Morgunblaðið - 10.11.2005, Blaðsíða 2
2
MÁLIÐ
Nú er farið að glitta í jólaglingur hér og þar um
bæinn og eins og áður kemur það manni á óvart
hve jólin eru snemma á ferðinni. Voru þau þetta
snemma í fyrra? Jú, ábyggilega. Þetta kveikir að
sjálfsögðu í börnum sem og fullorðnum jólabörn-
um sem nú þegar eru farin að skríkja af jólaspenn-
ingi í byrjun nóvember. Og loksins þegar jólin
skella á fyrir alvöru í seinni hluta desember eru
þessi börn búin að skríkja í vel rúman einn og hálf-
an mánuð. Það er í rauninni ótrúlegt hvað þessi
tími árs getur gert við geðið á almenningi. Sumir
leggjast í þunglyndi, aðrir skríkja af spenningi og
einhverjir pirrast. Það hlýtur að vera mál manna að
beita sér fyrir því að slíkar geðraskanir vari í sem
skemmstan tíma, kannski svona tvær vikur en alls
ekki tvo mánuði. Grunnhugmyndin að jólunum er
nefnilega býsna góð og því er svo sorglegt að
henni sé nauðgað á þennan hátt. Allt er gott í hófi
en of mikið af einhverju er alltaf of mikið.
Hvað sem jólunum líður er veturinn alla vega geng-
inn í garð og snjórinn farinn að safnast fyrir hér og
þar. Veturinn fer misvel í fólk, eins og jólin, en það
eru þó fáir sem fagna honum jafninnilega og
skíðafólk og brettafólk. Stelpurnar í stelpubretta-
félaginu ætla að minnsta kosti að hrista sig saman
núna um helgina í trylltum vetrarfögnuði, dans-
andi snjódansinn þangað til þær hníga niður. Við
hjá MÁLINU viljum af því tilefni óska lesendum til
hamingju með veturinn og ekki síst gleðilegra jóla.
Hanna Björk Valsdóttir
Þormóður Dagsson
ÞAU SEGJA
TUTTUGASTA OG ÞRIÐJA
MÁLIÐ
Ef það er eitthvað sem ekki vantar í Orange County þá er það ást og
dramatík. Í næsta þætti er Valentínusardagur og Ryan reynir að sættast
við Caleb svo hann geti eytt deginum með Lindsey. Julie reynir allt til þess
að ná sáttum við Marissu en það gengur ekki vel hjá henni. Það færist hiti
í leikinn á milli Sandy og Rebbeccu. Þátturinn verður sýndur klukkan 20 á
mánudaginn næstkomandi.
MÁLIÐ MÆLIR MEÐ
THE OC
Kringlunni 1, 103 Reykjavík, 569 1100, malid@mbl.is Útgefandi: Árvakur hf. í
samstarfi Morgunblaðsins, Símans og Skjás 1 Ábyrgðarmaður: Margrét Kr.
Sigurðardóttir Umsjón: Hanna Björk, 569 1141 - hannabjork@mbl.is Þor-
móður Dagsson, 569 1141 - thorri@mbl.is Auglýsingar: Kristbergur Guð-
jónsson, 569 1111 - krissi@mbl.is Hönnun: Hörður Lárusson, Siggi Orri Thor-
hannesson og Sól Hrafnsdóttir Umbrot: Kristín Björk Einarsdóttir Prentun:
Prentsmiðja Morgunblaðsins Pappír: Nornews 45g Letur: Frutiger og Tjypan
Stærð: 280x420mm
UM MÁLIÐ
Bubbi í Þjóðleikhúsinu
Mánudaginn 14. nóvember heldur Bubbi Morthens síðbúna útgáfu-
tónleika í Þjóðleikhúsinu í tilefni af plötunum Í sex gráðu fjarlægð frá
paradís og Ást. Til aðstoðar Bubba munu stíga á sviðið skærustu tónlistar-
stjörnur landsins eins og Bjössi og Bjarni úr Mínus, Barði í Bang Gang, Jak-
ob Smári, Hrafn Thoroddsen og fleiri. Tónleikarnir verða haldnir tvisvar
þennan dag en þeir fyrri hefjast klukkan 19 og þeir síðari klukkan 21.30.
Miðasala er í Þjóðleikhúsinu.
Kvikmyndahátíðin Októberbíófest
Laugardaginn 12. nóvember verður alheimsfrumsýning og sérstök gala-
sýning á Hostel eftir Íslandsvininn Eli Roth og verður það lokamyndin á
hátíðinni. Eli Roth verður viðstaddur sýninguna ásamt Quentin Tarantino
aðalframleiðanda myndarinnar. Tarantino mun kynna myndina og form-
lega loka hátíðinni.
Tvær aukasýningar verða á Hostel 13. og 14. nóvember kl. 20 í Regnbog-
anum.
HVAÐ ER AÐ SKE?
Forsíðumynd
Silja Magg
Stílisti
Aga
Hár og förðun
Magnea