Morgunblaðið - 26.07.2003, Blaðsíða 11

HAGNAÐUR Bakkavarar Group
var 1.057 milljónir króna á fyrri
hluta ársins, sem er 19 milljónum
króna undir meðalspá greiningar-
deilda bankanna. Bakkavör gerir
upp í breskum pundum og hagnaður
var 8,4 milljónir punda, en var 5
milljónir punda á sama tímabili í
fyrra. Aukning hagnaðar er því
68%.
Bakkavör seldi alla starfsemi sína
utan Bretlands, sjávarútvegskjarna
félagsins, á fyrri hluta ársins og við
það myndaðist 3,1 milljónar punda
söluhagnaður sem hefur mikil áhrif
á samanburð hagnaðar milli ára.
Hagnaður vegna sölu sjávarútvegs-
kjarnans nemur 37% af hagnaði
tímabilsins eftir skatta.
Ef litið er á hagnað fyrir skatta,
en sala sjávarútvegskjarnans er
ekki inni í þeim tölum, þá dróst hann
saman um tæplega 1% og nam 7,1
milljón punda á tímabilinu, eða 894
milljónum króna.
Rekstrartekjur námu 9 milljörð-
um í krónum talið, en 72 milljónum
punda og jukust um 15% milli ára.
Rekstrargjöld hækkuðu hlutfalls-
lega meira en rekstrartekjur og
rekstrarhagnaður dróst saman um
2% og nam 8,5 milljónum punda.
Hlutfall hagnaðar fyrir afskriftir af
rekstrartekjum, EBITDA-fram-
legð, lækkaði úr 17,2% í 15,0% milli
ára.
Ágúst Guðmundsson, stjórnarfor-
maður Bakkavarar, segist á heildina
litið sáttur við uppgjörið. „Uppgjör-
ið er að flestu leyti mjög gott, en það
ber þess ákveðin merki að það var
nokkur samdráttur í sjávarútvegs-
hlutanum hjá okkur á tímabilinu,“
segir Ágúst og bætir við að fram-
legðin hafi lækkað vegna verk-
smiðju félagsins í London. Fram-
haldið líti mjög vel út og á seinni
hluta ársins muni nýting verksmiðj-
unnar stórbatna og þar með ætti
framlegðarhlutfallið að hækka.
„Efnahagsreikningurinn er sér-
staklega áhugaverður í þessu upp-
gjöri og þá kannski frekar en
rekstrarreikningurinn,“ segir
Ágúst. Hann segir miklar breyting-
ar hafa orðið á efnahagsreikningn-
um, meðal annars í birgðunum, en
birgðir Bakkavarar lækkuðu úr 1,9
milljónum punda um áramót í 241
þúsund pund í lok júní, eða um 88%.
Þessi lækkun birgða stafar af sölu
sjávarútvegsstarfseminnar, en að
sögn Ágústs er birgðahald nánast
ekkert í núverandi rekstri fyrirtæk-
isins, þ.e. í framleiðslu á tilbúnum
kældum mat.
Veltufjárhlutfall Bakkavarar
hækkaði úr 1,33 í 2,55 á tímabilinu,
en eiginfjárhlutfallið lækkaði úr
33,8% í 30,9%. Bakkavör er með
víkjandi lán upp á 15,9 milljónir
punda, sem breytanlegt er í hlutafé.
Sé það reiknað með eigin fé í út-
reikningum eiginfjárhlutfallsins er
hlutfallið 38,2%.
Uppgjörið undir væntingum
„Heilt á litið þá er uppgjörið und-
ir væntingum okkar,“ segir Bjarki
Logason, sérfræðingur í greiningar-
deild Landsbanka Íslands. „Stjórn-
endur félagsins hafa sett sér mark-
mið um 20%–30% vöxt á ári næstu
ár og augljóslega stendur sá vöxtur
sem orðið hefur á fyrri helmingi
þessa árs ekki undir því en tekjur
jukust um 15% á tímabilinu. Ljóst
er að væntingar voru um talsverða
veltuaukningu á 2. ársfjórðungi þar
sem lögð var mikil áhersla á það að
páskarnir hefðu verið á 1. ársfjórð-
ungi í fyrra en 2. ársfjórðungi nú
þegar þriggja mánaða uppgjör fé-
lagsins var kynnt í apríl. Í ljósi þess
er sá vöxtur sem varð á öðrum árs-
fjórðungi sem var rúmlega 15% ekki
eins mikill og búist var við þar sem
páskar eru annað mesta sölutímabil
félagsins og gefið hefur verið út að
markaðurinn sem Bakkavör starfar
á vaxi um 15% á ári.“
Mikill söluhagnaður
hjá Bakkavör Group
Framlegðarhlutfall og hagnaður fyrir skatta lækka milli ára





     







 
  




  
   





 
  
 
   
    






! "#

$ $#

% ##

% "#
!
& &$
 

 '
 (
 


 




 $
  ##


) (  
*+ (  '
   
 
 
 ,
$
&!-,.
$"-#.
$ #&&
 "
 
 ,,"
 
% ,
 
%$ "
&!
!


 " 
# ,#

  #"
$ &
&&-".
$!-!.
  

 ! "


  
# $%  &''$   Bjarki segir að það komi einnig
nokkuð á óvart hvað hagnaður fyrir
afskriftir, EBITDA, sem hlutfall af
tekjum sé lágt, eða 15% á fyrri hluta
ársins á móti 17,2% á sama tímabili í
fyrra. „Aðalorsök lægri framlegðar
nú er sú að framleiðslugeta nýrrar
verksmiðju félagsins er ekki fullnýtt
og því fellur til mikill fastur kostn-
aður á móti tiltölulega litlum
tekjum. Þó er búist við því að bót
verði þar á og um leið og framleiðsla
í verksmiðjunni eykst muni fram-
legðin aukast að sama skapi. Þá
hafði lækkandi verð sjávarafurða á
fyrri hluta ársins neikvæð áhrif á
rekstrarreikning félagsins en vegna
hás birgðaverðs í upphafi árs var
framlegð sjávarútvegshluta félags-
ins lægri en á síðasta ári,“ segir
Bjarki.
Bjarki segir að það sem þó sé já-
kvætt í rekstri félagsins sé að sjáv-
arútvegshluti þess hafi nýlega verið
seldur og að svo virðist sem þeir
hnökrar sem komi fram í uppgjör-
inu nú séu að mestu leyti í þeim
hluta starfseminnar. Til að mynda
hafi salan í Bretlandi aukist um 22%
milli ára en 6% samdráttur hafi orð-
ið á mörkuðum félagsins utan Bret-
lands. „Salan á þessum hluta félags-
ins sýnir að stjórnendur þess eru
ákveðnir í að standa við yfirlýst
markmið sín. Miklar hækkanir hafa
verið á gengi félagsins það sem af er
ári og má gera ráð fyrir því að þær
hækkanir endurspegli væntingar
um að þeim 8 milljörðum króna sem
félagið á í sjóðum verði varið skyn-
samlega en stjórnendur félagsins
hafa gefið út að fjárfestingargeta
þess sé um 200–300 milljónir
punda,“ segir Bjarki Logason.
Gengi hlutabréfa Bakkavarar
lækkaði um 2,8% í 89 milljóna króna
viðskiptum í Kauphöll Íslands í gær.
Lokagengi var 14 og markaðsverð
félagsins miðað við það gengi er 21,3
milljarðar króna.
VIÐSKIPTI/ATHAFNALÍF
MORGUNBLAÐIÐ LAUGARDAGUR 26. JÚLÍ 2003 11
HELDUR hefur dregið úr kol-
munnaveiðum í augnablikinu. Í gær,
föstudag, voru skipin að leita úti fyr-
ir Austfjörðum allt niður í færeysku
lögsöguna. Loðnuveiðum er að
mestu lokið í bili a.m.k.
Það var ekki mikið um landanir á
kolmunna í gær, föstudag, Börkur
NK kom með fullfermi, 1.714 tonn,
til Síldarvinnslunnar í Neskaupstað.
Erlend skip, sænsk og dönsk, hafa
landað slatta þar, Ásgrímur Hall-
dórsson landaði 930 tonnum á Seyð-
isfirði sl. fimmtudag. Beitir var
væntanlegur til Neskaupstaðar til
löndunar í dag, laugardag. Það er
sem sagt nóg um að vera þrátt fyrir
að kolmunninn hafi sigið suðaust-
ureftir, um 140 sjómílur frá Norð-
fjarðarhorni, inn í færeysku lögsög-
una. Jón Kjartansson og fleiri skip
voru að leita um 60–70 sjómílur út af
Austfjörðum í gær og að sögn
starfsmanns Tilkynningaskyldunnar
voru fjögur kolmunnaskip í hnapp
við miðlínuna milli Færeyja og Ís-
lands, Hólmaborg SU, Bergur VE,
Beitir NK og Sighvatur Bjarnason
VE.
Samtals er búið að landa 284.500
tonnum af kolmunna, þar af 217.116
tonnum úr íslenskum skipum. Út-
hlutaður kvóti er 547.000 tonn og
eftirstöðvarnar nú því 329.884 tonn.
Lítið er orðið um landanir loðnu-
skipa og mörg þeirra eru farin á kol-
munnaveiðar. Þó lönduðu Júpiter
ÞH og Víkingur AK hjá Haraldi
Böðvarssyni hf. á Akranesi 24. júlí.
Júpiter kom með smáslatta, 48,3
tonn, og Víkingur með rúm 102
tonn. Bæði skipin eru hætt loðnu-
veiðum í bili a.m.k.
Heildaraflinn á loðnuvertíðinni er
þá orðinn 155.000 tonn sem skiptast
þannig á milli íslenskra skipa og er-
lendra að þau fyrrnefndu hafa land-
að 96.974 tonnum og þau síðar-
nefndu 58.000 tonnum.
Heildarloðnukvótinn skv. úthlutun
Fiskistofu 20. júní er 362.345 tonn,
eftirstöðvar eru því 265.371 tonn.
Aðeins dregið úr
kolmunnaveiðinni
Loðnuveiðum virðist að mestu lokið í bili
Morgunblaðið/JPÁ
Kolmunnaskipin eru að veiðum suðaustur af landinu um þessar mundir.
Hagnaður
VW minnkar
um helming
HAGNAÐUR stærsta bílaframleið-
anda Evrópu, Volkswagen, minnkaði
um helming á öðrum fjórðungi þessa
árs miðað við sama tímabil í fyrra og
nam sem svaraði 35 milljörðum
króna.
Hagnaður fyrir skatta meira en
tvöfaldaðist á milli fyrsta og annars
fjórðungs ársins, en þegar litið er á
fyrri helming ársins í heild minnkaði
hagnaður fyrir skatta um 55% miðað
við sama tímabil í fyrra.
Samdráttur alls staðar
nema í Suðaustur Asíu
Velta Volkswagen dróst saman
um 2,8% og nam um 3.800 milljörð-
um króna á fyrri helmingi ársins.
Þýska viðskiptablaðið Handelsblatt
hefur eftir Volkswagen að minnk-
andi sala á mikilvægum mörkuðum
hafi einkennt fyrri hluta ársins.
Þetta stafi af háu gengi evrunnar
gagnvart, Bandaríkjadal, bresku
pundi og japönsku jeni. Sterk evra
hafi dregið afkomuna niður um 70
milljarða króna.
Volkswagen seldi 2,47 milljónir
bíla á fyrri hluta ársins, sem er 1,6%
samdráttur frá fyrra ári. Samdrátt-
ur varð alls staðar nema í Suðaustur
Asíu, þar sem sala á Volkswagen bíl-
um jókst um 41,5%. Kína er að verða
æ mikilvægari útflutningsmarkaður
fyrir Volkswagen. Þar seldust rúm-
lega 323.500 bílar og aukningin milli
ára var 52%.
Össur lækkar
HLUTABRÉF í stoðtækjafyrir-
tækinu Össuri lækkuðu um 5,6% í
fyrradag, í kjölfar birtingar milli-
uppgjörs fyrirtækisins, þar sem
fram kom að hagnaður þess væri
undir væntingum. Í gær lækkaði
gengi bréfanna um 2,5%, þannig að
lækkunin nam alls 8%. Alls lækk-
aði markaðsvirði fyrirtækisins um
rúmlega 1,3 milljarða í gær og
fyrradag.
LANDSVIRKJUN tók nýverið
stærsta sambankalán sem tekið hef-
ur verið af íslenskum aðila. Um er að
ræða veltulán til 5 ára að fjárhæð 400
milljónir dollara eða um 31 milljarð-
ur króna. Alls standa 19 bankar að
láninu, þar af þrír íslenskir.
Veltulánum svipar til yfirdráttar-
heimilda að því leytinu að um er að
ræða tryggan aðgang að fjármagni
þegar á þarf að halda. Að sögn Stef-
áns Péturssonar, framkvæmda-
stjóra fjármálasviðs Landsvirkjun-
ar, verður lánið fyrst og fremst notað
sem baktrygging, ef aðrar fjármögn-
unarleiðir Landsvirkjunar lokast eða
verða erfiðar á næstu árum.
Baktrygging ef skulda-
bréfamarkaðir lokast
Landsvirkjun þurfi að hafa góðan
aðgang að lausafjármagni meðan á
virkjanaframkvæmdum stendur við
Kárahnjúka og segir Stefán að veltu-
lánið tryggi það. Hann segir erlenda
skuldabréfamarkaði vera aðalfjár-
mögnunarleið fyrirtækisins en til
lánsins megi grípa ef þeir markaðir
lokast, þ.e. ef fjárfestar halda að sér
höndum af einhverjum sökum sem
ekki endilega tengjast fyrirtækinu.
Landsvirkjun greiðir 0,1375%
vexti ofan á Libor-vexti (vextir á
millibankamarkaði í London) á
þeirri upphæð sem nýtt er hverju
sinni og þá í þeirri mynt sem lánað
var í. Þá eru 0,06% á ári greidd af
heildarupphæð veltulánsins, hvort
sem það er notað eða ekki.
Fjórir erlendir bankar sáu um lán-
tökuna fyrir hönd Landsvirkjunar.
Barcleys, Sumitomo, SEB í Svíþjóð
og Société Générale í Frakklandi.
Alls 19 bankar í Evrópu, Bandaríkj-
unum og Japan standa að láninu og
þar á meðal eru Íslandsbanki,
Landsbankinn og Kaupþing Búnað-
arbanki en það er mikilvægt að mati
Stefáns og sýnir að bankar á heima-
markaði styðja ekki síður við fyrir-
tækið en erlendir bankar. SEB í Sví-
þjóð mun stýra láninu á líftíma þess.
Fjármálaráðherra með í för
„Okkur fannst það mjög við hæfi,
af því að söfnun þessa fjármagns
gekk gríðarlega vel, að vera með
undirskriftina úti í London til að fá
sem flesta að borðinu. Geir Haarde
var með okkur og gerði grein fyrir
því helsta sem er að gerast í íslensku
efnahagslífi og vakti það jákvæð við-
brögð hjá bankamönnum að fjár-
málaráðherra væri viðstaddur und-
irskriftina,“ segir Stefán. „Á sama
tíma voru erlend umhverfisverndar-
samtök að hvetja bankana til að lána
ekki til Landsvirkjunar út af Kára-
hnjúkaverkefninu. Það er ánægju-
legt að sú neikvæða umræða hafi
ekki haft áhrif á ákvarðanatöku
þeirra.“
Landsvirkjun sem-
ur við 19 banka
Frá undirritun sambankalánsins í London. Fulltrúar frá bönkum sem aðild
eiga að láninu hlýddu á erindi fjármálaráðherra um íslenskt efnahagslíf.
♦ ♦ ♦
8,2 milljarðar
króna í sjóðum
HANDBÆRT fé
Bakkavarar Gro-
up jókst úr 1,4
milljónum punda
um áramót í 42,8
milljónir punda í
lok júní, eða í
sem svarar 5,4
milljarða króna.
Í tilkynningu frá
félaginu segir að
í gær hafi end-
anlega verið gengið frá sölu á sjáv-
arútvegshluta þess og það hafi nú
um 8,2 milljarða króna í sjóðum.
Ágúst Guðmundsson stjórn-
arformaður Bakkavarar segir
sjóðsstöðu félagsins gríðarlega
sterka og fyrirtækið afar vel fjár-
magnað. Spurður að því hvort
þetta verði nýtt til frekari vaxtar
fyrirtækisins segir Ágúst að ætl-
unin sé að nýta þessa stöðu bæði til
innri vaxtar og til að kanna tæki-
færi til kaupa í öðrum
fyrirtækjum, en þó sé ekkert
ákveðið fyrirtæki í sigtinu í því
sambandi.
Ágúst
Guðmundsson