Fréttablaðið - 20.08.2004, Blaðsíða 2

2 20. ágúst 2004 FÖSTUDAGUR
SKÁK Bobby Fischer, fyrrum heims-
meistari í skák, verður í viðtali í
þætti Sigurðar G. Tómassonar á
Útvarpi sögu í dag. Áætlað er að
viðtalið hefjist klukkan tíu að því
er Sigurður tjáði Fréttablaðinu í
gærkvöld.
Þetta er fyrsta viðtalið sem
Fischer veitir eftir að hann var
handtekinn í Japan fyrir rúmum
mánuði. Hann á von á því að verða
framseldur til Bandaríkjanna þar
sem hans gæti beðið löng fangelsis-
vist fyrir brot á lögum um við-
skiptabann þegar hann tefldi ein-
vígi í Serbíu árið 1992.
Fischer hafði samband við Sæ-
mund Pálsson sem sinnti öryggis-
gæslu þegar Fischer og Boris
Spasskí áttust við í „einvígi aldar-
innar“ í Reykjavík árið 1972.
„Hann hringdi í mig í gærmorgun
og síðan þá erum við búnir að tala
saman sex sinnum. Hann vildi fá að
koma í útvarp og segja hug sinn á
Bandaríkjamönnum,“ sagði Sæ-
mundur í samtali við Fréttablaðið.
Sæmundur sagði að Fischer
væri óheflaður einfari sem ætti
ekki auðvelt með að umgangast
fólk. „Það var nokkuð gott hljóð í
honum. Hann sagði mér að ég væri
hans traustasti vinur og að honum
þætti vænt um mig. Ég sagði hon-
um að það væri gagnkvæmt,“ sagði
Sæmundur. ■
Halldór boðar
frekari breytingar
Frekari hrókeringar á ráðherrahóp Framsóknarflokksins eru fyrirhugað-
ar. Halldór segir að ákvörðunin um að víkja Siv Friðleifsdóttur úr embætti
umhverfisráðherra sé erfið því hún hafi staðið sig frábærlega í starfi.
STJÓRNMÁL „Siv hefur staðið sig
frábærlega vel og við væntum
mikils af Siv áfram en hún mun
vinna áfram fyrir flokkinn,“
sagði Halldór Ásgrímsson, utan-
ríkisráðherra og formaður
Framsóknarflokksins, að loknum
þingflokksfundi í gær. Á honum
var tilkynnt að Siv Friðleifsdótt-
ir umhverfisráðherra yrði ekki
áfram ráðherra 15. september
þegar Halldór sest í stól forsæt-
isráðherra og umhverfisráðu-
neytið flyst yfir til sjálfstæðis-
manna. Á sama fundi tilkynnti
Halldór að frekari breytingar
yrðu á ráðherraliði flokksins fyr-
ir næstu kosningar.
Sú ákvörðun að víkja Siv var
tekin af þingflokknum í heild en
Halldór sagði ákvörðunina hafa
verið erfiða. „Það var erfitt að
gera eina tillögu vegna þess að
margir hæfir einstaklingar eru
innan þingflokksins. Það er mis-
skilningur að ég einn taki
ákvörðun um þetta. Þetta er sam-
eiginleg ákvörðun þingflokksins
og um hana var góð samstaða.“
Talsverður þrýstingur var á
Halldór Ásgrímsson frá aðilum
innan Framsóknarflokks að víkja
Siv ekki frá. Sigrún Magnúsdótt-
ir, fyrrverandi borgarfulltrúi
flokksins, var ein þeirra sem
skrifuðu undir áskorun þess efn-
is. „Þetta fór eins og við óttuð-
umst og eru mikil vonbrigði. Með
áskoruninni vorum við að vara
flokkinn við að lenda í þessum
pytti en ekkert tillit hefur verið
tekið til þess.“
Jónína Engilbertsdóttir, sem
situr í stjórn kjördæmasam-
bands suðvesturkjördæmis, tók
dýpra í árina. „Það er stórundar-
legt að reyndur ráðherra úr
stóru kjördæmi sé látinn víkja og
gríðarleg óánægja er með þetta
val innan kjördæmisins. Jafn-
réttismál fara hríðversnandi inn-
an flokksins. Fyrst var gengið
framhjá Jónínu Bjartmarz þegar
skipað var í ráðherraembætti í
upphafi kjörtímabilsins og nú er
Siv látin víkja.“
Alfreð Þorsteinsson, borgar-
fulltrúi Framsóknarflokksins í
Reykjavík, segist eiga eftir að
sakna Sivjar úr ráðherrastóln-
um. „Hún hefur staðið sig vel og
Halldór Ásgrímsson var ekki öf-
undsverður af því að þurfa að
taka ákvörðun í þessu máli.“
Aðspurður um hvort Siv
stæði til boða að taka við emb-
ætti stjórnarformanns Lands-
virkjunar eins og heyrst hefur
sagði Halldór að blaðamaður
væri sá fyrsti sem minntist á
slíkt.
albert@frettabladid
BESTI VINUR BOBBY FISCHER
„Hann sagði mér að ég væri hans traustasti vinur og að honum þætti vænt um mig. Ég
sagði honum að það væri gagnkvæmt,“ sagði Sæmundur um samtalið við Fischer.
PETER MEDGYESSY
Missti tiltrú eins samstarfsflokkanna og
neyddist til að segja af sér.
Forsætisráðherra:
Hrökklast
frá völdum
UNGVERJALAND Peter Medgyessy, for-
sætisráðherra Ungverjalands,
baðst lausnar fyrir sína hönd og rík-
isstjórnar sinnar eftir að í ljós kom
að einn stjórnarflokkanna treysti
honum ekki lengur til að vera í for-
sæti. Bandalag frjálsra demókrata
þoldi ekki að hann skyldi vísa efna-
hagsráðherranum Istvan Csillag úr
ríkisstjórn.
Frjálsir demókratar ráða tuttugu
þingsætum en stjórn Medgyessy
naut tíu sæta meirihluta á þingi.
Medgyessy er úr flokki jafnaðar-
manna og er talið að þeir tilnefni
nýjan forsætisráðherra í síðasta
lagi á mánudag. ■
Var ekki Charles de Gaulle á sjö-
tugsaldri þegar hans pólitíski ferill
stóð sem hæst?
Eiríkur Bergmann Einarsson stjórnmálafræðingur er
meðal stuðningsmanna Jóns Baldvins Hannibalsson-
ar sem útilokar ekki endurkomu í íslensk stjórnmál.
SPURNING DAGSINS
Eiríkur, megum við eiga von á íslenskri
og staðfærðri útgáfu af Hringadróttins-
myndinni Hilmir snýr aftur?
Vilja selja
Malbikunarstöðina:
Borgin ekki
í samkeppni
BORGARMÁL Borgarstjórnarflokk-
ur sjálfstæðismanna krafðist
þess á borgarráðsfundi á þriðju-
dag að Malbik-
unarstöðin hf.,
sem er í eigu
Borgarsjóðs,
verði seld
hæstbjóðanda.
Vilhjálmur
Þ. Vilhjálms-
son, oddviti
borgarstjórn-
arflokks Sjálf-
stæðisflokks-
ins, segir að
borgaryfirvöld eigi ekki að stan-
da í samkeppnisrekstri. „Það eru
fleiri fyrirtæki á þessum mark-
aði og borgaryfirvöld eiga að ýta
undir að nýir aðilar komist inn í
greinina.“
Vilhjálmur vill að söluand-
virði Malbikunarstöðvarinnar
verði notað til að greiða niður
skuldir borgarinnar og kosta
brýn verkefni. ■
BAGDAD, AP Að minnsta tíu stórar
sprengingar urðu í írösku borg-
inni Najaf í gærkvöld, stuttu eftir
að Ayad Allawi, forsætisráðherra
Íraks, sendi sjíaklerknum
Muqtada al-Sadr lokaákall um að
afvopnast.
Áður hafði al-Sadr fallist á frið-
arsamkomulag ríkisstjórnarinnar
sem fól í sér að hann myndi af-
vopnast og yfirgefa helgar bygg-
ingar. Stuðningsmenn hans réðust
hins vegar á lögreglustöð í borg-
inni í gærmorgun með þeim af-
leiðingum að sjö létust og að
minnsta kosti 31 særðist.
Stuttu seinna birtist yfirlýsing
frá talsmönnum sjíaklerksins þar
sem sagði ekki kæmi til greina að
taka neinum afarkostum og að
hann myndi annað hvort falla sem
píslarvottur eða vinna sigur í
stríðinu. Þá sendi Allawi al-Sadr
lokaákall og hét honum og mönn-
um hans vernd myndu þeir verða
við kröfum stjórnarinnar.
Ekki var ljóst hvar sprenging-
arnar urðu eða hvort manntjón
hlaust af þegar Fréttablaðið fór í
prentun. ■
Bobby Fischer hafði samband við Sæma rokk úr fangelsi:
Viðtal við Fischer í dag
FR
ÉT
TA
B
LA
Ð
IÐ
/S
TE
FÁ
N
FR
ÉT
TA
B
LA
Ð
IÐ
/E
.Ó
L
ÖNDINNI VARPAÐ LÉTTAR
Glatt var á hjalla í þingflokki Framsóknar að loknum fundinum þar sem örlög Sivjar
Friðleifsdóttur réðust.
SPRENGINGAR Í NAJAF
Bardagar geisa áfram í Najaf. Sjíaklerkurinn al-Sadr segist annað hvort deyja sem píslar-
vottur eða vinna sigur.
Skærur í Najaf:
Miklar sprengingar eftir lokaákall
■ VIÐSKIPTI
LÍFTÆKNISJÓÐURINN HAGNAST
Líftæknisjóðurinn skilaði rúm-
lega þrettán milljóna króna hagn-
aði fyrstu sex mánuði ársins sam-
anborið við 133 milljóna króna
tap árið áður. Stærsta eign sjóðs-
ins er eignarhlutur í Biostratum,
lokið er öðrum hluta tilrauna með
nýtt nýrnalyf fyrirtækisins sem
forsvarsmenn fyrirtækisins
binda vonir við. Mikil óvissa er
jafnan um lokaárangur slíkrar
starfsemi.
■ LÖGREGLUFRÉTTIR
BROTIST INN Í HESTHÚS Lögregl-
unni í Reykjavík barst tilkynning
um að brotist hefði verið inn í
hesthús í Víðidal klukkan sjö í
gærkvöld. Fimm hnökkum var
stolið, nokkrum beislum og öðr-
um smærri munum. Talsverð
verðmæti liggja í þýfinu og er
málið í rannsókn lögreglu.
FERÐAMENN FASTIR Í KROSSÁ
Bíll ítalskra ferðamanna festist í
miðri Krossá í Þórsmörk þegar
ökumaður bílsins keyrði yfir
ána. Fimm manns voru í bílnum,
tveir fullorðnir og þrjú börn.
Skálaverðir í Þórsmörk komu
fólkinu til hjálpar og drógu bíl-
inn á land en hann er mikið
skemmdur.
VILHJÁLMUR Þ.
VILHJÁLMSSON
02-03 19.8.2004 21:55 Page 2