Alþýðublaðið - 09.01.1992, Blaðsíða 3

Fimmtudaqur 9. ianúar 1992
bílatryggíngarnar
Tryggingafélögin á íslandi
hafa löngum kvartað sáran und-
an bíleigendum. Og bíleigendur
hafa líka kvartað sáran undan
tryggingafélögimum. Iðgjöldin
sem bíleigendur hafa greitt hafa
um langan tíma ekki nægt til að
framfleyta bílatryggingadeild-
um tryggingafélaganna. Reynd-
ir ökumenn telja sig vera að
borga fyrir ökufantana. Á síð-
asta ári gekk svo langt að for-
stjóri eins tryggingafélagsins
lýsti því yfir að svo kynni að fara
að fyrirtæki hans skilaði inn til
réttra aðila leyfi til að stunda
bílatryggingar á íslandi.
Sænskur risi í íslenskum
bílatryggingum_________________
Nú stefnir í mikinn og harðan slag
á bílatryggingamarkaðnum, sem
tryggingamenn hafa þó talið til
þessa að væri slæmur bissness og
vart sinnandi. Kominn er fram í
sviðsljósið sænskur tryggingarisi,
Scandia, sem Reykvísk trygging hf.
er með umboð fyrir. Nýja fyrirtæk-
ið, Skandia ísland, ætlar sér á fulla
ferð inn á þennan siæma markað,
en finnur þegar í byrjun að það er
ekki meira en svo velkomið í hóp-
inn. Hið sænska Scandia er dæmi-
gert sænskt fyrirtæki, sem engin
landamæri standast. Þeir líta sem
svo á málin að öll Norðurlöndin séu
þeirra heimagarður, og ísland þá
ekkert síður en önnur lönd.
Nokkuð ljóst þótti mönnum að
tryggingafélögin á íslandi hygðust
fá hækkun á bílatryggingar nú í ár.
Heyrst hefur að þær hækkanir hafi
helst orðið að vera um 30%. Ýmis sú
þjónusta sem tryggingafélögin
bjóða hefur vissulega reynst dýr.
Þannig hafa hálshnykkir eftir smá-
vægilegt nudd bíla leitt til þess að
tryggingafélögin hafa orðið að
greiða háar bætur, ugglaust hefur
viðkomandi þá verið með leikara-
skap og ástundað tryggingasvik.
Með tilkomu lögfræðinga, sem aug-
lýsa sérþjónustu sína á gulu síðun-
um í símaskránni „uppgjör slysa-
bóta“, hafa ýmsir ökumenn talið sig
komast í feitt, og gert það.
íslensk tryggingafélög
of veik?
Hjá Tryggingaeftirlitinu fengum
við þær upplýsingar hjá Erlendi Lá-
russyni framkvæmdastjóra að ekki
hefðu eftirlitinu borist neinar óskir
tryggingafélaganna um hækkun á
iðgjöldum bílatrygginga, né aðrar
óskir um breytingar á þeim.
Ljóst er að Tryggingaeftirlitið
mun ekki líta á það sem sjálfgefinn
hlut að út brjótist harðvítugt bíla-
tryggingastríð á markaði hér. Marg-
ir telja að eiginfjárstaða tryggingafé-
laga hér á landi sé ekki viðunandi
eins og er og tók Erlendur undir að
hún mætti vera betri. Lækkun á
verði bílatrygginga gæti að sjálf-
sögðu rýrt enn frekar eiginfjárstöð-
una, og við það verður trúlega ekki
unað.
VÍS á mikilla hagsmuna að gæta
„Stríðið" um bílatryggingarnar
snýst fyrst og fremst um hagsmuni
VIS, sem er langstærst fyrirtækja
hér á landi á þessum markaði.
Nærri 60% af veltu Vátryggingarfé-
lags íslands koma frá bílatrygging-
um að sagt er. Enda þótt þessi við-
skipti kunni að vera lítt ábatasöm,
þá er það ljóst að þeim fylgja aðrar
tryggingar, sem gefa þá meira í aðra
hönd. VÍS tapaði rúmum 160 millj-
ónum króna á rekstri sínum á síð-
asta ári, og var með 375 milljón
króna eiginfjárstöðu skv. Frjálsri
verslun. Fyrirtækið var 20. stærsta
fyrirtæki landsins í tímaritinu. Sjó-
vá/Almennar voru hinsvegar 23.
stærsta fyrirtækið með hagnað upp
á 70 milljónir og rýmri eiginfjár-
stöðu, 589 milljónir.
Blái bæklingurinn og bréfið
I síðustu viku fékk valinn hópur
ökumanna fallegt bréf frá Skandia
ísland, bláan bækling með álímdri
og glampandi íslenskri krónu. í
bæklingnum er ósvikið gælt við
óánægju þess hóps ökumanna „sem
aldrei lenda í neinu“, ökumanna yfir
þrítugt, sem náð hafa sæmilegum
tökum á ökutækjum sínum. „Finnst
þér bílatryggingin þín of dýr? Nú
hefur þú tækifæri til að verða þér úti
um lægri iðgjöld!" segir í bæklingn-
um. Þar er m.a. spurt: „Ætlar þú að
halda áfram að borga fyrir hina öku-
mennina?"
Það kom höfundi þessarar greinar
ekki á óvart, þegar hann fékk bréf
frá VÍS í fyrradag, harðort bréf, þar
sem greinilegt er að nokkurn ugg
hefur sett að þeim ágætu mönnum
sem því félagi stýra. Þrátt fyrir allt
vill félagið halda í viðskiptin við bíl-
eigendur, með von um að ástand
fari batnandi á vegum landsins.
í bréfi VÍS segir að félagið muni
kynna nýjungar í bílatryggingum
26. janúar næstkomandi. Félagið
hafi til athugunar að fjölga þeim
þáttum er hafa áhrif á iðgjaldið, m.a.
að það breytist með ekinni vega-
lengd, aldri ökumanns og nýjum
bónusreglum. „Þetta mun leiða til
lækkunar iðgjalda þar sem tjóna-
tíðni er lítil og tjónareynsla góð,“
segir í bréfinu.
Stðar er greint frá „fjöiþjóðlegu fé-
lagi“ og bréfi þess þar sem gefinn sé
„ádráttur um lægri iðgjöld ákveð-
inna ökumanna í nafni réttlætis". Er
þessu tilboði líkt við Hagtryggingu
sálugu, sem Sjóvá/Almennar eiga
reyndar í dag. Talað er um „hættu-
lega gildru" í bréfinu og viðskipta-
vinir varaðir við að skrifa undir um-
boð til erlends félags um að láta
segja upp tryggingu sinni án þess að
hafa í höndum formlegt verðtilboð
áður. Bent er á að í tengslum viö
bílatryggingar VÍS sé viðskipta-
mönnum boðið upp á allt að 30% af-
slátt af öðrum tryggingum hjá félag-
inu. Sú staðreynd að flestir lands-
menn hafi trúað VÍS fyrir trygginga-
vernd sinni segi meira en mörg orð.
Ótrúlegur verðmunur
Sl. vor kannaði Alþýðublaðið
kostnað við bílatryggingar á Norð-
urlöndunum og birti síðan niður-
stöðurnar. Þær voru nánast ótrúleg-
ar, svo lág eru iðgjöldin meðal ná-
grannaþjóða okkar. Vöktu þessar
upplýsingar mikla athygli á sínum
tíma. Nú hefur samkeppni birst okk-
ur úr þessari átt. Spennandi verður
að fylgjast með framvindu mála.
Hjá Skandia ísland á Sóleyjargötu
1 var mikið að gera í gærdag. Gísli
Örn Lárusson framkvæmdastjóri og
Þórður Þórðarson voru þar ásamt
öðru starfsfólki að svara væntanleg-
um viðskiptavinum og fulltrúum
fjölmiðla, sem herjuðu á með spurn-
ingar.
Gísli Örn kvaðst nokkuð undrandi
á bréfi VÍS til viðskiptavina sinna,
en vildi ekki tjá sig um það á annan
hátt, sagði þó ljóst að VÍS væri
greinilega ekki sátt við nýja trygg-
ingafélagið. Hann sagði að ef ekki
hefði komið til stofnunar Skandia ís-
lands hefði allt stefnt í um 30%
hækkun á iðgjöldum bílatrygginga.
Gísli sagði að fyrirtækið hefði það í
huga að reksturinn yrði sem einfald-
astur í sniðum. Sænska félagið út-
vegaði sérstakt tölvuforrit og tækni-
lega þekkingu, þarna yrði mest
byggt á einföldum viðskiptum með
síma og tölvu, engar húsbyggingar
væru á döfinni, en allt rekið á sem
ódýrastan hátt.
Gísli sagði að hann og raunar
flestir teldu það hættulegan leik að
halda 40% bíleigenda bundnum
næstu 12 mánuði eins og nú tíðkað-
ist samkvæmt gamla kerfinu. Lofað
væri lækkunum á sama tíma og
hækkun blasti við, en nýjungarnar
síðan ekki kynnteu- fyrr en of seint
fyrir þá sem hugsanlega vildu færa
sig yfir á annað og ódýrara félag.
En hvað segja bíleigendur?
„Þessir frísku vindar sem núna
blása um markað bílatrygginganna
eru okkur þóknanlegir," sagði Run-
ólfur Ólafsson, framkvæmdastjóri
Félags íslenskra bifreiðaeigenda, í
gær. „Ýmsir nýir áhættuflokkar
koma nú inn í myndina og mörg at-
riði sem félagið hefur barist fyrir um
langt árabil. Ég spái því að hin
tryggingafélögin fylgi í kjölfarið og
geri ýmsar þær breytingar til bóta,
sem gjarnan hefðu mátt koma fyrr."
Leiðrétting
Þau leiðu mistök urðu í frétt blaðs-
ins í gær að Snær Karlsson hjá
Verkamannasambandi íslands var
titlaður varaformaður þess, en það
er auðvitað Jón Karlsson sem er
varaformaður VMSÍ. Hlutaðeigend-
ur og lesendur blaðsins er beðnir
velvirðingar á þessum mistökum.
Stríð um
FRÉTTASKÝRING:
JÓN BIRGIR PÉTURSSON
Bíleigendur fá nor-
rænan valkost þeg-
ar þeir tryggja bíl-
inn sinn, — og nú
virðist ljóst að fram-
undan er