Fréttablaðið - 09.02.2004, Blaðsíða 23
23MÁNUDAGUR 9. febrúar 2004
hvað?hvar?hvenær?
6 7 8 9 10 11 12
FEBRÚAR
Mánudagur
RANGERS
Leikur við Celtic í skosku bikarkeppninni.
Skoski bikarinn:
Rangers
mætir Celtic
FÓTBOLTI Ranger vann Kilmarnock
2-0 á útivelli í sextán liða úrslitum
skosku bikarkeppninnar í gær. Ron-
ald de Boer og Shota Arveladze
skoruðu mörkin um miðjan seinn
hálfleik.
Rangers mætir erkifjendunum í
Celtic í undanúrslitum en Celtic
hefur sigrað í síðustu fjórum viður-
eignum félaganna og hefur ekki
tapað fyrir Rangers á heimavelli í
fjögur ár. Alex McLeish, fram-
kvæmdastjóri Rangers, lætur það
ekki angra sig. „Ég lít á þetta já-
kvæðum augum í stað þess að vera
svartsýnn,“ sagði McLeish. „Þetta
verður augljóslega mjög erfiður
leikur og Celtic hefur náð frábær-
um árangri á heimavelli.
Ef allir leikmenn mínir verða
heilir verð ég ánægður með að eiga
í erfiðleikum með að velja í lið og
við getum farið þangað fullir sjálfs-
trausts,“ sagði McLeish.
Livingston tryggði sér einnig
sæti í átta liða úrslitum í gær. Der-
ek Lilley skoraði þrjú mörk og
David Fernandez eitt þegar
Livingston vann áhugamannaliðið
Spartans 4-0. ■
SJÓNVARP
15.00 Ensku mörkin á Stöð 2. Þátt-
ur um leiki ensku úrvalsdeildar-
innar um helgina.
16.40 Helgarsportið á RÚV.
18.00 Ensku mörkin á Sýn. Þáttur
um leiki ensku úrvalsdeildarinnar
um helgina.
19.00 Spænsku mörkin á Sýn.
20.00 Enski boltinn á Sýn. Bikarleik-
ur Tottenham Hotspur og
Manchester City frá því í síðustu
viku endursýndur.
22.00 Olíssport á Sýn. Fjallað er um
helstu íþróttaviðburði heima og
erlendis.
22.30 Ensku mörkin Sýn. Sýnt frá
leikjum í ensku úrvalsdeildinni
um helgina.
23.25 Spænsku mörkin á Sýn. Þátt-
ur um leiki spænsku úrvalsdeild-
arinnar um helgina.
23.40 Markaregn á RÚV. Þáttur um
leiki þýsku Búndeslígunnar um
helgina.
Sænska rallið:
Sögulegur sigur Loeb
RALL „Ég er mjög ánægður að
sanna að það sé hægt að sigra
hér,“ sagði Frakkinn Sebastien
Loeb eftir sigurinn í sænska rall-
inu í gær. „Það gleður mig enn
meira að þetta var fyrsti sigur
minn á öðru yfirborði en malbiki.“
Loeb, sem ekur á Citroën, varð í
gær fyrstur ökumanna utan
Norðurlanda til að sigra í sænska
rallinu, sem hófst árið 1950 en
hefur verið hluti af heimsmeist-
arakeppninni síðan árið 1973.
Sebastien Loeb, sem sigraði
einnig í rallinu í Monte Carlo fyr-
ir tveimur vikum, sagði að honum
hefði gengið vel að laga sig að að-
stæðum í Svíþjóð. „Það er auðvelt
að gera mistök á svona yfirborði,
við ökum oft á 200 kílómetra
hraða í snjó og vegirnir litlu
breiðari en bílarnir okkar. En þeg-
ar á reyndi leið mér vel í bílnum,“
sagði Loeb.
Finninn Marcus Grönholm var
annar í gær en hann sigraði
þrisvar í rallinu á síðustu fjórum
árum. Grönholm var 46 sekúndum
á eftir Loeb en heimsmeistarinn
Petter Solberg varð þriðji, 35 sek-
úndum á eftir Grönholm. Finninn
Janne Tuohino varð fjórði og
Spánverjinn Carlos Sainz fimmti
en Henning Solberg varð sjötti.
Sebastien Loeb hefur gott for-
skot eftir fyrstu tvær keppnirnar
með 20 stig en stigin hans og stig-
in fjögur sem Carlos Sainz hefur
aflað þýða af Citroën leiðir í
keppni bílaframleiðenda. Ford er
í öðru sæti með 22 stig, Peugeot
hefur sautján, Subaru tíu og
Mitsubishi sex.
Næsta keppni verður í Mexíkó
helgina 12. til 14. mars. ■
Jón Arnar fjórði í Tallinn
Árangurinn dugði ekki til að ná lágmarki fyrir heimsmeistaramótið sem fer fram
í Búdapest í næsta mánuði.
FRJÁLSAR ÍÞRÓTTIR „Árangurinn var
ekki góður ef ég á að segja eins og
er,“ sagði tugþrautarkappinn Jón
Arnar Magnússon, sem varð
fjórði í sjöþrautarkeppninni í Tall-
inn um helgina. „Kúluvarpið var
eina greinin sem var í lagi og
1.000 metra hlaupið slapp til. Ég
hefði getað pressað mig niður um
nokkrar sekúndur. Stangarstökkið
var hvorki gott né slæmt en aðrar
greinar voru ekki góðar.“
Tékkinn Roman Sebrle sigraði
í keppninni í fjórða sinn, nú á
mótsmeti, 6.350 stigum. Gestgjaf-
inn Erki Nool, sem átti fyrra met-
ið, 6.309 stig, varð annar.
Jón Arnar var fimmti eftir
keppni laugardagsins og hélst
staða hans óbreytt eftir fyrri tvær
greinarnar í gær. Hann komst upp
fyrir Eistlendinginn Kristjan
Rahnu í lokagreininni, 1.000
metra hlaupi, og endaði í fjórða
sæti.
Jón Arnar varð sjötti í fyrstu
gein gærdagsins, 60 metra
grindahlaupi, á 8,23 sekúndum
og gaf það 925 stig. Bandaríkja-
maðurinn Bryan Clay sigraði í
greininni en Kristjan Rahnu og
Roman Sebrle hlupu á 8,03 sek-
úndum.
Erki Nool og Roman Sebrle
stukku 5,05 metra í stangarstökk-
inu, Jón Arnar og Rahnu stukku
4,85 en Clay stökk aðeins 4,55.
Nool komst upp í annað sætið sam-
anlagt en Clay féll niður í það þrið-
ja. Staða annarra breyttist ekki.
Sebrle sigraði í 1.000 metra
hlaupinu á 2:43,82 mínútum og
bætti tíu stigum við forskot sitt á
Nool. Jón Arnar varð þriðji í
hlaupinu og tryggði sér fjórða
sætið í keppninni.
Jón Arnar Magnússon lauk
keppni með 5.916 stig. Hann
stefndi á að ná lágmarki fyrir
heimsmeistaramótið sem fer
fram í Búdapest fyrstu helgina í
mars en það gekk ekki eftir. Hann
segir að ekki sé ljóst hvort þessi
árangur dugi til þess að komast á
mótið. Um næstu helgi keppir Jón
Arnar á Meistaramóti Íslands en
hann segir að ekki sé ljóst hvaða
mótum hann keppir á eftir það. ■
Tryggvi Guðmundsson:
Til Örgryte
FÓTBOLTI Eyjamaðurinn Tryggvi
Guðmundsson gekk í gær til liðs við
sænska félagið Örgryte. Tryggvi
hefur leikið í Noregi undanfarin sex
ár, fyrst þrjú ár með Tromsö en
síðstu þrjú árin með Stabæk.
Tryggvi er þriðji Íslendingurinn hjá
Örgryte en fyrir eru Atli Sveinn
Þórarinsson og Jóhann Guðmunds-
son. Atli hefur leikið með Gauta-
borgarfélaginu frá árinu 2000 en Jó-
hann gekk til liðs við Örgryte í byrj-
un árs. Örgryte sigraði í Iceland Ex-
press-mótinu hér á landi í síðasta
mánuði og verður í æfingabúðum í
Brasilíu frá 22. febrúar til 12. mars.
Sænska deildakeppnin hefst í byrj-
un apríl og á Örgryte útileik gegn
Elfsborg í fyrstu umferð. ■
Ernie Els:
Ótrúlegur dagur
GOLF „Það gekk bara allt á afturfót-
unum og þetta var hvert klúðrið á
eftir öðru. Þetta var orðið hlægilegt
á níundu holunni,“ sagði Suður Afr-
íkumaðurinn Ernie Els eftir sigur-
inn á Heineken Classic-golfmótinu.
Els sýndi sínar bestu og verstu hlið-
ar á mótinu í Melbourne en hafði að
lokum betur í baráttunni við Ástal-
ann Adam Scott.
Els byrjaði mótið með glæsibrag
og fór völlinn á 60 höggum, tólf und-
ir pari, sem er nýtt mótsmet. Loka-
dagurinn var lengi vel andhverfa
þess fyrsta en hann fór hringinn á
tveimur yfir pari en var sex högg-
um yfir pari þegar lokahringurinn
var hálfnaður. Verst gekk honum á
fjórðu holunni, par fjögur holu sem
hann lék á sjö höggum.
Els náði að vinna sig út úr vand-
ræðunum og lauk hringnum á
tveimur höggum undir pari og sam-
anlagt einu höggi færra en Adam
Scott. „Ég veit það kannski seinna
hvernig mér tókst að snúa við blað-
inu. Ég fór fyrstu níu holurnar á 42
höggum þegar allt gekk mér í mót
og síðan næ ég einhvern veginn að
snúa við blaðinu. Þetta var ótrúleg-
ur dagur,“ sagði Els. „Á fyrstu níu
holunum var eins og ég hefði aldrei
áður leikið golf.“
Els og Scott voru jafnir eftir
elleftu holuna á lokadeginum en
Els fór næstu tvær á einu höggi
minna en Scott. Ástralinn minnk-
aði forystu Els í eitt högg á næst-
síðustu holunni en báðir fóru þeir
síðustu holuna á pari. „Þegar ég lít
til baka eftir nokkra daga verð ég
kannski ánægður. Núna er ég bara
feginn að þetta er afstaðið,“ sagði
Els. ■
SEBASTIEN LOEB
Frakkinn Sebastien Loeb sigraði í Svíþjóð en enginn ökumaður utan Norðurlanda hefur
áður sigrað í sænska rallinu.
STAÐA EFSTU MANNA
Sebastien Loeb (Citroën/franskur) 20
Marcus Grönholm (Peugeot/finnskur) 13
Markko Martin (Ford/eistneskur) 10
Petter Solberg (Subaru/norskur) 8
Francois Duval (Ford/belgískur) 6
JÓN ARNAR MAGNÚSSON
Varð fjórði á sjöþrautarmótinu í Tallinn um helgina.
LOKASTAÐAN
Roman Sebrle (Tékklandi) 6.350
Erki Nool (Eistlandi) 6.123
Bryan Clay (Bandaríkjunum) 6.014
Jón Arnar Magnússon (Íslandi) 5.916
Kristjan Rahnu (Eistlandi) 5.892
Tomas Dvorak (Tékklandi) 5.818
Chiel Warners (Hollandi) 5.704
Mikk Pahapill (Eistlandi) 5.322
David Pope (Bandaríkjunum) 5.201
Andres Raja (Eistlandi) 5.110
Árangur Jóns Arnars Magnússonar
60 metra hlaup 7,09 851
Langstökk 7,31 888
Kúluvarp 15,95 848
Hástökk 1,95 758
60 metra grindahlaup 8,23 925
Stangarstökk 4,85 865
1.000 metra hlaup 2:48,54 781
ERNIE ELS
Suður-Afríkumaðurinn Ernie Els sigraði í Heineken Classic-mótinu í Ástralíu.