Fréttablaðið - 06.01.2004, Blaðsíða 16
heilsa o.fl.
Vikulegur blaðauki Fréttablaðsins um hei lbr igðan l í fsst í l
Ritstjórn: sími 515 7500 – netfang: heilsa@frettabladid.is. Auglýsingar: sími 515 7500 – netfang: auglysingar@frettabladid.is
Heilsurækt í Laugardal:
Víxlböðin
góð fyrir líkamann
Ég er að efla styrk og vellíðan,“sagði Björk Harðardóttir þeg-
ar blaðamaður truflaði hana á
harðaspretti á einum af fjölmörg-
um göngubrettum í Laugum. „Ég
er að vinna hjá World Class og er
að prófa þessa stöð. Mér finnst
hún frábær. Þetta lofar góðu,“
segir Björk. „Húsnæðið er stórt
og rúmgott og annar öllum við-
skiptavinunum. Fólk þarf ekki að
bíða eftir tækjum, en það hefur
verið vandamál á mörgum líkams-
ræktarstöðum. Þá eru góðir
gluggar og gott útsýni.“
Björk segist búast við því að
nýta sér tækin en einnig baðstof-
una. „Víxlböðin eru til dæmis góð
fyrir líkamann. Það eru heit og
köld böð sem styrkja ónæmiskerf-
ið og fleira. Ég á líka eftir að fara
í sundlaugina.“ ■
Líkamsrækt í Laugum:
Byrjendatæki
og tröllatæki
Lárus Arnar Sölvason er mætturí tækin í Laugum fyrsta daginn
sem tækjasalurinn er opinn. „Ég
var að æfa í World Class í Fells-
múlanum og er að fara að vinna
hérna. Ég er að opna hársnyrti-
stofu hérna í kjallaranum,“ segir
Lárus. Honum líst mjög vel á að-
stöðuna en segist fyrst og fremst
ætla að nota tækjasalinn. „Þetta er
fjölbreytt og aðgengilegt fyrir alla
hópa, byrjendur jafnt sem vaxtar-
ræktarfólk. Hér eru bæði byrj-
endatæki og „tröllatæki“ ef svo
má að orði komast. Ég er sjálfur
búinn að lyfta stíft í tvö ár og ætla
að halda áfram að koma mér í
betra form.“ ■
ÓLAFUR JÓHANNESSON
Leiðbeinir í nýjum tækjasal heilsumiðstöðvarinnar Lauga.
Heilsumiðstöðin Laugar:
Ein af stærstu
stöðvum í Evrópu
Um þrjátíu þúsund manns skoð-uðu nýja heilsu- og sundmið-
stöð World Class í Laugardalnum
þegar hún opnaði um helgina. Stöð-
in heitir Laugar og er hún ein af
stærstu og fullkomnustu líkams-
ræktarstöðvum Evrópu. Húsnæðið
er 7.150 fermetrar og eru þar 300
tæki. Aðgangur er að útisundlaug-
inni í Laugardal og frá næsta hausti
einnig 50 metra innilaug. Björn Kr.
Leifsson og Hafdís Jónsdóttir reka
stöðina og segir Dísa að viðtökurnar
hafi verið góðar.
Sérstök baðstofa er í heilsustöð-
inni og eru þar meðal annars sex
gufuböð sem hvert hefur sinn sér-
staka ilm og þema. Einnig nuddpott-
ur með sjóblönduðu vatni og fót-
laugar. Hægt er að fara í heit og
köld víxlböð í sérútbúnum klefum
eða baða sig í sex metra breiðum
fossi. Snyrti- og nuddstofa verður
opnuð um miðjan janúar.
Boðið er upp á líkamsræktar-
tíma, bæði opna og lokaða, og
tækjasalurinn er mjög stór, bjartur
og rúmgóður. „Við erum búin að
byggja salinn þannig upp að aldrei
verða raðir í tækin. Við getum tekið
á móti öllum, byrjendum, vaxtar-
ræktarfólki, kraftlyftingamönnum
og öllum þar á milli,“ segir Ólafur
Jóhannesson, íþróttakennari og
leiðbeinandi í tækjasal.
Aðstöðu World Class í Fellsmúla
hefur verið lokað og fá viðskipta-
vinir þar að æfa áfram í Laugar-
dalnum. „Í Fellsmúla voru 4.500
manns með kort í gildi þannig að við
byrjum ekki á núllinu. Þessi stöð
getur tekið fimmtán þúsund manns
en við þurfum um sjö þúsund til að
þetta beri sig,“ segir Ólafur. Hann
bætir við að á opnuninni á sunnudag
hafi verið nánast fullt hús allan dag-
inn og að allir hafi verið mjög já-
kvæðir.
Eftir jól fyllast yfirleitt allar
líkamsræktarstöðvar af fólki sem
vill koma sér í form aftur eftir leti-
líf um hátíðarnar og segir Ólafur
að áhersla hafi verið lögð á að hafa
stöðina tilbúna fyrir vertíðina í
janúar og febrúar. „Þetta er búið að
vera mikið kapphlaup og ekki mikil
jól hjá starfsfólkinu sem hefur
unnið að því að skrúfa öll tækin
saman.“
Kort í heilsuræktina kostar
3.900 á mánuði í áskrift en kort í
baðstofu og heilsurækt kostar
9.900 krónur. Baðstofu- og heilsu-
ræktarkort Lauga veitir aðgang að
baðstofu, tækjasal, sundlaugum og
opnum tímum á stundaskrá. Kort-
inu fylgir einnig handklæði, sér
búningsklefi með setustofu, bað-
stofa með gufuböðum, hvíldar-
herbergi, arinstofa og veitinga-
stofa. Hægt er að kaupa stakan
tíma á 1.100 í líkamsræktina og á
3.300 krónur ef baðstofan fylgir
með. Staðgreitt árskort kostar
42.400 fyrir heilsurækt eða 106.900
fyrir heilsurækt og baðstofu. ■
BJÖRK HARÐARDÓTTIR
Ætlar að fara í tækin, baðstofuna og sund-
laugina.
LÁRUS ARNAR SÖLVASON
Heldur áfram að lyfta á nýjum stað.
FR
ÉT
TA
B
LA
Ð
IÐ
/V
IL
H
EL
M
FR
ÉT
TA
B
LA
Ð
IÐ
/V
IL
H
EL
M
FR
ÉT
TA
B
LA
Ð
IÐ
/V
IL
H
EL
M
Skemmtilegu jazzballett og freestyle nám-
skeiðin okkar hafa aldrei verið vinsælli.
Nú skráum við í:
JazzballettFreestyle
Innritun í síma 553-0786 eftir kl. 12.00
Dugguvogi 12
*Leið 4
stoppar
stutt frá
• 5-7 ára
• 8-10 ára
• 11-13 ára
• 14-16 ára
• 17 ára og eldri - dansandi í 10 ár
Nýársheitin efnd
Tvisvar á ári fyllast líkamsræktarstöðvar af fólkisem ætlar að breyta um lífsstíl. Alls staðar eru til-
boð í gangi þannig að þeir sem hafa strengt áramóta-
heit í þá veru ættu að skoða þau vel. Hitt skiptir líka
máli að líkamsræktarstöðin sé vel staðsett miðað við
heimili og/eða vinnustað, og ekki síður að kunna vel við
staðinn. Það getur skipt sköpum fyrir úthaldið. ■