Alþýðublaðið - 02.02.1994, Blaðsíða 4
4 ALÞÝÐUBLAÐIÐ
VIÐTAL
Miðvikudagur 2. febrúar 1994
Kynning Alþýðublaðsins á frambjóðendum Alþýðuflokksins í kjöri á sameiginlegan lista til borgarstjórnarkosninga
GYLFIÞ. GISLASON gefur kost á sér í 4. og 9. sæti
Kostnaðareftirlit í rúst
Gylfi, Þ. Gíslason: „Takist okkur vel til með
þetta framboð er þess að vœnta að áframhald
verði á slíku samstarfi á landsvísu. Eins og nú
er staðið að málum lofar framboðið góðu og
vissulega hefði það verið stórslys ef ekki hefði
náðst samkomulag.”
Alþýðublaðsmynd / Einar Ólason
Yngsti frambjóðandinn í
prófkjöri alþýðuflokksfólks
í Reykjavík í 4. og 9. sæti á
sameiginlega framboðslist-
ann við borgarstjórnar-
kosningarnar í vor er Gylfi
Þ. Gíslason, þrítugur iðn-
rekstrarfræðingur. Gylfi
fæddist í Reykjavík 8. apríl
1963, sonur Gísla Jóns Ól-
afssonar, sem er Isfirðingur
og Margrétar Berndsen,
sem fædd var og uppalin í
Reykjavík, en er nú látin.
Gylfi á eina dóttur barna,
Elsu Rut, sem er 5 ára göm-
ul. Gylfí er formaður
Æskulýðssambands íslands
og ber mjög fyrir brjósti
hag ungu fjölskyldunnar á
íslandi í dag og hefur staðið
fyrir merkilegum ráðstefn-
um um þau efni, nú síðast
um Hótel Mömmu, sem
frægt er orðið.
Gylfi er uppalinn í Hlíðun-
um og segist vera stækur
Framari frá unga aldri. Hann
hlaut framhaldsskólamenntun
sína við Fjölbrautaskólann
við Armúla. Að loknu stúd-
entsprófi starfaði hann sem
sölumaður og síðar starfs-
maður á flokksskrifstofu Al-
þýðuflokksins auk þess að
dvelja erlendis í hálft ár. Síð-
an lá leiðin í Tækniskóla ís-
lands þar sem Gylfi stundaði
nám í iðnrekstrarfræði. Gylfi
starfar í dag sem sölumaður
hjá Sigurplasti hf. og er sér-
fræðingur í sölu og rekstri á
jónatækjum svokölluðum,
sem stuðla að stórbættu and-
rúmslofti á vinnustöðum og
heimilum.
Á yngri árum var Gylfi
duglegur að afla sér fjár til
eigin framfærslu, fór ungur að
bera út og selja dagblöð. Síð-
an tóku við sumarstörf í
frystihúsi á Kirkjusandi, og
hjá ísal í Straumsvík. „Þar átti
ég og á enn marga góða fé-
laga og það var skemmtilegur
tími sem ég átti í kerskálan-
um, enda þótt vinnan væri al-
gjör óþverri, og loftið með
eindæmum vont á þessum
tíma“, segir Gylfi.
Alltaf treyst
fyrir fjármáfunum
Ég gekk í Alþýðuflokkinn í
tíð Vilmundar Gylfasonar, ár-
ið 1978. Það var gríðarleg
stemmning yfir fundunum í
Iðnó og víðar og mikill hugur
í mönnum. Þegar Vilmundur
sagði skilið við Alþýðuflokk-
inn var ég í stjóm Félags
ungra jafnaðarmanna í
Reykjavík og haldinn var
fundur um hvort við ættum að
fylgja Karli Th. Birgissyni,
sem núna er ritstjóri Press-
unnar, og fleirum með Vil-
mundi yfir í Bandalag jafnað-
armanna. Ég og fleiri ákváð-
um eftir langa umhugsun að
fara að dæmi Bjama P. Magn-
ússonar og halda áfram að
starfa innan Alþýðuflokksins.
Það var þó alveg ljóst að við
studdum eigi að síður Vil-
mund og hans skoðanir. Síð-
an hef ég sleitulaust unnið
með flokknum og starfað í
stjómum Félags ungra jafnað-
armanna í Reykjavík frá 1981
til 1984 og Sambands ungra
jafnaðarmanna frá 1986 til
1991, - einhverra hluta vegna
hefur mér alltaf verið treyst
fyrir peningamálunum sem
gjaldkeri", sagði Gylfi Þ.
Gíslason, þegar Alþýðublaðið
ræddi við hann.
Talið berst því skiljanlega
að fjármálastöðu höfuðborg-
arinnar.
Hvað var að gerast í
fjármálum borgarinnar?
„Ég hef miklar áhyggjur af
Ijármálastöðu Reykjavíkur
eins og aðrir borgarbúar.
Bókhald og kostnaðareftirlit
Reykjavíkurborgar er í rúst,
samanber áætlanir sem fara
tugi og hundmð prósenta
fram úr áætlun. Nýjasta dæm-
ið er milljarðurinn sem Mark-
ús Öm týndi í kerfinu. Með
betra kostnaðareftirliti og
aukinni hagkvæmni í fram-
kvæmdum má gera meira fyr-
ir einstaklingana í borginni.
Það þarf að reka Reykjavík
eins og hvert annað fyrirtæki.
Það hefur verið illa farið með
skattfé borgaranna á síðustu
ámm. Góðri íjármálastöðu
hefur verið snúið í stórfelldar
skuldir, sem hlýtur að vekja
Reykvíkinga til umhugsunar
um hvað hefur verið að ger-
ast. Það er morgunljóst að því
mikla fé sem borgarstjóm
hefur til umráða hefur verið
illa varið. Það hefur verið ráð-
ist í rándýrar lúxusfram-
kvæmdir, sem koma sárafá-
um til góða, á meðan lítið er
aðhafst í málum sem í sjálfu
sér koma öllum almenningi
mun meira að gagni.
Minnisvörðum
ýttútafborðinu
Vitlausar áherslur, sam-
bandsleysi við kjósendur og
kolrangar framkvæmdir
munu koma sjálfstæðismönn-
um í koll í komandi kosning-
um. Nýr meirihluti í borgar-
stjóm mun að sjálfsögðu ýta
út af borðinu minnisvörðum
og dekurverkefnum en ráðast
í framkvæmdir sem lengi hef-
ur verið beðið eftir að yrðu að
veruleika", sagði Gylfi Þ.
Gíslason.
Gylfi sagði að hann teldi að
borgin gæti með ýmsu móti
unnið að stórfelldri atvinnu-
sköpun í Reykjavík. Ekki síst
með því að skapa litlum og
meðalstórum fyrirtækjum
góðan grundvöll til að starfa
á. Þessi fyrirtæki væru óðum
að hverfa og ótalmörg at-
vinnutækifæri með þeim.
Það væri engu líkara en að
borgaryfirvöld hefðu litlar
áhyggjur af þessari þróun
mála. Bendir Gylfi sérstak-
lega á ferðamannagreinina
sem dæmi. Reykjavíkurborg
hafi engan veginn sýnt þeim
þætti nægjanlega athygli, en
einmitt þar er kjörið tækifæri
til að efla og bæta atvinnust-
igið í borginni. Það væm í
umræðunni hugmyndir um að
atvinnulausu fólki yrði fengin
atvinna við uppbyggileg störf
í stað þess að sitja heima á at-
vinnuleysisbótum. Hinsvegar
væri sáralítið unnið að þess-
um málum innan borgarkerf-
isins, eins og ævinlega vant-
aði núverandi meirihluta
borgarstjómar nauðsynlegt
jarðsamband við almenning,
ekki síst þá sem lakar em sett-
ir í atvinnumálum.
„Ég sé líka fyrir mér mikið
starf nýs meirihluta við að
bæta og fjölga leikskólum
borgarinnar, bæta skólakerfið
og efla útivistarmöguleika
borgarbúa með gerð hjól-
reiðastíga og gönguleiða um
borgina. Reykjavík er góð
borg, en yfirvöld hafa verið
afar seinheppin í að fram-
kvæma ýmislegt það sem
ekki kostar ýkja mikið fé, en
er engu að si'ður dýrmætt fyrir
íbúana. Jarðsamband hefur
vantað milli borgarfulltrúa
meirihlutans og íbúa borgar-
innar. Einmitt þetta samband
mun nýr meirihluti í borgar-
stjóm taka upp. Það er ekki
nóg að biðla til kjósenda fyrir
kosningar, það verður að
halda sambandinu eftir að
menn hafa fengið umboð til
að stjóma borginni", sagði
Gylfi.
Hundrað
vinnustaðafundir
Við víkjum talinu aftur að
flokksmálum. Gylfi hefur
verið ósfnkur á tíma sinn og
vinnu fyrir flokkinn. Hann
hefur unnið mikið starf fyrir
flokksskrifstofuna, og sá um
utankjörstaðaratkvæða-
greiðslu fytír síðustu þing-
kosningar. Og ekki má
gleyma 100 vinnustaðafund-
um í Reykjavík, sem hann
sótti með formanni flokksins,
Jóni Baldvin Hannibalssyni.
Gylfi segir að það hafi verið
erfiður en skemmtilegur tími.
Á þessum tíma var margt
furðulegt að gerast í íslenskri
pólitík, Albert var kastað út á
klakann og fór fram með nýj-
an flokk, Borgaraflokkinn.
Gylfi segir að þetta hafi þýtt
að fylgi Alþýðuflokksins
hríðféll úr 30% í skoðana-
könnunum niður í 15% í
kosningunum. Það hafi verið
mikið áfall eftir góða vinnu,
sem hefði átt að skila mun
betri árangri. En þannig væru
stjómmálin, með öllu óút-
reiknanleg.
Hótel Mamma
og dekrið
Unga fjölskyldan er hugtak
sem Æskulýðssamband ís-
lands hefur sinnt af kappi að
undanfömu. Gylfi Þ. Gíslason
er formaður sambandsins og
hefur lagt mikla vinnu í að
endurreisa Æskulýðssam-
bandið. Núna nýlega hélt ÆSI
ráðstefnu sem vakti mikla at-
hygli, en hún íjallaði um Hót-
el Mömmu, dekrið við æsku-
lýðinn á heimilum lands-
manna. Framundan er meira
af slíkum uppskurði á högum
ungra fjölskyldna hjá ÆSI.
Næst verður ráðstefna í mars
um ungu fjölskylduna, þar
sem tekin verða fyrir atvinnu-
mál ungs fólks, menntamál,
lífsgæðakapphlaupið og jafn-
réttismál, - og í haust verður
fjallað um vímuefnavanda-
málin.
„Bömin og bamauppeldið
em vandamál sem ungu fjöl-
skyldumar þurfa að leysa.
Barnaheimili og skólar þurfa
að vera með því sniði að for-
eldrar geti stundað vinnu sína
róleg, en svo er nú ekki aldeil-
is í dag. Það er ekki nóg með
að þjónusta bamaheimilanna
sé dýr, heldur passar hún afar
illa fyrir marga unga foreldra,
því vinnutími þeirra fellur
ekki saman við opnunar- og
lokunartíma heimilanna.
Skólarnir em yfirleitt ekki
einsetnir, það er los á krökk-
unum og alltof ntörg þeirra
eru svokölluð lyklaböm.
Heilsdagsskólanum þarf því
að koma á fót hið fyrsta og
það með fullum þunga. Hjá
mörgum ungum foreldrum
fer mikill tími í að koma böm-
um til og frá skóla, með til-
heyrandi stressi. Þá er það
ekkert gefið mál að ungt fólk
fái inni með börn sín á dag-
heimilum borgarinnar. I þess-
um málaflokki hefur ekki ver-
ið nóg að gert. Biðlistum ætti
að vera hægt að útrýma á einu
kjörtímabili, það er varla
spuming, enda er þessum
málaflokki til muna betur far-
ið hjá mörgum sveitarfélög-
um í kringum okkur. Dag-
mömmukerfið sem er afar dýr
lausn mætti sem best leggja
niður í borginni. Ég efast ekki
heldur um að þessi þjónusta
mætti vera til muna ódýrari en
hún er í dag“, segir Gylfi.
Hann bætir við að vandamál
ungs fólks sem er að koma
heim úr námi sé oft á tíðum
stórt. Fátt er um atvinnu, og
unga fólkið sest upp hjá Hótel
Mömmu, foreldrum sínum,
atvinnulaust og oft með maka
og barn eða böm með sér.
Gagnvart þessu fólki beri
borgin, stærsti vinnuveitandi
landsins, mikla ábyrgð.
Vannýttir skólar
og umterðarmálin
Gylfi segir að hann hafi
áhuga á að vinna að betri nýt-
ingu skólahúsnæðis í borg-
inni. Þær ágætu byggingar
mætti í mörgum tilvikum nýta
betur en nú er gert. Skólahús-
næðið mætti sem best nýta í
þágu félagsstarfs fyrir aldraða
og ýmis félagsmál hverfanna.
„Umferðarmenning okkar
Reykvíkinga er alræmd eins
og allir vita. Hér verða fleiri
slys, ekki síst á bömum, en í
nokkm öðru landi sem við
þekkjum til. í umferðarörygg-
ismálum þarf að vinna stórt
verk. I borginni er búið að
kortleggja svörtu blettina sem
svo em kallaðir, slysagildmr
þar sem ljóst er að of miklar
fómir em færðar.
Lítið virðist hinsvegar vera
um úrbætur á þessum stöðum.
Það er augljóst mál að taka
þarf til hendinni og ráðast
gegn þessum hættulegu stöð-
um í umferðinni með öllum
ráðum.
Mér hefur sýnst að of lítil
hugsun sé í hönnun umferðar-
mannvirkja borgarinnar. Allt
of víða er leyfður hraðakstur
um húsagötur þar sem víst er
að böm em að leik“, segir
Gylfi um hina víðfrægu um-
ferðarmenningu í höfuðborg
Reykjavíkur.
Gylfi segir að það sé af
hinu góða sem gert er fyrir
böm og unglinga sem aðhyll-
ast íþróttastarfið. Borgin eigi
vissulega að styðja og styrkja
þá starfsemi með ráðum og
dáð.
En ýmislegt fleira mætti
gera fyrir uppvaxandi æsku-
lýð borgarinnar og hlynna
betur að ýmsu starfi öðm, til
dæmis skátastarfi og öðmm
tómstundamálum, því ekki
eru allir gefnir fyrir iþróttir.
Innanlandsstarf í
stað ferðaklúbbs
,Æskan í borginni er al-
mennt séð prútt og elskulegt
fólk, en það þarf ekki marga
ólátabelgi til að kasta rýrð á
meirihlutann. Oft finnst mér
að fólk sé óþarflega dómhart
á æskuna", segir Gylfi. „Það
er hlutverk okkar hjá Æsku-
lýðssambandinu að vinna fyr-
ir æskulýðinn. Þetta er sam-
starfsvettvangur fjölmargra
æskulýðsfélaga á Islandi,
skiptinema, hreyfmga náms-
manna, ungtemplara, ung-
liðahreyfmga stjómmála-
flokkanna, skáta og félaga í
ungmennafélagshreyfing-
unni. Því miður gekk Iþrótta-
samband íslands úr Æsku-
lýðssambandinu á sínum tíma
vegna pólitíkurinnar sem
þótti of áberandi í störfum
ÆSÍ. Það væri ekki verra ef
ÍSÍ gengi að nýju í samtökin
okkar.
Við reynum í dag að stýra
starfmu á þann veg að pólitík-
in liti ekki starfið, enda engin
ástæða til.
Að sjálfsögðu höfum við
okkar flokkspólitísku skoðan-
ir sem sitjum í stjóm Æsku-
lýðssambandsins, en við
blöndum því ekki á nokkum
hátt í starf okkar.
Starfsemin hefur um Iang-
an tíma nánast einskorðast við
erlend samskipti, sem ég tel
að hafi verið veikt fyrir
Æskulýðssambandið. Núna
er unnið að því öllum árum að
vinna meira á heimavellinum,
kröftugu innanlandsstarfi.
Ég verð að viðurkenna að
ég varð dálítið undrandi þegar
ég kom að sambandinu haust-
ið 1992 og sá að forveri minn
hugsaði nánast ekki um annað
en utanlandsferðir. Við sem
núna skipum stjómina viljum
vinna fyrir íslenskan æskulýð
og emm með miklar ráða-
gerðir í þeim efnum, enda em
innan vébanda okkar tugþús-
undir íslenskra ungmenna.
Erlenda samstarfið er út af
fyrir sig ágætt, en hlýtur að
mæta afgangi", segir Gylfi Þ.
Gíslason.
Vill vinna fyrir
unga fólkið
Við spyijum Gylfa nánar
um þau mál sem hann mundi
leggja lið gæfist honum kost-
ur á að vinna innan borgar-
stjómar Reykjavíkur.
„Ég mundi að sjálfsögðu
vinna að stómm hluta fyrir
ungt fólk og þau málefni sem
mest brenna á því í dag.
Ungt fólk og bamafjöl-
skyldur í borginni er oft á tíð-
um ekki öfundsvert af hlut-
skipti sínu og aðstæður þessa
hóps má bæta til muna.
En ég mundi án efa hafa af-
skipti af málefnum sem snúa
að borgarbúum sem heild,
ekki síst málefnum eldri borg-
ara, sem nú em mjög á döf-
inni“, segir Gylfi.
Framboð sem gæti
valdið þáttaskffum
Framboð sameiginlega list-
ans til borgarstjómar er í
fljúgandi meðbyr og um fátt
meira talað en öflugt framboð
sem stílað er gegn rótgrónum
meirihluta sjálfstæðismanna.
En hvað segir Gylfi Þ. Gísla-
son um slíkt framboð.
„Þarna er auðvitað að ræt-
ast draumur félagshyggju-
rnanna.
Ég tel þetta fyrsta skrefið,
afar merkilegt skref, til að
gera stóra hluti í landsmála-
pólitíkinni og gæti valdið
þáttaskilum.
Takist okkur vel til með
þetta framboð er þess að
vænta að áframhald verði á
slíku samstarfi á landsvísu.
Ég er bjartsýnn á góðan ár-
angur sameiginlega fram-
boðsins, ef allir mæta til leiks
og starfa af fullum heilindum.
Ég hef reyndar ekki nokkra
minnstu ástæðu til að ætla
annað en að svo verði.
Ég tók þátt í framboði Nýs
vettvangs árið 1990, var ann-
ar kratinn í prófkjörinu, fór að
vísu ekki inn á listann en fór
þó ekki í fýlu.
I þessu framboði fór margt
úr böndunum, en vítin eru til
að varast þau, og það veit ég
að slík mistök munu ekki end-
urtaka sig.
Ástæðan fyrir slæmu gegni
Nýs vettvangs var auðvitað sú
að þá vom ekki allir minni-
hlutaflokkamir með eins og
ætlunin var þegar lagt var upp
með framboðið.
I byrjun var ég vantrúaður
á sameiginlegt ífamboð í
borginni og talaði gegn því,
enda hafði ég enga trú á að
allir minnihlutaflokkamir
yrðu með, en þá var engin
eining orðin um framboðið.
Skoðanakannanir breyttu
þessari skoðun minni svo og
margra annarra.
Eins og nú er staðið að mál-
um lofar framboðið góðu og
vissulega hefði það verið stór-
slys ef ekki hefði náðst sam-
komulag.
Við emm enn ekki búin að
ffelsa borgina, það skýrist
ekki fyrr en talið hefur verið
upp úr kjörkössunum.
En ég veit hinsvegar að vel
verður unnið að því að Reyk-
víkingar fái gott fólk til að
stjóma sínum málum, fram-
bjóðendur sameiginlega list-
ans“, sagði Gylfi Þ. Gíslason
að lokum.