Morgunblaðið - 18.12.2004, Blaðsíða 61

MORGUNBLAÐIÐ LAUGARDAGUR 18. DESEMBER 2004 61
KIRKJUSTARF
Enskir jólasálmar í
Hallgrímskirkju
SUNNUDAGINN 19. desember kl.
14 verður haldin árleg athöfn í
Hallgrímskirkju, þar sem enskir
jólasálmar og textar tengdir jólum
verða lesnir.
Athöfnin byggist á ákveðinni
hefð sem nefnd er „Festival of nine
lessons and carols“ með þátttöku
bæði leikmanna og prests. Umrædd
athöfn fór fyrst fram í King’s
College Chapel í Cambridge í Eng-
landi árið 1918.
Sendiherrar Bretlands, Banda-
ríkjanna og Kanada munu taka þátt
auk séra Bjarna Þórs Bjarnasonar.
Mótettukór Hallgrímskirkju syng-
ur undir stjórn Harðar Áskelsonar,
organista í Hallgrímskirkju.
Athöfnin verður flutt á ensku.
English Service in
Hallgrímskirkja
THE annual FESTIVAL OF NINE
LESSONS AND CAROLS – a
Christmas service will be held at 2
p.m. on Sunday, December 19th at
Hallgrímskirkja. The Ambassadors
of Britain, Canada and the United
States will participate as well as
the Revd Bjarni Þór Bjarnason.
The Motet Choir of Hallgríms-
kirkja will perform conducted by
Hörður Áskelsson, organist and
conductor. The service is in Engl-
ish.
Kvöldguðsþjónusta
í Seljakirkju
KVÖLDGUÐSÞJÓNUSTA með að-
ventubrag verður í Seljakirkju
sunnudagskvöldið 19. desember kl.
20. Sr. Valgeir Ástráðsson prédik-
ar. Þorvaldur Halldórsson stjórnar
tónlistinni. Altarisganga. Verið vel-
komin.
Jólasöngvar fjölskyld-
unnar í Bústaðakirkju
Á SUNNUDAGINN 19. desember
verða jólasöngvar fjölskyldunnar í
fjölskyldusamveru í Bústaðakirkju
kl. 11.
Þetta er samvera fyrir alla fjöl-
skylduna, þar sem jólalögin eru
sungin og börnin ásamt foreldrum,
öfum og ömmum koma saman til
kirkju og eiga helga stund.
Börn úr Fossvogskóla flytja jóla-
guðspjallið í helgileik. Kennarar í
skólanum hafa annast undirbúning
og þátttaka nemenda verið almenn.
Þessar samverur hafa verið fjöl-
sóttar og kærkomin stund í erli
jólanna til þess að setjast niður og
hugleiða inntak aðventunnar og
boðskap heilagra jóla.
Látum jólasöngvana hljóma með
allri fjölskyldunni og syngjum sam-
an um frið og helgi hátíðarinnar.
Athugið að þennan sunnudag
verður aðeins messan kl. 11, sem er
sameiginleg fyrir yngri sem eldri.
Pálmi Matthíasson.
Jólasöngvar fjölskyld-
unnar í Hjallakirkju
FJÓRÐI og síðasti sunnudagur
aðventunnar er framundan, 19.
desember. Þá verða jólasöngvar
fjölskyldunnar í Hjallakirkju í
Kópavogi kl. 11.
Tveir kórar mætast og leiða öfl-
ugan jólasöng, kór kirkjunnar og
Kammerkór Reykjavíkur. Kórarnir
syngja undir stjórn Sigurðar
Bragasonar og Jóns Ólafs Sigurðs-
sonar. Ardís Ólöf Víkingsdóttir
syngur einsöng með Kammer-
kórnum.
Eldra æskulýðsfélag selur kaffi
við innganginn eftir guðsþjónustu
til styrktar utanlandsferð næsta
sumar.
Tilvalið er að koma í kirkju svona
rétt fyrir jól og syngja gamla og
nýja jólasálma með kröftugum kór-
um. Verið hjartanlega velkomin.
Jólahátíð barna-
starfsins í Garði og
Sandgerði
LAUGARDAGINN 18. desember kl.
11 verður sameiginleg jólahátíð
barnastarfsins í Útskálaprestakalli
haldin í safnaðarheimilinu í Sand-
gerði.
Börn í Kirkjuskólanum og Ntt-
starfinu í Garði og Sandgerði
syngja jólasálma og jólalög. Jóla-
leikrit verður sett á svið og jóla-
guðspjallið lesið. Þá mun Ellen
Hrund Ólafsdóttir leika á harmón-
iku og Sandra Rún Jónsdóttir á
þverflautu. Starfsfólk í barna- og
Ntt-starfinu leiðir stundina og
Steinar Guðmundsson organisti
annast undirleik. Boðið verður upp
á piparkökur og heitt kakó ásamt
öðrum glaðningi sem afhentur
verður við lok stundarinnar. Hér er
um fjölskylduhátíð að ræða þar sem
vonast er eftir þátttöku sem flestra.
Samkirkjuleg
bænastund
Á ÞESSU ári verður haldin sam-
kirkjuleg bænastund, í þetta skipti
4. sunnudag í aðventu, 19. desem-
ber 2004, kl. 15 í Dómkirkjunni.
Séra Gunnar Kristjánsson og
séra Hjalti Þorkelsson munu halda
guðsþjónustuna saman. Marteinn
H. Friðriksson og Sesselja Krist-
jánsdóttir munu sjá um tónlist-
arflutning.
Eftir guðþjónustuna er söfnuð-
inum hjartanlega boðið í jólamót-
töku þýska sendiherrans, í sendi-
herrabústaðnum, Túngötu 18,
Reykjavík.
Ökumenischer Gottes-
dienst zu Advent und
Weihnachten
AUCH in diesem Jahr findet ein
deutschsprachiger ökumenischer
Advents- und Weihnachtsgottes-
dienst statt. Diesmal am 4. Advent,
den 19. Dezember 2004, um 15 in
der Dómkirkja.
Probst Gunnar Kristjánsson und
Pfarrer Hjalti Þorkelsson werden
den Gottesdienst gemeinsam leiten.
Die musikalische Ausgestaltung
liegt in Händen von Marteinn H.
Friðriksson und Sesselja Kristjáns-
dóttir. Im Anschluß an den Gottes-
dienst ist die Gemeinde herzlich zu
einem Weihnachtsempfang in der
Residenz des deutschen Botschaft-
ers, Túngata 18, eingeladen.
Kópavogskirkja –
Jólasöngvar
JÓLASÖNGVAR Skólakórs Kárs-
ness verða sunnudaginn 19. desem-
ber í Kópavogskirkju. Auk kórsins
syngur Guðrún Jóhanna Ólafs-
dóttir og drengjakvartettinn Vall-
argerðisbræður fjölbreytta jóla-
söngva. Elísabet Waage leikur á
hörpu og undirleikari kórsins er
Marteinn H. Friðriksson. Þá verður
frumflutt lag eftir Martein við jóla-
sálm sem Sigurður Geirdal orti
skömmu áður en hann dó. Stjórn-
andi er Þórunn Björnsdóttir. Jóla-
söngvarnir hefjast kl. 22 og er að-
gangur ókeypis.
Heilunarguðsþjónusta
SUNNUDAGINN 19. desember kl.
17 verður efnt til heilunarguðs-
þjónustu í Fríkirkjunni í Reykjavík.
Að þessu sinni verður minnst
aldarafmælis séra Jóns Auðuns f.v.
dómprófasts sem m.a. var forseti
félagsins. Prestur verður séra
Hjörtur Magni Jóhannsson. Um
tónlistina sjá Anna Sigríður Helga-
dóttir og Gróa Hreinsdóttir.
Um hópheilun sjá huglæknar og
miðlar sem starfa innan SRFÍ.
Hópaleiðbeinendur félagsins og
nemar. Einnig verða nemar staddir
á víð og dreif um kirkjuna og taka
þátt í heiluninni. Friðbjörg Óskars-
dóttir, stjórnandi hópastarfs SRFÍ,
leiðir kirkjugesti í hugleiðslu á
meðan heilunin fer fram.
Þessi heilunar-, kærleiks- og
kyrrðarstund í Fríkirkjunni er öll-
um opin.
Sálarrannsóknarfélag Íslands.
Jólastund í
Digraneskirkju
FJÓRÐA sunnudag í aðventu (19.
des.) verður jólaball sunnudaga-
skólans haldið kl. 11. Það er jóla-
trésskemmtun og verður gengið í
kringum jólatré. Jólasveinninn
kemur í heimsókn. Á eftir verður
heitt súkkulaði og piparkökur.
Jólastund fyrir alla fjölskylduna
verður sama dag í Digraneskirkju
kl. 16. Söngflokkurinn Senjorít-
urnar syngja gömul og ný aðventu-
og jólalög. Einnig mun yngri deild
Skólahljómsveitar Kópavogs spila.
Eftir jólastundina er boðið upp á
heitt súkkulaði og piparkökur.
Morgunstundir í
Grafarvogskirkju
MORGUNSTUNDIR í Grafarvogs-
kirkju hafa verið haldnar alla virka
daga aðventunnar kl. 7 á morgn-
ana. Hafa þessar stundir tekist ein-
staklega vel og verið fjölsóttar.
Þeir sem hafa komið í kirkjuna
hafa staldrað við að athöfn lokinni
og fengið sér kaffisopa. Er það
ánægjulegt í morgunsárið.
Núna eru eftir fjórar morgun-
stundir, dagana 20., 21., 22. og 23.
desember en þá er síðasta stundin á
Þorláksmessu.
Minningar- og
kyrrðarstund í
Norðfjarðarkirkju
MINNINGAR- og kyrrðarstund
verður í kirkjunni mánudaginn 20.
desember kl. 20.
Hinn 20. desember 2004 eru liðin
30 ár frá þeim atburði sem markað
hefur hvað dýpst áhrif á mannlífið
hér og skilið eftir djúp óafmáanleg
spor um alla framtíð. Allir eru vel-
komnir í kirkjuna sem og í stutta
minningarsamveru sem verður við
minnismerkið um látna í Lystigarð-
inum fyrir athöfnina kl. 19:30. Þar
verður kveikt á tólf kyndlum.
Þannig munum við minnast þeirra
sem létust og leitum styrks í sam-
félagi kirkjunnar, við tónlist, hugg-
unarorð og kertaljós. Athöfnin í
kirkjunni hefst kl. 20. Mætum
tímanlega til þessarar stundar.
Biðjum við hvert heimili að tendra
friðarljós við útidyr þetta kvöld.
Látum ljós lýsa ský. Megi hvert
heimili njóta þess friðar sem Krist-
ur gefur, megi sá friður helga jóla-
haldið sem í hönd fer.
Sigurður Rúnar Ragnarsson,
sóknarprestur.
Bænastund
HINN 20. desember næst komandi
eru 30 ár liðin síðan snjóflóð féllu á
Neskaupstað. Vegna þessara at-
burða og til að minnast þeirra sem
létust verður stutt bænastund kl. 18
í Fella- og Hólakirkju (Hólabergi
88, 111 Rvík.) sem séra Svavar Stef-
ánsson, fyrrverandi sóknarprestur
Norðfirðinga, mun annast. Að
henni lokinni býður Norðfirðinga-
félagið upp á kaffi í safnaðarheimili
kirkjunnar.
Undirbúningsnefndin.
Aðventusöngvar
við kertaljós
ÁRLEG jólastund fyrir alla fjöl-
skylduna verður í Háteigskirkju
sunnudaginn 19. desember kl. 20.
Barnakór kirkjunnar syngur og
flytur helgileik undir stjórn Sigrún-
ar Mögnu Þórsteinsdóttur, barna-
kórstjóra. Kirkjukór Háteigskirkju
syngur undir stjórn Douglas A.
Brotchie, organista. Sr. Sigurður
Sigurðarson, vígslubiskup í Skál-
holti, flytur ávarp. Allir velkomnir.
Jólasöngvar í Frí-
kirkjunni í Hafnarfirði
Á MORGUN, sunnudaginn 19. des-
ember, verða jólasöngvar fjölskyld-
unnar í Fríkirkjunni í Hafnarfirði
og hefst stundin kl. 11. Hér er um
að ræða hátíðlega stund fyrir börn
og fullorðna. Barnakór kirkjunnar
kemur fram og syngur undir stjórn
Ernu Blöndal og krakkar úr TTT-
starfi kirkjunnar ætla að sýna
helgileik. Inga Dóra Hrólfsdóttir
mun leika á þverflautu og Rannveig
Hrólfsdóttir á fiðlu. Og að sjálfs-
sögðu munu svo kirkjugestir rifja
upp jólalögin gömlu og góðu undir
stjórn Arnar Arnarsonar.
Stoppleikhópurinn í
Breiðholtskirkju
SUNNUDAGINN 19. desember,
fjórða sunnudag í aðventu, kl. 11
verður barna- og fjölskylduguðs-
þjónusta í Breiðholtskirkju í Mjódd,
sem við nefnum jólasöngva fjöl-
skyldunnar.
Eins og nafnið ber með sér mun-
um við leggja á það áherslu að
syngja saman jólasöngva, en auk
þess fáum við Stoppleikhópinn í
heimsókn. Leikhópurinn mun flytja
jólaleikritið „Síðasta stráið“, sem
byggt er á sögu eftir Fredrick H.
Thury. Þetta er falleg og hugljúf
saga sem vonandi hjálpar okkur öll-
um að undirbúa hug og hjarta und-
ir komu jólanna, en söguþráðurinn
er byggður á jólaguðspjallinu.
Einnig verður í þessari guðsþjón-
ustu, eins og undanfarin ár, tekið á
móti söfnunarbaukum Hjálpar-
starfs kirkjunnar.
Sr. Gísli Jónasson.
Sunnudagaskóli í
Húsdýragarðinum
SUNNUDAGINN 19.12. kl. 15.30
verður sunnudagaskóli haldinn í
Húsdýragarðinum. Þar munu
sunnudagaskólakennarar Laugar-
neskirkju segja sögur og slá á létta
strengi ásamt sóknarpresti safn-
aðarins en Þorvaldur Halldórsson
leiðir sönginn. Aðgangur er ókeyp-
is og er allt fólk hvatt til að mæta
með börnin sín. Kl. 16 lýkur stund-
inni með því að allir fara saman að
gefa selunum.
Athugið að ekki verður sunnu-
dagaskóli í kirkjunni um morgun-
inn, heldur leikmannamessa kl. 11,
þar sem Þorgeir Ástvaldsson leiðir
söng en Halla Margrét Jóhann-
esdóttir og Aðalbjörg Helgadóttir
tala um jólin og trúna.
Æðruleysismessa í
Dómkirkjunni
ÆÐRULEYSISMESSA í ljósi jóla-
hátíðarinnar verður í Dómkirkj-
unni, sunnudaginn 19. desember kl.
20.
Einhver mun segja þar af reynslu
sinni úr baráttunni við áfengissýk-
ina. Ellen Kristjáns og KK, Hjör-
leifur Valsson, Birgir og Hörður
Bragasynir sjá um tónlist í anda
jólanna.
Sr. Jakob Ágúst Hjálmarsson
flytur hugleiðingu. Sr. Karl V.
Matthíasson leiðir samkomuna og
sr. Hjálmar Jónsson leiðir fyr-
irbæn. Syngjum saman söngva jóla
og aðventu, deilum reynslu okkar,
vonum og þrá.
Kolaportsmessa
HELGIHALD þarfnast ekki hús-
næðis heldur lifandi fólks. Kirkja
Jesú Krists er ekki steypa, heldur
lifandi steinar, manneskjur af holdi
og blóði. Þess vegna er hægt að
fara út úr kirkjubyggingum með
helgihald og fagnaðarerindið og
mæta fólki í dagsins önn. Í tilefni af
því bjóðum við til guðsþjónustu í
Kolaportinu næsta sunnudag, 19.
desember, kl. 14.
Jóna Hrönn Bolladóttir mið-
borgarprestur flytur hugleiðingu
og þjónar ásamt Bjarna Karlssyni
presti í Laugarneskirkju og Ragn-
heiði Sverrisdóttur djákna.
Þorvaldur Halldórsson mun leiða
lofgjörðina. En einnig mun Þor-
valdur Þorvaldsson, sonur Þorvald-
ar Halldórssonar, syngja. Þá er
hægt að leggja inn fyrirbænarefni
til þeirra sem þjóna í guðsþjónust-
unni áður en stundin hefst. Í lok
stundarinnar verður blessun með
olíu.
Guðsþjónustan fer fram í kaffi-
stofunni hennar Jónu í Kolaportinu
sem ber heitið Kaffiport, þar er
hægt að kaupa sér kaffi og dýrindis
meðlæti og eiga gott samfélag við
Guð og menn. Það eru allir vel-
komnir.
Miðborgarstarf þjóðkirkjunnar.
Syngjandi konur
í Austurstræti
ÞORLÁKSMESSUKVÖLD klukkan
20 verður helgistund í Austurstræti
fyrir gesti og gangandi. Þeir sem
þjóna verða staðsettir fyrir framan
Hressingarskálann í Austurstræti
20. Þar munu prestarnir Jóna
Hrönn Bolladóttir og Irma Sjöfn
Óskarsdóttir minna á kjarna
jólanna ásamt hinum frábæru kon-
um í Léttsveit Reykjavíkur sem
munu syngja jólasálma undir stjórn
Jóhönnu V. Þórhallsdóttur. En kór-
inn hefur mætt síðustu fimm ár á
Þorláksmessukvöld og fyllt mið-
borgina af lofsöng gangandi veg-
farendum til gleði og uppbygg-
ingar.
Miðborgarstarf þjóðkirkjunnar.
Jólaóratóría Saint
Saëns í Neskirkju
JÓLATÓNLEIKAR Kórs Neskirkju
2004 verða 19. desember klukkan
17. Aðalverk tónleikanna er Jóla-
óratoría Saint Saëns, sem verður
flutt með 5 einsöngvurum og org-
elundirleik. Þá verða einnig flutt
nokkur minni verk s.s. Laudate
Dominum eftir Mozart og ýmis jóla-
lög. Stjórnendur eru þau Stein-
grímur Þórhallsson og Hildigunnur
Rúnarsdóttir. Tilvalið að koma og
hvíla sig og njóta fallegrar tónlistar
í Neskirkju. Miðar seldir í forkirkj-
unni.
Helgistund í
Húsgagnahöllinni
Í DAG kl. 14 verður helgistund í
húsgagnahöllinni fyrir framan
verslanirnar á vegum Grafarvogs-
kirkju. Þorvaldur Halldórsson mun
syngja á þessari helgistund. Þetta
er tækifæri fyrir fólk í jólainnkaup-
unum að staldra við og hlusta á
jólasálma og hugleiðingu, komast í
jólaskapið er nokkrir dagar eru þar
til hátíðin hefst.
Morgunblaðið/ÓmarHallgrímskirkja í Reykjavík.