24 stundir - 18.07.2008, Blaðsíða 8

8 FÖSTUDAGUR 18. JÚLÍ 2008 24stundir
Bandaríkjastjórn mun bráðlega
senda embættismenn til Írans sem
verða með fasta viðveru í höfuð-
borginni Teheran. Er þetta talinn
vera mikill viðsnúningur í utanrík-
isstefnu Bush-stjórnarinnar, en
bandarískir erindrekar voru allir
kallaðir heim frá Íran byltingarárið
1979.
Breska blaðið Guardian hefur
heimildir fyrir að Bandaríkjastjórn
muni tilkynna ákvörðun sína í
næsta mánuði.
Samskipti Bandaríkjanna og Ír-
an hafa verið sérstaklega stirð und-
anfarin ár, sér í lagi vegna kjarn-
orkuáætlunar Íransstjórnar og
meints stuðnings hennar við
hryðjuverkamenn í Írak.
Mikil spenna hefur verið á svæð-
inu síðustu daga eftir að Íranar
gerðu tilraunir með níu langdræg-
ar eldflaugar. Flaugarnar geta borið
kjarnavopn og gætu þær langdræg-
ustu skotið alla leið til Ísraels. Nú
virðist þó sem ákveðin þíða hafi
myndast í samskiptunum.
Guardian segir að um ákveðinn
millileik sé að ræða og að ekki verði
um hefðbundið sendiráð að ræða.
Íransstjórn hefur lengi gagnrýnt að
ekki hafa getað átt beinar viðræður
við fulltrúa Bandaríkjastjórnar,
heldur hafa þær þurft að fara í
gegnum þriðja aðila.
atlii@24stundir.is
Viðsnúningur Er-
indrekar Bandaríkja-
stjórnar voru kallaðir
heim frá Teheran 1979.
Þíða í samskiptum Bandaríkjanna og Írans?
Bandarískir erindrekar
sendir til Írans
Svo virðist sem breskir ferða-
langar séu í auknum mæli að
senda gamaldags póstkort
heim til fjölskyldu og vina.
Margir spáðu að með tilkomu
tölvupósta og farsíma væri
tími póstkortanna á enda
runninn, en samkvæmt tölum
frá breska póstinum varð
mikil fjölgun í póstkortasend-
ingum á síðasta ári. Þannig
sendu Bretar 135 milljónir
póstkorta á síðasta ári, 30
milljónum fleiri en árið 2006.
Brian Lund, ritstjóri tímarits-
ins Picture Postcard, segir að
fólk hafi nú gert sér grein fyrir
að ekki sé hægt að hengja
SMS-skeyti upp á vegg heima
hjá sér. „Fólk skilur nú hvað
póstkortin eru yndisleg.“ aí
Breskir ferðalangar
Póstkortin
aftur í tísku
Hæstiréttur Spánar hefur
sýknað fjóra menn sem höfðu
áður verið sakfelldir fyrir að-
ild að sprengjuárásunum í
Madríd árið 2004, þar sem 191
maður lést. Alls var 21 sak-
felldur í málinu á lægra dóm-
stigi á síðasta ári.
Árásin átti sér stað 11. mars
2004, þegar tíu sprengjum í
bakpokum var komið fyrir í
lestum víðs vegar um höf-
uðborgina. aí
Hryðjuverk í Madríd
Hæstiréttur
sýknar fjóra
Eftir Atla Ísleifsson
atlii@24stundir.is
Kínversk yfirvöld ætla ekki að taka
neina áhættu þegar kemur að því
að tryggja öryggi keppanda og gest-
komandi á Ólympíuleikunum sem
hefjast í Peking 8. ágúst.
Vopnuðum lögregluþjónum
hefur verið komið fyrir á eftirlits-
stöðvum við allar inngönguleiðir í
Peking, þannig að þeir myndi þre-
falt öryggisnet umhverfis borgina.
Er þeim ætlað að skanna farartæki í
leit að öllu grunsamlegu sem gæti
ógnað öryggi fólks á leikunum,
sem beðið er með mikilli eftirvænt-
ingu.
Langar biðraðir
Á fjölförnustu vegunum inn í
borgina hafa myndast kílómetra-
langar biðraðir undanfarna daga
og hafa stjórnvöld beint þeim orð-
um til lögreglumanna að vera ef til
vill ögn sveigjanlegri í eftirliti sínu.
Mörg dæmi eru um að vöru-
flutningar hafi truflast verulega þar
sem nú má ekki aka vörubílum,
sem ekki eru með Peking-bílnúm-
er, inn fyrir borgarmörkin.
Viðskiptin lömuð
Cong Peichao, framkvæmda-
stjóri vöruflutningafyrirtækis, segir
í viðtali við breska blaðið Daily
Telegraph að viðskiptin séu nánast
algerlega lömuð vegna þessa. „Ég
verð þó að láta mér þetta lynda, þar
sem Ólympíuleikar fara ekki fram í
borginni á hverjum degi.“
Við eftirlitsstöðvar lögreglu
neyðist hann nú til að flytja vörur
sínar úr utanbæjarvörubílunum í
smærri vörubíla á Peking-númer-
um, til að þær komist á leiðarenda.
Fjölda verslana hafa einnig lok-
að, ýmist vegna herferðar yfirvalda
gegn sölu á ólöglegum varningi eða
þar sem vörur hafa ekki borist.
Dregið úr mengun
Síðustu vikur hafa vörubílstjórar
þurft að greiða tvöfalt gjald fyrir að
aka bílum sínum inn í borgina. Á
sunnudaginn verður svo gripið til
enn hertari reglna og verður þá
bannað að aka öllum orkufrekum
bílum, þar á meðal vörubílum, inn
í borgina. Yfirvöld vonast að með
þessu verði hægt að draga eitthvað
úr mengun í borginni.
Margir íþróttamenn hafa lýst yf-
ir miklum áhyggjum af stöðu
mengunarmála í borginni og segj-
ast ætla að draga það eins lengi og
mögulegt er að koma til borgarinn-
ar fyrir keppni.
Mikil öryggisgæsla
Öryggisgæsla var einnig mikil á
Ólympíuleikunum í Aþenu fyrir
fjórum árum. Sérfræðingar hafa þó
bent á að þeir leikar fóru fram í
borg þar sem talsvert hefur verið
um hryðjuverk, auk þess að
skammt var liðið frá hryðjuverka-
árásunum í Madríd.
Aftökur og handtökur
Kínversk stjórnvöld hafa gert
mikið úr meintri hryðjuverka-
hættu, sér í lagi þeirri sem stafar af
múslímskum andófsmönnum í
Xinjiang-héraði, vestast í Kína.
Fyrr í mánuðinum voru tveir
menn líflátnir um leið og þeir
höfðu verið dæmdir sekir fyrir að
skipuleggja hryðjuverk á leikunum.
Yfirvöld segjast hafa upprætt fimm
hryðjuverkahópa og handtekið
tæplega hundrað manns, en þeim
er öllum gefið að sök að hafa haft í
hyggju að láta til skarar skríða á Ól-
ympíuleikunum.
Aukinn öryggisvið-
búnaður í Peking
 Aðgerðir yfirvalda hafa mikil áhrif á daglegt líf íbúa höfuðborgarinnar Peking
 Fjöldahandtökur og menn líflátnir eftir að hafa verið dæmdir fyrir hryðjuverkaáform
Eftirlitsstöð Fylgst er
með öllum bílum sem
er ekið inn í Peking.
➤ Keppendur á leikunum verðaum 10.500 talsins.
➤ Barist verður um 302 gull-verðlaun í 28 íþróttagreinum.
➤ Rúmlega 100 þúsund lög-reglumenn verða að störfum,
auk 600 þúsund sjálf-
boðaliða.
ÓLYMPÍULEIKARNIR
NATO hefur ráð-
ið til sín fram-
kvæmdastjóra
hjá bandaríska
gosrisanum
Coca-Cola til að
bæta ímynd þess
úti í hinum stóra
heimi. NATO
undirbýr nú 60 ára afmælishátíð
bandalagsins sem fram fer á
næsta ári.
Kannanir í fjölda Evrópuríkja
benda til að sífellt fleiri telja mik-
ilvægi NATO fyrir öryggi síns rík-
is hafa minnkað á síðustu árum. aí
Fá kók-mann til
að bæta ímynd
Hætta er á að tvö elstu börnin
sem Austurríkismaðurinn Josef
Fritzl átti með dóttur sinni El-
isabeth, muni ekki bera vitni
gegn föður sínum. Fritzl hélt
dóttur sinni og sameiginlegum
börnum þeirra föngnum í kjall-
araholu í Amstetten í 24 ár.
Málið er enn til umræðu en lög-
fræðingur barnanna segir ým-
islegt benda til þess að börnin,
sem eru 18 og 19 ára, muni ekki
bera vitni. Fréttirnar eru mikið
áfall fyrir saksóknarana í málinu.
Fritzl-börn bera
líklega ekki vitni
Þeir sem elska smurt brauð í
sólskini, listasafn og „bröns“
á laugardagsmorgni, hjóla-
túra, eða Tívolí ættu að fara
til Kaupmannahafnar.
*Flug aðra leiðina með sköttum. Verð gildir frá 15. ágúst 2008.
Safnaðu
Vildarpunktum Punktarnir upp í Ferðaávísun gildir
Farðu til Kaupmannahafnar,
í helgarferð eða í sumarleyfi,
taktu fjölskylduna með og dönsku
málfræðina úr tíunda bekk.
Værsågod! Þú átt skilið að hafa það
„hyggeligt“. Drífðu bara í því
að panta far!
M
A
D
R
ID
B
A
R
C
E
LO
N
A
PA
R
ÍS
LO
N
D
O
N
MANCHESTER
GLASGOW
MÍLANÓ
AMSTERDAM
MÜNCHEN
FRANKFURT
BERLÍN
KAUPMANNAHÖFN
BERGEN
GAUTABORG
OSLÓ
STOKKHÓLMUR
HELSINKI
H
AL
IF
AX
BO
ST
ON
OR
LAN
DO
MINN
EAPO
LIS – ST
. PAUL
TOR
ONT
O
NE
W
YO
RK
REYKJAVÍK
AKUREYRI