Morgunblaðið - 21.06.2003, Blaðsíða 44

ÍÞRÓTTIR
44 LAUGARDAGUR 21. JÚNÍ 2003 MORGUNBLAÐIÐ
Skotar eru stigi á
eftir Íslendingum í
þriðja sæti en þeir
eiga eftir heimaleiki
við Litháa og Fær-
eyinga og útileik við
Þjóðverja og hefur
Vogts tekið stefnuna
á að ná í sjö stig út úr
þessum leikjum.
Skotar glíma við
Þjóðverja í Dort-
mund í næstsíðustu
umferðinni og takist
þeim að ná stigi telur
Vogts jafnvel mögu-
legt á að Skotar vinni riðilinn og
vinni sér þar með sjálfkrafa sæti í
úrslitakeppninni.
BERTI Vogts, lands-
liðsþjálfari Skota í
knattspyrnu, leggur
allt traust á landa
sína, Þjóðverja, þegar
þeir mæta Íslend-
ingum í tveimur síð-
ustu umferðunum í 5.
riðli undankeppni EM
í knattspyrnu í haust.
„Íslendingar mæta
Færeyingum næst og
svo Þjóðverjum tví-
vegis og ég vonast til
að landar mínir vinni
báða þá leiki. Með því
ættum við að ná öðru sætinu og
komast í aukaleiki um sæti í úr-
slitakeppni EM,“ segir Vogts.
Berti Vogts
Berti Vogts stólar
á landa sína í 5. riðliMÁL Patreks Jóhannessonar,
handknattleiksmanns, gegn þýska
handknattleikssambandinu verður
tekið fyrir hjá vinnuréttar-
dómstóli í Þýskalandi hinn 3. júlí
nk. að sögn Wolfgangs Gutshows,
umboðsmanns Patreks. Málið fær
flýtimeðferð og reiknar Gutshow
með að niðurstaða liggi fyrir örfá-
um dögum síðar.
Patrekur ákvað í samráði við
umboðsmann sinn og lögfræðing,
Andreas Thiel, fyrrverandi lands-
liðsmarkvörð Þjóðverja í hand-
knattleik, að höfða málið gegn
þýska sambandinu til þess að fá
fellt niður sex mánaða keppn-
isbann það sem sambandið dæmdi
Patrek í eftir að hann hrækti í átt
að dómara í kappleik í loka-
umferð þýsku 1. deildarinnar í
vor. Að mati lögfræðings Patreks
brýtur bannið lög Evrópu-
bandalagsins um frjálst flæði
vinnuafls á milli landa, en hand-
knattleiksiðkun er og hefur verið
atvinna Patreks mörg undanfarin
ár.
Vegna bannsins fær Patrekur
ekki skrifað upp á félagsskipti hjá
þýska handknattleikssambandinu
til Bidasoa á Spáni en hann gerði
samning við félagið snemma árs
og þar stendur hnífurinn í kúnni.
Í samningnum er ákvæði þess efn-
is að geti Patrekur ekki leikið
með félaginu frá og með 1. júlí
næstkomandi sé því heimilt að
segja samningnum upp og vegna
bannsins getur Patrekur ekki orð-
ið leikmaður Bidasoa fyrr en að
banninu loknu sem er í lok nóv-
ember. Forráðamenn Bidasoa
sýna máli Patreks skilning á með-
an það er fyrir dómstólum.
Mál Patreks tekið fyrir 3. júlí
Patrekur Jóhannesson
Leik Fram og KA var frestað til 17.júlí vegna þáttttöku KA í Inter-
totokeppninni. Morgunblaðið kannaði
í gær hvernig ástandið er á leikmönn-
um liðanna fyrir leiki helgarinnar.
Grindavík
Lee Sharpe er meiddur á læri og
verður ekki með á móti Þrótti. Grind-
víkingar gera sér vonir um að Sharpe
verði orðinn leikfær á móti KR 25.
júní. Grétar Ólafur Hjartarson er
sem fyrr óleikfær.
Þróttur
Daði Árnason og Hjálmar Þórar-
insson meiddust í leik með 1. flokki í
fyrrakvöld og verða líklega ekki með.
Aðrir leikmenn eru heilir.
ÍBV
Hjalti Jóhannesson hefur verið
meiddur að undanförnu en hann er
allur að koma til og verður mögulega
með gegn FH. Aðrir leikmenn eru til-
búnir í slaginn.
FH
Það eru allir leikfærir hjá FH nema
Víðir Leifsson.
Valur
Fjórir Valsmenn eru að berjast við
meiðsli. Jóhann Hreiðarsson og
Matthías Guðmundsson munu jafnvel
missa af leiknum gegn ÍA og Bene-
dikt Bóas Hinriksson verður frá þar
til í ágúst. Kristinn Ingi Lárusson er
enn meiddur en verður orðinn leikfær
eftir tvær til þrjár vikur.
ÍA
Allir leikmenn ÍA eru tilbúnir í leik-
inn við Val.
Fylkir
Engin meiðsli eru í herbúðum
Fylkismanna en Ólafur Ingi Skúla-
son er í leikbanni. Aðalsteinn Víg-
lundsson, þjálfari Fylkis, telur leikinn
vera einn af stórleikjum ársins. „Við
búumst við gríðarlegum fjölda af
áhorfendum á Fylkisvöllinn enda er
þetta einn af stórleikjum ársins. Leik-
ir Fylkis og KR síðustu 2–3 ár hafa
verið fullir af dramatík og miklum lát-
um og áhorfendur geta búist við
hörkuleik á sunnudaginn,“ sagði Að-
alsteinn í samtali við Morgunblaðið.
KR
Allir leikmenn KR eru tilbúnir í
slaginn gegn Fylki. Willum Þór Þórs-
son, þjálfari KR, líst mátulega á við-
ureignina gegn Fylki. „Þó að liðin í
deildinni séu flest frekar jöfn að getu
er þetta leikur sem vekur athygli því
KR og Fylkir hafa spilað mikilvæga
leiki á síðustu árum og verið sigursæl.
Bæði lið eru með breiðan og sterkan
leikmannahóp og þetta verður hörku-
leikur,“ sagði Willum Þór.
Allt klárt hjá
Fylki og KR
FJÓRIR af fimm leikjum í 6. umferð úrvalsdeildar karla í knatt-
spyrnu verða leiknir um helgina. Í dag mætast Grindavík og Þróttur
Reykjavík í Grindavík og á morgun eru þrír leikir. ÍBV og FH kljást í
Vestmannaeyjum, Valur og ÍA spila að Hlíðarenda og stórleikur um-
ferðarinnar fer fram á Fylkisvelli en þar taka heimamenn á móti KR-
ingum. Willum Þór Þórsson, þálfari KR, og Aðalsteinn Víglundsson,
þjálfari Fylkis, geta valið úr sterkum hópi knattspyrnumanna en KR
og Fylkir eru með fjölmennustu og sterkustu leikmannahópana í úr-
valsdeildinni.
Stórleikurinn er auðvitað í Ár-bænum þar sem Fylkismenn
taka á móti KR-ingum. Ég er búinn
að sjá Fylki leika og liðið virðist
mjög sterkt, sérstaklega á heima-
velli, þannig að ég á von á að Fylkir
hafi þetta. Árbæingar eru svekktir
yfir tapinu í síðasta leik og koma
ákveðnir í að krækja sér í þrjú mik-
ilvæg stig á móti KR,“ sagði Sigurð-
ur í gær og sagðist ekki öfunda KR-
inga af mótherjunum í Evrópu-
keppninni.
Eyjamenn hættulegir
Verði jafntefli í Árbænum og
Eyjamenn vinna FH þá verður ÍBV
á toppnum eftir umferðina. „Eyja-
menn hafa komið virkilega á óvart.
Ég átti von á að sumarið yrði Eyja-
mönnum erfitt og þeir byrjuðu ekki
vel, líkt og Þróttarar, en þeir eru
ungir, frískir og hættulegir og spila
skemmtilega. Gunnar Heiðar er
stórhættulegur og okkar fremsti
senter eins og hann er að spila þessa
dagana og svo er hann með Stein-
grím með sér frammi og það má ekki
líta af þeim tveimur eitt augnablik.
Það er því ljóst að leikurinn verður
FH-ingum erfiður,“ segir Sigurður.
Sóknin höfuðverkur
á Akranesi
Gömlu félagar Sigurðar af Akra-
nesi koma í heimsókn að Hlíðarenda.
„Ég hef orðið fyrir vonbrigðum með
Skagamenn eins og fleiri. Sóknar-
leikurinn hjá þeim er alls ekki nógu
beittur, þeir fá lítið af færum og það
er nýlunda á þeim bænum. Liðið
spilar ágætlega úti á velli en það þarf
að leysa vandamálið á síðasta fjórð-
ungi vallarins. Vörnin er fín með
Gunnlaug Jónsson í fínu formi, en
það er áhyggjuefni fyrir þá hversu fá
færi þeir skapa sér.
Ég hef samt trú á að þeir fari að
rífa sig upp og vinna leiki því það er
mjög dýrt að gera jafntefli og Skaga-
menn hafa gert þrjú jafntefli í fyrstu
fimm leikjunum og það fæst lítið fyr-
ir það. Ef ÍA nær að vinna leik á
næstunni þá held ég að þetta smelli
hjá liðinu. Baldur Aðalsteinsson er
kominn aftur inn í liðið og hann virk-
ar frískur þessa dagana og svo held
ég að Stefán fari að setja svip sinn á
úrvalsdeildina,“ segir Sigurður.
Þróttarar eru sprækir
Hann var sammála því að í dag
mættust trúlega þau lið sem mest
hafa komið á óvart í deildinni,
Grindavík og Þróttur.
„Þróttarar eru sprækir og
skemmtilegir. Ég er mjög hrifinn af
Björgólfi og eins og venjulega þá
spila lið undir stjórn Ásgeirs
skemmtilega. Þeir byrjuðu illa en
hafa komið sterkir til baka.
Grindvíkingar eru ekki mjög
sannfærandi þessa dagana. Sóknin
hjá þeim hefur verið vandamálið og
þetta er stórleikur fyrir þá og ekkert
annað en þrjú stig koma til greina
hjá þeim, sérstaklega vegna þess að
þeir eru á heimavelli,“ sagði Sigurð-
ur.
Morgunblaðið/Golli
Það var oft hart barist í fyrra þegar Fylkir og KR mættust og reikna má með að baráttan verði
einnig í algleymi á morgun þegar liðin mætast á Árbæjarvelli. Úr viðureign liðanna í fyrra þar sem
þeir Jón Skaftason, KR, og Fylkismaðurinn Jón B. Hermannsson kljást um knöttinn.
SIGURÐUR Jónsson, þjálfari Víkings í 1. deildinni, segir það ein-
kenna keppnina í efstu deild karla að allir geti unnið alla, eða flestir
flesta. Sérstaklega finnst honum einkennandi að lið tapi einum
leiknum stórt en vinni síðan þann næsta – það vanti stöðugleika hjá
flestum liðum. Hann á von á skemmtilegum leikjum í sjöttu umferð-
inni sem verður leikinn um helgina.
Sigurður Jónsson, þjálfari Víkings, spáir í spilin
Fylkir hefur bet-
ur í Árbænum