Alþýðublaðið - 16.03.1986, Blaðsíða 19

Sunnudagur 16. mars 1986
19
Framsóknar- og Alþýðuflokkur
hurfu frá því að krefjast brottfarar
varnarliðsins og fengu Alþýðu-
bandalagið til að sætta sig við það.
Með þessari stefnubreytingu má
segja að hin 20 ára gamla skipting
Alþýðuflokksins í hægri og vinstri
arm væri úr sögunni og flokksfor-
ustan samvirk.
Vinstri stjórnin sat að völdum
1956—58, og einkenndist skeið
hennar af endurnýjun fiskiskipa-
flotans, útfærslu landhelginnar í 12
mílur og notkun hafta og uppbóta
við stjórn efnahagsmála. Stjórnar-
samstarfinu lauk, með því að Fram-
sóknarflokkurinn taldi nauðsyn-
legt að grípa til efnahagsráðstafana
sem verkalýðshreyfingin gat ekki
sætt sig við.
Nú hófst 12 ára samstarf Alþýðu-
flokksins og Sjálfstæðisflokksins.
Þeir sömdu fyrst um að breyta kjör-
dæmaskipuninni í það horf sem nú
gildir og leysa efnahagsvandann til
bráðabirgða með lögboðinni niður-
færslu kaupgjalds og verðlags, þar
með miklum niðurgreiðslum. Þess-
um framkvæmdum stýrði minni-
hlutastjórn Alþýðuflokksins (undir
forsæti Emils Jónssonar og með
honum Friðjón Skarphéðinsson
auk Gylfa og Guðmundar I.) sem
sat eitt ár að völdum. Eftir tvennar
kosningar, sem færðu flokkunum
tveimur tryggan þingmeirihluta,
mynduðu þeir viðreisnarstjórniná
1959—71 sem í fyrstu lagði megin-
kapp á gagngert fráhvarf frá vernd-
ar- og haftastefnu. í henni sátu fyrir
Alþýðuflokkinn þeir Emil og Gylfi
og með þeim Guðmundur í. til
1965, er Eggert G. Þorsteinsson tók
við.
Samstarf viðreisnarflokkanna
varð gott og náið, enda svo löng
samvinna dæmalaus í íslenzkum
stjórnmálum. Alþýðuflokkurinn
hafði mikil áhrif á stjórnarstefn-
una, ekki sízt í félagsmálum.
Alþýðuflokkurinn beið lítils
háttar tap í kosningum 1963 (var þá
orðinn jafn fylgisrýr og þegar gengi
hans var minnst 1942). Síðan fóru
sumir að óttast að hann biði tjón af
langvarandi samstarfi við flokk
sem réttu lagi væri honum fjarlæg-
ur að stefnu. Eftir mikinn sigur
flokksins 1967 var þó ákveðið að
halda stjórnarsamstarfinu áfram.
Á næsta kjörtímabili gengu yfir
miklir efnahagsörðugleikar sem
hafa, ásamt breytingavilja og
„vinstri sveiflu“, valdið miklu um
kosningaósigur viðreisnarstjórnar-
innar 1971 (fyrsta stjórn sem missti
meirihluta í kosningum síðan
1927). Tapið kom harðast niður á
Alþýðuflokknum sem fékk aðeins
tæp 11% atkvæða, eða litlu meira
en helming þess fylgis er hann hafði
að staðaldri 1927—37. Ákvað nú
flokkurinn að standa utan við
vinstri stjórnina aðra 1971—74 sem
Framsóknarflokkurinn myndaði
með Alþýðubandalaginu og Sam-
tökum frjálslyndra og vinstri
manna, enn nýjum flokki Hanni-
bals Valdimarssonar sem klofnað
hafði út úr Alþýðubandalaginu en
líklega unnið mest fylgi frá Alþýðu-
flokknum sem hann hafði að marki
að sameinast.
Alþýðnflokknrinu
70 ára
Alþýðuflokkurinn minnist 70 ára afmælis Síðdegis þennan dag er boðað til hátíðar-
síns með hátíðarsamkomum að Hótel Sögu i fundar með vandaðri dagskrá. Um kvöldið
sunnudaginn 16. mars næstkomandi. — verður síðan samkoma og dansleikur.
Myndarleg
fermingargjöf
PENTAX
Pi*o35M
Þetta er fermingargjöfin í ár
— Einföld en vönduö 35mm
PENTAX Ijósmyndavél.
PENTAX Pino 35M er meö
innbyggðu flassi, sjáifvirkri
filmufærslu og iétt og fyrir-
ferðarlítil — aöeins 210
grömm — fer vel í vasa.
PENTAX Pixo35M er myndavél unga fólksins í dag.
*) Fujicolor litfilma innifalin.
Sendum Alþýðusambandi íslands
kveðjur og árnaðaróskir á
70 ára afmælinu
Flutningur er okkar fag lI p
E W s \ p 1 h
Sími 27100