Atuagagdliutit - 04.01.1984, Blaðsíða 18

Nuna allamioq
nunatsinni
Arnaq Mongoliameersoq Bulgan Njåma, Nuummi
Namminersornerullutik Oqartussat sullikai
Mongoliamiut tupiat, annoraaminermit meqqulualimmik issusuumik filt-
imik sanaaq. Piiariarlugu nuttartarsimavaat.
Ukiut 60-it matuma siorna Mongo-
liamiut 90%-ii atuarsinnaanatillu
allassinnaanngillat. Nunaat 1.8
miil. kvadratkilometeriusoq, tassa
inuisa amerlaqataat, Manchuria-
miunit assut naqisimaneqarsima-
voq. Tassa Kineserinit. Inuit piit-
suusimapput. Lamaismimut assut
upperlutik. angutit amerlanerit o-
qaluffinni mattuttutut sulimmata
arnanillu takoqqusaanatik, inuiaat
taakku amerliartorunnaarlutik ulo-
rianartorsiulersimagaluarput.
Taavali socialismiussusermut
mumisitsineqarsimavoq, Mongo-
liamiut nunartik namminneq aqu-
lersimavaat, ullumikkullu nunaa-
voq pisooq, inuilu peqqeqaat. Ar-
naq Mongoliamioq Nuummi
maanna najugaqartoq, Bulgan
Njama apersorsimavarput. Taan-
nalu ilaatigut imannak oqaluttuar-
poq.
Qanga ullumilu
Taamani Kineserinit naqisimane-
qarallaratta inuillu atuarsinnaana-
tillu allassinnaanngilfckallarmata i-
sumaqartarsimagaluarpugut Mo-
ngolia kisimi nunaasoq. Tassa inuit
ilisimaannermut.
Taavali Manchuriamiunut pikit-
sitsineqalerpoq. Ullumikkullu al-
laanerujussuarmik inuuvugut, ti-
mikkut tarnikkullu perorsimasut.
Atuarfiit
Aallaqqaammut meeqqat atuartin-
neqarnerat inerteqqutaatinneqar-
poq, tassa upperisarsioqatigiit La-
masiortut atuarneq inerteqqutaa-
timmassuk. Taamaammat ilinniar-
titsisut aallaqqaammut meeqqat
pinngitsaalipajaarlugit atuariartor-
tittarpaat.
Kisiannili inuit paasiartuinnarsi-
mavaat atuarsinnaallunilu allassin-
naanerup qanoq inuit qaammaasa-
qalersittarai. Tamatumuunakkut
nunap iluani pissutsit kisiisa pinna-
git aammali nunani allani pissutsit
paasisimaneqalerput.
Ilinniartitaaneq Mongoliamiusooq
Maannali ajornartorsiutaasaler-
poq inuit ilinniagaqarusuttut amer-
lanermik.
Ilinniartitaaneq piareersarneqar-
luartarpoq aqunneqarluarlunilu.
Soorlu apeqquserneqartarpoq ilin-
niartitaaneq qanoq ittoq pingaar-
nerusoq aammalu pisariaqartinne-
qarnersoq.
Sumulluunniit ilinniarsinnaavu-
gut atuarfinnilu Mongoliamiutut o-
qaatsit atuupput. Ilaanni immikkut
ittunik ilinniagaqarniartut nunanut
allanut ilinniariartortarput. Taak-
kulu naalagaaffimmit akiliunne-
qartarput, nunani allani najuga-
qarnerat tamarmi ukiumullu ataa-
siarlutik Mongoliamut angerlarnis-
saat isumagineqartarluni.
— Atuarfimmi oqaatsit suut ilin-
niarneqartarpat?
B.N.: — Soorunami Mongolia-
miusuut, taava nunani allani socia-
listiskiusuni oqaatsit ilinniartarpa-
gut, soorlu russit oqaasii. Oqaatsi-
gut uagut nammineq kisitta oqaase-
raagut, soorlu kineserit, manchu-
riamiut, tibetimiullu oqaasiinit al-
laaneruilluinnartut. Nammineq
grammatikeqarpugut oqaatsigullu
eqaatsorujussuupput. Nuna alla-
miut atuakkiortuisa pingaarnerit
suliaat tamarmik oqaatsitsinnut
nutserneqarsimapput. Soorlu Stan-
dell, Maupassant, Shakespeare,
Goethe, Tolstoyikkut danskerit
H.C. Andersen, Scherfig Martin
Andersen Nexø, allallu atuakkiaat
nutserneqarnikuupput. Aammalu

Mongoliamiut nioqqutissiaasa pingaarnerit ilagaat nersutaatimik amiinik
atisassiorneq.
Mongolia qaqqartuujugaluarluni narsaamanersuusimavoq, aasami kiat-
torujussuaq ukiumilu issittupilussuaq. Aajuku karrinik killuuterpassuit.
18 NR. 1 1984
ATUAGAGDLIUT1T