Morgunblaðið - 14.04.2003, Blaðsíða 4
FRÉTTIR
4 MÁNUDAGUR 14. APRÍL 2003 MORGUNBLAÐIÐ
HLUTVERK Alþjóðagjaldeyris-
sjóðsins við endurreisnarstarf í Írak
gæti t.d. verið að aðstoða við að
byggja upp innviði efnahagskerfis-
ins, s.s. bankakerfi og peningakerfi.
Hvorki sjóðurinn né Alþjóðabankinn
geti þó hafist handa eins og staðan
er nú. „Það er engin ríkisstjórn til að
fást við. Það verður að vera einhver
aðili sem getur borið ábyrgð á sam-
starfi við þessar stofnanir,“ segir
Geir H. Haarde fjármálaráðherra
sem er í forsvari fyrir kjördæmi
Norðurlandanna og Eystrasaltsríkj-
anna í fjárhagsnefnd Alþjóðagjald-
eyrissjóðsins en vorfundi nefndar-
innar lauk um helgina í Washington.
„Fundurinn gekk ágætlega. Það
voru ýmsir sem höfðu áhyggjur af
því að Íraksmálið myndi spila þarna
inn í með óheppilegum hætti en það
varð ekki. Það náðist samkomulag
um orðalag í yfirlýsingu varðandi
Írak og það kom mönnum þægilega
á óvart,“ segir Geir. Fallist hafi ver-
ið á að nauðsynlegt væri að Samein-
uðu þjóðirnar ályktuðu á nýjan leik
um málefni Íraks en Geir segir að
þetta hafi í raun og veru ekki verið
mikið verið rætt. „Þarna er annars
vegar rætt um efnahagsástandið í
heiminum og hins vegar málefni sem
snúa beint að sjóðnum og hans til-
teknu verkefnum og vinnubrögð-
um,“ segir Geir. Á fundinum var
m.a. rætt um þá óvissu sem hefur
ríkt í alþjóðlegum efnahagsmálum.
„Nú þegar stríðinu [í Írak] er lokið
má segja að einn óvissuþátturinn sé
frá og það skiptir auðvitað miklu
máli. Menn sjá fram á aðeins betra
ástand þegar sú staðreynd liggur
fyrir t.d. varðandi olíuverð sem hef-
ur verið að lækka að undanförnu,“
segir hann.
Fjárhagsnefndin hittist tvisvar á
ári og er stefnumótandi um starf Al-
þjóðagjaldeyrissjóðsins og í henni
eiga sæti 24 fulltrúar hinna mismun-
andi kjördæma sjóðsins. Geir hefur
frá ársbyrjun 2002 setið í nefndinni
fyrir hönd kjördæmis Norður-
landanna og Eystrasaltsríkjanna en
um áramótin munu Norðmenn taka
við formennsku í nefndinni. Í ræðu
sinni lýsti Geir m.a. yfir stuðningi
kjördæmisins við að koma á fót
formlegu verklagi til að leysa úr erf-
iðleikum ríkja sem komin eru í
greiðsluþrot og um þörfina á að efla
hið mikilvæga eftirlitshlutverk
sjóðsins.
Stríðslokin draga úr
óvissu í efnahagsmálum
Ljósmynd/Mark Finkenstaedt
Gordon Brown, fjármálaráðherra Bretlands og formaður fjárhagsnefndar
Alþjóðagjaldeyrissjóðsins, og Geir H. Haarde fjármálaráðherra hittust
stuttlega áður en fundur nefndarinnar hófst til skrafs og ráðagerðar.
FORMAÐUR fræðsluráðs Reykjavíkur, Stefán
Jón Hafstein, segir að um næstu mánaðamót sé að
vænta tillagna frá starfshópi um það hvernig bæta
megi úr fjárhagsvanda einkaskóla í borginni. Ekk-
ert annað standi til en að tryggja að þessir skólar
geti haldið áfram rekstri.
Í Morgunblaðinu fyrir helgi var greint frá fjár-
hagsvanda Landakotsskóla og vitnað í viðtal við
skólastjórann í Vesturbæjarblaðinu um að hugs-
anlega yrði að loka skólanum á næsta ári ef ekki
tækist að tryggja rekstrargrundvöll hans.
„Við höfum vitað af því um hríð að rekstur
einkarekinna skóla eða sjálfseignarstofnana hefur
gengið illa, og gengur ekki undir núverandi for-
merkjum. Pólitísk stefnumótun er um það að við
viljum hafa hérna nokkra samrekstrarskóla, þar á
meðal Ísaksskóla og Landakotsskóla. Við erum
langt komin með að móta tillögur um hvernig
tryggja megi rekstur þeirra með auknum fram-
lögum frá borginni á hvern nemanda. Skólarnir
vita að við höfum verið að vinna í þessu,“ segir
Stefán Jón sem síðast átti fund með forsvars-
mönnum Ísaksskóla á föstudag. Aðrir einkaskólar
en hér hafa verið nefndir, sem borgin styrkir, eru
Waldorfskólinn Sólstaðir í Breiðholti, Suðurhlíð-
arskóli og Tjarnarskóli.
Ætlum ekki að koma upp tvöföldu kerfi
Stefán Jón segir starfshópnum hafa verið ætlað
að fara dýpra ofan í málið en svo að tryggja rekst-
ur einkaskóla um einhvern tíma. Hópnum hafi
einnig verið ætlað móta langtímastefnu og tryggja
starfsöryggi til framtíðar fyrir báða aðila, þ.e.
skólana og Reykjavíkurborg. Um stóran hóp
barna sé að ræða sem borgin þurfi ella að sjá fyrir
um skólavist.
Styrkir Reykjavíkurborgar til einkaskólanna
hafa numið rúmum 100 milljónum á ári og eru hús-
næðisstyrkir þá ekki meðtaldir. Þannig hefur
Landakotsskóli fengið 35 milljónir kr. í hússnæð-
isstyrk á ári síðastliðin þrjú ár. Stefán Jón segir
ljóst að skólagjöld einkaskólanna og framlög til
þeirra frá borginni dugi ekki til að ná endum sam-
an í rekstrinum. Auka þurfi framlag borgarinnar
upp að vissu marki sem telst hagkvæmt, án þess
að þurfi að hækka skólagjöld upp úr öllu valdi.
„Það er hins vegar alveg ljóst að við ætlum ekki
að koma hér upp tvöföldu grunnskólakerfi í borg-
inni. Við styðjum hið almenna kerfi með hverf-
askólum en hins vegar höfum við talið æskilegt að
nokkrir skólar séu reknir sem sjálfseignarstofn-
anir og með ákveðna samfélagsvitund að leiðar-
ljósi. Við viljum tryggja að svo verði áfram,“ segir
Stefán Jón.
Formaður fræðsluráðs Reykjavíkur um vanda einkaskóla í borginni
„Munum tryggja að þessir
skólar haldi áfram rekstri“
SAMKVÆMT upplýsingum læknis á
gjörgæsludeild Landspítalans í Foss-
vogi í gærkvöldi er líðan ökumanns
pallbíls, er lenti í hörðum árekstri við
malarflutningabíl á Sauðárkróki sl.
fimmtudag, óbreytt. Er honum haldið
sofandi í öndunarvél eftir að hann
gekkst undir aðgerð á fimmtudags-
kvöld vegna alvarlegra höfuðáverka.
Farþegi í pallbílnum lést í slysinu
og hafa þá fjórir látist í umferðarslys-
um það sem af er árinu hér á landi.
Rannsóknardeild lögreglunnar á Ak-
ureyri hefur verið falin rannsókn
slyssins á Sauðárkróki þar sem
starfsmenn sýslumannsembættisins
á Sauðárkróki tengjast þeim fjöl-
skylduböndum er lentu í slysinu.
Fulltrúi rannsóknarnefndar umferð-
arslysa kom norður strax að kvöldi
fimmtudags til að skoða vettvang
slyssins.
Slysið á Sauðárkróki
Ökumanni
haldið sofandi
í öndunarvél
VERZLUNARMANNAFÉLAG Reykjavíkur og Morg-
unblaðið hafa gengið frá kjarasamningi vegna blað-
bera sem starfa hjá blaðinu, en samningurinn staðfestir
öll fyrri kjarasamningsbundin réttindi blaðbera eins og
veikindarétt og uppsagnarfrest til samræmis við starfs-
menn á almennum vinnumarkaði.
Gunnar Páll Pálsson, formaður VR, segir að samn-
ingurinn sé fagnaðarefni og æskilegt væri að gera sam-
svarandi samning við hin blöðin en þau eru ekki í Sam-
tökum atvinnulífsins eins og Árvakur, útgáfufélag
Morgunblaðsins. Hann segir að samningurinn tryggi
réttarstöðu blaðbera eins og kjarasamningar geri. Til
þessa hafi einkum ungt fólk í litlu starfshlutfalli sinnt
blaðberastarfi og hafi starfssviðið verið svolítið út-
undan á vinnumarkaðnum en breyting verði á með
þessum samningi.
Morgunblaðið kemur til með að greiða í sjúkrasjóð,
starfsmennta- og orlofsheimilasjóð vegna blaðbera sem
gerast félagsmenn í VR. VR heldur kynningarfund um
samninginn á morgun, þriðjudaginn 15. apríl, kl. 17.30
í húsakynnum félagsins, Húsi verslunarinnar, á jarð-
hæð. Samninginn má auk þess skoða á heimasíðu VR.
Morgunblaðið/Golli
Þorgrímur Guðmundsson, starfsmaður VR og blaðberi hjá Morgunblaðinu (l.t.v.), Gunnar Páll Pálsson, formaður
VR, Ari Edwald, framkvæmdastjóri SA, og Örn Þórisson, áskriftarstjóri Morgunblaðsins, undirrituðu samninginn.
Blaðberar Morgunblaðsins semja
SAMFYLKINGIN og Sjálfstæðis-
flokkurinn fengju jafnmarga þing-
menn, eða 22, samkvæmt nýrri
fylgiskönnun Gallup fyrir Ríkisút-
varpið. Frjálslyndir bæta verulega
við fylgi sitt frá síðustu könnun.
Fylgi Samfylkingarinnar mælist
34,3%, Sjálfstæðisflokkurinn er með
33,6%, Framsóknarflokkurinn
12,3%, Vinstri grænir 9,8% og
Frjálslyndi flokkurinn mælist með
9,0% fylgi í könnun Gallup fyrir
RÚV.
Samkvæmt könnuninni fengi
Framsóknarflokkurinn 8 þingmenn,
Vinstri grænir 6 og Frjálslyndir 5.
Meginbreytingin frá síðustu könn-
un Gallup er sú að fylgi Frjálslynda
flokksins hefur aukist, en fylgi ann-
arra flokka minnkar lítið eitt.
Könnunin var gerð dagana 26.
mars til 11. apríl. Í úrtakinu voru
3.100 manns á aldrinum 18 til 75
ára. Tveir af hverjum þremur svör-
uðu.
Fylgi Samfylkingarinnar mælist
ívið minna hjá Gallup, en í könnun
Félagsvísindastofnunar fyrir Morg-
unblaðið sem birt var sl. laugardag,
Framsóknarflokkurinn og Vinstri
grænir mælast hins vegar með
heldur meira fylgi hjá Gallup, en
fylgi Sjálfstæðisflokks og Frjáls-
lyndra er svo til hið sama í báðum
könnununum.
Skoðanakönnun Gallup
Fylgi Sam-
fylkingar og
Sjálfstæðis-
flokks svipað
SEX manns á aldrinum 16–31
árs voru handtekin í kjölfar
þess að pakki með 30 e-töflum
fannst í farþegaferjunni Herj-
ólfi á föstudagskvöld.
Í framhaldi af handtökunum
gerði lögreglan í Vestmanna-
eyjum húsleit í þremur íbúð-
um í bænum með aðstoð fíkni-
efnaleitarhundsins Tönju. Í
einni íbúðinni fundust 140
grömm af hassi og áhöld til
fíkniefnaneyslu. Við yfir-
heyrslur játaði ein stúlkan að
eiga e-töflurnar og eigandi
hassins reyndist vera tvítugur
piltur sem játaði að hafa ætlað
að selja efnið í bænum. Í til-
kynningu frá lögreglunni segir
að flest hinna handteknu hafi
áður komið við sögu lögreglu
vegna fíkniefnamála og sum
hver margoft.
Sendi
e-töflur með
Herjólfi
ÞYRLA Landhelgisgæslunnar sótti
tvo slasaða vélsleðamenn að Kirkju-
fellsvatni skammt frá Landmanna-
laugum í gær. Tilkynning um slysið
barst Landhelgisgæslunni klukkan
ellefu í morgun og var þyrlan komin
til Reykjavíkur með hina slösuðu
klukkan hálftvö. Þeir voru báðir með
bakmeiðsli en voru ekki taldir alvar-
lega slasaðir. Að sögn Landhelgis-
gæslunnar lentu vélsleðamennirnir í
árekstri. Læknir sem var á staðnum
mat það svo að rétt væri að senda
þyrluna eftir þeim slösuðu.
Vélsleðamenn
slösuðust
í árekstri
LÖGREGLAN á Akureyri rannsak-
ar rúðubrot í Síðuskóla, Glerárskóla
og í nýbyggingu við Skálateig í fyrri-
nótt. Um 100 rúður voru brotnar, um
80 á vestur- og norðurhlið Síðuskóla
og um 20 rúður á norðurhlið Glerár-
skóla og ein í nýbyggingunni.
Ekki er vitað hverjir voru þar á
ferð en lögreglan á Akureyri hvetur
alla sem geta haft einhverjar upplýs-
ingar að hafa samband við sig. Talið
er að tjónið nemi um einni milljón
króna, að sögn lögreglu.
100 rúður brotn-
ar á Akureyri
♦ ♦ ♦
♦ ♦ ♦