Vísir - 20.10.1973, Blaðsíða 2
2
Vlsir. Laugardagur 20. október 1973.
VÍSIBSm:
Kom yður nokkuð á óvart I
útvarpsumræðunum frá Alþingi I
fyrrakvöld?
y
Jón M. Jónsson, verzlunar-
maður: Nei, ekki get ég sagt það.
Ég hlusta einstöku sinnum á út-
varpsumræður frá Alþingi, og
alltaf er gaman að heyra frá
stefnu flokkanna og bera þær
saman.
tsabeila T h e od ó r s d ó 11 i r ,
húsmóðir: Nei, nei, ég hlustaði
ekkert á þetta og geri yfirleitt
lltiö að þvi.
Bjarni Sæmundsson, hafnarskrif-
stofunni: Nei, ekkert kom mér
nú á óvart. Ég hlusta alltaf á
útvarpsumræður, og að minu
mati þá vilja þeir allir gera vel.
Stefán Sigurjónsson, skósmiða-
nemi: Nei ekki get ég sagt það.
Er þetta ekki sama rullan, mér
heyröist það, en að vlsu hlustaði
ég aöeins með öðru eyranu.
Elisabet Rósinkarsdóttir,
húsmóðir: Auövitað kemur
manni svo margt á óvart, ekki
slður I útvarpsumræðum en
annars staðar. Ég hlustaði á Geir
Hallgrimsson og Lúðvik i
umræðunum. En ef ég ætti að
fara að ræða þetta nánar, þyrfti
ég liklega heila blaðsíðu, svo bezt
er að sleppa þvi.
Eirikur Ketilsson, stór-
kaupmaöur: Nei, nei, ég hlustaði
ekki og hlusta aldrei á útvarps-
umræður, ef ég mögulega kemst
hjá þvi. Ef þið ætlið að ljósmynda
mig, þá er bezt fyrir ykkur að
nota breiðfilmu.
Sléttbakur og Svalbakur
á heimleið?
— fyrri eigendur deila innbyrðis
um skiptingu kaupverðsins
Svalbakur og Sléttbakur, nýju
togararnir, sem Útgerðarfélag
Akureyringa hefur fest kaup á I
Færeyjum lcggja væntanlega af
stað lieim bráðlega.
Reyndar ætluðu Akureyring-
ar að vera búnir að fá þessa tog-
ara afhenta fyrir löngu, en inn-
byrðis deilur hluthafa i þvi
hlutafélagi, sem seldi togarana,
hafa tafið afhendingu.
,,Þeir deildu vist um það, hver
eða hverjir ættu að fá stærstan
bita af kökunni”, sagði Gisli
Konráðsson, framkvæmdastjóri
Útgerðarfélagsins, er Visir
ræddi við hann i gær.
Skipstjórar og aðrir yfir-
menn, sem ráðnir eru á þessa
nýju togara, hafa nú dvalið i
Færeyjum i allt að tvo mánuði,
en aðrir skipverjar skemur. Alls
munu tólf Akureyringar vera i
Færeyjum þessa dagana,
albúnir að sigla heim. I gær
flaug svo lögfræðingur Útgerð-
arfélagsins til Færeyja til af
ganga frá afhendingunni.
Togararnir, sem um ræðir,
voru báðir smiðaðir I Noregi
fyrir fimm árum og eru búnir
vinnsluaðstöðu um borð, þannig
að hægt er að flaka þar fiskinn
og frysta hann.
,,En við ætlum okkur nú ekki
að nota þá aðstöðu, fyrst um
sinn a.m.k..”, sagði Gisli
Konráðsson, „togararnir fara á
veiðar frá Akureyri og verða
hérá heimamiðum. tslenzk mið
eru fyrir tslendinga”, sagði
Gisli.
Báðir togararnir eru 834 tonn
að stærð, og kaupverð hvors um
sig mun vera nokkuð yfir 170
milljónir króna.
— GG.
I LESENDUR HAFA ORDIÐ
Gangbraut við inngang í Naust!
Þórarinn Björnsson, Laugarnes-
tanga 9b, kom aö máli við blaðið:
,,Mig langar til að vekja athygli
á þeirri slysahættu, sem er fyrir
framan innganginn að veitinga-
húsinu Nausti. Þarna er tiltölu-
lega fjölfarin umferðargata. Mjó
gangstétt er milli dyranna á
Nausti og götunnar. Nú er það
svo, að flestir þeir, sem dveljast á
Naustinu, fara þaðan i leigu-
bilum. En sökum þess hve gatan
er þröng og bilar verða að stoppa
hinum megin hennar, skapast
þarna slysahætta, þegar fólk
kemur út af veitingahúsinu og
anar beint út á götuna.
Það er frekar heppni heldur en
hæfni bilstjóra að enginn skuli
hafa drepizt þarna. Spurningin
er bara hvenær kemur að þvi.
Ég vil að umsvifalaust verði
komiðþarna fyrir upplýstri gang-
braut, þvert yfir götuna, beint á
móti inngöngudyrunum.
Einhvern veginn fara ökumenn
yfirleitt gætilegar um götur á
gangbrautum, og þetta gæti
komið I veg fyrir hugsanleg slys
þarna.
Einnig væri ákjósanlegt, að
grindverk yrði sett milli götunnar
og gangstéttarinnar fyrir neðan
gangbrautina. Þá væri tryggt, að
flestir færu yfir götuna á gang-
brautinni”.
Hún er ódýr, viðhafnaríbúðin
á lystiskipinu Elisabeth II.
— Athugasemd frá S.V.G. við ummœli Jóhanns Sigurðssonar
„1 viðtali við dag-
blaðið Visi, sem
birtist laugardaginn 13.
þ.m., lýsir Jóhann
Sigurðsson, forstöðu-
maður Flugfélags
íslands h.f. i London,
óskaplegum áhyggjum
sinum yfir fregnum af
verði á ferðum fyrir er-
lenda ferðamenn til
Islands á næsta ári.
Tekur Jóhann i viötalinu
dæmi um sérstakar vor- og
haustferðir, sem ætlað var að
lengja ferðamannatimabilið og
kostuðu á þessu ári 58 sterlings-
pund, en ætlað er skv.
upplýsingum Jóhanns að kosta
muni 100 sterlingspund á næsta
ári.
Niðurstöður Jóhanns I viðtali
þessu eru þær, að hótel - og
feröakostnaður hér innanlands
hækki stöðugt og sé æ meiri og
meiri hluti af heildarkostnaði
ferðanna.
Til þess að krydda viðtalið
telur Jóhann, að dvalar-
kostnaður brezkra ferðamanna
hér á landi sé kominn i sam-
bærilegan verðflokk og greitt er
fyrir viðhafnaribúð með lysti-
skipinu Elisabeth II., og ekki
fjarri þvi að vera i sama verð-
flokki og dvöl á lúxushóteli i
Monte Carlo.
Samband veitinga- og gisti-
húsaeigenda hefði talið rétt, að
Jóhann hefði upplýst, hver væri
t.d., dvalarkostnaður þeirra
ferðamanna, sem koma til með
aö notfæra sér haust- og vor-
ferðir þær, sem Jóhann
upplýsir, að kosta muni um 100
sterlingspund miðað við 7 daga
dvöl hérlendis til rökstuðnings
staðhæfingum sinum i viðtalinu,
en meö þvi að Jóhann kaus að
geta þess að engu, telur S.V.G.,
að gefnu þessu tilefni, rétt að
upplýsa það.
Samkvæmt upplýsingum frá
þeim hótelum, sem þátt-
takendur eru i þessum ferða-
pakka, nemur dvalarkostnaður
pr. dag, sem rennur til
hótelsins, kr. 1.042.- eða pund
5.15.
Innifalið i þvi verði er gisting,
morgunveröur og kvöldverður
(dinner).
Fyrir 7 daga dvöl greiðir þvi
hinn erlendi ferðamaður til
hótelsins 36.00 pund ab við-
bættu þjónustugjaldi og sölu
skatti, sem nemur 7 sterlings-
pundum.
Það væri vissulega fróðlegt
fyrir almenning, ef Jóhann
Sigurðsson vildi upplýsa, til
hvaða aðilja afgangurinn af
heildarkostnaði ferðarinnar, 57
sterlingspund, rennur”.
Reykjavik, 17. okt. 1973.
F.h. SAMBANDS VEITINGA-
OG
GISTIHÚSAEIGENDA,
Sigurjón Ragnarsson,
formaður.