Fréttablaðið - 20.12.2003, Blaðsíða 54

50 20. desember 2003 LAUGARDAGUR
Megas heldur tónleika á Hótel Borg á Þorláksmessu
og sent verður beint út frá þeim á Rás 2. Nýr kafli í
sögu Borgarinnar er þar með hafinn, því Bubbi hefur
yfirgefið pleisið og er kominn á Nasa.
Borgin er
pöbblikk
dómein
Já, Bubbi hefur snúið baki viðþeirri hefð og núna er þetta
pöbblikk dómein,“ segir Megas,
sem nú undirbýr sig af kappi fyr-
ir tónleika sem verða á Borginni á
Þorláksmessu.
Megas leggur á það áherslu að
hann sé síður en svo einn heldur
haldi drengirnir í Súkkat tónleik-
ana með sér . „Já, Súkkat, Meg-
as... Megasukk. Þeir byrja, svo ég
og svo verður sameiginlegt Mega-
sukk þar sem við komum allir
saman.“ Með Megasi eru snilling-
arnir Magnús Einarsson, Mikki
Pollock og á bassa verður Gunnar
Hrafnsson. „Við erum þarna
Emmin í þriðja veldi: Mikki,
Maggi og Maggi og svo Gunni.
Nei, engar trommur. Það þarf
ekki í svona strengjabandi.
Rytmagítarleikarinn heldur bít-
inu gangandi.“
Megas hefur áður verið með
tónleikahald á Þorláksmessu. „Já,
maður hefur svo sem verið með í
því geimi. Eru ekki einmitt oft
tónleikar á þessum tíma?“
Hefðin rofin
Jú, sannarlega. Enda sætir
þetta nokkrum tíðindum í tónlist-
arheiminum og kannski ekki síður
í tengslum við jólahald í Reykja-
vík. Bubbi Morthens hefur nú
snúið baki við Borginni en hann
var nánast búinn að slá eign sinni
á staðinn á þessum tíma. Í hugum
margra er þetta hefð: Bubbi
Morthens á Borginni á Þorláks-
messu. Eldri en skatan segja sum-
ir. Bubbi mun vera á Nasa á þess-
um tíma og ætlar Bylgjan að út-
varpa þeim tónleikum.
Megas lætur það lítt trufla sig,
kemur honum ekki hið minnsta
við, og æfir hann sig nú og sína
menn af kappi fyrir tónleikana.
„Já, ég held að allir sem þátt taka
í þessu vilji æfa í þaula. Perfek-
sjónisti? Nei, ég er það nú ekki.
En stefnan er í þá áttina.“
Intens og konsentrerað
Tónleikarnir taka um tvo tíma
... „intens og konsentrerað,“ segir
Megas en hann er sem kunnugt er
nýr á lista Alþingis yfir heiðurs-
listamannalaunþega. „Jújú, það er
lítið hægt að spyrja mig út í það.“
Það vakti nokkra athygli um
árið, þegar Megas hlaut viður-
kenningu og úthlutun úr sjóði í
tengslum við dag íslenskrar tungu
kenndan við sjálfan Jónas Hall-
grímsson. Við það tækifæri fengu
margir hland fyrir hjartað þegar
Megas sagði það hafa þá þýðingu
að þetta væri ‘böns af monní’. „Já,
ég var að gera grein fyrir þessu í
lítilli þakkarræðu sem ég flutti.
‘Böns’ er góð íslenska og ‘monní’
er gjarnan notað yfir ákveðna sýn
á peninga.“
Gerir athugasemdir eftir
sem áður
Megas hefur verið einn helsti
tákngervingur þeirra sem vilja
fetta fingur út í kerfið. Er ekki
einfaldlega verið að kaupa hann?
Er hann ekki orðinn partur af
establismentinu?
„Ég get sagt það sem mig
langar. Þó að kerfið setji mig á
einhverja umbun sem ég tel mig
eiga inni hjá þessu átoríteti sem
reprísenterast af fólkinu í land-
inu. Ég sé ekkert athugavert við
það.“
Meistarinn lítur sem sagt ekki
svo á að hann sé orðinn einhver
augnakarl kerfisins. „Marga titla
minna er enn bannað að spila í
útvarpi. Þetta breytir stöðu
minni ekkert. Hagur minn batn-
ar sem nemur þessum mánaðar-
greiðslum. Minnkar harkið.
Hlutirnir hafa að öðru leyti ekk-
ert breyst. Ég geri athugasemdir
við það sem böggar mig ef ég tel
mig þurfa að gera athugasemd-
ir.“
Ekkert verður um það sagt
hvort ný plata sé á leiðinni. Ekki
skortir efni. „Ég sé ekki mögu-
leika á hagstæðum samningum.
Svoldið latur við að vinna fyrir
einhver fyrirtæki og bera ekkert
úr býtum. Maður gerði það ung-
ur en er orðinn roskinn og vill að
rétt sé rétt.“
jakob@frettabladid.is
Guðmundur Magnússon, fyrrverandi fræðslufulltrúi, er borinn og barnfæddur
Reyðfirðingur og hefur skráð sögu staðarins frá 1883 til dagsins í dag. Þetta er í
fyrsta sinn sem heildstæð saga staðarins er gefin út.
Álver, hernám
og kirkjudeilur
Ég byrjaði á bókinni 1999 oghef verið að skrifa hana síð-
an en var búinn að safna heim-
ildum svolítið áður í frítíma
mínum austur á landi á meðan
ég var þar að störfum sem
fræðslustjóri,“ segir Guðmund-
ur Magnússon, sem hefur skráð
sögu Reyðarfjarðar frá árunum
1883-2003. „Áður var ég búinn
að skrifa skólasöguna, Hundrað
ára skólahald á Reyðarfirði, sér-
staklega en hún kom út árið
1998, þannig að það má segja að
þessi bók sé síðari hluti sögu
staðarins.“
Saga vaxtar og
uppbyggingar
„Það hefur ekkert verið skrif-
að um sögu Reyðarfjarðar fyrr
en þetta. Saga Kaupfélags Hér-
aðsbúa kom að vísu út fyrir 50
árum og svo þessi skólasaga en
síðan engar bækur um staðinn,
þannig að þetta er fyrsta heild-
stæða sagan sem nær alveg frá
1883 þegar Wathne-bræður
komu en Friðrik Wathne, bróðir
Ottós, er í raun faðir þéttbýlis-
ins þarna. Síðan koma fyrirtæki
eins og Rolf Johansen og Kaup-
félag Héraðsbúa. Samgöngu-
byltingin hefur gífurleg áhrif
þegar farið er að fara yfir
Fagradal á bílum út á firðina.“
Róstur á Reyðarfirði
Það hefur oft gustað um
Reyðfirðinga áður en fram-
kvæmdirnar við Kárahnjúka
komu til tals og Guðmundur
nefnir til dæmis átök um prests-
embættið á Hólmum árið 1880
en bændur sættu sig ekki við
þann prest sem biskup hugðist
skipa í embættið og hófu öfluga
undirskriftasöfnun. Í bókinni
segir að hér hafi ekkert venju-
legt mál verið á döfinni. „Upp-
reisn gegn kirkju- og landsins
yfirvöldum og jafnvel konungi.“
Deilan þótti snúast um grund-
vallar lýð- og mannréttindi og í
kjölfar hennar voru lögð drög að
stofnun fyrsta fríkirkjusafnað-
arins á Íslandi.
Hernámsárin
„Hernámstímabilið frá 1940
til 1945 var einnig geysilega
merkilegt og litríkt tímabil. Ég
nálgast það á öðrum forsendum
en áður hefur verið skrifað um
hernám. Ég er með upplýsingar
frá fólkinu sem lifði tímann á
staðnum. Ég styðst við dagbók,
frá ágætum manni, sem aldrei
hefur litið dagsins ljós áður og
er með viðtöl við marga sem
voru í hernámsvinnunni og geta
sagt nákvæmlega frá því hvern-
ig þetta var; loftárásunum sem
voru yfirvofandi lengi og
ákvörðun hreppsnefndarinnar
að skipuleggja strax flutninga á
börnum og gamalmennum upp á
hérað og byggingu loftvarnar-
byrgja út um allt þorp. Þetta er
mjög merkileg saga sem aldrei
hefur verið tíunduð fyrr en nú.“
Gengur ekki
að einblína á álið
Reyðarfjörður hefur verið í
brennidepli undanfarið sem
aldrei fyrr. „Það er nú líkast til,
verðandi álverksmiðja þarna og
fyrirtæki eins og Byko komin á
staðinn. Þarna er verið að byrja á
einni átta hæða blokk af fjórum
sem búið er að ákveða að reisa og
fleiri, fleiri verktakar eru búnir
að kaupa lóðir upp á milljónir
þannig að það virðist vera mikið
í uppsiglingu.“
En hvernig horfa þessar gríð-
arlegu framkvæmdir við göml-
um Reyðfirðingi? „Ég fagna því
náttúrlega að atvinnuuppbygg-
ing verði á staðnum, á Austur-
landi og yfirleitt í dreifbýlinu.
Menn geta deilt um leiðir en ég
trúi ekki öðru en að þetta verði
til að styrkja atvinnulífið mjög.
En menn mega ekki einblína ein-
göngu á þetta. Það þarf að koma
meira til en þetta er risafyrir-
tæki, þessi Kárahnjúkavirkjun.“
thorarinn@frettabladid.is
MEGAS
Segir engu breyta þó hann sé kominn á heiðurslistamannalaun. Eftir sem áður mun hann gera athugasemdir sé eitthvað sem böggar
hann.
BUBBI
Farinn af Borginni og kominn á Nasa.
„Þetta er pöbblikk dómein,“ segir Megas.
„Perfeksjónisti? Nei, ég er það nú ekki. En
stefnan er í þá áttina.“
GUÐMUNDUR MAGNÚSSON
Er fæddur og uppalinn á Reyðarfirði en var kennari og skólastjóri í 28 ár áður en hann flutt-
ist aftur austur þar sem hann starfaði í 20 ár, meðal annars sem fræðslustjóri. Hann hætti
störfum fyrir aldurs sakir árið 1996 og flutti ári síðar í Kópavoginn þar sem hann býr núna.
Það er nú líkast til,
verðandi álverk-
smiðja þarna og fyrirtæki
eins og Byko komin á stað-
inn.
,, F
RÉ
TT
AB
LA
Ð
IÐ
/V
IL
H
EL
M
FR
ÉT
TA
B
LA
Ð
IÐ
/R
Ó
B
ER
T