Morgunblaðið - 24.02.2003, Blaðsíða 9

HANDKNATTLEIKUR
MORGUNBLAÐIÐ MÁNUDAGUR 24. FEBRÚAR 2003 B 9
„ÞETTA voru agaleg mistök. Vig-
dís (Sigurðardóttir, markvörður)
kom hlaupandi útaf til að fá útileik-
mann inná í staðinn fyrir sig og þá
fer Ana (Perez) beint inná. Ég veit
ekki af hverju, það hlýtur að hafa
verið einhver misskilningur, eða
eitthvað, ég gat ekki einu sinni
kippt í hana,“ sagði Unnur Sig-
marsdóttir, þjálfari ÍBV í leikslok
og var mjög vonsvikin með nið-
urstöðu leiksins, sem von var. „Ég
vil meina það að við höfum aldrei
náð að spila á okkar getu í dag, sér-
staklega í vörninni. Mér fannst all-
ur leikurinn vera ein mistök fram
og til baka og það var bara spurn-
ing um hvort liðið myndi gera færri
mistök.“
Þið bregðist í 8 sóknum í röð und-
ir lok leiksins, hvað gerist?
„Við fengum á okkur ruðning
sem mér fannst vera mjög vafasam-
ur og reyndar féllu margir dómar í
dag sem voru okkur mjög í óhag.
En við þessu er ekkert að gera, við
töpuðum þessu sjálfar. Við töp-
uðum fyrir liði sem vildi þennan tit-
il aðeins meira en við og við því er
ekkert að gera. Það er annar titill
framundan og við verðum bara að
taka hann í staðinn,“ sagði Unnur.
Ekki nógu áræðnar
„Þetta var spennandi leikur og
mikið taugastríð. Við vorum ekki
nógu áræðnar í sóknarleiknum. Við
misnotum 3 vítaköst sem er al-
gjörlega óásættanlegt í bikarúr-
slitaleik. En það kemur bikar eftir
þennan bikar og við eigum Íslands-
mótið inni. Nú verðum við bara að
einbeita okkur að því,“ sagði Ingi-
björg Jónsdóttir, fyrirliði ÍBV.
Leikur-
inn ein
mistök
TITILVONIR Magdeburg í þýsku
úrvalsdeildinni í handknattleik
fuku endanlega út í veður og vind
um helgina þegar liðið varð að
sætta sig við jafntefli á móti Göpp-
ingen, 27:27. Ólafur Stefánsson var
atkvæðamestur í liði Magdeburg
með 8 mörk, þar af fjögur úr víta-
köstum, og Sigfús Sigurðsson skor-
aði 3. Evrópumeistarar Magdeburg
eru níu stigum á eftir Lemgo og
þeir geta nú farið að einbeita sér al-
farið að Meistaradeildinni þar sem
liðið á titil að verja.
Essen styrkti stöðu sína í fjórða
sæti deildarinnar með sigri á Wil-
helmshavener, 27:24, á útivelli. Pat-
rekur Jóhannesson og Guðjón Val-
ur Sigurðsson skoruðu 2 mörk hver
fyrir Essen en Gylfi Gylfason skor-
aði 3 mörk fyrir heimamenn.
Lemgo vann enn einn leikinn
þegar liðið sótti Wallau Massen-
heim heim. Lemgo sigraði, 38:32,
og gerði nánast út leikinn í fyrri
hálfleik en staðan í leikhléi var
19:12.
Einar Örn Jónsson skoraði 3
mörk fyrir Wallau Massenheim en
hjá Lemgo voru þýsku landsliðs-
mennirnir í aðalhlutverkum.
Fyrirliði Þjóðverja og leikstjórn-
andinn, Markus Baur, skoraði 9
mörk sem og hornamaðurinn Flor-
ian Kehrmann, línumaðurinn
Christian Schwarzer, sem kosinn
var besti leikmaðurinn á HM í
Portúgal á dögunum, skoraði sjö.
Wetzlar tapaði fyrir Minden á
útivelli, 27:26. Róbert Sighvatsson
skoraði 5 mörk fyrir Wetzlar og Ró-
bert Julian Duranona 3.
Titilvonir
Magde-
burg úr
sögunni
Bæði lið hófu leikinn af miklumkrafti en þó yfirvegun. Það var
ljóst af fasi leikmanna að þeir ætl-
uðu sér ekki að
missa leikinn úr
höndum sér með
óvönduðum vinnu-
brögðum. Það kom
því ekki á óvart að sjá liðin leggja af
stað með það að vopni að skora úr
hverri sókn, nýta hvert skot. Sókn-
arnýting beggja liða var enda með
ágætum í fyrri hálfleiknum, rétt
tæp 50%. Bæði lið léku varnarleik-
inn aftarlega en Eyjastúlkur lögðu
ofurkapp á að stoppa sterkasta
vopn Hauka í vetur, Hönnu G. Stef-
ánsdóttur, og hraðaupphlaup henn-
ar. Það tókst ágætlega og þó svo
Haukar hafi reiknað með þessu út-
spili ÍBV tók það þær nokkra stund
að leysa úr þessum vanda. Að auka
var Vigdís Sigurðardóttir, mark-
vörður ÍBV, Haukunum óþægur
ljár í þúfu en hún varði alls 10 skot í
hálfleiknum, þar af eitt vítakast.
ÍBV hafði frumkvæðið allan hálf-
leikinn án þess þó að ná að hrista
Haukana af sér og leiddu Eyja-
stúlkur í hálfleik, 11:10.
Síðari hálfleikurinn var gjörólík-
ur hinum fyrri. Taugaspennan var
þá allsráðandi, leikmenn keyrðu
upp hraðann og gerðu sig í kjölfarið
seka um alltof mörg sóknarbrot,
sem lítið hafði sést til í fyrri hálf-
leiknum. Á sama tíma náðu mark-
verðir liðanna sér ekki á strik.
Spennan náði hámarki á síðustu
tæpum tveimur mínútum leiksins.
Haukar fengu þá vítakast eftir að
Ana Perez braut á Hönnu G. Stef-
ánsdóttur. Inga Fríða Tryggvadótt-
ir skoraði úr vítakastinu og var allt
útlit fyrir sigur þeirra. En Eyja-
stúlkur voru ekki tilbúnar að játa
sig sigraðar og besti leikmaður
þeirra, Sylvia Strass minnkaði mun-
inn í eitt mark úr næstu sókn.
Haukar fengu boltann þegar ein
mínúta var eftir af leiknum en
dæmdur var ruðningur á fyrirliða
þeirra, Hörpu Melsted, þegar 15
sekúndur voru eftir og skyndilega
eygðu Eyjastúlkur von um að jafna
leikinn og knýja fram framlengingu.
Í þeirri von hljóp Vigdís Sigurðar-
dóttir, markvörður þeirra útaf svo
bæta mætti við leikmanni í sóknina
en fyrir einhver óskiljanleg mistök
var það Ana Perez sem fór inná völl-
inn, en hún var að taka út 2. mín-
útna refsingu. Þetta sáu dómarar
leiksins, þeir stöðvuðu leikinn þegar
6 sekúndur voru eftir og vísuðu Per-
ez af velli og dæmdu Haukum bolt-
ann sem sendu hann upp í áhorf-
endastúku og fögnuðu sætum sigri.
Haukastúlkur eru vel að þessum
sigri komnar. Liðið lék lengstum af
yfirvegun og festu, þær náðu að
finna lausn á því að Hanna Stefáns-
dóttir var klippt út úr leik þeirra og
allir leikmenn lögðu sig fram um að
ná hagstæðum úrslitum úr þessum
leik. Þetta á ekki síst við um vara-
markvörð þeirra, hina 17 ára gömlu
Bryndísi Jónsdóttur, sem kom tví-
vegis inná í síðari hálfleiknum til að
freista þess að verja vítakast og
hafði betur gegn Öllu Gorkorian,
sem er ein fremsta vítaskytta lands-
ins. Erfitt er að öðru leyti að taka
einhverja leikmenn Hauka út úr
sterkri liðsheild – en það var einmitt
hún sem tryggði þeim bikarinn á
laugardag.
Eyjastúlkur geta engum nema
sjálfum sér um kennt að hafa ekki
náð að landa bikarnum. Þær höfðu
yfirhöndina lengst af leik og áttu
sannarlega tækifæri til að ná í fram-
lengingu á lokasekúndunum. Liðið
var að leika fantagóðan handknatt-
leik bæði sóknarlega og varnarlega.
Vörnin varði ein 8 skot í leiknum og
skyttur þeirra, þær Alla Gorkorian
og Anna Yakova voru að skila sínu.
En makalaus mistök á lokasekúnd-
unum urðu liðinu dýr og voru leik-
menn liðsins nær óhuggandi þegar
leiktíminn rann út.
Morgunblaðið/Árni Sæberg
Nína K. Björnsdóttir og Harpa Melsted, fyrirliði Hauka, á ferðinni með bikarinn í Laugardalshöllinni á laugardag.
Haukastúlkur í
hæstu hæðum
HAUKAR úr Hafnarfirði lyftu bikarnum hátt á loft í Laugardalshöll á
laugardag eftir æsispennandi leik við bikarmeistara síðustu tveggja
ára, ÍBV, þar sem þær rauðklæddu unnu sigur 22:23. Haukar eru vel
að sigrinum komnir, liðið sýndi fádæma baráttu- og sigurvilja og það
var fyrst og fremst það sem skildi þessi tvö frábæru lið að.
Ingibjörg
Hinriksdóttir
skrifar

 


  


  
%









  
 



%
!"
#"
$ 




()