Morgunblaðið - 09.12.2001, Qupperneq 29
LISTIR
MORGUNBLAÐIÐ SUNNUDAGUR 9. DESEMBER 2001 29
SAGAN af gíraffanum Gíra stýra
mun vera önnur í röðinni um Gíra
og vini hans Fróða fíl, Katrínu kan-
ínu, Grjóna grís og Maríu mýslu.
Þetta eru myndskreyttar sögur, eða
öllu heldur söguskreyttar myndir,
eftir Björku Bjarkadóttur, ætlaðar
börnum á aldrinum þriggja til sjö
ára – gæti ég trúað.
Í þessari sögu segir frá því þegar
Gíri á frí úr vinnunni (hann keyrir
strætó) og heldur vinum sínum
veislu heima í garði. Frásögnin
spannar einn dag: Gíri vaknar með
hálsríg, rekur sig uppundir (aum-
ingja gíraffinn að hafa svona langan
háls), undirbýr veisluna og bakar,
tekur á móti gestum í garðinum og
þegar byrjar að rigna sækir hann
tjald sem hann breiðir yfir veislu-
borðið og notar sinn langa háls sem
tjaldsúlu (þar kom hálsinn langi að
gagni). Hann kveður síðan gestina,
vaskar upp, fer að sofa og dreymir
um að hann sé sjálfur gestur í veislu
hjá Katrínu kanínu. Sagan er í
sjálfu sér hvorki frumleg né ýkja
áhrifarík enda eru það fyrst
og fremst myndirnar sem
gefa bókinni gildi. Það fer
líka ágætlega á því þar sem
það eru oft fyrst og fremst
myndirnar sem höfða til
yngstu njótenda bóka.
Myndir Bjarkar eru mjög
skemmtilegar og litríkar og
nostrað við smáatriði. Á
hverri opnu er eitthvað sem gleður
augað.
Persónurnar hafa hver sín per-
sónueinkenni, en mesta athygli
vakti Grjóni grís, græðgi hans og
subbuskapur og ókurteisi (hann
hámar í sig rjómatertu og gleymir
að kveðja og þakka fyrir
sig) vakti óskipta athygli
minna barna!
Hönnun og frágangur
bókarinnar er í flestu tilliti
til fyrirmyndar en þó má
benda á ósamræmi í staf-
setningu á nafni aðalper-
sónunnar, en nafn Gíra er
stafsett með ý (Gýri) á ein-
um stað. Kemur kannski ekki að sök
þegar fullorðnir lesa fyrir börnin, en
þó óþarfa villa í svo stuttri bók og
gæti vakið athygli barna sem sjálf
eru farin að stauta textann.
Skemmtilegur myndstíll
BÆKUR
Barnabók
Höfundur: Björk Bjarkadóttir. Mál og
menning 2001, 27. bls.
GÍRI STÝRI OG VEISLAN
Soffía Auður Birgisdóttir
Lokavitni er eftir
sakamálasagna-
höfundinn Patr-
iciu Cornwell í
þýðingu Atla
Magnússonar.
Í kynningu segir
m.a.: „Einhver
leggur Beryl Madi-
son í einelti.
Skelfingu lostin flýr Beril til eyj-
arinnar Key West við strönd Flórída
– en um síðir verður hún að snúa á
ný til Richmond. Sama kvöldið og
hún kemur heim gerist það óskilj-
anlega – hún býður morðingjanum
inn til sín...
Þar með hefst rannsókn Kay
Scarpetta á glæp sem er jafn flók-
inn og hann er óhugnanlegur. .“
Útgefandi er Muninn bókaútgáfa.
Bókin er 280 bls. Verð: 3.480 kr.
Spenna
Handskornar lík-
kistur, sann-
söguleg frásögn af
bandarískum
glæp eftir banda-
ríska rithöfundinn
Truman Capote
(1924 – 1984), er
í íslenskri þýðingu
Guttorms H. Jó-
hannessonar sem einnig ritar formála
að henni.
Í kynningu segir m.a.: „Saga þessi
greinir frá furðulegum morðum sem
framin voru í bæ einum í Miðvesturríkj-
unum á áttunda áratugnum. Sagan er
þrungin dulúð og spennu frá upphafi
til enda og ljóst að skáldlegt ívaf skip-
ar þar veigamikinn sess; kemur það
einna best fram í úthugsaðri persónu-
sköpun sögunnar. Hún lýsir afburða-
vel hugarheimi óvenjulegs morðingja
og angist rannsóknarlögreglumanns-
ins sem málið heltekur.
Einna þekktastur er Truman Capote
fyrir Með köldu blóði (In Cold Blood)
sem kom út árið 1966.“
Útgefandi er Arnargrip (netfang:
guttorm@isl.is). Bókin er 107 bls.,
prentuð í Fjölritunarstofu Daníels Hall-
dórssonar.
Glæpasaga
Skriðdýrastofan
er eftir Lemony
Snicket, í þýðingu
Helgu Soffíu Ein-
arsdóttur. Þetta er
önnur bókin í
bókaflokknum Úr
bálki hrakfalla eft-
ir Snicket. Bæk-
urnar fjalla um af-
skaplega óheppin systkini sem missa
foreldra sína og flækjast á milli und-
arlegra ættingja. Í Skriðdýrastofunni
er þeim komið fyrir hjá nýjum ættingja,
skriðdýrafræðingnum Montgomory
Montgomory, þar sem hversdagurinn
snýst um eiturnöðrur og skröltorma.
Útgefandi er Mál og menning. Bókin
er 204 bls., prentuð í Svíþjóð. Brett
Helquist myndskreytir bókina með
ævintýralegum teikningum. Verð:
1.890 kr.
Börn