Alþýðublaðið - 19.09.1987, Blaðsíða 11

Laugardagur 19. september 1987
11
Fyrsta frumsýning vetrarins
í Þjóöleikhúsinu:
RÓMÚLUS MIKLI
Þjóðleikhúsið hefur starfsárið í
kvöld með frumsýningu á leikritinu
Rómúlusi mikla, eftir svissneska
leikskáldið Friedrieh Dúrrenmatt.
Leikstjóri er Gisli Halldórsson,
leikmynd og búningar eftir Gunnar
Bjarnason og lýsingu hannar Páll
Ragnarsson.
Það er Rúrik Haraldsson sem
leikur titilhlutverkið, Rómúlus, síð-
asta keisara rómverska heimsveldis-
ins. Sigurveig Jónsdóttir leikur
Júlíu keisarafrú og Lilja Þórisdótt-
ir leikur keisaradótturina, en afdrif
ríkisins eru undir þvi komin hverj-
um hún giftist — það er að
minnsta kosti mat æðstu ráðgjafa
keisarans. Með stór hlutverk fara
Gunnar Eyjólfsson, Jóhann Sig-
urðarson, Sigurður Skúlason, Flosi
Ólafsson, Karl Ágúst Úlfsson,
Baldvin Halldórsson, Árni
Tryggvason, Þórhallur Sigurðsson,
Magnús Ólafsson, Benedikt Árna-
son og Arnar Jónsson, en hann
leikur hlutverk Ódóvakars fyrirliða
Germana, sem eru mesta ógnun við
ríkið — það er að minnsta kosti mat
æðstu ráðgjafa keisarans.
Rómúlus mikli (Romulus der
Grosse) er það leikrit Dúrrenmatts
sem vakti fyrst athygli á honum ut-
an heimalandsins. í þessu verki
fann hann fyrst sinn sjálfstæða stíl,
hina sérstæðu blöndu gantans,
beiskrar ádeilu og djúprar alvöru,
sem hann varð frægur fyrir og við
þekkjum af leikritum á borð við Sú
gamla kemur í heimsókn, Eðlis-
fræðingana og Loftsteininn, sem
öll hafa verið leikin hér á landi. í
verkum Dúrrenmatts er það jafnan
svo að vettvangur atburðanna end-
urspeglar heim allan, og ástand
mála í þeim kallast á við eitthvert
það ástand sem allir hafa skynjað
og jafnvel íhugað án þess að komast
að niðurstöðu.
Dúrrenmatt kallar þetta leikrit
„ósagnfræðilegan gamanleik". Fyr-
irmyndin er síðustu dagar Rómar-
veldis, en höfundurinn fer afar
frjálslega með sagnfræðilega réttar
staðreyndir til þess að miðla skila-
boðum til nútímans, og þar af leið-
andi er óþarft með öllu að vera vel
að sér í mannkynssögunni til þess
að njóta leiksins til fullnustu. Róm-
úlus leiksins hefur verið keisari í tvo
áratugi, en nú er fall ríkisins yfir-
vofandi og öllum til hinnar mestu
armæðu hefst keisarinn ekkert að
til þess að koma í veg fyrir að heim-
urinn kolsteypist. Samherjum hans
óar við hugleysi hans, en þegar allt
kemur til alls er Rómúlus ef til vill
hugaðri en þeir allir til samans.
Hann hefur nefnilega megnustu
andstyggð á valdbeitingu og hvers
kyns ofbeldi sem hún leiðir af sér.
Óvinirnir nálgast, samherjarnir
flýja i ofboði, en Rómúlus er maður
hugsjónanna, maður sem á sér
draum. Það er styrkur hans. í leiks-
lok er komið að því að hugsjón
hans verði að veruleika en hvernig i
veröldinni getur hún ræst á þessum
líka upplausnartímum.
Einkareik ningur Landsbankans
er tékkareikningur sem tekur
öörum fram: Háir vextir, kostur á
yfirdráttarheimildláni og margvís-
legri greiösluþjónustu. Reikningur sem er
saminn að þínum þörfum í nútíð og framtíð.
Með Einkareikningi sameinar Landsbankinn þau viðhorf
sem ríkjandi eru í fjármálaviðskiptum um góða ávöxtun,
greiðsluþjónustu og sveigjanleika.
Einkareikningur er um margt frábrugðinn hefðbundnum
tékkareikningum. Vextir eru reiknaðir daglega og eru miklu
hærri en áður hafa þekkst svo þú þarft ekki lengur að eltast
við að millifæra á milli tékkareikninga og sparisjóðsbóka til
að fá hærri vexti. Þeir fara ekki stighækkandi eftir upphæðum
heldur eru jafnháir af öllum innstæðum.
Einkareikningshafar geta sótt um yfirdráttarheimild, allt
að 30.000 krónur, til að mæta aukafjárþörf ef á liggur.
I tengslum við Einkareikning gefst ennfremur kostur á
láni að fjárhæð allt að 150.000 krónur í formi skuldabréfs til
allt að tveggja ára.
Einkareikningi fylgir bankakort sem þjónar tvennum
tilgangi, annars vegar að vera ábyrgðarkort í tékkaviðskipt-
um og hins vegar að vera aðgangskort að hraðbönkum.
Bankakortið gerir 16-17 ára unglingum fært að stofna
Einkareikning þótt þeir hafi ekki aldur til að nota tékkhefti.
Snúðu þér til næsta afgreiðslustaðar Landsbankans og
fáðu nánari upplýsingar um þennan nýja reikning.
Einkareikningur er tékkareikningur sem tekur öðrum fram.
Landsbanki
íslands
Banki allra landsmanna