Alþýðublaðið - 25.09.1985, Blaðsíða 3
Miðvikudagur 25. september 1985
3
Afmceliskveðja
Stefán Júlíusson
70 ára
Stefán Júlíusson rithöfundur er
sjötugur í dag. Þegar litið er á allt
sem hann hefur komið í verk þarf
það ekki að undra að hann hafi
safnað árum, en flestum mun þó
farið eins og mér að láta segja mér
það oftar en einu sinni að Stefán
væri að fylla sjöunda tuginn. Sumir
eru alltaf ungir og reyndar yngri en
ýmsir sem telja færri árin. Stefán er
einn þeirra.
Stefán er fæddur í Þúfukoti í
Kjós, sonur hjónanna Júlíusar
Jónssonar og Helgu Guðmunds-
dóttur. Uppvaxtarár Stefáns voru
hins vegar í hrauninu í Hafnarfirði,
en þangað fluttust foreldrar hans.
Þar ólst hann upp í stórum syst-
kinahópi. Kjörin voru kröpp en
Stefán var knár og brauzt til
mennta. Það var talsvert afrek eins
og allt var í haginn búið.
I huga mínum er enginn vafi á þvi
að umhverfið allt hafi mótað Stefán
og stælt þegar í æsku: Hraunið,
sjórinn, lífsbaráttan, ójöfnuðurinn
og barátta verkafólks fyrir mann-
réttindum, félagslegu öryggi og
mannsæmandi kjörum. Mér finnst
ég finna þetta í ritstörfum, lífsvið-
horfi og öllum verkum. Rótin hefur
aldrei slitnað. Það segir líka sitt um
manninn. Það lýsir tryggð við upp-
runann, ekki einungis hinn land-
fræðilega uppruna, heldur ekki síð-
ur þann uppruna sem í lífskjörun-
um fólst. Samstaðan með þeim sem
minna mega sín, lífsskoðun jafnað-
armanns og verkalýðssinna á sér
þennan uppruna. En fleira kemur
til, því að „kjörin settu á manninn
mark, mótuðu þor og stæltu
kjark“. Þannig varð Stefán eldheit-
ur baráttumaður, orðslyngur og
ósérhlífinn. Hann sat aldrei hjá.
Það gustaði því í kringum hann.
Þetta óx andstæðingum hans í
pólitíkinni í augum og á því fékk
hann líka að kenna. Kannski herti
það hann enn frekar. En þetta er
liðin tíð.
Hitt er svo annað mál, og alveg
óháð baráttuviljanum, storminum
og því sem því fylgdi, að Stefán var
og er allra manna skemmtilegastur
í hópi félaga, vina eða kunningja.
Það hef ég sjálfur reynt, en þó heyrt
enn frekar frá öðrum sem betur
þekkja og meira hafa notið.
Ritstörf Stefáns eru mikil og
merk, tíu skáldsögur, átta barna-
bækur, tvæ smásagnabækur,
barnaleikrit, unglingasaga, ævi-
sagnaþættir, minningaþættir og
sjónvarpskvikmynd. Mér telst svo
til að útgefin verk séu 25 talsins.
Eru þó fjölmargar greinar ótaldar.
Þetta eitt er ærið ævistarf, en þó
einungis brot af lífsverki Stefáns.
Lengst af var hann jafnframt
kennari í fullu starfi, lengstum sem
yfirkennari. Þeir sem höfðu hann
að kennara, en þess naut ég reyndar
aldrei, mátu hann mikils og allir
sem ég hef hitt eru samdóma um að
hann hafi verið afbragðskennari.
Félagsstarfið í skólanum var Ste-
fáni lika hjartfólgið. Því lenti margt
af því á hans herðum og það eins og
annað leysti hann svo vel af hendi
að hvorki krakkar né aðrir kennar-
ar gátu hugsað sér annan þar í for-
svari.
Síðar varð Stefán forstöðumaður
Fræðslumyndasafns ríkisins o% þar
á eftir bókafulltrúi ríkisins. I þeim
störfum haslaði hann sér völl á nýj-
um sviðum, og hafði trúi ég ánægju
af, úm leið og aðrir nutu þar holl-
ráða hans og leiðbeininga.
Allar götur hefur Stefán verið
einstaklega virkur í félagsmálum og
til svo margs trúað í þeim efnum að
ég treysti mér ekki upp að telja. Skal
aðeins nefna trúnaðarstörf fyrir
kennara og rithöfunda, stjórnar-
störf og stjórnarformennsku í
Kaupfélagi Hafnfirðinga, stjórnar-
störf í Barnaverndarfélagi Hafnar-
fjarðar, í Styrktarfélagi aldraðra og
í Leikfélagi Hafnarfjarðar meðan
það var og hét.
Á vegum bæjarins sat hann í
skólanefnd og arftaka þess,
fræðsluráði. Þá átti hann sæti í
stjórn bókasafns Hafnarfjarðar og
gegndi þar löngum formennsku.
Stjórnmálum sinnti Stefán jafn-
framt ötullega. Hann var löngum í
miðstjórn Alþýðuflokksins og í for-
Verksmiðjustörf
Okkur vantar starfsfólk I verksmiðjustörf við pökkun og
fleira.
Hreinleg vinna.
Upplýsingar hjá starfsmannastjóra.
SAMBAND ISL.SAMVINNUFELAGA
STARFSMANNAHALD
LINDARGÖTU 9A
Laus staða
Staða bókafulltrúa ( Menntamálaráðuneytinu, sbr. 10. gr. laga
nr. 50/1976 um almenningsbókasöfn, er laus til umsóknar.
Laun samkvæmt launakerfi starfsmanna rfkisins.
Þar sem fyrir dyrum stendur endurskoðun áðurgreindra laga
um almenningsbókasöfn, verður að svo stöddu aðeins ráðið
I stöðuna til eins árs.
Umsóknir með upplýsingum um menntun og starfsferil skulu'
hafa borist Menntamálaráðuneytinu fyrir 18. október næst-
komandi.
Menntamálaráðuneytið
19. september 1985.
Laust embætti
er forseti íslands veitir.
Embætti skipulagsstjóra ríkisins er laust til um-
sóknar en það veitist frá 1. desember 1985.
Laun samkvæmt launakerfi starfsmanna ríkisins.
Umsóknirásamt upplýsingum um aldur, menntun
og fyrri störf sendist félagsmálaráðuneytinu fyrir
1. nóvember 1985.
Félagsmálaráðuneytið, 23. sept. 1985.
ystusveit flokksins í Hafnarfirði.
Oft var hann í framboði fyrir flokk-
inn, sat á Alþingi sem varamaður
um skeið og sömuleiðis í bæjar-
stjórn. Jafnframt naut Alþýðu-
flokkurinn Stefáns á ritvelli í bæj-
armálgagninu, í Alþýðublaðinu og
Alþýðubrautinni.
Þetta framtal á verkum Stefáns er
aðeins yfirlit og mörgu sleppt, en
það má vera til marks um fjölhæfni
hans og undraverð afköst. Þó man
ég aldrei eftir því að Stefán hafi
borið þess merki eða haft á orði að
hann væri neitt sérstaklega upptek-
inn eða ætti annríkt.
Það eru margir sem eiga Stefáni
margt að þakka og hugsa til hans í
dag, nemendur, fyrrum samkenn-
arar, samherjar í félagsmálum og
pólitík, að ótöldum öllum lesend-
um bóka hans og ritverka. Ég veit
að allur þessi skari tekur undir ósk
mína til Stefáns og fjölskyldu hans
um heill og hamingju á komandi ár-
um.
Kjartan Jóhannsson
Stefán Júlíusson rithöfundur er
sjötugur í dag. Ég vil í tilefni dags-
ins senda honum bestu hamingju-
óskir frá mér og fjölskyldu minni
um leið og ég set nokkur orð á blað,
sem hvorki verður upptalning at-
hafna hans og orða né heldur ævi-
ágrip af einhverju tagi. Skrif þetta
verður í besta falli stutt hugleiðing
og afmæliskveðja. Maðurinn er
enn svo ungur og verkin vonandi
mörg sem hann á eftir að vinna.
Stundum kemur það manni ger-
samlega á óvart, hve ungir menn eru
orðnir gamlir að árum, hvað alman-
ak og afmæli eru langt frá skynjun
og tilfinningu hins líðandi dags.
Þannig var það, þegar ég nú á dög-
unum uppgötvaði að félagi minn og
samferðamaður, Stefán Júlíusson
rithöfundur væri að verða sjötugur.
Hann ber það svo sannarlega ekki
með sér að eiga slíkan árafjölda að
baki.
Ég varð fyrst var við Stefán Júlí-
usson sjö ára gamall drengur norð-
ur á Akureyri. Þá fékk ég bók í jóla-
gjöf sem hét Kári litli og Lappi.
Höfundur hennar var Stefán Júlí-
usson. Það fór ekki fram hjá ung-
um dreng, að þar var góður maður
á ferð. Og sögurnar af Kára, sem á
eftir komu, staðfestu þetta viðhorf.
Þar eins og svo oft og víða annars
staðar rataði Stefán Júlíusson til
hjarta samferðamannsins. Þar spil-
aði saman tungutak hans, tilfinnmg
og skynsemi.
Það var ekki fyrr en löngu síðar
sem ég kynntist Stefáni Júlíussyni
hér suður í Hafnarfirði. Oft vill það
verða, að ímynd þeirra persóna,
sem börn og unglingar hafa sett sem
goð á stall í vitund sinni, vill fölna
og blikna við nálægð og raunveru-
leg kynni. Þannig varð það ekki um
Stefán Júlíusson. Því betur sem ég
kynntist honum, því meir sem ég
reyndi kosti hans og hæfni, því
meiri virðingu bar ég fyrir mannin-
um. Þetta er stórt sagt i lítilli grein,
sem á að vera afmæliskveðja — en
það er engu að síður satt.
Leiðir okkar Stefáns hafa legið
saman í skólamálum, í starfi kaup-
félagsins og í starfi Álþýðuflokks-
ins, og nú situr eftir þakklæti til
samferðamannsins Stefáns Júlíus-
sonar og góðar minningar.
Stefán er eldhugi og hugsjóna-
maður. Hann gekk ungur jafnaðar-
stefnunni á hönd og samvinnuhug-
sjónin var honum einnig hugleikin.
Félagsvitundin, samábyrgðin og
réttlætistilfinningin setja mark sitt
á manninn. Þar sem Stefán Júlíus-
son fer, þar fer líka traustur og
sannur félagsmálamaður í þess orðs
beztu merkingu.
Og sú staðreynd situr rótgróin í
vitund minni og verður ekki hagg-
að, að hverju því verki er vel borgið
sem Stefán hefur tekið að sér.
Ég er þakklátur Stefáni fyrir allar
samverustundir og samvinnu og
góðan félagsskap.
Á merkum afmælisdegi hans
sendi ég beztu árnaðaróskir og
þökk fyrir öll samskipti. Ég bið
þess og vona að lengi enn megum
við njóta ylsins frá hugsjónaeldi
hans, njóta tungutaks hans og
penna og atorku og skynsemi til
góðra verka.
Lifðu heill og lifðu lengi Stefán
Júlíusson. [jörður Zóphóníasson.
Es. Stefán verður að heiman í
dag.
Heyrnin
mæld á
Dalvík
Einar Sindrason, háls-, nef- og
eyrnalæknir ásamt öðrum sérfræð-
ingum Heyrnar- og talmeinastöðv-
ar íslands verða á Dalvík 4. okt. nk.
Rannsökuð verður heyrn og tal
og útveguð heyrnartæki.
Tekið á móti tímapöntunum á
Heilsugæslu Dalvíkur og er fólki
bent á að panta tíma sem fyrst.
/ ■ I ■ \ 1
nyjar leiðir
J S ÞRÓUNARFÉLAG ÍSLANDS HF.
Frestur til að skrifa sig
fyrir hlutafé rennur út
mánudaginn 30. sept-
ember næstkomandi.
Stofnskjal félagsins ligg-
ur frammi i öllum
bðnkum og útibúum
þeirra, ásamt kynningar-
bæklingi um félagið, með
lista til þess að skrifa sig
fyrir hlutafé.
Póstleggja þarf áskriftar-
lista hlutafjár í síðasta
lagi 30. september og
skulu þeir stílaðir á Þró-
unarfélagið hf., pósthólf
5001,121 Reykjavík.
Til klukkan 17:00, mánu-
daginn 30. september
verður einnig tekið á
móti áskriftarlistum hjá
Baldri Guðlaugssyni,
hæstaréttarlögmanni,
lögmanns- og endur-
skoðunarskrifstofu,
Skólavörðustig 12,
Reykjavik, og Helgu
Jónsdóttur, aðstoðar-
manni forsætisráðherra,
forsætisráðuneytinu,
stjórnarráðshúsinu við
Lækjartorg, Reykjavík.
fl Jf
M 1 1 ^ Jj ;#%•' M „i ' ■ ■.:
/L' =1 /
■ II ,
mmF lljs S AgXréA 1|
UNDIRBÚNINGSNEFND AÐ STOFNUN ÞRÓUNARFELAGS ISLANDS HF.