. Þykir mörg-
um Húsvíkingum sjónarsviptir að
þessu gamla húsi sem sögufrægt er,
sérkenniiegt og setti svip á kambinn
upp af Húsavíkinni. En tímarnir
breytast og mennirnir með og nú á
húsið að víkja fyrir breiðgötu mikilli
sem verður síðar í sumar aðalinn-
keyrsluleiðin i Húsavíkurkaupstað.
Þetta gamla hús, sem í sleðaferð-
ina fer, er svokallað Faktorshús. Það
var reist um 1880 af örum & Wulffs
verzlun og var yfirsmiður Daninn
Bald, sem stóð fyrir byggingu Al-
þingishússins í Reykjavik. í húsinu
bjuggu m.a. faktorar Örum-Wulffs
og Þórður Guðjohnsen. Var húsið i
eigu Guðjohnsensverzlunarinnar frá
1918 til 1944að eigendaskipti urðu og
húsið gert að hóteli og skírt Garðars-
hólmi. 1945 kaupir Edward Friðrik-
sen húsið og rak þar gisti- og veit-
ingahús til 1948 að Húsavíkur-
hreppur kaupir það af lánardrottnum
hans og hefur átt síðan.
Húsið var lengi notað sem gagn-
fræðaskóli, fyrir fundi bæjarstjórnar
og til íbúðar fyrir menn — lengri eða
skemmri tíma — í þjónustu bæjarins
allt til þessa árs.
Faktorshúsið var eitt fárra sem
ekki varð eldi að bráð í brunanum
mikla sem varð 1902. Hafði áður
farið orð af að í verzluninni væri olía
og fleira stundum knapplega mæld til
viðskiptavina. í björgunarstarfi í
eldsvoðanum mikla var olíufötum
rúllað frá húsinu niður fjörukambinn
Faktorshúsið gamla flutt
af fjörukambinum þar
sem það hefur sett svip á
bæinnílOOár
og út í sjó. Urðu afföll af tunnunum í
fjörugrjótinu og er fræg setning sem
Frímann í Grímsey mælti þá: „Þeir
mæla ekki olíuna núna í pelamál-
um.”
Faktorshúsið kom tilsniðið til
landsins, allir bitar númeraðir. Er
grindin hafði verið sett upp var kalk-
steypa sett milli bita og veggir síðan
klæddir með bambus sem kom i stað
pússninganets. Síðan var kalkblöndu
smurt á bambusinn og klætt með
veggfóðri.
Nú er flytja átti húsið varð að
brjóta steininn milli bitanna. Þeir
Grímur Leifsson rafvirkjameistari og
Gunnar Höskuldsson kennari og
„niðurrifsmaður” (eins og hann
sagði sjálfur) sögðu að út úr húsinu
hefðu komið um 140 tonn af steini.
Var hann allur brotinn niður með
einni sleggju og ekið út í einum og
sömu hjólbörunum. Eftir að steinn-
inn var fjarlægður töldu þeir húsið
vega um 70 tonn og þannig verður
það flutt á sleðanum.
Við niðurrifið komu í Ijós þrjár
tegundir klæðningar sem settar hafa
verið á veggi á siðari árum og ólal
tegundir veggfóðurs í ýmsum litum.
Þegar Faktorshúsið hverfur af
kambinum er greið leið opnuð fyrir
nýju götuna sem samanstendur af
Mararbraut og Garðarsbraut. Ýmsir
sjá eftir húsinu, telja það verða eins
og þorsk á þurru landi á nýja staðn-
um og óttast að önnur gömul hús,
m.a. elztu kaupfélagshús á íslandi,
fari sömu leið með miklum breyting-
um á svip Húsavíkur.
- ASI.
Faktorshúsið aldargamla áHúsavfk. Við útidyr er kalksteinsbingurinn sem áður fyllti upp I öll göt milli burðarbita hússins.
T.h. má sjá sleðann sem húsið verður sett á til „sleðaferðarinnar” um bæinn.
DB-myndir Hörður
Grlmur Leifsson og Gunnar Höskuldsson stjórna „niðurrifsverkinu”. Búið er að
brjóta kalksteininn milli veggbitanna nema yfir gluggum.
Hvergi betrí kjör
SOL BESTU HÓTEL SEM FÁANLEG ERU
GRIKKLAND AÞENUSTRENDUR OG EYJAFLAKK
Nýjung í Grikklandsferðum
Nú getur fólk sparað sér 60.000 krórtur í Grikklandsferð með þvi að búa á góðum hótelum með morgunverði í
miðborg Aþenu. Hægt er að taka þátt í óvanalegri frjálsri ferðatilhögun, þar sem hægt er að dvelja eins stutt eða
lengi eins og hver óskar á 30 heillandi grískum eyjum, þar sem náttúrufegurð, þjóðlíf og skemmtanir eru
öðruvísi en annarsstaðar.
Auk þess bjóðum við enn sem fyrr hin glæsilegu baðstrandahótel á Glyfada og Vraona baöströndinni hjá Maraþon,
35 km frá Aþenu.
Laus sæti i næstu ferðum, 27. júni - 18. júli. Fullbókað 8. ágúst.
Dagflug með stórum Boeingþotum
SUNNA
REYKJAVIK: BANKASTRÆTI 10 - SIMI 29322. AKUREYRI: HAFNARSTRÆTI 94 - SIMI 28715.
Við bjóðum upp á gistingu á Playamar glæsilegasta íbúðahótelsvæði alveg við baðströndina, stór grasi gróin
útivistarsvæði eru allt í kring með sundlaugum, veitingasölum, tennisvöllum, barnaleikvöllum o.fl. íbúðir i sérflokki.
Einnig bjóöum við upp á Lanogalera íbúðirnar i miðborg Torremolinos með sundlaug og allri aðstöðu,
stutt á ströndina.
Costa del Sol býður upp á allt sem fólk óskarsérbest ísumarleyfi ísólarlöndum, fjölbreytt skemmtanalif og miklir
ferðamöguleikar til að kynnast sögustöðum og fögru landslagi.
Dagflug á föstudögum með 250 sæta super DC-8 vélum. Fullbókað 22. júni, sæti laus 29. júní og 6. júlí.
22. júní fullbókað, fáein sæti laus 13. og 27. júlí
Bestu gististaðir sem völ er á: Royal Magaluf, Portonova, Trianon, Villa Mar og mörg eftirsótt hótel þar sem
morgunmatur og kvöldverður er innifalið í verði ferðar.