Dagblaðið - 03.11.1979, Blaðsíða 5

DAGBLAÐIÐ. LAUGARDAGUR 3. NÓVEMBER 1979.
5
Kristján Ragnarsson, framkvæmdastjóri LÍÚ:
Vilji LIU aö íslenzk skip
selji i Hull og Fleetwood
— þar sem þær haf nir byggja á íslenzkum f iski — Norðursjávarf lotinn sér
Grimsby fyrir f iski f rá vorí til hausts
Fleetwoodbúar óska mjög
eindregið eftir meiri fiski frá íslandi,
eins og fram kom í DB fyrr í vikunni.
Þeir telja stöðuga löndun íslenzkra
báta og togara forsendu þess að hátt
verð haldist á markaðnum og treysta
á íslendinga í þessu efni þar sem þeir
hafa ekki flota sjálfir til sh'kra veiða.
íslenzk skip landa á þremur
stöðum í Bretlandi, þ.e. Fleetwood,
Grimsby og Hull. En hvernig er
stjómun þessara landana háttað og
skipulagningu? Dagblaðið hafði
samband við Kristján Ragnarsson
framkvæmdastjóra Landssambands
íslenzkra útvegsmannaog spurði liann
um málið.
Útvegsmenn
ráða sjálf ir
hvert þeir sigla
„Þarna ráða óskir einstakra
útvegsmanna,” sagði Kristján, ,,en
það er siðan okkar að tilkynna þær
óskir réttum aðilum. Fram til þessa
höfum við þekkt Humbersvæðið,
þ.e. Hull og Grimsby, betur og haft á
því meira traust. Það stafar af því að
okkar kynslóð hefur haft viðskipti
þar en viðskiptin við Fleetwood hafa
verið tiltölulega lítil frá því skömmu
eftir stríð.
Krístján Ragnarsson framkvæmda-
stjóri LtÚ: Okkar pólitfk að beina
fisksölunni framvegis til Fleetwood og
Hull fremur en Grimsby.
Hull og
Fleetwood
byggja á ís-
lenzkum f iski
Fleetwood opnaði sinn markað
hins vegar fyrr nú en Grimsby og þvi
hefur verið töluvert um sölur þar og
þangaðergott að koma. Það er núna
okkar pólitík að reyna eftir því sem
við getum að beina sölunni framvegis
til Hull og Fleetwood fremur en til
Grimsby. Hull og Fleetwood byggja
nær eingöngu á fiski frá íslandi en
Grimsby tekur aðeins við fiski frá
okkur yfir vetrarmánuðina. Þeir eru
með stóran Norðursjávarflota sem
sér Grimsby fyrir fiski frá vori til
hausts.
Okkar hagsmunir byggjast á þvi
að halda opnum höfnunum í Hull og
Fleetwood. Hafnargjöld hafa að vísu
verið hærri í Hull en Grimsby en við
fengum því breytt. Það er stefna
okkar að fá sem hagkvæmnast verð
fyrir aflann og ef betra verð fæst með
því að sigla heldur en að landa heima
þá er sjálfsagt að gera það. Það hefur
fengizt sambærilegt verð á þessum
þremur stöðum í Bretlandi en þó
hefur markaðurinn í Fleetwood verið
viðkvæmastur.
Styttra til
Fleetwood
Hins vegar er rétt að athuga það
að styttra er til Fleetwood heldur en
til hinna staðanna og munar það
einum sólarhring bæði á útleið og
heimleið. Þetta sparar olíu og eykur
Islenzkur bátur landar I Fleetwood
— Vestmannaeyjabáturinn Sigurbára.
DB-mynd: Jónas Haraldsson.
tímann á veiðunum. Við höfum sér-
staklega reynt að gera þetta Ijóst
eigendum báta sem sigla með minni
afla en togararnir.
íslendingar gætu haldið uppi
stöðugu aflamagni á þessum stöðum
en LÍÚ getur ekki sagt útgerðar-
mönnum hvert þeir eigi að fara. Við
getum aðeins beint óskum til okkar7
manna og eru þær óskir mótaðar í
náinni samvinnu við viðskipta-
ráðuneytið.
Það er nokkuð misjafnt hvaða út-
gerðarmenn láta báta sína sigla. Það
eru aðilar sem ekki eiga aðild að fisk-
vinnslu á íslandi og hjá öðrum er það
matsatriði hvort selt er eða ekki. Ef
umframboð er á fiski, þá selja þeir. í
haust hafa allar tegundir skipa selt
erlendis.
Ferskfisk-
markaðir
betri en f reð-
fiskmarkaðir
Það er okkar skoðun að ferskfisk-.
markaðir gefi í flestum tilfellum betri
útkomu en freðfiskmarkaðirnir. Þeg-
ar ferskur fiskur er seldur fæst verð
fyrir bein og roð sem ekki fæst þegar
fiskurinn er flakaður hér heima og
frystur. Þá sleppum við einnig við
allan vinnslukostnað þannig að fersk-
fisksala er mjög þjóðhagslega hag-
kvæm.
Þær neyzluvenjur eru i Bretlandi
að fólk þar vill ferskfisk. Möguleikar
okkar á fisksölu minnka því ef
hafnirnar í Hull og Fleetwood loka.
Við verðum því að gera okkar til þess
að halda þeim opnum. Ferskfiskur er
cinnig seldur í Þýzkalandi en
Þjóðverjar vilja nokkuð aðrar fisk-
tegundir en Bretar þannig að menn
ákveða veiðarnar með tilliti til þess.
Miðað við þá samsetningu á afla
sem seldur er í Bretlandi í dag er lág-
mark að fá 420—450 krónur fyrir
hvert kg.
Að lokum er rétt að taka það
fram að ekki er fyrirhuguð brevting á
þessu fyrirkomulagi innan LÍÚ
varðandi fisksölur erlendis þannig að
útgerðarmenn ráða því sjálfir hvort
og hvar þeir selja.” -JH.
Reykvíkingum er boðið að koma og skoða húsið sem nef nt hef ur
verið „Fjalakötturinn” Aðalstræti 3
KL 2-7 í DAGOGÁ MORGUN
mn
a«n
nsjll

liBiiii
Fyllsta Öryggisgæzla verður.
Með vinsemdogvirðingu, eigandi,
Þorkell Valdimarsson
ATH.
Fatlað f ólk getur haft samband í síma 29566
Öll aðstoð verður veitt.