Morgunblaðið - 12.01.2004, Blaðsíða 2
ÍÞRÓTTIR
2 B MÁNUDAGUR 12. JANÚAR 2004 MORGUNBLAÐIÐ
HELGI Sigurðsson, landsliðsmaður í
knattspyrnu, mun að öllu óbreyttu ganga
til liðs við danska úrvalsdeildarliðið AGF í
Árósum. Helgi fékk um helgina samnings-
tilboð frá liðinu. Sá samningur hljóðar upp
á tvö og hálft ár og er áætlað að Helgi
gangist undir læknisskoðun hjá félaginu í
dag.
„Ég hef ekki skoðað mig um hjá AGF en
mér líst vel það sem ég hef heyrt um liðið.
Aðstaðan er sögð góð og ég býst við því að
ganga að tilboði þeirra,“ sagði Helgi við
Morgunblaðið í gær.
AGF er í sjöunda sæti dönsku úrvals-
deildarinnar en aðstoðarþjálfari þess er
Ólafur H. Kristjánsson fyrrum leikmaður
FH, KR og íslenska landsliðsins. Svíinn Sö-
ren Åkeby er þjálfari AGF, tók við liðinu á
haustmánuðum eftir að hafa gert Djurg-
ården að sænskum meisturum tvö ár í röð,
og undir hans stjórn og Ólafs hefur AGF
aðeins tapað einum af síðustu sex leikjum.
Keppni í dönsku úrvalsdeildinni hefst að
loknu vetrarhléi um miðjan mars en 13
umferðum er ólokið.
Helgi Sigurðsson líklega
í raðir AGF í Danmörku
Helgi Sigurðsson
FÓLK
Það hafa eflaust fáir reiknað aðekkert markið skyldi líta dags-
ins í ljós í viðureign United og New-
castle en undanfarin ár hefur verið
boðið upp á sannkallaða marka-
veislu og mörkin á síðustu leiktíð
urðu 16 talsins í leikjum liðanna.
Tvö umdeild atvik settu mark sitt á
leikinn. Ekki var betur séð en að
Alan Shearer hefði átt að fá dæmda
vítaspyrnu þegar hann var felldur
af Tim Howard markverði United í
fyrri hálfleik og í síðari hálfleik var
mark dæmt af heimamönnum þeg-
ar Michael Silvestre skoraði af því
er virtist löglegt mark. Úrslitin
voru hins vegar sanngjörn en liðs-
menn Newcastle börðust gífurlega
og héldu sóknarmönnum Manchest-
er-liðsins algjörlega í skefjum.
Paul Durkin dómari viðurkenndi
eftir leikinn að Shearer hefði átt að
fá dæmda vítaspyrnu og Sir Alex
Ferguson, stjóri United, tók í sama
streng.
„Þetta var vítaspyrna og markið
sem Silvestre var fullkomlega lög-
legt svo kannski jafnaðist þetta út.
Lið Newcastle barðist rosalega og
gaf fá færi á sér en mér fannst þó
að við hefðum átt að taka öll stigin.
Það vantaði hins vegar smá slag-
kraft í sóknina,“ sagði Ferguson.
Chelsea hristi af sér slyðruorðið
og burstaði Leicester á útivelli í
gær, 4:0. Jimmy Floyd Hasselbaink
þakkaði traustið sem Claudio Rani-
eri sýndi honum með því að velja
hann í byrjunarliðið. Hollendingur-
inn skoraði tvö fyrstu mörkin í fyrri
hálfleik og þeir Adrian Mutu og Ce-
lestine Babayaro bættu við tveimur
mörkum á lokamínútum. Þungu
fargi er létt af Mutu en þetta var
hans fyrsta mark í 14 leikjum. Mutu
kom inná sem varamaður á 72. mín-
útu en hann skipti við Eið Smára
Guðjohnsen sem sýndi ágæt tilþrif
á köflum.
„Okkur tókst að yfirstíga press-
una sem var á okkur fyrir leikinn og
mér fannst við spila mjög góðan fót-
bolta og þá einkum og sér í lagi í
fyrri hálfleik. Við urðum að sigra til
að halda í við Manchester United
og Arsenal og það var sérlega mik-
ilvægt fyrir Muto og ekki síst liðið
að honum skildi takast að skora,“
sagði Hasselbaink eftir leikinn.
„Skytturnar“ í góðum gír
Arsenal vann örugglega fyrsta
leikinn af fjórum í viðureignum sín-
um við Middlesborough í þessum
mánuði. „Skytturnar“ voru í góðum
gír og unnu stórsigur, 4:1. Thierry
Henry lét eins og ávallt vel til sín
taka í liði Arsenal. Hann skoraði
fyrsta markið úr vítaspyrnu, annað
markið með skoti sem hafði við-
komu í varnarmanni Middles-
brough og hann átti þátt í markinu
sem Robert Pires skoraði í byrjun
síðari hálfleiks. Frederik Ljung-
berg skoruði fjórða markið áður en
Massimo Maccarone náði að laga
stöðu fyrir gestina með marki úr
vítaspyrnu undir lokin.
„Þetta var góð frammistaða og
mínir menn brugðust hárrétt við
eftir slakan leik á móti Everton í
síðustu viku,“ sagði Arsene Wen-
ger. Frakkinn gaf það sterklega til
kynna eftir leikinn að þó svo skörð
hafi verið höggvin í lið hans þá ætli
hann ekki að kaupa nýja menn. Wil-
tord og Dennis Bergkamp eru
meiddir, Jeremene Aliadere meidd-
ist og verður frá í tvær vikur og
Kanu er að fara í Afríkukeppnina
með liði Nígeríumanna.
„Við virkuðum mjög þreytulegir
en það er engin afsökun. Við vörð-
umst mjög illa og það má ekki ger-
ast á móti liði eins og Arsenal,“
sagði Steve McClaren stjóri Boro.
Liverpool vann annan 1:0 sigur
sinn í röð, nú á heimavelli gegn
Aston Villa og réð sjálfsmark Mark
Delanays úrslitunum.
„Við lékum ekkert vel en barátt-
an var til fyrirmyndar og það var ég
ánægður að sjá. Villa liðið veitti
okkur kröftuga mótspyrnu og við
þurfum svo sannarlega að hafa fyrir
því að merja sigur. Það var ánægju-
legt að sjá Michael Owen inni á vell-
inum á nýjan leik. Hann stóð fyrir
sínu og ég vænti mikils af honum í
komandi leikjum,“ sagði Gerard
Houllier knattspyrnustjóri Liver-
pool.
Barátta Man. United, Arsenal og Chelsea heldur áfram
Mjög óvænt
markaleysi á
Old Trafford
ARSENAL og Chelsea söxuðu á forskot Manchester United á toppi
ensku úrvalsdeildarinnar um helgina. Lundúnaliðin unnu bæði
stórsigra á mótherjum sínum en Englandsmeistararnir urðu að
sætta sig við markalaust jafntefli á móti Newcastle á Old Trafford í
gær. United hefur eins stigs forskot á Arsenal og til marks um hve
jöfn liðin eru hafa þau sömu markatölu.
Reuters
Ísinn brotinn! Framherji Chelsea Adrian Mutu fagnaði lang-
þráðu marki sínu gegn Leicester ásamt félaga sínum Mario
Melchiot. Mutu hafði ekki skorað í 13 leikjum í röð fyrir leikinn.
TOTTENHAM virðist eitthvað
vera að rétta úr kútnum en sigurinn
á Leeds var sá annar í röð hjá liðinu.
Robbie Keane skoraði eina mark
leiksins en hann vildi ekki fagna því
enda fyrrverandi liðsmaður Leeds.
KEVIN Keegan og lærisveinar
hans í Manchester City léku 14. leik-
inn í röð án sigurs í deildinni þegar
þeir töpuðu fyrir nýliðum Portsmo-
uth, 4:2. Ísraelski landsliðsmaðurinn
Eyal Berkovic sem seldur var frá
City til Portsmouth fyrir helgina lék
gegn sínum gömlu félögum og hann
vandaði ekki Kevin Keegan, stjóra
City, kveðjurnar: „Ég var bestur á
æfingum liðsins í hálft ár og allir
vissu það. Keegan hegðaði sér eins
og lítið barn og í mínum huga ætti
hann skilið að verða rekinn úr
starfi.“
MARK Viduka ástralski framherj-
inn í liði Leeds hélt til heimalands
síns í gær en þangað fór hann vegna
veikinda í fjölskyldu sinni. Ekki er
vitað hversu lengi Viduka verður í
Ástralíu en honum var skipt útaf í
hálfleik í leik Leeds á móti Totten-
ham á sunnudaginn þar sem hann
kvaðst ekki geta einbeitt sér að
leiknum.
VIDUKA er orðaður við lið Tott-
enham en heimildir frá White Hard
Lane eru þær að félagið vilji fá Ástr-
alann í sínar raðir og sé tilbúið að
greiða 3,5 millj. punda fyrir hann.
EL-HADJI Diouf leikmaður Liv-
erpool nældi sér í sitt tíunda gula
spjald á leiktíðinni í sigurleik Liver-
pool á Aston Villa. Hadji fer því í
tveggja leikja bann og missir af leikj-
unum á móti Everton og Newcastle
en á sama tíma verður hann upptek-
inn með landsliði Senegala í Afríku-
keppninni.
GERRY Taggart varnarjaxlinn í
liði Stoke hefur heldur betur snúið
hlutunum við frá því hann gekk í rað-
ir félagsins. Frá því Taggart gekk til
liðs við Stoke hefur liðið unnið fimm
leiki og gert eitt jafntefli í síðustu
sex leikjum. Taggart var hetja Stok-
ara í leiknum við Derby en hann
skoraði sigurmarkið í 2:1 sigri þess.
Stoke er komið upp í 13. sæti og hef-
ur kvatt falldrauginn, alla vega í bili.
HOLLENSKI landsliðsmaðurinn
Edgar Davids hefur fengið grænt
ljós frá forráðamönnum ítalska liðs-
ins Juventus þess efnis að ganga frá
samningum við spænska liðið Barce-
lona. Leikmaðurinn er í Barcelona
þessa stundina að ganga frá sínum
málum og gangi allt eftir verður
hann leigður frá Juventus út leiktíð-
ina en síðan mun hann verða samn-
ingsbundinn fram til sumarsins
2005.
SAMNINGUR Davids við Juven-
tus rennur út í júlí og hefur hann
ekki viljað semja á ný við ítalska lið-
ið. Davids er þrítugur að aldri og
hefur leikið með Juventus frá árinu
1997 en áður lék hann með AC Milan.
EIÐUR Smári Guðjohnsen segir í viðtali við Daily Telegraph að
menn skuli ekki afskrifa Chelsea í baráttunni um enska meist-
aratitilinn.
„Fólk keppist við að segja að í uppsiglingu sé einvígi Man-
chester United og Arsenal um titilinn en ég hef fulla trú á að við
verðum í baráttunni. Síðustu vikurnar hafa ekki verið góðar hjá
okkur en það skyldi enginn afskrifa okkur,“ segir Eiður Smári.
Eiður var í byrjunarliði Chelsea í gær en var skipt útaf fyrir
Rúmenann Adrian Mutu á 73. mínútu leiksins.
Eiður Smári segir að samkeppnin sé hörð um sæti í liðinu og
hann gefur ekkert út varðandi fréttir ensku blaðanna um að Sir
Bobby Robson, stjóri Newcastle, sé á höttunum eftir honum.
„Allt frá því ég kom til Chelsea hef ég þurft að vera í mikilli
samkeppni. Ég þurfti að keppa við Gianfranco Zola, einn þann
besta sem hefur spilað fyrir Chelsea, Jimmy Floyd Hasselbaink
sem keyptur var fyrir 15 milljónir punda og Tore Andre Flo sem
var markahæstur í liði Chelsea eitt tímabilið. Ég hef reynt að
beina einbeitingunni að sjálfum mér og að sýna knattspyrnu-
stjóranum að ég sé besti framherjinn,“ segir Eiður.
Ekki afskrifa okkur
segir Eiður Smári