Fréttablaðið - 19.11.2004, Page 20

20
5.804 NÝJAR ÍBÚÐIR VORU BYGGÐAR
Á ÍSLANDI Á ÁRUNUM 2001-2003.
Samkvæmt upplýsingum frá
Fasteignamati ríkisins.
SVONA ERUM VIÐ
„Mér finnst þessi 25 prósenta launa-
hækkun á næstu þremur árum alls
ekki vera of mikið fyrir grunnskóla-
kennara,“ segir Lilja Oddsdóttir, leik-
skólakennari á Waldorf-leikskólanum.
„Ég hef nú reyndar ekki kynnt mér
þetta nákvæmlega. Ég veit ekki alveg
hvað þessi prósentuhækkun þýðir í
peningum fyrir kennara því þessir
samningar eru nokkuð flóknir. Mér
finnst hins vegar að kennarar eigi að
vera með mjög góð laun.“
Lilja segist undrandi á því hvað það
gekk illa að semja.
„Mér finnst þjóðfélagið bara ekki
skilja að kennarar þurfa að hafa góð
laun – ég skil það ekki. Fyrir mér er
þetta algjört forgangsmál. Þjóðfélag
sem er eins ríkt og okkar á ekki að
hugsa tvisvar um það að borga kenn-
urum vel því þannig er um leið verið
að hugsa vel um börnin okkar.“
Lilja segir að borið hafi á skilnings-
leysi hjá foreldrum í þessari kjarabar-
áttu kennara.
„Að foreldrar skuli beina reiði sinni að
kennurum er mér óskiljanlegt. Auðvit-
að eiga þeir að beina reiði sinni að
sveitarfélögunum og ríkinu.“
Aðspurð hvort hún telji að leikskóla-
kennarar muni leggja samning kenn-
ara til grundvallar í sinni samnings-
gerð segist Lilja telja það sjálfgefið.
„Það er eðlilegt að leikskólakennarar
geri það. Þeir eru sambærileg stétt og
grunnskólakennarar og eiga líka að
hafa mjög góð laun.“
LILJA ODDSDÓTTIR
Eiga að hafa
góð laun
SAMNINGUR KENNARA
SJÓNARMIÐ
Um næstu mánaðamót ræðst hvort og
þá með hvaða hætti samstarfsverkefni
Fjölmenntar og Geðhjálpar um mennt-
un geðsjúkra verður fram haldið. Við-
ræður standa nú yfir milli ráðuneytisins
og Fjölmenntar, að sögn Helga Jósefs-
sonar verkefnisstjóra, sem segist von-
góður um að þær skili góðum árangri.
Verkefnið virtist vera að fara upp í loft í
sumar, þar sem ekki lá fyrir öruggt fjár-
magn til kennslu á haustönn. En með
haustinu var sett fjármagn í það sem
gerði kleift að halda kennslunni áfram.
Faglegur stuðningshópur Fjölmenntar,
sem í eiga sæti fulltrúar frá Geðhjálp,
geðsviði Landspítala, Kleppi og
Grensásdeild hafa ritað menntamála-
ráðherra bréf, þar sem hvatt var til að
málum yrði flýtt.
„Það þarf 22 milljónir króna til að geta
rekið fulla kennslu á næsta skólaári,“
sagði Helgi. „Við urðum að vísa frá á
haustönninni, því við urðum að skera
umfang starfseminnar niður um 40 pró-
sent. En ég er þakklátur fyrir að þetta
skyldi ekki vera slegið af, því það er svo
erfitt að koma vagninum af stað aftur ef
hann stöðvast.“
Í dag verður kynning á samstarfsverk-
efninu og starfsemi Geðhjálpar fyrir
nemendur guðfræðideildar Háskóla Ís-
lands svo og prófessora hennar. Helgi
stundar djáknanám við deildina.
„Djáknastarfið hefur nú orðið miklu víð-
ara starfssvið heldur en upphaflega,“
sagði Helgi. „Nú starfa djáknar í skólak-
erfinu, á meðferðarstofnunum og öldr-
unarstofnunum, svo dæmi séu nefnd.
Þetta starf snertir orðið svo marga fleti
og menntunin nýtist svo víða.“
Þakklátur að kennslan skyldi ekki slegin af
EFTIRMÁL: HELGI JÓSEFSSON VERKEFNISSTJÓRI FJÖLMENNTAR
19. nóvember 2004 FÖSTUDAGUR
Við hittumst bara
þegar þið komið
Í bókinni Til æðri heima skrifar Guðmundur Kristinsson, fyrrum aðalféhirðir í Landsbankanum
á Selfossi, um frásagnir framliðinna af andláti þeirra og lífinu fyrir handan. Hann lýsir til dæmis
frásögn sonar síns sem lést í bílslysi árið 2002 og birtist á miðilsfundi 42 dögum eftir slysið.
BÆKUR „Ég hef alla tíð haft mikinn
áhuga á hinu óþekkta. Lífið fyrir
handan er eiginlega mesta ráðgát-
an og hefur alla tíð verið hjá mann-
kyninu,“ segir Guðmundur Krist-
insson. Hann var ekki nema fimm
til sex ára þegar hann fyrst fór að
velta vöngum yfir hvað tæki við
þegar jarðvistinni sleppti og
fannst lífið um margt undarleg
vegferð. Sjálfur var Guðmundur
líkast til undarlegt barn, hnokkar á
hans aldri eiga sér flestir önnur og
léttvægari hugðarefni en líf eftir
dauðann.
Langt er síðan Guðmundur og
kona hans, Ásdís Ingvarsdóttir
kynntust þremur miðlum nokkuð
náið og með árunum
hefur fjölgað í
hópnum. Hafa þau
sótt miðilsfundi um
margra ára skeið,
innanlands og utan,
og upplifað margt
sem fært hefur
þeim heim sanninn
um líf eftir dauðann
og vistina í æðri heimum. Þá hefur
Guðmundur lesið margt um þessi
málefni og skrifað líka en hann
færði sögu Bjargar miðils Ólafs-
dóttur í letur fyrir tuttugu árum.
En það var sonarmissirinn 2002
sem var kveikjan að skrifunum á
Til æðri heima. „Einkasonur okkar,
Ingvar, lést í bílslysi í mars og 42
dögum síðar fórum við á miðils-
fund til Sigríðar Jónsdóttur í
Kópavogi. Á fundinum kom dreng-
urinn sjálfur fram og lýsti slysinu
og jarðarförinni og raunar öllu
mögulegu,“ segir Guðmundur.
„Fyrst kom Egill Thorarensen,
fyrrum kaupfélagsstjóri hér á Sel-
fossi, og vottaði okkur samúð sína
og allt það. Svo kom unglingsleg
rödd í gegn, nokkuð hikandi fyrst
og sagði hæ hæ og fór að lýsa slys-
inu.“ Guðmundur rifjar upp hvern-
ig Ingvar sagði frá þegar slysið
varð, hvernig förin upp bar að og
þegar hann hitti vini sína og ætt-
ingja efra. Hann sagðist einnig
hafa verið viðstaddur jarðarförina
og fylgjast vel með fólkinu sínu
niðri. Orðrétt er meðal annars haft
eftir Ingvari í bókinni: „Svo þykir
mér vænt um, hvernig þið hugsið –
að þið vitið – að við hittumst bara,
þegar þið komið. Þá tek ég á móti
ykkur.“
Miðilsfundirnir hafa gert margt
fyrir Guðmund og Ásdísi og hjálp-
uðu þeim í sorginni. „Það er fjöldi
fólks í sömu sporum og við, yfir-
bugað af sorg og finnur enga leið
út úr henni. Því miður fær það
enga huggun frá prestunum eða
kirkjunni,“ fullyrðir Guðmundur
en í formála bókarinnar gagnrýnir
hann hina kristnu kirkju og segir
dulrænuna ganga þvert gegn boð-
skap hennar um grafarsvefn og
dómsdag. Vitnar hann til dæmis til
orða Búddha sem sagði meðal ann-
ars: Trúið engu vegna þess að það
er kallað Guðs orð. Trúið aðeins
því, sem dómgreind ykkar segir
ykkur að sé satt.“
Og eftir þessu lifir Guðmundur,
hann trúir því sem dómgreindin
segir honum og dómgreind hans
segir að það sé líf eftir dauðann.
bjorn@frettabladid.is
ÚTVARP Hlustendur Morgunvaktar-
innar í Útvarpinu þekkja hljóm-
mikla og yfirvegaða rödd Jóns Ás-
geirs Sigurðssonar. Hann hefur
upp raust sína laust eftir klukkan
hálf átta á morgnana og les leiðara
heimsblaðanna. Öfugt við flesta
starfsmenn Útvarpsins situr Jón
ekki í hljóðstofu í Efstaleiti heldur
heima hjá sér í Kópavoginum. Og
reyndar situr hann ekki heldur
stendur. Röddin hljómar betur
þannig.
Það er af praktískum ástæðum
sem Jón Ásgeir kýs að vinna heima
svo snemma morguns. „Ég get
vaknað klukkan sex og byrjað að
vinna í stað þess að vakna rúmlega
fimm og fara upp í Útvarp.“ Hann
segist alltaf vera fullklæddur við
leiðaralesturinn.
Jón Ásgeir hafði sama hátt á
þegar hann var fréttaritari Útvarps
í Bandaríkjunum en þaðan flutti
hann Íslendingum fréttir í níu ár.
Þegar leiðaralesturinn er af-
staðinn lítur Jón Ásgeir í íslensku
dagblöðin og skellir sér svo í
laugina þar sem hann syndir fimm
hundruð metrana. Þaðan liggur
leiðin í höfuðstöðvarnar á ritstjórn-
arfund sem hefst 9.15. Auk leiðara-
lestursins á Morgunvaktinni vinn-
ur hann efni í Spegilinn og sér um
Helgarvaktina sem er á Rás 1 á
sunnudögum. - bþs
FR
ÉT
TA
B
LA
Ð
IÐ
/H
AR
I
GUÐMUNDUR KRISTINSSON
Trúir því sem dómgreind hans
segir honum að sé satt.
„Lífið fyrir
handan er
eiginlega
mesta ráð-
gátan og hef-
ur alla tíð
verið hjá
mannkyn-
inu.“
Jón Ásgeir Sigurðsson á Morgunvakt Útvarpsins vinnur heima hjá sér á morgnana:
Les leiðara heimsblaðanna í Kópavoginum
JÓN ÁSGEIR SIGURÐSSON
Er alltaf fullklæddur við leiðaralesturinn á morgnana.
FR
ÉT
TA
B
LA
Ð
IÐ
/G
VA
VERKEFNISSTJÓRINN
Helgi Jósefsson lærir til djákna í HÍ og von-
ar það besta um framtíð Fjölmenntar.
Menningarhelgi
á Tálknafirði:
Duflað og
dansað
MENNING Tálknfirðingar ætla í
heitu pottana í kvöld og kela við
rómantíska tónlist og kertaljós.
Þeir gerðu það líka um daginn en
fannst það ekki nóg og vilja
meira. Á morgun leika Megas og
Súkkat á hljómleikum í félags-
heimilinu Dunhaga og að þeim
loknum færir hersingin sig yfir á
veitingastaðinn Ópið þar sem
áfram verður sungið og trallað.
Til upphitunar verður Tríó Krist-
jáns Hannessonar sem er skipað
honum, sundlaugarverðinum og
prestinum í bænum. Menningar-
helgi á Tálknafirði lýkur á sunnu-
dag með tilboði í laugarnar og á
veitingum vertshúsanna. - bþs
20-21 (24 st) 18.11.2004 18.35 Page 2