Morgunblaðið - 08.03.2002, Qupperneq 4

FRÉTTIR
4 FÖSTUDAGUR 8. MARS 2002 MORGUNBLAÐIÐ
ALLS voru 287 tímabundnar verk-
efnanefndir á vegum ríkisins að
störfum á árinu 2000. Fjöldi nefnd-
armanna í þessum nefndum var
1.502 eða ríflega fimm nefndarmenn
að meðaltali í hverri nefnd, skv.
nýrri úttekt Ríkisendurskoðunar á
nefndum, ráðum og stjórnum á veg-
um ríkisins.
Við skoðun Ríkisendurskoðunar á
nokkrum tímabundnum verkefna-
nefndum kom í ljós að nokkuð vant-
aði upp á að þeim væri settur
ákveðinn tímarammi. Stofnunin
gagnrýnir þetta í skýrslu sinni og
segir nauðsynlegt að tímabundnum
verkefnanefndum séu alltaf sett
tímamörk og mikilvægt sé að slíkar
nefndir hafi fullmótaða og skýra
verk- og markmiðslýsingu. „Nauð-
synlegt er að skipunaraðili fylgist
með vinnu nefndarinnar og geti ef
hann telur nefndina ekki vera að
sinna sínu verkefni gripið inn í. Eins
er virkt eftirlit nauðsynlegt til að
skipunaraðili geti fylgst með hvort
tímamörk muni standast. Ríkisend-
urskoðun telur að stundum skorti
nokkuð á að fylgst sé með að tíma-
mörk haldist,“ segir í skýrslunni.
41 tímabundin nefnd á vegum
landbúnaðarráðuneytis
Flestar tímabundnar verkefna-
nefndir störfuðu á vegum landbún-
aðarráðuneytisins á árinu 2000 eða
41 nefnd, sem er 14,3% af heild-
arfjölda þeirra. Næst kom mennta-
málaráðuneytið með 37 tímabundn-
ar verkefnanefndir.
Ekki veittar upplýsingar
um nefndirnar
Eins og greint var frá í Morg-
unblaðinu í gær valdi Ríkisendur-
skoðun 51 nefnd úr hópi allra
nefnda sem störfuðu á vegum rík-
isins árið 2000 til að kanna hvernig
starfi þeirra væri háttað. Kom í ljós
að 18% þessara nefnda eða níu
nefndir alls störfuðu ekkert á árinu
og skiluðu engum árangri. Sigurður
Þórðarson ríkisendurskoðandi segir
að ekki verði veittar upplýsingar
um hvaða nefndir er að ræða enda
hafi verið um úrtakskönnun að
ræða.
Að sögn Sigurðar var staðið
þannig að vali þessarar 51 nefndar í
úrtakið að þær væru þverskurður
allra nefnda, ráða og stjórna sem
störfuðu á vegum ríkisins. Aðspurð-
ur sagði hann að það mætti því
draga þá ályktun að sama hlutfall
nefnda (18%) og fram kom í könn-
uninni að skiluðu engum árangri
ætti við um nefndarstarf ríkisins í
heild sinni. Ekkert væri þó hægt að
fullyrða um slíkt. Alls voru 910
nefndir, ráð og stjórnir á vegum
ríkisins á árinu 2000 og ef niður-
stöður úrtakskönnunar Ríkisendur-
skoðunar endurspegla stöðu mála
hjá þeim öllum hafa 164 nefndir eða
18% af heildinni ekkert starfað á
árinu og engum árangri skilað.
Gagnrýni í skýrslu Ríkisendurskoðunar um nefndir, stjórnir og ráð
Tímabundnum nefndum
ekki alltaf sett tímamörk
HÚN hefur væntanlega farið
hægt niður slakkann í hálkunni
þessi bifreið sem var á leið frá
Grindavík, handan Þorbjarnar-
fellsins, en ekki er nákvæmlega
vitað hvert för bílstjórans var
heitið.
Mörgum kann að þykja lands-
lagið á þessu svæði fremur
hrjóstrugt en eigi að síður skrif-
aði Guðbergur Bergsson rithöf-
undur svo um uppvaxtarþorp sitt:
„Á þessum litla grýtta mel sem ég
hef núna í huga dró ég þegar ég
var barn frumdrögin að fegurð-
arsmekk mínum.“ Morgunblaðið/RAX
Hin
hrjóstruga
fegurð
TÆPLEGA fertug kona var úr-
skurðuð í tveggja vikna gæsluvarð-
hald í Héraðsdómi Reykjavíkur í
gær að kröfu lögreglunnar í
Reykjavík vegna alvarlegs hníf-
stungumáls á Grettisgötu í fyrra-
kvöld. Konan er grunuð um að hafa
stungið karlmann um fimmtugt
með hnífi með þeim afleiðingum að
hann hlaut alvarlega áverka. At-
burðurinn átti sér stað í íbúð við
Grettisgötu um kl. 21.30. Hinn slas-
aði var fluttur á slysadeild þar sem
hann gekkst undir skurðaðgerð og
er hann á góðum batavegi á gjör-
gæsludeild spítalans. Hann hlaut
mörg stungusár, á bol og höfði.
Lögreglan handtók konuna í
íbúðinni, en hún er skráð þar til
heimilis ásamt manninum. Vitni
voru að atburðinum og tilkynntu
þau hann strax til lögreglunnar.
Í gæslu-
varðhaldi
vegna hníf-
stungu
ÚRSKURÐARNEFND um við-
skipti við fjármálafyrirtæki fékk 17
mál til skoðunar á síðasta ári og að
sögn Guðjóns Ólafs Jónssonar, lög-
manns og formanns nefndarinnar,
hefur fjöldi mála aldrei verið meiri
frá því að nefndin tók til starfa fyrir
sjö árum.
Eitt fyrirtæki kom oftar
við sögu en önnur
Aðallega voru þetta einstaklingar
sem kvörtuðu vegna viðskipta með
verðbréf og að sögn Guðjóns kom
eitt fyrirtæki oftar við sögu í þess-
um málum en önnur. Sagðist hann
ekki mega upplýsa um hvaða fyr-
irtæki væri að ræða og kemur það
heldur ekki fram á vefsíðu Fjár-
málaeftirlitsins, þar sem úrskurð-
irnir eru birtir. Aðeins eitt mál hef-
ur komið til kasta nefndarinnar það
sem af er þessu ári.
Sex málum vísað frá
nefndinni á síðasta ári
Af þessum 17 málum á síðasta ári
var 6 þeirra vísað frá nefndinni, í 5
málum var kröfum einstaklinga og
lögaðila hafnað og í 6 málum þurftu
fjármálafyrirtæki að greiða við-
skiptavinum sínum bætur, allt frá
hálfri milljón og upp í 1,7 milljónir
króna. Að sögn Guðjóns fór ekkert
þessara mála til dómstóla en máls-
aðilar eiga rétt á að leita þangað
sætti þeir sig ekki við úrskurði
nefndarinnar.
Ef fjármálafyrirtækin hreyfa
ekki mótmælum innan tveggja
vikna frá uppkvaðningu úrskurðar
ber þeim að verða við honum.
„Nokkur málin voru vegna verð-
bréfaviðskipta í framvirkum samn-
ingum, sem teljast mjög áhættu-
söm viðskipti. Fjárhæðir í þessum
málum hafa hlaupið á milljónum
króna sem eintaklingar hafa tapað
og vilja þeir þá meina að fjármála-
fyrirtækin beri ábyrgð á því tapi.
Svo er þó ekki í öllum tilvikum
eins og úrskurðir nefndarinnar
sýna,“ sagði Guðjón Ólafur.
Ódýr kæruleið
fyrir báða aðila
Hann sagði að fjöldi mála í fyrra
væri óvenjumikill. Fram að þeim
tíma hefði verið algengt að 4–8 mál
bærust nefndinni á ári. Fjármála-
fyrirtækin væru duglegri en áður
að benda viðskiptavinum á þessa
leið, ef þeir sættu sig ekki við út-
komu viðskiptanna. Guðjón sagði að
þetta væri ódýr kæruleið fyrir báða
aðila en sá sem kvartar þarf að
greiða 5 þúsund króna málskots-
gjald og fær það endurgreitt ef sig-
ur vinnst að hluta eða öllu leyti.
Fjármálafyrirtækin fjármagna svo
störf nefndarinnar, sem að öðru
leyti er vistuð hjá Fjármálaeftirlit-
inu.
Aðeins einstaklingar gátu leit-
að til nefndarinnar fyrir 2000
Þar til að starfsreglum nefnd-
arinnar var breytt árið 2000 og
fleiri samtök fjármálafyrirtækja
komu að henni, gátu aðeins ein-
staklingar leitað til hennar. Nú
geta bæði einstaklingar og lögaðil-
ar kvartað ef viðkomandi telja sig
hafa verið hlunnfarna í viðskiptum
við fjármálafyrirtækin. Nefndin
fjallar ekki um ágreining sem
heyrir undir stjórnvöld og ekki um
kröfu viðskiptamanns sem ekki
verður metin til fjár, ekki um
breytingar á almennri gjaldtöku
fjármálafyrirtækja og ekki um
ágreiningsmál sem eru til með-
ferðar almennra dómstóla eða
gerðardóms. Afgreiðslutími mála
hjá nefndinni er að meðaltali átta
vikur enda skal úrskurður liggja
fyrir innan fjögurra vikna frá því
að öll gögn hafa borist sem tengj-
ast viðkomandi máli.
Sautján mál til skoðunar í fyrra
Metfjöldi mála hjá
úrskurðarnefnd
LAGABREYTINGU þarf til að færa
umráð eignarhalds ríkisins á Land-
síma Íslands hf. frá samgönguráð-
herra til fjármálaráðherra, en sam-
göngurráðherra nefndi það við um-
ræður á Alþingi í fyrradag að til
greina kæmi að fjármálaráðherra
færi með eignarhlut ríkisins í Síman-
um, en hann er á forræði samgöngu-
ráðherra.
Jakob Falur Garðarsson, aðstoð-
armaður samgönguráðherra, sagði
að þetta væri algerlega ótengt aðal-
fundi Símans sem hefur verið ákveð-
inn á mánudaginn kemur. Sam-
gönguráðherra myndi fara með hlut
Símans þar.
Jakob sagði að engin ákvörðun
lægi fyrir um þessa tilfærslu. Á sín-
um tíma hefði þetta fyrirkomulag
ekki verið óeðlilegt, en velta mætti
því fyrir sér nú hvort eðlilegt væri að
samgönguráðherra færi með eignar-
hlut í einu fyrirtæki á sama tíma og
hann væri að setja lög og reglur um
fjarskiptamarkaðinn í heild sinni.
Miklu eðlilegra væri að fjármálaráð-
herrann færi með eignarhlut ríkisins
í fyrirtækjum almennt.
Jakob sagði að fyrir lægi að skipt
yrði um stjórn Landsíma Íslands hf.
í heild sinni á aðalfundinum á mánu-
dag, en ekkert væri hægt að gefa
upp um mögulega nýja stjórnar-
menn að svo komnu.
Laga-
breytingu
þarf til
Fjármálaráðherra fari
með eignarhald Símans
HÉRAÐSDÓMUR Norður-
lands eystra hefur dæmt fer-
tugan karlmann í 30 daga skil-
orðsbundið fangelsi fyrir brot á
vopnalögum. Voru gerð upp-
tæk vopn í eigu hans, m.a. fjór-
ar haglabyssur, þrír rifflar,
skammbyssa, lásbogi, bogi og
örvar, hnífur með 16 cm blaði
og sveðja með 68 cm hnífsblaði.
Ennfremur voru nokkur
hundruð skot gerð upptæk með
dómi.
Í niðurstöðu dómsins kemur
fram að maðurinn hafi aldrei
haft skotvopnaleyfi þrátt fyrir
vopnaeignina. Maðurinn hélt
því fram að vopnin væru safn-
gripir og sagðist nota þau lítið.
Hann aflaði sér hins vegar ekki
leyfis hjá ríkislögreglustjóra
fyrir vopnasöfnun. Þá taldi
dómari að vopnin hefðu ekki
sérstakt söfnunargildi þar sem
þau væru hvorki mjög gömul,
að einu þeirra undanskildu, né
hefðu þau sérstök tengsl við
sögu lands og þjóðar.
Halldór Halldórsson dóm-
stjóri kvað upp dóminn. Verj-
andi ákærða var Hilmar Ingi-
mundarson hrl. Málið sótti
Þórhallur Haukur Þorvaldsson,
settur lögreglustjóri.
Skilorðs-
bundið
fangelsi fyr-
ir ólöglega
vopnaeign