Morgunblaðið - 06.12.2002, Qupperneq 68
FÓLK Í FRÉTTUM
68 FÖSTUDAGUR 6. DESEMBER 2002 MORGUNBLAÐIÐ
HÚN hefur alltaf verið rosa-lega mikið fyrir að syngja.Hún byrjaði mjög ung að
syngja og var tveggja ára þegar
hún kunni öll helstu lögin. Til
dæmis söng hún „Draum um
Nínu“ þegar hún var tveggja ára,“
segir Elísabet Axelsdóttir, móðir
Katrínar Sigurðardóttur, nýrrar
íslenskrar barnastjörnu. Katrín
gefur út breiðskífuna Kötu fyrir
jólin en áður hefur hún sungið á
fjórar plötur ásamt öðrum.
Auk þess að syngja hefur Kata
gaman af hestum og fer oft á hest-
bak enda býr fjölskyldan á Hvann-
eyri. Hesturinn hennar heitir
Hnokki en hún segist reyndar ekki
eiga hann ein heldur með mömmu
sinni.
Þrátt fyrir að platan sé gefin út
hjá fjölskyldufyrirtækinu Stöðinni
segist Elísabet alls ekki hafa ýtt á
eftir dóttur sinni í þessa átt. „Það
er ekki hægt að pota börnunum
sínum svona áfram. Hún hefði
aldrei getað sungið inn á þennan
geisladisk nema vegna þess að
hana langaði svo mikið til þess.
Þetta er erfitt og mikil vinna að
syngja í hljóðveri og taka upp
aftur og aftur. Það getur
enginn neytt krakka til að
gera svona. Þau verða að
vilja þetta sjálf,“ segir
hún.
Margar helgar í haust
fóru í upptökur á plöt-
unni og segir Kata að
þessi plata hafi verið erf-
iðari en hinar, sem hún
hefur gert.
Öll lögin skemmtileg
Fjölskyldan valdi lög-
in á plötuna í sam-
einingu en
bæði eldri
og nýrri lög eru á plötunni. Þar er
m.a. að finna „Úps nú fór ég of
hratt,“ íslenska útgáfu „Oops! … I
Did It Again“ með Britney Spears.
Kata segist ekki eiga neitt uppá-
haldslag á plötunni. „Mér finnst
þau öll skemmtileg,“ segir hún.
Kata hefur sungið í
Kringlunni til að
kynna plötuna
sína og í
fylgd með
henni
voru tvær vinkonur hennar og
bekkjarsystur frá Hvanneyri,
Kristrún og Heiðrún, en hinar 11
ára reykvísku yngismeyjar Helen
og Karen, syngja bakraddir.
Þegar blaðamaður hafði sam-
band við fjölskylduna voru vinkon-
urnar þrjár, Kata, Kristrún og
Heiðrún einmitt að æfa. „Þær eru
hérna alla daga til að æfa dansa við
lögin,“ segir Elísabet. „Við vorum
að æfa rétt áðan og búa til dansa,“
viðurkennir Kata.
Stelpurnar semja dansana alveg
sjálfar en Kötu finnst leiðinlegast
að geta ekki dansað jafnmikið og
hinar stelpurnar því hún þarf að
syngja. Þeim finnst rosalega
gaman að koma fram og
mamma Kötu upplýsir að hún
hafi sagt eftir að hafa sungið í
Kringlunni að þetta væri það
skemmtilegasta sem hún hefði
gert.
„Ég er vön að vera svolítið feim-
in en var það ekki þá,“ segir Kata.
Hún segist syngja mikið á hverj-
um degi. „Ég syng svo mikið í
skólanum að sumir eru orðnir pirr-
aðir á því,“ segir hún en blaðamað-
ur trúir henni vart. „Bara strák-
arnir sko,“ útskýrir Kata.
Kata er ný, íslensk barnastjarna
Kát með ljósa lokka
Breiðskífan Kata er komin í versl-
anir. Kata og vinkonur koma fram í
Kaupfélaginu í Borgarnesi klukkan
17 í dag og Kjarnanum á Selfossi á
laugardaginn klukkan 15 og 17.
ingarun@mbl.is
Katrín Sigurðardóttir heitir tíu ára stúlka,
sem var að gefa út sólóplötu. Inga Rún
Sigurðardóttir ræddi við Kötu og mömmu
hennar en fjölskyldan býr á Hvanneyri.
Kata hefur gaman af því að syngja og dansa og fara á hestbak.
MAGMA, Norrænir tónlist-
ardagar, voru haldnir í Berlín á
dögunum. Flutt voru verk eftir
sjö íslensk tónskáld á hátíðinni
sem þótti vel heppnuð. Þá fór
CAPUT-hópurinn utan og lék á
tónleikum síðasta daginn. Haukur
Tómasson, sem sést hér við kynn-
ingarspjöld vegna hátíðarinnar,
var meðal höfunda sem áttu verk
í Berlín. Það átti Ríkharður H.
Friðriksson líka en með honum á
myndinni er Guðni Franzson klar-
ínettuleikari sem flutti verkið.
Ljósmynd/Kjartan Ólafsson
Íslensk tón-
list í Berlín
eins og Valgeir Guðjónsson
gerir hér. Þau eru venjulegast
heilög í huga unnenda og svo
gott sem dauðasynd að hrófla
eitthvað við þeim. Þannig pirrar
Dylan áheyrendur sína reglu-
lega á tónleikum með því að
leika sér með sígildu lögin og
Frank Zappa gerði sér lítið fyr-
ir og tók upp sum hver hljóð-
færin á nýjan leik þegar nokkr-
ar plötur hans frá sjöunda
áratugnum voru endurútgefn-
ar. Aðdáendum til mikillar ar-
mæðu að sjálfsögðu. Að öllu
þessu gefnu kemst Valgeir
Guðjónsson bærilega frá sínu.
Sum lögin þola nýstárlegt potið
ágætlega en önnur verr. Farið
er víða um Valgeirs-völl og lög
tekin af Stuðmanna-, Spilverks-
og sólóplötum en einnig frá
plötu Jolla og Kóla og þrjú lög
eru tekin af Hrekkjusvínaplöt-
unni eilífu.
Þótt öll lögin komi heil út úr
yfirhalningunni er það ekki
svo gott að eitthvað þeirra öðl-
ist nýtt og betra líf. Nýju út-
gáfurnar eru allar fremur var-
færnislegar, bæta engu við en
skilja heldur ekkert eftir í
sandi og ösku. Gítarleikur
Stefáns Magnússonar er hér
um bil það eina sem fær mann
til að rísa upp við dogg. Hið
þreytandi „Popplag í G-dúr“
verður að vísu þolanlegra en
lög eins og „Gagn og gaman“,
„ÚFÓ“ og „Hægt og hljótt“
ÞAÐ er furðu mikið af safn-,
tökulaga- og endurvinnslu-
plötum í gangi þessi jólin.
Eitthvað sem fúlum gagnrýn-
endum virðist bera skylda til
að vera í nöp við. En ef vel er
með farið er málið einfaldlega
hið besta (mjög
gott dæmi þessi
jólin er platan
Freistingar með
Nýdanskri). En
það er síst
hægðarleikur að komast al-
mennilega frá starfsemi sem
þessari. Safnplötur þurfa að
vera vel samsettar og vandað-
ar úr því selja á vöruna í annað
skipti, tökulagaplötur verða
annaðhvort að vera andríkar
eða þá að breytt sé út af frum-
smíðinni á nýstárlegan og
skapandi hátt og endurvinnslu-
plötur eins og þessi lúta svip-
uðum lögmálum og tökulaga-
plöturnar. Það er skiljanlegt að
mörgum hrjósi hugur við þegar
listamaðurinn ákveður að taka
eigin verk til endurskoðunar,
skilja ekkert eftir. Í mesta lagi
minnist maður upprunalegu
laganna og fær yl í hjartað. Þá
verður hið ágæta „Kramið
hjarta“ hálf andlaust hér. Bet-
ur koma lögin nýju út, sem eru
fjögur. „Ástin vex á trjánum“,
„Enn“ og „Allir þessir
gluggar“ eru þannig afbragðs
lög, sérstaklega hið síðara,
sem fer hæglega upp í þunga-
vigtina. „Þú átt það skilið“ er
tilþrifaminna en er síst eitt-
hvert slor.
Yfir það heila eru textarnir
eftirtektarverðir; skemmtileg-
ir og vel samsettir. Valgeir er
dægurtónlistarmaður sem
kann að semja texta sem mað-
ur heggur eftir, eitthvað sem
mætti vera meira um í dag.
Það er kannski ljótt að segja
það, en blessunarlega var
engu misþyrmt hér. Sá árang-
ur stendur líkast til upp úr
þegar öllu er á botninn hvolft.
Hugmyndir sem þessar eru
nefnilega hættulegar og voða-
verk hafa hlotist þegar menn
hafa hrint þeim í framkvæmd.
Valgeir sleppur þannig með
skrekkinn (skellinn?). Á bjart-
ari nótum sýnir platan glöggt
að Valgeir er góður lagasmið-
ur og á auk þess enn til eitt-
hvað í pokahorninu. Vonandi
hefur vinnan hér því hrundið
okkar manni í gír á nýjan leik.
Tónlist
Hæ, aftur
Valgeir Guðjónsson
Skellir & smellir
1001 nótt
Skellir og smellir inniheldur
„bestu og best geymdu lög Val-
geirs Guðjónssonar“ eins og segir
á umslagi. Tilefnið er 50 ára af-
mæli höfundar. Flytjendur eru Val-
geir sjálfur (gítar, kjálkaharpa og
söngur), Jón Ólafsson (orgel, raf-
píanó og mellótron), Friðrik
Sturluson (bassi), Jóhann Hjör-
leifsson (trommur og málmgjöll),
Stefán Már Magnússon (gítar,
mandólín og banjó), Sigurður
Flosason (tenór sax og klarinett),
Regína Ósk Óskarsdóttir (söng-
ur), Pétur Örn Guðmundsson
(söngur), Sigrún „Diddú“ Hjálm-
týsdóttir (söngur) og Helgi
Björnsson (söngur). Lög og
textar eftir Valgeir. Pétur Gunn-
arsson á þó þrjá og Sigurður Bjóla
á í einu lagi. Upptökum stjórnuðu
Valgeir Guðjónsson og Jón Ólafs-
son, Jón tók upp og Bjólan hljóm-
jafnaði.
Arnar Eggert Thoroddsen
Morgunblaðið/Jim Smart
Valgeir Guðjónsson kemst betur frá nýju lögunum sínum fjór-
um en þeim gömlu, segir í dómnum.
DDD vísar ekki til skála-
stærðar á brjóstahaldara
heldur til tvíeykisins Magn-
úsar Jónssonar, fyrrverandi
Gus Gus-félaga, og Hlyns
Jakobssonar. Að minnsta
kosti kallast væntanleg plata
þeirra DDD featuring Blake
og halda þeir tónleika á Súp-
er, efri hæð Astró, á laug-
ardagskvöldið í tilefni útgáf-
unnar.
„Blake er alter-egóið mitt.
Hann er svolítið marg-
ræður,“ útskýrir Magnús,
sem er oftast kallaður Maggi.
Blake er kallaður Blake en
heitir í raun fullu nafni Sgt.
John W. Blake og er „her-
maður ástarinnar“.
Maggi segir að Blake sé
einhvers konar blanda af
Barry White, Freddy Merc-
ury og Isaac Hayes og bætir
við að Blake eigi rætur að
rekja til eigin skrifa, „skúffu-
bókmennta“, sem komu upp
á náttborðið fyrir tveimur ár-
um.
Nafnið er fengið að láni frá
skáldinu William Blake, leik-
stjóranum Blake Edwards,
og Blake Carrington úr sápu-
óperunni Dynasty. DDD,
stendur hins vegar fyrir
diskó, demanta og dans, og
gefur ákveðna mynd af
hverju megi vænta af tónlist
félaganna. Diskó og „house“-
tónlist ráða ríkjum á diskn-
um en þó eru á honum nokk-
ur lög með öðrum blæ, sem
eru eldri og úr smiðju
Magga.
Maggi og Hlynur kynntust
fyrir nokkrum árum í Los
Angeles þar sem þeir voru
búsettir en hófu samstarf í
tónlistinni fyrir tæpum þrem-
ur árum. „Þá finnum við að
við tengjumst mikið í tónlist-
inni. Vorum báðir aldir upp
af diskóforeldrum, alltaf spil-
uð diskótónlist í partýum,“
segja þeir. Hljómsveitin var
stofnuð í fyrra með Barða úr
Bang Gang en hann þurfti að
draga sig í hlé vegna anna í
tónlistinni fyrir hálfu ári.
Þrátt fyrir að Barði komi
ekki við sögu á plötunni má
heyra þar í mörgum góðum
og þekktum gestum. Þórir
Baldursson, Kjartan Valdi-
marsson, Stefán S. Stef-
ánsson, Jón Ólafsson, Árni
Kristjánsson og Kristján
Edelstein leggja allir strák-
unum lið. Ennfremur heyrist
í söngkonunum Gigi og Urði
Hákonardóttur úr Gus Gus.
„Gigi er stelpa sem ég hef
aldrei séð. Þarna sést máttur
internetsins í verki,“ segir
Maggi og bætir við að hann
hafi kynnst henni í gegnum
útgáfufyrirtækið Ovum í
Philadelphiu í Bandaríkj-
unum. „Ég er búin að vera í
samningaviðræðum við þá
um dreifingu og samstarf,“
segir Maggi en Blake er enn-
fremur að gefa út tvær tólf-
tommur um þessar mundir,
Blakés Love hjá finnska út-
gáfufyrirtækinu Säkho og
Ćmon á New Icon.
„Mér var bent á þessa
finnsku söngkonu og heyrði
hana syngja á Netinu. Ég
fékk símanúmerið hjá henni
og hafði samband en hún
sagðist ekki hafa tíma fyrir
þetta. Hún er líka djass-
söngkona og að læra arki-
tektúr. Ég sendi henni samt
lagið og þá féllst hún strax á
það. Það er mjög gaman að
því hvernig þetta lag varð
til,“ segir Maggi.
Þrátt fyrir að vera saman í
hljómsveitinni vinna strák-
arnir ekki stöðugt saman
heldur skiptast mikið á hug-
myndum. „Ég fæ kannski
eitthvert lag hjá Magga, sem
ég veit ekki hvað er og kem
með eitthvað nýtt inn í lagið
áður en ég læt hann fá það
aftur,“ útskýrir Hlynur.
„Stundum lendir maður á
einhverjum þröskuldi og
stoppar, kemst ekki lengra.
Þá er svo gott að geta sent
það á hann,“ bætir Maggi við
um lagasmíðarnar en þeir
vinna síðan sama að loka-
útgáfu laganna.
Hlynur og Maggi stíga
ekki einir á svið á morgun því
með þeim verða Helgi Svavar
Helgason, Ómar Valdimars-
son, Davíð Þór Jónsson, Sam-
úel Jón Samúelsson og Ragn-
ar „Funky Moses“.
DDD og Blake með nýja plötu og útgáfutónleika
Diskó, demantar og dans
Morgunblaðið/Jim Smart
Magnús Jónsson og Hlynur Jakobsson eru DDD en Magnús
bregður sér ennfremur í gervi Blake.
DDD featuring Blake kemur
í verslanir í næstu viku.
HekkGabb gefur út og Edda
– miðlun sér um dreifingu.
Tónleikar á Súper á laug-
ardagskvöld.