Morgunblaðið - 09.03.2002, Blaðsíða 22
VIÐSKIPTI/ATHAFNALÍF
22 LAUGARDAGUR 9. MARS 2002 MORGUNBLAÐIÐ
HAGNAÐUR Delta-samstæðunnar
á árinu 2001 var tvöfalt meiri en
áætlanir gerðu ráð fyrir. Hagn-
aðurinn nam 813 milljónum króna
eftir skatta en áætlaður hagnaður
var 395 milljónir. Á árinu 2000 var
hagnaðurinn 222 milljónir króna og
jókst hann því um 266% milli ára.
Róbert Wessman, forstjóri Delta,
segir að reksturinn hafi gengið
mjög vel og árið í fyrra sé besta ár
félagsins frá upphafi. Reksturinn
og starfsemin hafi verið styrkt á
undanförnum árum sem og sölu-
starfið og þróunarverkefnum hafi
verið fjölgað mikið. Þessi vinna sé
að skila sér.
Rekstrartekjur ársins jukust um
156% milli ára en rekstrargjöld um
141%. Fjármagnsgjöld ársins námu
313 milljónum króna en þær nærri
tvöfölduðust frá fyrra ári. Meðal
fjármagnsgjalda ársins er um 187
milljóna gengistap.
Rekstur dótturfélaga Delta hf.
skilaði 124 milljóna króna hagnaði
á árinu og var það í samræmi við
áætlanir félaganna. Þau félög sem
um ræðir eru: Medís ehf. og NM
Pharma ehf. á Íslandi, Pharmamed
á Möltu, en Delta tók við rekstri fé-
lagsins um mitt síðasta ár, Medis
Ltd. á Mön og Medis AS í Dan-
mörku.
Áhrifa Pharmamed á rekstr-
arreikning samstæðunnar gætir á
seinni hluta ársins en eignir og
skuldir félagsins koma fram að
fullu í árslok.
Um 20 lyf seld til 20 landa
Í tilkynningu frá Delta segir að
framleiðsla félagsins í Hafnarfirði
og Borgartúni á síðasta ári hafi
verið umsvifamikil. Töluvert hafi
verið fjárfest í tækjum sem muni
auka afköst verksmiðjunnar í Hafn-
arfirði verulega. Stærsta breyt-
ingin í framleiðslu á árinu hafi ver-
ið kaupin á Pharmamed á Möltu,
sem sé vel tækjum búin og geri fé-
laginu kleift að yfirfæra lyf frá Ís-
landi þangað í framleiðslu. Sameig-
inleg framleiðslugeta
samstæðunnar er nú um 3,5 millj-
arðar taflna.
Á árinu fóru tvö ný lyf á markað
erlendis, þ.e. ofnæmislyfið Cípróf-
loxasín og ofnæmislyfið Loratad-
ine. Í tilkynningunni segir að sala
þessarra lyfja hafi farið fram úr
áætlun auk þess sem sala erlendis á
hjartalyfjunum Lísinopril og Ena-
lapril hafi gengið vel.
Aukin umsvif á næstu árum
Umsvif Delta hafa tæplega sjö-
faldast frá árslokum 1998 og selur
fyrirtækið nú um 20 lyf til 20 landa.
Rekstraráætlanir Delta samstæð-
unnar gera ráð fyrir auknum um-
svifum næstu árin. Í tilkynningunni
segir að á árinu 2002 verði lögð
áhersla á yfirfærslu verkefna til
Möltu þar sem framleiðslukostn-
aður og viðskiptaumhverfi séu fé-
laginu hagstæð. Fyrirhuguð sam-
eining félagsins við Omega Farma
og kaupin á danska markaðs-
fyrirtækinu United Nordic Pharma
renni enn styrkari stoðum undir
rekstur félagsins. Ennfremur sé
markmið félagsins að efla enn frek-
ar þróunar- og sölustarfsemina.
Stofnun þróunarfyrirtækisins
Delta R&D á næstu vikum, opnun
söluskrifstofu í Þýskalandi og opn-
un innkaupaskrifstofu á Indlandi
séu verkefni sem farið verði í á
þessu ári. Einnig verði unnið áfram
að markaðssókn inn á Bandaríkja-
markað.
Félagið stefnir að því að ljúka 8–
10 þróunarverkefnum á ári og er
stefnt að því að um 25 ný lyf fari á
markað til ársloka árið 2005.
Aðalfundur Delta verður haldinn
19. mars næstkomandi. Stjórn fé-
lagsins mun leggja fram tillögu um
15% arðgreiðslu til hluthafa.
Hagnaður
tvöfalt meiri en
áætlað var
!"!
# $#
%&
'#("
'#(
# ($)
#%#
($!
#$*
$+
#,&
! "
! "
! "
LANDSBANKI Íslands hf. skilaði
1.749 milljóna króna hagnaði í
fyrra, sem er 83% aukning frá
fyrra ári. Reiknaðir skattar bank-
ans voru jákvæðir um 9 milljónir
króna í fyrra, en árið á undan
greiddi bankinn 518 milljónir króna
í skatta. Ástæða þessarar tekju-
færslu skatta í fyrra er meðal ann-
ars lækkun tekjuskattshlutfalls fyr-
irtækja úr 30% í 18%. Arðsemi
eigin fjár eftir skatta batnaði mikið,
fór úr 8,1% árið 2000 í 13,1% í
fyrra, sem er umfram arðsemis-
markmið þess árs, en áætlunin
gerði ráð fyrir 8%–11% arðsemi. Sú
arðsemi sem náðist er hins vegar í
samræmi við þau markmið sem
bankinn hefur um næstu ár, en arð-
semismarkmiðin hafa verið hækkuð
í 13–16%.
Eins og sjá má í meðfylgjandi
töflu var minni munur á afkomu
fyrir skatta en eftir skatta og arð-
semin fyrir skatta batnaði því
minna en arðsemin eftir skatta, eða
úr 12,7% árið 2000 í 13,9% í fyrra.
Viðskiptabankastarfsemi Lands-
bankans skilaði góðri afkomu og
hreinar vaxtatekjur jukust um
46%. Vaxtamunur, sem er hreinar
vaxtatekjur í hlutfalli við meðal-
stöðu heildarfjármagns, hækkaði
milli ára úr 2,9% í 3,5%, en fara
þarf aftur til ársins 1997 til að sjá
svo mikinn vaxtamun. Skýringin á
þessum aukna vaxtamun er aðal-
lega sú að bankinn á meira af verð-
tryggðum eignum en skuldum, og
þess vegna hækkuðu vaxtatekjur
meira en vaxtagjöld við verðbólgu-
skotið í fyrra.
Árið 2001 urðu meðal annars
þær breytingar á samstæðu Lands-
bankans að Landsbankinn-Fram-
tak hf. sameinað Landsbankanum-
Fjárfestingu hf., en með því hætti
Landsbankinn beinni þátttöku í
framtaksfjárfestingum. Þess í stað
tekur hann nú þátt í slíkum fjár-
festingum í gegnum þriðja aðila,
svo sem Íslenska hugbúnaðarsjóð-
inn hf.
Gengistap af hlutabréfum
1,9 milljarðar króna
Gengistap af hlutabréfum nam
1.927 milljónum króna í fyrra, en
hagnaður af hlutabréfum nam 56
milljónum króna árið 2000 og er
neikvæður viðsnúningur gengis-
munar hlutabréfa því tæplega 2
milljarðar króna. Þrjár skýringar
eru á gengistapinu í fyrra. Í fyrsta
lagi almenn lækkun hlutabréfa-
verðs á mörkuðum. Í öðru lagi
gengislækkun eignarhluta sam-
stæðunnar í félögum í upplýsinga-
tækni, fjarskiptum og líftækni, og í
þriðja lagi hefur bókfært verð
hlutabréfa í óskráðum félögum ver-
ið fært niður í þeim tilvikum þar
sem raunverð hefur verið talið
lægra en framreiknað kostnaðar-
verð.
Gengishagnaður af gjaldeyrisvið-
skiptum var rúmum tvö hundruð
milljónum króna minni í fyrra en
árið 2000, og nam 118 milljónum
króna. Jákvæður viðsnúningur var
hins vegar í markaðsskuldabréfum,
þar sem 508 milljóna króna tap árs-
ins 2000 snerist í 105 milljóna
króna hagnað í fyrra.
Samanlagt var gengismunur af
hlutabréfum, gjaldeyrisviðskiptum
og markaðsskuldabréfum mun nei-
kvæðari í fyrra en árið á undan. Í
fyrra var gengistapið 1,7 milljarðar
króna, en rúmar eitt hundrað millj-
ónir króna árið 2000.
Þróun þóknunartekna er jákvæð,
þær aukast um sjö hundruð millj-
ónir króna milli ára.
Kostnaðarhlutfall Landsbankans,
sem er hlutfallið milli rekstrar-
gjalda og rekstrartekna, lækkaði
milli ára úr 71,5% í 66,2%, sem er
jákvæð þróun, en markmið bank-
ans er að hlutfallið verði undir 65%
í ár og undir 63% á næsta ári.
Framlög í afskriftareikning út-
lána aukast um tæplega einn millj-
arð króna í 2,3 milljarða króna,
sem er 1,2% af meðalstöðu útlána,
en í fyrra var þetta hlutfall 0,9%.
Útlán bankans jukust um 18% og
námu 199 milljörðum króna í árslok
2001. Þegar litið hefur verið til
áhrifa af lækkun krónunnar á
gengisbundin útlán og áhrifa verð-
bólgu á verðtryggð útlán nemur
raunaukning útlána rúmum 7% í
fyrra. Afskriftareikningur útlána
nam 4,8 milljörðum króna í lok árs-
ins 2001, sem er 2,3% af heildarútl-
ánum. Ári áður var þetta hlutfall
2,1%.
Starfsmenn fá einstaklingsbundnar
kaupaukagreiðslur
Bankaráð Landsbankans ákvað í
ljósi rekstrarniðurstöðu ársins 2001
að verja hluta af hagnaði bankans
umfram 13% arðsemi, eða um 40
milljónum króna, til kaupauka-
greiðslna til starfsmanna. Kaup-
aukinn verður að meðaltali 60 þús-
und krónur, en fjárhæðin getur
legið á bilinu 40–90 þúsund króna
eftir starfsmati hvers og eins
starfsmanns samkvæmt árangurs-
stjórnunarkerfi bankans.
„Ég tel afkomuna mjög vel við-
unandi miðað við aðstæður á mörk-
uðum á árinu 2001,“ segir Halldór
J. Kristjánsson, bankastjóri Lands-
bankans. „Það er ánægjulegt að sjá
hvað viðskiptabankastarfsemin
skilar góðri arðsemi og það er einn-
ig ánægjulegt að sjá að útrás okkar
er að heppnast afar vel og afkoma
Heritable-bankans er yfir áætlun-
um og sú besta um langt árabil.
Það er athyglisvert að 14% af
hagnaði Landsbankasamstæðunnar
kemur nú frá erlendum eignum.
Reikningurinn einkennist af því
að vegna efnahagsástandsins hefur
þurft að leggja töluvert hærra
framlag í afskriftareikning útlána
en á fyrra ári. Við teljum hins veg-
ar teikn á lofti um að efnahags-
lægðin verði ekki löng og að það
versta sé að baki í þeim efnum. Ár-
ið byrjar vel, markaðir eru að taka
við sér og við erum bjartsýn á yf-
irstandandi ár.
Það sem við tilkynnum sérstak-
lega um samhliða þessu uppgjöri er
að við höfum breytt arðsemismark-
miðum okkar til lengri tíma. Fyrst
eftir að bankinn fór á markað
haustið 1998 settum við fram til-
tölulega hófleg arðsemismarkmið,
eða á bilinu 9%–12%, á meðan unn-
ið yrði að breytingum á bankanum.
Nú er árangurinn af hagræðing-
unni að koma í ljós og við teljum
þess vegna að endurskilgreina beri
arðsemismarkmiðin til næstu ára.
Arðsemismarkmiðin verða 13%–
16% og það er sú arðsemi eigin fjár
sem við spáum fyrir árið í ár.“
Tillaga um 500 milljóna
króna hlutafjáraukningu
Bankaráð Landsbankans mun
leggja til við aðalfund 21. þessa
mánaðar, að greiddur verði 10%
arður, sem svarar til um 40% af
hagnaði ársins. Jafnframt mun það
leggja til að því verði veitt heimild
til 500 milljóna króna hlutafjár-
aukningar að nafnverði til að skapa
svigrúm fyrir aukinn vöxt. Hlutafé
bankans er nú rúmir 6,8 milljarðar
króna.
Hlutabréf í Landsbankanum
hækkuðu um 5,6% í rúmlega 70
milljóna króna viðskiptum í gær.
Lokagengi var 3,80.
Landsbankinn
hagnaðist um
1.749 milljónir
króna í fyrra
-
#$
.
/
0
/ 1
2
/1
34 56
7
8
! &(*
#$ &&!
%
& "&(
%
% ##)
# &$!
%
'(#)
'&#
( *((
#& *&"
' *#)
"(
),%+
),#+
# !(
&
! "
! "
Arðsemi eigin fjár bankans eykst
úr 8,1% í 13,1% á milli ára
ENN og aftur hafa orðið breyt-
ingar í æðstu stjórn netbankans
Basisbank í Danmörku. Svíinn Pet-
er Andersson, sem tók við starfi
framkvæmdastjóra fyrir réttu ári,
hefur vikið úr því sæti og Ole
Klitgaard, sem einnig hefur gegnt
stöðu framkvæmdastjóra, verður
nú einn í því starfi, þótt einungis
séu um þrjár vikur þar til afkoma
fyrsta heila árs bankans verður
kynnt. Frá þessu er greint í
danska viðskiptablaðinu Börsen í
gær.
Haft er eftir stjórnarformanni
bankans, Michael Eide, að ástæðan
fyrir þessari breytingu sé sú að
Peter Andersson hafi haft það
hlutverk að koma rekstri bankans í
lag og tryggja að viðskiptavinirnir
héldu tryggð við hann. Það verk-
efni hafi tekist vel og því hafi verið
kominn tími til að huga að rekstr-
inum að nýju. Ole Klitgaard hafi
verið valinn til að sinna því verk-
efni. Peter Andersson mun gegna
störfum ráðgjafa á uppsagnartím-
anum, að því marki sem þörf er á
því, að sögn stjórnarformannsins.
Ole Klitgaard var ráðinn til
starfa hjá Basisbank sumarið 2001.
Íslandsbanki-FBA var meðal
stofnenda Basisbank en bankinn
tók til starfa í september 2000.
Fram-
kvæmda-
stjóraskipti
hjá Basis-
bank