Morgunblaðið - 03.12.2002, Blaðsíða 8
FRÉTTIR
8 ÞRIÐJUDAGUR 3. DESEMBER 2002 MORGUNBLAÐIÐ
Svona, úr stuttbuxunum og í „dressmanninn“.
Jól í miðbæ og Vetrarhátíð
Margt og mikið
framundan
TEKIN er til starfasérstök deild innanHöfuðborgarstofu
sem hefur með viðburði að
gera. Höfuðborgarstofa
sinnir ferða- og kynningar-
málum Reykjavíkurborgar
auk þess sem hlutverk
hennar er að halda utan um
skipulagningu ýmissa við-
burða í borginni. Sif Gunn-
arsdóttir er verkefnisstjóri
umræddrar deildar.
– Segðu okkur eitthvað
um þessa nýju stöðu.
„Hlutverk Höfuðborgar-
stofu er margþætt, en
verkefnisstjóri viðburða
mun meðal annars hafa
umsjón með framkvæmd
og skipulagningu lykilvið-
burða svo sem menningar-
nætur og vetrarhátíðar og
halda utan um og kynna árlegt Við-
burðadagatal Reykjavíkur.“
– Næst á döfinni?
„Fyrsti viðburðurinn sem Höf-
uðborgarstofa tekur þátt í að
skipuleggja er fjölbreytt jóladag-
skrá í miðbæ Reykjavíkur. Sunnu-
daginn 8. desember verða ljósin
kveikt á norska jólatrénu á Aust-
urvelli með tilheyrandi hátíðar-
höldum, kórsöng, bæði íslenskum
og norskum og skemmtilegum
jólasveinum. Klukkan 13 sama dag
verður í samstarfi við Þróunar-
félag miðborgarinnar og fram-
kvæmdastjóra miðborgarinnar
opnaður jólamarkaður á Lækjar-
torgi í fyrsta skipti en þar verða
tæplega 30 afar ólíkir sölubásar
með jólalegan varning sem ekki er
annars staðar á boðstólum. Mark-
aðurinn verður opinn sunnudag-
ana 8., 15. og 22. desember, auk
Þorláksmessu. Markaðir af þessu
tagi þekkjast víðast hvar erlendis
og þessi mun vafalaust punta upp á
jólalegan miðbæ Reykjavíkur í
desember. Á markaðnum verða
einnig uppákomur af ýmsu tagi,
hvern sunnudag heimsækir prest-
ur markaðinn og heldur stutta
hugvekju fyrir gesti og gangandi,
kórar munu syngja og bæði rithöf-
undar og tónlistarmenn kynna
verk sín.“
– Hermt er að Hressó gamli
komi sterkur inn í jóladagskrána,
hvað viltu segja um það?
„Litlu jólin í miðbænum verða á
Hressó. Þar verður skemmtileg
dagskrá fyrir alla aldurshópa
klukkan 16 til 18 alla daga frá 8.–
23. desember. Frá 8.–23.desember
verður notaleg stemning á Hressó
auk þess sem boðið verður upp á
skemmtilega dagskrá fyrir alla
aldurshópa. Garðurinn verður fal-
lega skreyttur, börn eru velkomin í
barnahornið og gestir geta
skemmt sér yfir upplestri, fjöl-
breyttum tónlistaratriðum og
fleiru og að sjálfsögðu verður hægt
að gæða sér á kakói og einhverju
saðsömu og sætu með því frá
klukkan 14 til 18.“
– Þú nefndir Vetrarhátíðina …
„Já, undirbúningur Vetrarhátíð-
ar í Reykjavík er hafinn. Vetrarhá-
tíð í Reykjavík verður
haldin í annað sinn dag-
ana 27. febrúar til 2.
mars á næsta ári, en
ráðgert er að gera hana
að árvissum viðburði
sem lífgi upp á borgarlífið á vetr-
armánuðum á sama hátt og menn-
ingarnótt lýsir mannlífið upp í
sumarlok. Höfuðborgarstofa
stendur að heildarskipulagi og
kynningu dagskrár fyrir hönd
Reykjavíkurborgar. Hátíðin mun
fagna ljósi og vetri og dagskráin
tengist menningu og listum, orku
og atvinnulífi, félags- og skóla-
starfi, útivist, íþróttum, leikjum,
umhverfi og sögu. Matarveislan
Food and Fun verður haldin í
Reykjavík á sama tíma og í sam-
einingu munu þessir viðburðir
kæta bæði líkama og sál íbúa og
gesta höfuðborgarinnar.“
– Eitthvað fyrir alla?
„Að því er stefnt. Vetrarhátíðin
er fyrir alla. Leitast verður við að
dagskráin endurspegli fjölbreytt
mannlíf borgarinnar er dag tekur
að lengja. Stefnt er að því að allar
helstu menningar- og mennta-
stofnanir á höfuðborgarsvæðinu
taki þátt í hátíðinni með einum eða
öðrum hætti. Fleiri verða hvattir
til þátttöku, til að mynda íþrótta-
félög, samtök listamanna, hverfa-
samtök, verslanir, veitingastaðir
og fjölmiðlar svo einhverjir séu
nefndir.“
– Snýst þetta allt um miðborg-
ina?
„Þótt miðborg Reykjavíkur
verði í sviðsljósinu sem miðpunkt-
ur hátíðarinnar þá heldur hún sig
ekki einungis vestan lækjar, held-
ur breiðist út um alla borg og
stefnt er að því að nota söfn,
íþróttahallir og sundstaði borgar-
innar, Fjölskyldugarð, skíðasvæði
og skautahöll svo eitthvað sé
nefnt.“
– Segðu okkur aðeins meira frá
dagskránni á Austurvelli.
„Það er margra ára hefð fyrir
því að fólk flykkist á Austurvöll til
að fylgjast með því þegar ljósin eru
kveikt á Óslóartrénu svokallaða.
Að venju mun Lúðrasveit Reykja-
víkur taka á móti fólki og Dómkór-
inn síðan ljá samkomunni hátíðleg-
an blæ. Í þetta sinn er það Erling
Lae forseti borgarstjórnar í Ósló
sem afhendir okkur
formlega tréð og sem
aukagjöf fáum við í
heimsókn norska kór-
inn Sölvguttene, eða
Silfurstrákana, og þeir
ætla bæði að syngja einir og með
Dómkórnum. Að sjálfsögðu heim-
sækja okkur líka nokkrir kátir
jólasveinar og þegar þeir hafa
sprellað svolítið með okkur og
sungið, fáum við að sjá brot úr leik-
sýningunum Honk frá Leikfélagi
Reykjavíkur og Með fullri reisn frá
Þjóðleikhúsinu, þannig að allir
ættu að geta haft gaman af þessari
dagskrá.“
Sif Gunnarsdóttir
Sif Gunnarsdóttir er verkefn-
isstjóri viðburða hjá Höfuðborg-
arstofu, var áður aðstoðarfram-
kvæmdastjóri Gerðubergs. Sif
hefur BA-próf í dönsku frá Há-
skóla Íslands 1990 og cand. mag.-
próf í menningarfræðum frá Há-
skólanum í Óðinsvéum 1996. Sif
á eina dóttur, Áróru Arnardótt-
ur, en sambýlismaður er Ómar
Sigurbergsson innanhúss-
arkitekt.
… heldur
breiðist út um
alla borg
HÉRAÐSDÓMUR Reykjaness
dæmdi í gær 27 ára karlmann í sex
mánaða fangelsi og til að greiða
BYKO rúmlega 400.000 krónur í
bætur fyrir að svíkja vörur út úr
versluninni. Þá var hann dæmdur
fyrir að stela fjarstýringu fyrir
DVD-spilara úr verslun Hagkaupa.
Þegar maðurinn stal fjarstýring-
unni rauf hann skilorð vegna þriggja
mánaða skilorðsbundins fangelsis-
dóms fyrir fjársvik. Fjársvikin í
BYKO voru á hinn bóginn framin áð-
ur en maðurinn var dæmdur. Því var
dæmt fyrir öll brotin þrjú í einu lagi.
Afbrotaferill mannsins nær aftur til
ársins 1992 og hefur hann nokkrum
sinnum verið dæmdur til refsingar. Í
ljósi aldurs mannsins, sakarferils og
skilorðsrofsins, þóttu ekki efni til að
skilorðsbinda refsinguna.
Jónas Jóhannsson, héraðsdómari,
kvað upp dóminn. Sigríður Elsa
Kjartansdóttir, fulltrúi sýslumanns-
ins í Kópavogi, sótti málið en Sveinn
Andri Sveinsson hrl. var til varnar.
Rauf skilorð
við stuld á
fjarstýringu