Fréttablaðið - 13.06.2003, Blaðsíða 21
28 13. júní 2003 FÖSTUDAGUR
BJARTAR SUMARNÆTUR
Það verður nóg um að vera í tónlistarlífinu
í júní og fólk getur elt uppi hvern viðburð-
inn á fætur öðrum víða um land. Hugsan-
lega er best að halda sig á hringveginum
til þess að missa ekki af neinu.
TÓNLIST Óperustúdíó Austurlands
frumsýndi óperuna Don Giovanni
á Egilsstöðum fyrr í vikunni.
Þetta er fimmta árið í röð sem Óp-
erustúdíóið setur upp sumarsýn-
ingu fyrir austan og sem fyrr er
það Keith Reed sem stjórnar upp-
færslunni. Að þessu sinni sér
Gunnsteinn Ólafsson um hljóm-
sveitarstjórn en hún hefur einnig
verið í höndum Keiths hingað til.
Hópurinn sem stendur að Don
Giovanni telur rúmlega áttatíu
manns og hefur æft stíft frá því í
lok maí.
„Þetta hefur gengið mjög vel,“
segir Ásta Schram, einn aðstand-
enda sýningarinnar. „Þetta er
búin að vera mikil törn og við höf-
um öll búið saman á Eiðum á með-
an undirbúningurinn hefur staðið
sem hæst.“
Don Giovanni er hluti af menn-
ingarhátíðinni Bjartar nætur og
verður sýnd fjórum sinnum fyrir
austan og tvisvar í Reykjavík.
„Við erum búin að sýna tvisvar á
Egilsstöðum og verðum með sýn-
ingar í kvöld og á föstudaginn. Á
laugardaginn förum við öll, átta-
tíu og fjögur í það heila, með flugi
til Reykjavíkur og sýnum í Borg-
arleikhúsinu á sunnudaginn
klukkan 17 og mánudagskvöld
klukkan 20. ■
DON GIOVANNI
Verður sýndur fjórum sinnum á Egilsstöð-
um en hópurinn heldur svo til Reykjavíkur
og treður upp í Borgarleikhúsinu í tvígang
á sunnudaginn og mánudaginn.
Don Giovanni:
Frá Egilsstöðum
til Reykjavíkur
TÓNLIST Listahátíðin Á seyði er hald-
in á Seyðisfirði á hverju ári. Hátíð-
in byrjar þann 14. júní og stendur
fram í ágúst. Fjölmargir listamenn
hafa komið við sögu hátíðarinnar
og mikill fjöldi hæfileikafólks hef-
ur lagt leið sína til Seyðisfjarðar
með listsköpun sína í farteskinu.
Hátíðin verður sett á laugardag-
inn í menningarmiðstöðinni Skaft-
felli klukkan 17 og hálftíma síðar
opnar sýning þýska myndlistar-
mannsins Lothar Baumgarten.
Geirfuglarnir spila svo í Herðu-
breið um kvöldið.
Laugardagurinn 21. júní er svo
menningardagur barna. Þema
dagsins verður „friður“ og boðið
verður upp á sýningar, listasmiðju
og aðrar skemmtanir af ýmsu tagi.
Að kvöldi laugardagsins, klukk-
an 21, mætir leikkonan Björk Jak-
obsdóttir í Herðubreið með hinn
vinsæla einleik Sellófon sem hefur
gert stormandi lukku fyrir sunnan.
Tónleikadagskrá Bláu kirkjunn-
ar á Seyðisfirði hefst 18. júní í
tengslum við listahátíðina Á seyði.
Listamennirnir í sumar koma, eins
og í fyrra, frá Íslandi, Norðurlönd-
unum og Bandaríkjunum, en auk
þess var áhersla lögð á að fá tónlist-
arfólk ættað frá Austurlandi til
þess að taka þátt í dagskránni.
Sumartónleikarnir verða
haldnir klukkan 20.30 öll miðviku-
dagskvöld frá júní fram í septem-
ber og það er Jónas Ingimundar-
son, píanóleikari, sem ríður á vað-
ið þann 18. júní, ásamt „nemend-
um“, Bergþóri Pálssyni og Ólafi
Kjartani Sigurðssyni, með
skemmtilegum og léttum Gluntar-
lögum sem sungin eru eins og í
söngleik á sviði. „Gluntarnir“
hafa komið fram í Salnum í Kópa-
vogi og víðar fyrir fullu húsi og
við miklar vinsældir.
Viku síðar, þann 25. júní, mæt-
ir Bryndís Halla Gylfadóttir selló-
leikari til leiks ásamt Steinunni
Birnu Ragnarsdóttur píanóleik-
ara. Dagskráin sem þær flytja
samanstendur af „steppaðri“
tangótónlist og frábærri tónlist
þar sem ljúfir hljómar sellósins fá
að njóta sín. ■
JÓNAS INGIMUNDARSON
Byrjar ásamt góðu fólki sumartónleikaröðina sem kennd er við Bláu kirkjuna þann 18. júní.
Margt á seyði
Listahátíðin Á seyði hefur verið haldin um árabil
á Seyðisfirði. Hún hefst 14. júní.
TÓNLIST Menningarhátíðin Bjartar
sumarnætur á Seltjarnarnesi
verður haldin í fyrsta sinn um
helgina með þrennum tónleikum í
Seltjarnarneskirkju dagana 13.,
14. og 15. júní. Framkvæmd hátíð-
arinnar er á vegum menningar-
nefndar Seltjarnarnessbæjar í
samvinnu við listahjónin og Nes-
búana Guðnýju Guðmundsdóttur
fiðluleikara og Gunnar Kvaran
sellóleikara.
Tónleikarnir eru afar fjöl-
breyttir en flytjendur eru: Bubbi
Morthens, söngur, Rannveig Fríða
Bragadóttir, mezzosópran, Tríó
Reykjavíkur, Gerrit Schuil, píanó,
Guðný Guðmundsdóttir, fiðla,
Pálína Árnadóttir, fiðla, Gunnar
Kvaran, selló, Unnur Sveinbjarn-
ardóttir, víóla, Peter Máté, píanó,
og Monica Abendroth á hörpu.
Tónleikarnir hefjast klukkan
20 á föstudag og sunnudag en
klukkan 17 á laugardaginn. ■
BUBBI MORTHENS
Er meðal þeirra listamanna sem koma fram á menningarhátíðinni á Seltjarnarnesi sem
hefst í kvöld. Tónleikarnir hefjst klukkan átta.
Seltjarnarneskirkja:
Sumarnætur á Seltjarnarnesi
FR
ÉT
TA
B
LA
Ð
IÐ
/V
IL
H
EL
M