Fréttablaðið - 18.11.2002, Blaðsíða 18
18 18. nóvember 2002 MÁNUDAGUR
MÁNUDAGUR
18. NÓVEMBER
hvað?
hvar?
hvenær?
TÓNLEIKAR Kristinn Sigmundsson
baritonsöngvari er kominn til
landsins og tekinn við hlutverki
Don Basilios í Rakaranum í
Sevilla. Kristinn heldur líka tón-
leika í Salnum í kvöld. „Þetta eru
kynningartónleikar fyrir disk
sem er að koma út, blanda af ís-
lenskum og erlendum lögum,“
segir Kristinn. Hann er annars að
syngja í Covent Garden í London.
„Ég er búinn að vera hér í rúman
mánuð og er að syngja í Meistara-
söngvurunum eftir Wagner, en
kem til Íslands í hléi milli sýninga
í London. Síðasta sýningin þar er
2. desember. Svo fer ég til Parísar
að syngja á tónleikum milli jóla og
nýárs og þaðan til Bonn. Eftir ára-
mót verð ég mestmegnis í París.“
Kristinn segist ekki stunda menn-
ingarlífið í London af miklum
krafti, mest hugsi hann um það
sem hann er að gera sjálfur. „En
ég kann mjög vel við mig hérna,
Bretar eru þægilegt fólk.“
Fjölskylda Kristins er á Ís-
landi, eiginkona og tveir synir, en
hann segist fá þau oft í heimsókn.
„Þetta venst reyndar aldrei al-
veg, en maður verður að sætta
sig við ýmislegt ef maður ætlar
að vera í þessu starfi. Ég leigi
mér íbúðir með húsgögnum þeg-
ar ég er að syngja í erlendum
stórborgum. Nú bý ég á Blooms-
bury, alveg við British Museum,
og er ekki nema tíu mínútur að
labba í vinnuna.“ Kristinn segist
að öðru leyti ferðast um með neð-
anjarðarlestunum. „Ég settist
undir stýri í gamla daga þegar ég
bjó í sveit í Englandi. Sú reynsla
nægir mér alveg, maður var
alltaf á vitlausum vegarhelmingi
eða uppi á gangstétt,“ segir hann
hlæjandi.
Hann aftekur með öllu að hann
borði egg, beikon og bakaðar
baunir í morgunmat og aðspurður
hvort best sé að vera þéttur á velli
í söngnum segir hann það út-
breiddan misskilning. „Þetta er
atvinnusjúkdómur, maður borðar
aldrei fyrr en eftir sýningar og þá
allt of mikið. En það er mikilvægt
að vera í góðu formi og fara á lík-
amsræktarstöðvarnar þegar tæki-
færi gefst.“
Kristinn hlakkar til að koma
heim og taka þátt í Rakaranum.
„Það er svo yndisleg gróska í
söngnum heima, nú eigum við til
dæmis á fjórða tug söngvara sem
starfa við óperuhús erlendis, sem
er ómetanlegt. En mesta framför-
in er auðvitað fastráðning söngv-
ara við óperuna.“
Kristinn Sigmundsson:
Borðar ekki
beikon og egg
í morgunverð
KRISTINN SIGMUNDSSON
Kristinn heldur mest upp á hlutverk Philips konungs í óperunni Don Carlo eftir Verdi. „Það
er hvort tveggja sem veldur, stórkostleg tónlist og falleg mannlýsing.“
Taktu lottó í áskrift á lotto.is eða næsta sölustað
• Þínar tölur eru alltaf í pottinum
• Frír útdráttur fjórum sinnum á ári
– gildir um Lottó, Víkingalottó og Jóker
• Þú styrkir gott málefni
BÆKUR Arnaldur Indriðason og Ís-
lenska orðabókin bítast um efstu
sætin á metsölulistum Pennans-
Eymundssonar og Máls og menn-
ingar. Arnaldur trónir á toppnum
hjá Eymundsson en víkur fyrir
orðabókinni hjá M&M. Jón forseti
Sigurðsson blandar sér einnig í
slaginn hjá M&M og glæpasagna-
höfundarnir James Patterson og
Viktor A. Ingólfsson renna á blóð-
bragðið frá Arnaldi úr 7. og 8.
sæti. Vigdís Grímsdóttir er til alls
líkleg hjá Eymundsson og Anna
Valdimarsdóttir ræktar ástina á
báðum vígstöðvum.
Metsölulistarnir:
Orð og morð á toppnum
1
METSÖLULISTI
2
3
4
5
6
7
8
9
10
METSÖLULISTI BÓKABÚÐA MÁLS OG
MENNINGAR (1. TIL 10. NÓVEMBER)
ÍSLENSK
ORÐABÓK 2002
RÖDDIN
Arnaldur Indriðason
JÓN SIGURÐSSON
Guðjón Friðriksson
LEGGÐU RÆKT VIÐ ÁSTINA
Anna Valdimarsdóttir
KONUR MEÐ EINN..
Ýmsar
ARTEMIS FOWL-SAMSÆRIÐ
Eoin Colfer
FYRSTUR TIL AÐ DEYJA
James Patterson
FLATEYJARGÁTAN
Viktor A. Ingólfsson
GALLSTEINAR AFA GISSA
Kristín H. Gunnarsdóttir
FÁNAR HEIMSINS
Siobhán Rya
1
METSÖLULISTI
2
3
4
5
6
7
8
9
10
METSÖLULISTI PENNANS/EYMUNDS-
SONAR (6. TIL 12. NÓVEMBER)
RÖDDIN
Arnaldur Indriðason
ÍSLENSK ORÐABÓK
Mörður Árnason
ÚTKALL GEYSIR ER HORFINN
Óttar Sveinsson
HJARTA, TUNGL...
Vigdís Grímsdóttir
LEGGÐU RÆKT VIÐ ÁSTINA
Anna Valdimarsdóttir
EYÐIMERKURDÖGUN
Waris Dirie
SÓLARSAGA
Sigurbjörg Þrastardóttir
SONJA - LÍF OG...
Reynir Traustason
KONUR MEÐ EINN...
Ýmsir höfundar
BARIST FYRIR FRELSINU
Björn Ingi Hrafnsson
FUNDIR
12.00 Júlían M. D’Arcy, dósent í enskum
bókmenntum við Háskóla Íslands,
flytur fyrirlesturinn Að færa
mörkin. Íþróttabókmenntir,
hvað er það? á vegum Stofnunar
Vigdísar Finnbogadóttur í erlend-
um tungumálum í stofu 101 í
Odda. Fyrirlesturinn verður fluttur
á íslensku.
12.15 Séra Hreinn Sk. Hákonarson,
fangaprestur Þjóðkirkjunnar, flytur
fyrirlestur í málstofu í guðfræði.
Erindið nefnir hann Kristur bak
við lás og slá - Veröld fangelsa
og þjónusta kirkjunnar. Fyrirlest-
urinn fer fram í stofu V í Aðal-
byggingu Háskóla Íslands og er
öllum opinn.
20.00 Vinstri grænir á Akureyri efna til
opins fundar um orkumál og fyrir-
hugaðar breytingar á rekstrar-
formi Norðurorku í Deiglunni.
TÓNLEIKAR
20.00 Kristinn Sigmundsson og Jónas
Ingimundarson halda söngtón-
leika í Salnum, Kópavogi, í tilefni
af útgáfu disks sem hefur að
geyma öll uppáhaldslög þeirra fé-
laga. Miðaverð kr. 2.000.
SÝNINGAR
Myndlistarmaðurinn Hildur Ásgeirs-
dóttir Jónsson sýnir í Galleríi Sævars
Karls.
Kyrr birta - heilög birta er heitið á sýn-
ingu sem stendur yfir í Listasafni Kópa-
vogs. Sýningarstjóri er Guðbergur Bergs-
son.
Stærsta sýning á íslenskri samtímalist
stendur yfir í Listasafni Íslands. Sýnd
eru verk eftir um 50 listamenn sem
fæddir eru eftir 1950 og spannar sýning-
in árin 1980-2000.
Sýningin Í sjöunda himni stendur yfir í
gallerí Undirheimum, Álafossi, Mosfells-
bæ. Þar sýna 7 listakonur vatnslitaverk.
Opið er alla daga 12-17 nema miðviku-
daga. Sýningin stendur til 24. nóvember.
Anna Gunnlaugsdóttir sýnir 365 mynd-
verk, unnin á jafnmörgum dögum, í
Gallerí Glámi, Laugavegi 26, Grettisgötu
megin. Sýningin stendur til 24. nóvem-
ber.
Guðrún Tryggvadóttir sýnir í Listhúsinu
í Laugardal. Sýningin ber heitið Furðu-
dýr í íslenskum þjóðsögum og er sam-
sett af myndskreytingum úr samnefndri
bók. Sýningin stendur til 30. nóvember.
Raisa Kuznetsova, listakona frá Litháen,
sýnir rússneskt landslag í Gallery Veru.
Sýningin stendur til 17. nóvember og er
opin frá 11-18.
Sýningin Hraun - ís - skógur er í Lista-
safni Akureyrar. Sýningin er opin alla
daga milli 12 og 17. Henni lýkur 15. des-
ember.
Veiðimenn í útnorðri er yfirskrift á sýn-
ingu sem Edward Fuglö heldur í Nor-
ræna húsinu.
Í Ljósmyndasafni Reykjavíkur stendur
yfir sýning á portrettmyndum Augusts
Sanders. Sýningin er í Grófarsal, Grófar-
húsi, Tryggvagötu 15, 101 Reykjavík og
stendur til 1. desember 2002. Opnunar-
tími er 12-18 virka daga en 13-17 um
helgar.
Jóhanna Ólafsdóttir og Spiros Misokil-
is sýna ljósmyndir sínar á Kaffi Mokka.
Sýningin heitir „Orbital Reflections“. Allir
eru velkomnir.
Sýning á verkum fjögurra eistneskra
listamanna stendur í Hafnarborg, menn-
ingar- og listastofnun Hafnarfjarðar. Þeir
eru Jüri Ojaver, Paul Rodgers, Jaan
Toomik og Jaan Paavle.
Tróndur Patursson frá Færeyjum sýnir
málverk í aðalsal Hafnarborgar.
Flökt - Ambulatory - Wandelgang er
samsýning Magnúsar Pálssonar, Erics
Andersens og Wolfgangs Müllers í Ný-
listasafninu.
Ágústa Oddsdóttir sýnir í gluggum
Vatnsstígs 10.
Sýningin Handritin stendur yfir í Þjóð-
menningarhúsinu. Sýningin er á vegum
Stofnunar Árna Magnússonar. Opið er
frá klukkan 11 til 17.
Bjarni Þór Þorvaldsson heldur mynd-
listarsýningu í Markaðstorgi, Eddufelli
8. Sýningin stendur til 1. desember og
er opin alla daga frá 13-18.30.
Þjóðleikhúsið:
Lífinu þrisvar sinnum lýkur
LEIKHÚS Sýningum á leikritinu
Lífið þrisvar sinnum lýkur á
laugardaginn. Þetta er nýjasta
leikrit Yasminu Reza og var
frumsýnt á Stóra sviðinu í Þjóð-
leikhúsinu þann 27. september.
Verkið fjallar um tvo stjarn-
eðlisfræðinga, Henri og Hubert
yfirmann hans, og eiginkonur
þeirra, lögfræðinginn Soniu og
Inès, sem „gerir ekkert, það er
að segja fullt“.
Leikendur í sýningunni eru
Ólafía Hrönn Jónsdóttir, Sigurð-
ur Sigurjónsson, Stefán Karl
Stefánsson og Steinunn Ólína
Þorsteinsdóttir.
Þýðinguna gerði Kristján
Þórður Hrafnsson, Páll Ragnars-
son hannaði lýsingu, Snorri
Freyr Hilmarsson gerði leik-
mynd og búninga og Viðar Egg-
ertsson leikstýrði.
ÓLAFÍA HRÖNN JÓNSDÓTTIR
Fer með eitt aðalhlutverkið í Lífinu þrisvar sinnum sem sýnt verður í síðasta sinn á
laugardaginn.