Alþýðublaðið - 18.07.1989, Blaðsíða 4

4
þriðjudagur 18. júlí 1989
ÞANKAR Á ÞRIÐJUDEGI
Brauðosturinn Brynjólfur
Brauðosturinn íslenski meö rauðu vaxskorpunni er
runninn undan rifjum Brynjólfs Sveinbergssonar mjólkur-
bússtjóra á Hvammstanga sem fyrst markaðssetti ostinn
fyrir u.þ.b. þrátíu árum. Órn D. Jónsson segír brauðostinn
Brynjólf vera dæmi um sérstöðu íslenskrar vörufram-
leiðslu þar sem iögð er megináhersla að gefa einstökum
vörutegundum sérstöðu og gæði i stað nafniausrar og
staðlaðrar fjöldaframleiðslu.
I nýgerðri skýrslu um hagræð-
ingu í mjólkurvöruiðnaðinum er
m.a. lagt til að mjólkurbúið á
Hvammstanga verði lagt niður.
Eiginlega er þetta aukamálsgrein í
skýrslunni sem felur í sér róttæka
endurskipulagningu á iðnaðinum
í heild sinni.
Merkilegum ál'anga í þróun
landbúnað hefur verið náð. Jafn-
vægi er á milli framleiðslu og
neyslu á mjólkurvörumarkaðin-
um og hefur sá ótrúlegi atburður
gerst að skort hefur mjólkurfitu
s.s. smjör og rjóma um tíma.
Samdráttur í framleiðslu, breyttar
neysluvenjur og hugvitssöm vöru-
þróun hefur galdrað burt smjör-
fjallið. Reyndar má segja að jafn-
vægi á mjólkurvörumarkaðnum
sé að hluta til falið í offramboði á
mjólkurfóðruðum ungkálfum, en
það er sjálfsagt tímabundið
vandamál.
Ostagerðin til fyrirmyndar
Ostagerð og önnur úrvinnsla
mjólkurafurða hefur þróast á ein-
staklega skemmtilegan hátt und-
anfarin ár. Það er með ólíkindum
hve atvinnumannslega er staðið
að vöruþróuninni. Fjölbreytnin er
mikil og vöruvöndun til fyrir-
myndar. Nú þegar jafnvægi hefur
náðst milli framboðs og eftir-
spurnar á þessum markaði er eðli-
legt skref að draga úr framleiðslu-
getu afurðavinnslunnar þannig að
hún sé í samræmi við hráefnis-
framboð. Mjólkurvöruiðnaður-
inn er orðinn fyrirmynd annars
neysluvöruiðnaðar í aðlögun og
breyttum ytri skilyrðum. Er þá
ekki allt i lagi i þessum besta heimi
allra heima?
Brauðostur er happdrætti
Brauðostur er ein af þeim fáu
vörum sem enn eru i mínus þegar
mjólkurvörur eru bornar saman
við nágrannalöndin. Brauðosta-
kaup er happdrætti. Kaupandinn
getur ekki vitað hvaða ost hann
kaupir og hvaðan enda er óheinrilt
að upprunamerkja vöruna. Nafn-
laus brauðostur hefur því á
ákveðinn hátt verið skammakrók-
ur þessarar dýru vöru ostanna, Þó
er ein undantekning þar á, en það
er brauðosturinn Brynjólfur frá
Hvammstanga.
Brynjólfur varð fyrstur til að
markaðssetja venjulegan brauð-
ost með rauðri vaxskorpu fyrir
um þrjátíu árum og þegar fleiri
fóru að framleiða samskonar ost
fór hann að merkja ostinn sinn
með bláum blekstimpli. Mikil eft-
irspurn er eftir Brynjólfi og má
sjá kunnuga gramsa í brauðosta-
safni stórmarkaðanna í stimpils-
leit. Færri fá en vilja.
Blái stimpillinn trygging
Vafalaust er hægt að framleiða
jafn góðan ost annars staðar. Það
er bara ekki gert. Blái stimpillinn
er trygging fyrir því að osturinn sé
eins og hann á að vera, bragðmild-
ur án þess að vera bragðlaus, ost-
skeratækur án þess að vera harð-
ur.
Brynjólfur Sveinbergsson
mjólkurbússtjóri hugsar vel um
búið sitt. Hann hefur náð há-
marks nýtingu og gegnuinprófað
allar hugsanlegar kostnaðarlækk-
anir sem þeir einir geta sem ein-
beita sér að því að framleiða sömu
vöru í lengri tíma. Búið, þó lítið
sé, hefur alltaf skilað hagnaði.
Brauðosturinn Brynjólfur er ein-
stakur ostur, enda upprunatengd-
ur.
í landbúnaði erlendis og vöru-
framleiðsiu yfirleitt er nú lögð
„Brauðosturinn Brynjólfur er einstakur. Blái stimpillinn er trygging fyrir þvi að osturinn er eins og hann á að
vera; bragðmildur án þess að vera bragðlaus, ostskeratækur án þess að vera harður," skrifar Örn D. Jónsson
m.a. í grein sinni.
megináhersla að gefa einstökum
vörutegundum sérstöðu. Með
þeim hætti næst tryggð kaupenda
í ríkara rnæli en ella. Fólk er tilbú-
ið að kaupa „frjáls” hænuegg í
stað bragðlausra búrhænsnaeggja
þó að þau kosti nokkrum krónum
meira. íslenskar landbúnaðarvör-
ur, hvort sem um er að ræða kjöt,
mjólkurafurðir eða grænmeti
verða alltaf dýrar. Spurningin er
hvort þær verða eins góðar og þær
geta orðið. Vel hefur tekist á
mörgum sviðum en það væru
klaufaleg mistök að leggja niður
Hvammstangabúið í hagræðing-
arskyni ef það breytir brauðosta-
gerð landsins í nafnlausa stand-
ardvöru sem er engum til ánægju.
HLUTHAFA
FUNDUR
Hluthafafundur
í Verslunarbanka íslands hf.
verður haldinn í Súlnasal Hótel Sögu
þriðjudaginn 25. júlí 1989 og hefct kl. 17:00.
Dagskrá:
Tillaga bankaráðs um staðfestingu
hluthafafúndar á samningi formanns
bankaráðs við viðskiptaráðherra um
kaup bankans á 1/3 hluta hlutabréfa
ríkissjóðs í Útvegsbanka íslands hf.
og að rekstur Verslunarbanka,
Iðnaðarbanka og Alþýðubanka verði
sameinaður í einn banka ásamt
Útvegsbankanum íyrir 1. júlí 1990.
Tillaga bankaráðs um viðbótarákvæði
til bráðabirgða við samþykktir bank-
ans þar sem bankaráði er veitt heim-
ild til að efha samninginn m.a. með
þeim hætti að taka þátt í hlutafjár-
aukningu Útvegsbanka íslands hf.
sem heimilt verði að greiða af eign-
um og rekstri bankans.
^ Önnur mál löglega í'rani borin.
Aðgöngumiðar og atkvæðaseðlar til
fúndarins verða aflientir hluthöfúm eða
umboðsmönnum þeirra í
Verslunarbankanum, Bankastræti 5,
fimmtudaginn 20. júlí, föstudaginn 21. júlí
og mánudaginn 24. júlí 1989 kl. 9:15-16:00
alla dagana.
Samningurinn og tillögur munu liggja
frammi hluthöfum til sýnis á sama stað
viku fyrir fúndinn.
Bankaráð Verslunarbanka íslands hf.
UíRSlUNflRBflNKINN
-uúuutniHeS péfi!