Morgunblaðið - 13.11.2003, Page 13

ERLENT
MORGUNBLAÐIÐ FIMMTUDAGUR 13. NÓVEMBER 2003 13
Glæsilegir
dömuskór
n‡tt kortatímabil
Ítölsk hönnun
YFIR 20 manns fórust í gærmorgun
í Írak þegar tankbíl, hlöðnum
sprengiefni, var ekið að aðalstöðvum
ítalskra lögreglumanna í borginni
Nasiriyah í sunnanverðu landinu.
Ítalir eru með um 2.400 manna lið
hermanna og herlögreglumanna,
svonefndra Carabinieri, í Írak og
hafa ásamt Rúmenum unnið að
þjálfun íraskra lögreglumanna í
Nasiriyah. Ítalskir ráðamenn hörm-
uðu mannfallið í gær en sögðu að at-
burðurinn myndi engu breyta um þá
ákvörðun stjórnarinnar að aðstoða
við uppbyggingu í Írak. Ekki var vit-
að hverjir voru á bak við tilræðið.
Tankbílnum var ekið að hliði við
eitt af húsum Ítalanna um klukkan
10:40 að þarlendum tíma og þykir
ljóst að um sjálfsmorðsárás hafi ver-
ið að ræða. Vitni sögðu að öðrum bíl
hefði rétt áður verið ekið að húsinu
og skotið hefði verið úr honum á
verðina við húsið til að leiða athygli
frá sprengjubílnum sem kom úr ann-
arri átt. Vitað var að minnst 17 Ítalir
fórust auk amk. átta Íraka. Ellefu
léttvopnaðir Carabinieri-menn voru
meðal hinna látnu, fjórir Ítalanna
voru úr landhernum og tveir voru
borgaralegir starfsmenn. Óttast var
að fleiri hermenn væru grafnir undir
braki á staðnum, að sögn Roberto
Riccardi, majórs í Carabinieri-sveit-
unum í Róm síðdegis í gær. Nær 80
manns slösuðust í sprengingunni.
Framhlið hússins, sem áður hýsti
verslunarráð borgarinnar, gereyði-
lagðist og hrundi að hluta, svo öflug
var sprengingin að rúður brotnuðu í
húsi á bakka árinnar Efrat, handan
við Nasiryiah. Einnig urðu miklar
sprengingar í skotfærum á staðnum
rétt eftir að tankbíllinn sprakk og
eldur varð laus í herjeppum við hús-
ið.
Ítalir vinsælir á svæðinu
Nasiriyah er á svæði sjía-músl-
íma, hún er um 300 km sunnan við
Bagdad og þar hefur að mestu verið
kyrrt eftir að sjálfu stríðinu lauk.
Ítalirnir hafa náð góðu sambandi við
almenning og eru vinsælir á svæð-
inu, að sögn heimildarmanna. Rúm-
lega 300 Carabinieri-liðar, sem
heyra undir ítalska varnarmálaráðu-
neytið og oft eru látnir sinna frið-
argæslustörfum á átakasvæðum,
hafa bækistöð í borginni ásamt 110
Rúmenum og vinna þessir menn all-
ir við þjálfun innlendra lögreglu-
manna. Enginn Rúmenannna mun
hafa fallið eða særst í gær. Liðsafl-
inn er undir yfirstjórn Breta sem
stýra suðurhluta Íraks.
Silvio Berlusconi, forsætisráð-
herra Ítalíu, lýsti hryggð sinni vegna
manntjónsins, hinir föllnu væru hug-
prúðir menn og hann væri hreykinn
af þeim en nú hefðu þeir orðið fórn-
arlömb hryðjuverkamanna. Hann
sagði að ítalska liðið yrði ekki kallað
heim frá Írak eins og margir af tals-
mönnum stjórnarandstæðinga
kröfðust þegar í gær.
„Engar ógnanir munu fá hnikað
þeirri ákvörðun okkar að hjálpa
þjóðinni að byggja landið upp á ný
og mynda eigin ríkisstjórn í skjóli
öryggis og frelsis,“ sagði ráð-
herrann. Mikil andstaða var meðal
ítalsks almennings við þá ákvörðun
Berlusconis á sínum tíma að styðja
stefnu Bandaríkjamanna og Breta
gagnvart Saddam Hussein í Írak.
Ítalir sendu þó ekki neitt herlið til að
taka þátt í Íraksstríðinu en hafa frá
því í júní aðstoðað við uppbygg-
inguna eftir stríðið. Enginn Ítali
hafði fallið í Írak þangað til í gær.
Carlo Azeglio Ciampi, forseti Ítalíu
lýsti einnig harmi sínum vegna at-
burðarins sem væri „andstyggilegt
hermdarverk“ en sagði að Ítalir
myndu eftir sem áður taka fullan
þátt í stríðinu gegn hryðjuverkum.
Blair ræðir um „geysilega
erfiðleika“ í Írak
George W. Bush Bandaríkjafor-
seti sendi í gær Ítölum samúðar-
kveðjur vegna atburðanna í Nasir-
iyah og Tony Blair,
forsætisráðherra Bretlands, vottaði
einnig ítölsku þjóðinni samúð sína í
ræðu í þinginu. Hann sagðist við-
urkenna að hernámsliðið ætti við
„geysilega erfiðleika“ að stríða
vegna árása af hálfu hryðjuverka-
hópa og fyrrverandi embættismanna
Saddams en ráðherrann hét því að
gefast ekki upp við að tryggja að
lýðræði yrði komið á í Írak. Það
versta sem hægt væri að gera í stöð-
unni væri að kalla heim allt her-
námsliðið. „Það erum við sem erum
að reyna að bæta líf venjulegra
Íraka og hryðjuverkamenn og liðs-
menn Saddams reyna að hindra okk-
ur í því,“ sagði Blair.
Ráðamenn á Spáni sögðu að
spænskir hermenn, alls um 1.250
manns, sem nú eru í Írak yrðu ekki
kallaðir heim, þrátt fyrir tilræðið.
Sama viðhorf var uppi á teningnum í
Portúgal en stjórnvöld þar studdu,
eins og Spánverjar, afstöðu Breta og
Bandaríkjamanna gagnvart Írak.
Rösklega 100 manns, sjálfboðaliðar
úr herlögreglusveitum í Portúgal,
verða sendir til Nasiriyah á næst-
unni til að starfa með Ítölunum og
Rúmenunum.
Yfir tuttugu fórust í
tilræðinu í Nasiryiah

 %






 

 

&'(
5+5"
!
!+%6
)

*

+ ! 
!
*

  * 
 !

 %

*! 
& 

Reuters
Vegfarendur í Nasiryiah horfa á reyk sem stígur upp frá aðalstöðvum herlögreglusveitanna ítölsku í gær. Minnst 17 Ítalir og átta Írakar fórust.
Reuters
Silvio Berlusconi, forsætisráðherra
Ítalíu, í þingumræðum í gær.
Bagdad, Róm, London. AP, AFP.
Silvio Berlusconi segir að ítalska herliðið verði ekki kallað heim frá Írak