Lesbók Morgunblaðsins - 17.12.1990, Blaðsíða 30
ÓBIRTAR MYNDIR
AF K JARYAL
.v:
Úr safni ÓLAFS K.
MAGNÚSSONAR
Löngum gekk Kjarval með hatt, en hér
hefur hann á svölum degi sett upp loð-
skinnshúfu á gönguferð niðri við
Reykjavíkurhöfn, þar sem hann leit á fisk-
inn. Sjór og fiskveiðar stóðu honum alltaf
hjarta nærri, enda kynntist hann sjó-
mennsku ungur, þegar hann var á skútu.
Jóhannes Kjarval setti
sannarlega svip á bæinn
um langt árabil. Oft mátti
sjá hann í Austurstræti,
eða á Borginni og um
tíma hafði hann
vinnustofu í
Austurstræti, þar sem
hann teiknaði sitt fræga
„Lífshlaup“ á veggina.
En fyrst og fremst voru
sýningar Kjarvals í gamla
Listamannaskálanum
ævinlega merkur
listviðburður, þar sem
Qölmargir aðdáendur
hans létu sig ekki vanta.
Þá brá málarinn sér
stundum í gervi leikarans
eins og sést á einni
myndinni, en aðrar sýna
hann í einrúmi, eða með
vinum sínum.
Sýning í Listamannaskálanum opnuð með viðhöfn og ávarpi borgarstjórans, Geirs Hallgrímssonar, sem hér stendur við
ræðupúltið. Listamaðurinn er í sínu fínasta pússi í tilefni dagsins. Vinstra megin við hann á myndinni eru hjónin Vilborg
Einarsdóttir og Einar Ólafur Sveinsson prófessor. Hægra megin við Kjarval stendur Vilhjálmur Þ. Gíslason, þá útvarps-
sljóri, og lengra til hægri er séra Bjarni dómkirkjuprestur. En Iengst til hægri er Erna Finnsdóttir, eiginkona Geirs
Hallgrímssonar.
Með tveimur vinum. Kjarval tekur í hönd Geirs Hallgrímssonar og hjá þeim stend-
ur Kristján kaupmaður, Kiddi í Kiddabúð, sem átti mikil og góð samskipti við
Kjarval.
Kjarval með Jónasi Jónssyni frá Hriflu á efri árum þeirra beggja. Eins og kunn-
ugt er hafði Jónas ekki smekk fyrir framúrstefnu í myndlist, sem þá birtist hér
í módernisma og þykir núna fullboðleg stofulist. Jónas var alltaf mikill aðdáandi
Kjarvals og taldi hann ekki með „klessumálurunum “, sem voru menn eins og
Jón Engilberts, Þorvaldur Skúlason og fleiri framsæknir listamenn þess tíma.
30