Helgarpósturinn - 31.10.1994, Blaðsíða 5

MÁNUDAGUR 31. OKTÓBER 1994
MORGUNPÓSTURINN FRÉTTIR
5
Markús Örn Antonsson
Vónbrigði
Viðbrögð mín við úrslitunum
eru vonbrigði yfir því að hafa
hafnað í ío. sætinu,“ sagði Mark-
ús Örn Antonsson, fyrrverandi
borgarstjóri, í gær. „Ég hafði sett
markið á 4. til 6. sætið í upphafi
prófkjörsbaráttunnar og skerpti
það svolítið með því að nefna 4.
sætið. Ég gerði mér grein fyrir því
að þetta yrði þungur róður vegna
þess að þama vom þingmenn
fyrir sem voru líklegir til þess að
fá gott endurkjör. En ég gerði
mér nú vonir um að annað þeirra
sæta sem losnuðu yrðu mögu-
leiki fyrir mig en það varð ekki.“
Markús segist myndu þiggja 10.
sætið ef kjörnefnd og fulltrúaráð
Sjálfstæðisflokksins í Reykjavík
kæmist að þeirri niðurstöðu að
bjóða hinum það. „Ég ætla að
vera með í þessu ef mér býðst
það.“
Voru mistök að stefna svona
hátt, hefðirðu átt að vera hógvœr-
ari?
„Ég er ekki viss um það. Menn
hafa margir hverjir verir hógvær-
ir í þessum prófkjörsslag og ekki
uppskorið neitt sérstaklega vel í
samræmi við það. Menn sem
hafa farið í þetta oftar en einu
sinni og verið afskaplega hæ-
verskir og prúðir í byrjun hafa
ekki skilað neinum sérstökum ár-
angri með því, en færst í aukana í
seinni prófkjörum þegar þeir
hafa gert tilkall til ákveðinna sæta
ofar á listanum.“ -SG
ÍSPRINSESSAN LEONCIE -HINN FRÁBÆRI
SKEMMTIKRAFTUR VILL SKEMMTA UM LAND
ALLT. MEIRIHÁTTAR SKEMMTIATRIÐI.
AUK ÞESS KENNI ÉG SÖNG OG PÍANÓLEIK.
SÍMI 4 28 78
Friðrik Sophusson
Frambærílegir og
sterkir einstaklingar
„Þessi niðurstaða leggst náttúrlega
mjög vel í mig,“ segir Fríðrik Sop-
husson. „Ég hef reyndar ekki skoðað
fyrri úrslit en mér sýnist þetta vera
besta kosning sem ég hef fengið og er
sjálfstæðismönnum þakklátur fyrir
þennan mikla stuðning sem ég held
að sé ótvíræður fyrir forystu flokksins
og reyndar forystuhlutverk hans í rík-
isstjórninni. Ég sé ekki annað en það
fólk sem lenti í efstu sætunum sé
ffambærilegt og sterkir einstaklingar.
Ég tel það ekki áfall fyrir flokkinn að
ekki hafi náðst bindandi kosning.
Þetta eru tæp 50 prósent sem kusu og
ein af ástæðunum hlýtur að vera sú að
það voru óvenju fáir í kjöri og það er
búið að vera að kjósa áður á þessu ári
og reyndar í prófkjöri líka. Þannig að
það getur ekki verið áfall þegar yfir sjö
þúsund Reykvíkingar taka þátt í að
raða á lista. Ég held að það teljist þvert
á móti stórkostlegur árangur.“
Davíð Oddsson gaf ekki færi á að
hafa neitt eftir sér um prófkjörið í
gær. -LAE
Björn Bjarnason
Mér líður vel
„Ég er mjög ánægður með úrslitin.
Þetta fór alveg eins og ég óskaði eftir.
Aðalatriðið fyrir mig var að halda
minni stöðu,“segir Bjöm Bjamason.
„Mér líður vel sem 3. þingmaður
Reykvíkinga og ég mun halda áfrarn
að gegna þeim skyldum sem því
fylgja.“
Finnstþér ekki áfall fyrir flokkinn að
ekki náðist bindandi kosning?
„Nei, mér finnst það ekki áfall. Mér
finnst um 7000 manna þátttaka vel
viðunandi miðað við að þetta er
þriðja kosningahrinan sem gengur yf-
ir okkur hér í Reykjavík í ár. 1 Sviss eru
þjóðaratkvæðagreiðslur tíðar og eftir
því sem þær eru offar, þeim mun
minni þátttaka verður í þeim. Það er
ekkert áfall fyrir það kerfi sem Sviss-
lendingar hafa.“ -LAE
Geir H. Haarde
Besta útkoma mín
Úrslitin urðu einn, tveir ogBjörn, en
ekki einn, tveir og Geir. Hvað finnst
þér um það?
„Ég vil bara segja að þetta er mjög
góður árangur hjá mér og þetta er
besta útkoma sem ég hef fengið í
prófkjöri til þessa og ég vil nota tæki-
færið og þakka stuðningsmönnum
mínum fyrir þeirra ágæta ffamlag í
þessu,“ sagði Geir H. Haarde. „Mér
þykir sérstaklega gaman að hafa feng-
ið, flest atkvæði af öllum sem tóku
þátt í þessu. I öðru lagi tel ég að það
sé mjög sigurstranglegur listi sem
kemur út úr þessu og það er náttúr-
lega kjarni málsins. í þriðja lagi tel ég
að Björn sé mjög vel að því kominn
að vera í 3. sætinu og hans árangur
sýnir að hann hefur staðið undir því
trausti sem honum var sýnt síðast. Ég
tel að hann manni það sæti vel þótt
ég hafi viljað vera þar sjálfúr." -LAE
Katrín Fjeldsted
Ekki síðasta útspilið
„Þetta er náttúrlega bara niður-
staða þeirra sjálfstæðismanna sem
tóku þátt í prófkjörinu og ekkert ann-
að en gott um hana að segja,“ sagði
Katrín Fjeldsted. „Núverandi þing-
menn raðast í sjö efstu sætin og það
mátti svo sem sjá það fyrir að sú yrði
útkoman og erfitt yrði að brjótast inn
í þann hóp. Ég hef verið að fara yfir
tölurnar og þar kemur í ljós að ég er
með þriðja mesta stuðninginn í 1. sæt-
ið og 2. sætið. Ég lít því svo á að mínir
stuðningsmenn hafi veitt mér rosa-
legan stuðning í rauninni. Ég er nú sú
eina sem bað ekki um ákveðið sæti
heldur eitt af efstu sætunum og það
má svo sem velta því fyrir sér hvort
það hafi verið rétta aðferðin en ég
verð bara að vera baráttuglöð í
þessu.“ -LAE
Lára Margrét Ragnarsdóttir
Staða kvenna mátt
vera aðeins betri
„Þessi útkoma leggst vel í mig og ég
er ánægð með hana. Ég held að ég geti
fyrst og ffemst þakkað hana góðum
sjálfstæðismönnum vitt og breitt í
flokknum,“ segir Lára Margrét Ragn-
arsdóttir. „Ég sæki fylgi mitt ekkert
ffekar til eins hóps eða annars innan
flokksins. Staða kvennanna á listan-
um hefði gjaman mátt vera aðeins
hærri en það em mjög sterkir menn á
listanum, bæði karlar og konur. Það
er svolítil íhaldssemi gagnvart því að
setja konur ofarlega og við bíðum
bara effir að hugarfarið breytist pínu-
lítið á næstu árum.“
Ert ánægð með þinn árangur?
„Já, ég er það ég fékk það góða
kosningu í 6. sætið og hún nánast
jaðrar við 5. sætið, þannig að það er
hið besta mál.“ -LAE
Prófkjör Sjálfstæðisflokksins í Reykjaneskjördæmi 5. nóvember
Ungur maður úr
atvinnulífinu
/ JÖFNUN ATKVÆÐISRÉTTAR
Atkvæðisrétt landsmanna verður að jafna. Kjördæmaskipun landsins þarf að taka til
endurskoðunar og kosningalögin eiga að vera skiljanleg fyrir hinn almenna borgara.
Atkvæðajöfnun á að framkvæma með fækkun þingsæta, en ekki fjölgun, eins og ávallt
hefur gerst samhliða slíkum leiðréttingum.
/ NÝ VIÐHORF í UMHVERFISMÁLUM
Umhverfismál mega ekki verða að skrifræðisbákni eða nýjum skattstofni fyrir vinstri
tnenn. Vænlegra er að aðgerðir hins opinbera felist í því að hvetja
fyrirtæki til að gera umhverfisvernd að þætti í gæðastjórnun.
/ EFLING ATVINNULÍFSINS
Lækka ber hlutfall virðisaukaskattsins og færa hann í eitt þrep. Skattastefnan verður
að miðast við að auka samkeppnishæfi íslenskra fyrirtækja, ábatinn af því kemur
öllum þegnum landsins til góða. Meðal annars ber að auka skattaívilnanir vegna
nýsköpunar og rannsóknarstarfa.
/ Lækkun matarverðs til neytenda
Veruleg lækkun matawerðs er mikilvægasta kjarabótin fyrir alla landsmenn. Slíkri
lækkun má na fram með frjálsum innflutningi landbunaðarafurða, sem hefði í för
með sér mikla verðsamkeppni, sem myndi skila sér til neytenda. Einnig verður að
afnema mismunun milli einstakra búgreina og geia íslenskum landbúnaði kleift að
takast á við erlenda samkeppni á heilbrigðum grundvelli.
X VIKTOR B. KJARTANSSON
í 5. sæti
STUÐNINGSMENN