Morgunblaðið - 13.01.2005, Blaðsíða 6

  
 !
 "#
$# % 
  &#
 ' (! '
 !((#
)
)
)
)
)
 )
!")
#)
) $)
!)
$)
 

 
! % &'
(
 % )*
+  ( ,-
MEIRIHLUTA ungs fólks á aldrin-
um 18–20 ára hafa verið boðin fíkni-
efni eða um 62% þeirra. Af þeim hafa
um 72% karla verið boðin fíkniefni en
um 52% kvenna. „Þetta eru sláandi
niðurstöður,“ segir Jóhanna Rósa
Arnardóttir hjá rannsóknarfyrirtæk-
inu Hugheimum, en hún er ein höf-
unda nýlegrar rannsóknar, sem unn-
in var fyrir ríkislögreglustjóra, og
ber heitið „Viðhorf ungs fólks til for-
varnarstarfs lögreglu og aðgengi
þeirra að fíkniefnum“.
Auk Jóhönnu vann Elísabet Karls-
dóttir að gerð rannsóknarinnar og
skýrslu, en þær segja rannsóknina
vera þá fyrstu sinnar tegundar hér-
lendis. Rannsóknin var gerð með
símakönnun sl. haust og náði hún til
1.200 manna tilviljunarúrtaks ung-
menna á aldrinum 18–20 ára, og var
svarhlutfall 68,5%.
Aðspurð segir Jóhanna að sig hafi
ekki órað fyrir því hve háu hlutfalli
ungmenna hefðu verið boðin fíkniefni
hérlendis og það hefði komið henni
einna helst á óvart. Hún segir að
þrátt fyrir að 62% ungmenna hafi
verið boðin fíkniefni hefðu mun
færri, eða 13%, neytt fíkniefna á sl.
12 mánuðum. Þetta samsvari því að
um 1.600 manns á aldrinum 18–20
ára hafi neytt fíkniefna og að um
7.500 manns á aldrinum 18–20 ára
hafi verið boðin fíkniefni .
Niðurstöður skýrslunnar voru
kynntar á blaðamannafundi í húsa-
kynnum ríkislögreglustjóra í gær og
þar kom m.a. fram að langflestir
þeirra sem hafði verið boðin fíkni-
efni, eða um 57% þeirra, sögðust hafa
fengið boðin í partíum. Um 31% hafði
fengið slík boð á skemmtistað og um
29% í miðbænum. Um 9% sögðu sér
hafa verið boðin fíkniefni í grunn-
skóla, framhaldsskóla eða háskóla.
„Ungu fólki sem er í skóla eru síð-
ur boðin fíkniefni en ungu fólki sem
ekki er í skóla,“ segir Jóhanna. Hún
segir niðurstöðurnar því benda til
þess að skólaganga hafi forvarnar-
gildi. Hún segir menntuðum konum,
sem ekki neyta fíkniefna, síður boðin
fíkniefni heldur en menntuðum körl-
um, sem ekki neyti fíkniefna, eða
63% karla á móti 42% kvenna. Guð-
mundur Guðjónsson yfirlögreglu-
þjónn segir það hafa komið sér á
óvart hve lágt hlutfall aðspurðra
sagði að sér hefðu verið boðin fíkni-
efni í skóla. „Ég hélt að það hlutfall
væri hærra,“ segir Guðmundur en
hann bendir á að það sé mikilvægt að
fá sjónarhorn unglinganna sjálfra,
slíkt hjálpi mikið til við alla forvarn-
arvinnu.
Meirihluti hefur
fengið fræðslu
Þegar litið er til viðhorfs ungs
fólks gagnvart forvarnarfræðslu lög-
reglunnar segjast 77% vera annað-
hvort mjög ánægð eða frekar ánægð
með þá fræðslu sem þau fengu. Alls
kváðust 87% ungmenna hafa fengið
einhverskonar fræðslu hjá lögreglu.
Segjast flestir muna annaðhvort eftir
fræðslu tengdri umferðarmálum eða
fíkniefnum. Ef litið er til viðhorfa til
lögreglu almennt þá kváðust 65% að-
spurðra vera annaðhvort mjög já-
kvæð eða frekar jákvæð gagnvart
lögreglunni.
Að sögn Jóhönnu benda niðurstöð-
urnar til þess að með því að fræða
börn strax á unga aldri um lögreglu
sé verið að byggja upp jákvætt við-
horf til lögreglunnar almennt. Þann-
ig megi sjá að þeir sem hafa jákvætt
viðhorf til þeirrar fræðslu sem þeir
hafi fengið hjá lögreglu séu einnig já-
kvæðari gagnvart lögreglunni.
Rannsóknin sem Hugheimar unnu
fyrir ríkislögreglustjóra er hluti af
stærri rannsókn sem ber heitið Hug-
myndir ungs fólks um forvarnir. Jó-
hanna segir þá rannsókn vera unna
sjálfstætt af Hugheimum og segir
hún að heildarniðurstöður úr þeirri
rannsókn verði birtar í vor.
Meirihluta ungs fólks
hafa verið boðin fíkniefni
Morgunblaðið/Júlíus
Jóhanna Rósa Arnardóttir kynnti niðurstöður rannsóknarinnar á blaða-
mannafundi hjá embætti ríkislögreglustjórans í gær.
6 FIMMTUDAGUR 13. JANÚAR 2005 MORGUNBLAÐIÐ
FRÉTTIR
ÞOTA Air Atlanta flaug í fyrradag
með hjálpargögn frá Dubai til Sri
Lanka og gekk ferðin vel að sögn
Hafþórs Hafsteinssonar, fram-
kvæmdastjóra Avion Group, móð-
urfélags Atlanta. Forráðamenn Atl-
anta fengu Landsbanka Íslands,
Eimskip og Olís í lið með sér til að
deila kostnaði við ferðina sem nam
um 6,5 milljónum króna.
Flogið var á einni Boeing 747-200
fraktvéla félagsins sem er í verk-
efnum fyrir Malasian Cargo og
fengu forráðamenn Atlanta vélina
lausa til að sinna þessu verkefni.
Flogið var með 93 tonn af vörum,
hreinlætisvörur, tjöld, dýnur og
pallbíla frá birgðastöð Alþjóða
Rauða krossins í Dubai til Colombo
á Sri Lanka.
Flugstjóri var Arngrímur Jó-
hannsson, stofnandi Atlanta, og
flugmaður sonur hans, Gunnar, og
flugvélstjóri Daníel Snorrason.
Arngrímur sagði í samtali við
Morgunblaðið að flugið hefði geng-
ið vel og væri vélin komin aftur í
verkefni hjá Malasian Cargo. Hann
sagði hafa komið sér á óvart hversu
lítil umsvif hafi verið á flugvellinum
í Colombo. Það ætti sér þá skýringu
að vörugeymslur við völlinn væru
nánast að fyllast þar sem erfitt væri
að koma hjálpargögnum áfram
enda vegakerfið víða laskað. Arn-
grímur segir sjaldgæft að áhafnir
hjá Atlanta séu skipaðar Íslend-
ingum eingöngu þar sem flugliðar
félagsins eru nánast úr öllum
heimshornum.
Hjálpargögnunum komið um borð í
þotu Atlanta í Dubai.
Fluttu 93
tonn af
gögnum til
Sri Lanka
„VIÐ áttum klukkutíma fund sem
var afar ánægjulegur, það var mjög
vinsamlegur tónn í viðræðum okk-
ar,“ sagði Halldór Blöndal, forseti
Alþingis, í samtali við Morgun-
blaðið í gær, eftir fund með Wu
Bangguo, forseta kínverska þings-
ins, en Halldór er í opinberri heim-
sókn í Kína í boði þingforsetans og
stendur hún til 18. janúar nk.
Með þingforseta í för eru eig-
inkona hans, Kristrún Eymunds-
dóttir, Guðmundur Árni Stef-
ánsson, fyrsti varaforseti, og Jóna
Dóra Karlsdóttir kona hans, Jónína
Bjartmarz, annar varaforseti, og
Pétur Þór Sigurðsson eiginmaður
hennar og Sólveig Pétursdóttir,
þriðji varaforseti og formaður utan-
ríkismálanefndar, ásamt Belindu
Theriault forstöðumanni al-
þjóðasviðs skrifstofu Alþingis.
Að sögn Halldórs lögðu þeir Wu
á fundi sínum áherslu á vináttu
þjóðanna og samstarf á ýmsum
sviðum. „Við fórum yfir þau vax-
andi viðskipti sem þjóðirnar hafa
átt á undanförnum árum,“ segir
Halldór og tekur fram að í því sam-
hengi skipti Íslendinga miklu að
loftferðasamningur hefur verið
gerður milli landanna og Ísland
verið opnað fyrir ferðamönnum frá
Kína. Halldór segist á fundinum
hafa látið í ljós ánægju sína yfir því
að innflutningstollar í Kína á grá-
lúðu hefðu verið lækkaðir um 5%
nú um áramótin og lagt áherslu á
að Íslendingar vildu fríversl-
unarsamning við Kína sem myndi
greiða fyrir viðskiptum milli land-
anna.
„Ég gerði grein fyrir því að við
Íslendingar legðum áherslu á að
nýta þær auðlindir sem við eigum
og ræddi um hvalveiðar í sambandi.
Jafnframt ræddum við um aukna
samvinnu milli landanna á sviði
orkumála og jarðfræði. Að lokum
kom það upp í máli okkar Wu að
það væri gagnlegt ef einstakar
nefndir þinganna myndu hittast og
hafa samband um mál sem okkur
þætti miklu varða og jafnframt
bauð ég þingforsetanum að koma
og heimsækja okkur Íslendinga og
lýsti hann áhuga sínum á því.“
Að sögn Halldórs átti íslenska
sendinefndin í gær einnig afar
ánægjulegan fund með Jia Qinglin,
forseta pólitíska ráðgjafaþingsins,
og fyrr í vikunni hitti nefndin vara-
forseta þingsins, Wang Zhaoguo,
en hann var á ferð á Íslandi sl. sum-
ar. „Í stuttu máli sagt hefur þessi
heimsókn tekist mjög vel. Við höf-
um mætt hér miklum rausnarskap
og góðum móttökum. Og okkur hef-
ur verið sýndur mikill sómi hér í
Peking.“
Halldór Blöndal forseti Alþingis í opinberri heimsókn í Kína
Áhersla á vináttu þjóðanna og samstarf
Ljósmynd/Eiður Guðnason
Guðmundur Árni Stefánsson, Halldór Blöndal þingforseti, Jónína Bjartmarz, Wu Bangguo, forseti kínverska
þingsins, Sólveig Pétursdóttir og Jiang Enzhu, formaður utanríkismálanefndar kínverska þingsins.
♦♦♦
Sýknudómi
yfir endurskoð-
anda áfrýjað
RÍKISSAKSÓKNARI hefur áfrýjað
sýknudómi yfir fyrrum endurskoð-
anda Tryggingasjóðs lækna. Aðal-
krafa ríkissaksóknara er að dóm-
urinn verði ómerktur og málið sent
heim í hérað til dómsálagningar að
nýju.
Ríkislögreglustjóri ákærði end-
urskoðandann fyrir að hafa van-
rækt skyldur sínar sem endurskoð-
andi Tryggingasjóðs lækna á
árunum 1993–2001 en á tímabilinu
tókst framkvæmdastjóra sjóðsins
að draga sér um 75 milljónir úr
sjóðnum án þess að endurskoðand-
inn yrði þess var. Héraðsdómur
Reykjavíkur sýknaði hann af ákær-
unni í lok nóvember.
Aukin flugum-
ferð við Ísland
FLUGUMFERÐ um íslenska flug-
stjórnarsvæðið jókst um 7,6% í
fyrra frá árinu á undan. Á síðasta
ári fóru 84.616 flugvélar um svæð-
ið, en árið 2003 fóru um það 78.642
vélar. Enn hefur umferðin þó ekki
náð því hámarki sem hún náði árið
2000, þegar rúmlega 92 þúsund
flugvélar fóru um flugstjórnar-
svæðið. Flugumferð dróst verulega
saman eftir hryðjuverkaárásirnar í
Bandaríkjunum árið 2001.