Morgunblaðið - 24.06.2001, Blaðsíða 7
MORGUNBLAÐIÐ SUNNUDAGUR 24. JÚNÍ 2001 B 7
Á NETINU er búið að opna vefinn www.nat-
urnet.dk þar sem hægt er að finna hugmyndir um
ýmislegt sem við kemur danskri náttúru. Þar eru
upplýsingar um hjólaleiðir, hestaferðir auk ýmislegs
annars sem börn og fullorðnir geta gert úti undir
berum himni.
Hægt er að leita að ferðum eftir landshlutum og
tíma og eftir áhugasviðum, til dæmis fuglaskoðun.
Einnig er hægt að finna kort með lýsingum sem
hægt er að prenta út.
Dönsk náttúra á Netinu
TVEIR bandarískir leikarar bjóða nú fólki upp á
hjólreiðaferðir um Beverly Hills í Los Angeles.
Þræddar eru götur þar sem heimili fjölmargra kvik-
mynda- og rokkstjarna eru.
Andstætt hópferðabílum sem þræða þetta hverfi
með ferðamenn hafa reiðhjólin þann kost að fara
hægt yfir og athuga vel það sem fólk kemur til að
skoða. Ferðin hefst í bakgarði húss númer 6729 á
Hollywood Boulevard og leiðin liggur til stjarnanna.
Hver ferð kostar frá 3000 til 5500 krónur og inni-
falin er leiga á hjóli og hjálmi ásamt vatnsbrúsa og
einhverju að narta í yfir daginn.
Vinsælustu ferðirnar eru niður á ströndina í Ven-
ice og til Santa Monica.
Hjólað til stjarnanna
Morgunblaðið/Arnaldur
FINNSKA flugfélagið Finnair hefur tilkynnt að
innan tíðar verði hægt að senda og taka á móti
tölvupósti um borð í sumum vélum þeirra og vafra
um á Netinu.
Búast forsvarsmenn flugfélagsins við að þessi
þjónusta standi farþegum til boða frá miðjum
febrúar á næsta ári en til að byrja með verður hún
einungis í boði í löngu flugi.
Flugfélagið lét gera könnun meðal viðskiptavina
sinna í viðskiptaerindum og kom í ljós að 70% af
þeim vilja gjarnan komast í samband við umheim-
inn með þessum hætti.
Farþegar um borð
geta sent tölvupóst
FRANKAR, lírur og mörk
munu brátt heyra sögunni til
því frá og með 28. febrúar á
næsta ári verður evran eini lög-
legi gjaldmiðillinn í öllum lönd-
um Evrópubandalagsins, utan
Danmerkur, Svíþjóðar og Bret-
lands sem munu enn um sinn
eingöngu nota krónur og pund.
Frá áramótum 2002 verður evr-
an alls staðar gjaldgeng í lönd-
unum tólf en einnig verður
hægt að nota gjaldmiðil hverrar
þjóðar í tvo mánuði eftir ára-
mótin til að fólk venjist breyt-
ingunni. Þó er Þýskaland þar
undanskilið en Þjóðverjar
hyggjast skipta alfarið yfir í
evru á miðnætti á gamlársdag.
Breytingin mun ganga mis-
hratt fyrir sig eftir löndum en
hvað hraðast í Þýskalandi þar
sem ókleift verður að fá þýsk-
um mörkum skipt í viðskipta-
bönkum eftir 28. febrúar. Þá
mun eingöngu seðlabanki lands-
ins skipta mörkum í evrur.
Breska tímaritið Traveller ráð-
leggur fólki að skipta eða eyða
gjaldeyri þessara landa fyrir
breytinguna. „Ég tel að breyt-
ingin verði fyrst og fremst til
þæginda fyrir fólk sem hyggst
ferðast um svæðið og væntan-
lega mun kostnaður vegna
gjaldeyrisskipta minnka þegar
sami gjaldmiðillinn gildir í öll-
um löndunum,“ segir Jóhannes
Baldursson gjaldeyrismiðlari
hjá Íslandsbanka.
Hann telur að breytingin
muni hafa meiri áhrif á íbúa
innan svæðisins sem séu jafnvel
daglega að keyra á milli land-
anna. „Heyrst hafa raddir um
að breytingin sé mjög erfið í
framkvæmd og hafa sumir látið
í ljós efasemdir um að hægt
verði að skipta yfir í evru svo
snögglega.“
Gjaldmiðlar tólf Evrópulanda víkja
fyrir evrunni á næsta ári
Ferðafólki ráðlagt
að skipta eða eyða
gjaldeyrinum
Reuters
Brátt verða eingöngu evrur gjaldgengar á götumörkuðum Parísarborgar.
Í BYRJUN júní tók til starfa
ný kajakleiga í Stykkishómi.
Kajakleigan Saga hefur til um-
ráða átta kajaka og býður upp
á hópferðir um eyjarnar. Ferð-
irnar eru farnar með leiðsögu-
manni en kajakarnir eru ekki
leigðir út stakir nema til vanra
kajakræðara.
Hægt er að fara af stað hvað-
an sem er í nágrenni Stykk-
ishólms. Áhugavert er að skoða
eyjarnar og fuglalífið sem er
mjög fjölskrúðugt á þessum
slóðum. Leiðsögumaður er Þor-
steinn Sigurlaugsson.
Leigan sér um að útvega
bátana, björgunarvesti, róðra-
stakk og svuntu. Mælt er með
að fólk taki með sér húfu, vett-
linga og ullarsokka. Boðið er
upp á stutt námskeið fyrir
hverja ferð þar sem fólki eru
kennd undirstöðuatriðin í með-
ferð kajaka.
Kajakleiga í
Stykkishólmi
Hægt er að hafa sam-
band við Kajakleiguna Sögu
í síma 855-5018 eða 690-
2877.
ÞAÐ sem af er árinu hafa Neyt-
endasamtökunum borist 22
kvartanir vegna ferðamála land-
ans, auk miklu fleiri fyrirspurna.
Ekki er hægt að sjá aukningu
milli ára undanfarin ár heldur
virðist fjöldi kvartana sveiflu-
kenndur. Að sögn Sesselju Ás-
geirsdóttur fulltrúa kvörtunar-
þjónustu Neytendasamtakanna
er alltaf nokkuð um fyrirspurnir
og kvartanir á þessum árstíma.
Einkum er þá kvartað yfir ferða-
lögum erlendis sem uppfylla ekki
væntingar fólks, en lítið sem ekk-
ert er kvartað vegna ferðalaga
innanlands.
Vegna ferðalaga erlendis er
einkum tvennt sem fólk kvartar
yfir. Annars vegar eru það hótelin
sem gist er á og finnst fólki þau
ekki uppfylla þau loforð sem þeim
hafa verið gefin af seljanda ferð-
arinnar. Hins vegar er um að
ræða kvartanir vegna breytinga á
flugtíma. Þar segir Sesselja að
fólk sé að spyrja um rétt sinn
gagnvart söluaðilunum en al-
mennt mega slíkar breytingar
ekki valda verulegu óhagræði fyr-
ir neytendur.
Að sögn Sesselju er ekki mikið
um eiginlegar kvartanir vegna
ferðalaga hérlendis. „Við fáum
samt fjölmargar fyrirspurnir og
upplýsum neytendur varðandi
rétt sinn. Ef mál eru þess eðlis að
frekari aðgerðir eru nauðsynleg-
ar er það tekið inn á borð hjá leið-
beiningar- og kvörtunarþjónustu
samtakanna og neytendur að-
stoðaðir við að leita réttar síns.“
Kvartað yfir hótelum
og breytingum á flugi
Morgunblaðið/Sverrir
FYRIR helgina var opnaður mjór, hár turn við vís-
indamiðstöðina í Glasgow. Turninn snýst um sjálfan
sig og er hæsti frístandandi turn Skotlands. Gott
útsýni er úr honum yfir borgina og næsta nágrenni
hennar..
Útsýnisturn í Glasgow
Nánari upplýsingar fást á slóðinni
www.gsc.org.uk.
Samstarf Flug-
leiða og Amtrak
Unnt að
kaupa
lestarmiða
um leið og
flugmiða.