Árbók Landsbókasafns Íslands - 01.01.1952, Blaðsíða 167

LÝSING 0 G SKÝRING Á L B S. 2574—2575 8vo
167
dóttir, enda munu Jón í Hleiðargarði og Þórunn hafa verið foreldrar Helgu í Saurbæ,
en Þórunn móðir hennar systir Einars í Melgerði og Jóns í Hlíðarhaga. í lok þessa
kafla er svo ætt Sigurðar Eiríkssonar rakin saman við ætt höfundar og nánasta skyld-
fólks hans.
A 205. blaði er getið niðja Jóns Finnbogasonar afabróður Sigurðar Eiríkssonar.
Á aftari síðu 205. blaðs byrjar höf. að rekja móðurætt sína, vegna þess, eftir því sem
hann segir, að hún sé „mjög lítið útfærð“ að framan. Er hér gerð ítarleg grein fyrir
mörgu skyldfólki hans í móðurættinni og er miklu fyllra en að framan. Allt mun þetta
frumskráð hér og er í því mikill fróðleikur. Allt kemur það heim við manntalið 1703
eftir því sem saman verður borið, og við samanburð á þessari ættartölu við það, sem
að framan sést í handritinu, er ljóst, að höfundur er orðinn allmiklu fróðari um ætt
þessa en hann var er hann skrifaði fremri hluta handritsins. Hér veit hann t. d. um
alla menn Guðrúnar Gunnarsdóttur í Gullbrekku, en síðasti maður hennar var Jón í
Melgerði Þórðarson, sem fyrr átti Vilborgu dóttur Einars í Melgerði.
Á 210. blaði kemur höf. að Guðrúnu Sigmundsdóttur frá Garðsá, konu Gottskálks
á Helgastöðum Jónssonar. Segir hann þá, að systkini hennar hafi verið mörg, en sér
sé ókunnugt að segja hvað af þeim öllum sé komið, nema af Árna Sigmundssyni og
nefnir 2 afkomenda hans. Þó rekur hann frá Birni bróður Guðrúnar. Þessi ókunnug-
leiki, sem höf. ber fyrir sig um afkvæmi systkina Guðrúnar, hygg ég að sé ekki tóm
hæverska. Það mun hafa verið allmikið miseldri systkina í þessari ætt, a. m. k. á börn-
um Árna Sigmundssonar. Sigmundarnir hafa verið fleiri en einn í ættinni, og hefur
sennilega verið óljóst fyrir höfundi hvernig rétt yrði rakið frá Sigmundi á Garðsá.
Framar minnist höf. á þessa ætt og rekur hana nokkuð, þó að nokkru leyti skakkt, en
hefur líklega, þegar hér var komið sögu, verið búinn að átta sig á því, að honum var
ekki Ijós ættin.
Olafur sonur Björns Sigmundssonar átti Björgu Þórðardóttur frá Kroppi, dóttur
Þuríðar systur Gottskálks á Helgastöðum. Var Björg skyld báðum, höf. og konu hans.
Á næstu síðum er rakið frá Guðrúnu systur Bjargar, nokkru ítarlegar en að framan
í handritinu er gert. Er þetta allt frumskráð hér.
Á 213. blaði rekur höf. saman ætt sína og síra Þorsteins Ketilssonar á Hrafnagili.
Höfundur var kominn af síra Sigfúsi á Stað í Kinn Guðmundssyni, en síra Þorsteinn
af síra Ölafi á Sauðanesi bróður síra Sigfúsar. Þá rekur hann nokkuð niðja síra Jóns
í Laufási Sigurðssonar. Hér er að mestu um að ræða endurtekningu á því, sem að
framan er skrifað, en eilthvað mun þó koma hér fram, sem ekki er fyrr getið. Af börn-
um síra Jóns nefnir hann hér Bergljótu formóður sína, síra Sigurð í Goðdölum, sem
átti afkvæmi í Eyjafirði, Vilborgu formóður Sölfa klausturhaldara Tómassonar og
Ingibjörgu konu síra Illuga á Stað í Kinn Helgasonar. Höf. telur hér enn skýrt, að
Vilborg hafi verið móðir Ásdísar móður Sigurðar föður Magnúsar á Gilsá, en eins
og fyrr segir mun hann líklega hafa ruglast í þeirri rakningu.
1 lok þessa kafla segir höf., að síra Sigurður Jónsson hafi verið prestur í Goðdölum,
eins og rétt er, en síðan segir hann, að dóttir hans hafi verið Steinunn kona Halls lög-