Fréttablaðið - 06.05.2006, Blaðsíða 94

6. maí 2006 LAUGARDAGUR62
1
6 7 8
10
13
119
12
15
16
18
21
20
17
14
19
2 3 4 5
NÚNA BÚIÐ
Megrunarlausi dagurinn er í dag
en hann er alþjóðlegur baráttudag-
ur gegn megrun, átröskunum og
fordómum í garð feitra. Það eru
þær Sigrún Daníelsdóttir sálfræð-
ingur, Guðrún Beta Mánadóttir í
Femínistafélagi Íslands, Edda Ýrr
Einarsdóttir og Alma Dröfn Geir-
dal sem standa fyrir deginum.
„Dagurinn var stofnaður af
Mary Evans Young, breskri konu
sem átti við átröskun að stríða,“
segir Edda. „Deginum er ætlað að
minna fólk á að virða líkamann og
hætta að gagnrýna hann í öllu
þessu heilsuæði sem ríkir í
samfélaginu,“ segir Edda.
Megrunarlausi dagurinn var
stofnaður árið 1992 og síðan þá
hefur skipulögð dagskrá verið
haldin víða um heim árlega til þess
að vekja athygli á þeim miklu þján-
ingum sem hljótast af þráhyggju
um grannan vöxt og almennri
andúð á fitu. „Við bjóðum upp á
dagskrá í Öskju, náttúrufræðahúsi
Háskólans, sem hefst klukkan
13.00 í dag. Þar sýnum við áhuga-
verða heimildarmynd og bjóðum
upp á fræðandi fyrirlestra um mál-
efnið.“
„Við viljum fagna margbreyti-
legum líkamsvexti og draga úr
fituhræðslunni. Það er alltaf verið
að tala um offitu og það að börnin
séu alltaf að verða feitari en þetta
gerir það að verkum að pressan á
fullkomið útlit verður meiri. Þetta
getur jafnvel valdið því að fólk fær
átröskun. Aðalmarkmiðið er að
stuðla að hamingjuríkum lifnaðar-
háttum fólks og útrýma mismunun
vegna holdafars.“ Nánari upplýs-
ingar er að finna á www.likams-
virding.is.
Vilja útrýma mismunun
EDDA ÝRR EINARSDÓTTIR OG SIGRÚN
DANÍELSDÓTTIR Þær eru í hópi þeirra
sem standa að Megrunarlausa deginum. Í
Öskju munu þær bjóða upp á áhugaverða
dagskrá tengda málefninu.
Með tilkomu hækkandi sólar
er vert að fólk fari að dusta
rykið af grillinu og bjóði til
allsherjar matarveislu.
Að taka hárið frá andlitinu
með marglitri og skemmtilegri
hárspöng, þær fást í mörgum
stærðum og gerðum og eru
skemmtileg höfuðföt.
Að sitja úti. Í stað þess að sitja
inni eins og venjulega drífðu þig
út með kaffibollann og andaðu
að þér frísku lofti.
Að klæðast svörtu. Verslanir
bæjarins eru stútfullar af
margvíslegum litum sem
menn ættu ekki að láta
fram hjá sér fara.
Skíðaiðkun.
Nú er vert að
pakka saman
skíðagræjun-
um og taka
jafnvel fram
gönguskóna í
staðinn.
Bílar fara að detta úr tísku enda bensín-
verðið hækkað svo um munar. Ódýrast
að ferðast um á
tveimur jafn
fljótum.
opið alla laugardaga 10-14
GRILLPINNAR
KRYDDLEGINN LAX
LÚÐA, STEINBÍTUR,
KEILA, LANGA OG
SILUNGUR
SIGNA GRÁSLEPPAN ER KOMIN
Konungur íslenskrar rokksögu,
Bubbi Morthens, verður fimmtugur
þann sjötta júní og ætlar af því til-
efni að halda þriggja tíma tónleika í
Laugardalshöllinni þar sem hann
mun koma fram ásamt öllum þeim
hljómsveitum sem hann hefur spil-
að með í gegnum tíðina.
Um er að ræða Utangarðsmenn,
Egó, Das Kapital, MX21 og GCD.
Einnig mun Bubbi koma fram einn
með gítarinn og flytja bæði ný og
gömul lög.
Bubbi segist hlakka mikið til tón-
leikanna. Upphaflega ætlaði hann
ekki að vera á landinu á fimmtugs-
afmælinu en umboðsmaður
hans, Páll Eyjólfsson, kom þá fram
með hugmyndina um tónleikana
sem Bubba leist strax vel á.
Bakhjarlar tónleikanna eru
OgVodafone og Glitnir og voru for-
stjórar fyrirtækjanna, þeir Árni
Pétur Jónsson og Bjarni Ármanns-
son viðstaddir blaðamannafund í
gær þar sem samningur við Bubba
var undirritaður. Einnig tóku þeir
lagið með Bubba, hið sígilda Stál og
hnífur.
„Það er alveg magnað að stærstu
fyrirtækjum landsins finnist akkur
í því að vinna með mér. Það sýnir
breytt landslag hjá listamönnum á
Íslandi að viðskiptafyrirtæki og
listamenn geta slegið saman í púkk
og báðir notið góðs af,“ segir Bubbi.
„Þetta er ekkert nýtt og þekkist ef
við skoðum listasöguna. Þetta er
kannski dálítið nýtt hérna heima en
er komið til að vera. Þetta samstarf
við OgVodafone og Glitni um þessa
tónleika á sér enga hliðstæðu.
Kostnaðurinn er óheyrilega hár og
greiðslan sem ég fæ er að sama
skapi mjög há og á sér enga hlið-
stæðu heldur í íslenskri tónlistar-
sögu,“ segir Bubbi. „Ég vil meina að
ég sé að einhverju leyti brautryðj-
andi í þessu.“
Bubbi hefur á ferli sínum gefið
út 35 sólóplötur og alls tekið þátt í
gerð 169 platna af öllum stærðum
og gerðum. Á afmælisdeginum
kemur enn ein sólóplatan út sem
nefnist einfaldlega 06.06.06. „Þetta
eru lög af ferlinum sem mig langaði
að spila,“ segir Bubbi. Þetta er mín
einhvers konar „best of“ plata, bara
með kassagítar og munnhörpu.“
Eitt nýtt lag verður á plötunni
sem nefnist Grafir og bein þar sem
Bubbi stiklar á stóru á viðburðar-
ríkri ævi sinni. Önnur plata ein-
göngu með nýjum lögum kemur
síðan að öllum líkindum út fyrir
næstu jól.
Bubbi segist eiga mjög auðvelt
með að semja lög og hafi í raun lítið
fyrir því. „Fyrst tekur maður þessu
með hroka og telur þetta vera sjálf-
sagðasta hlut í heimi. Svo fara árin
að líða og þetta heldur áfram og
áfram. Þá fer maður að hugsa:
„Kannski hefur mér verið gefið eitt-
hvað sem öðrum er ekki gefið.“ Ég
er kominn á þá niðurstöðu að ég hef
notið mikillar blessunar. Þegar ég
uppgötva að að menn séu að ströggla
við að semja og allt það, þá hef ég á
sama tíma eiginlega ekkert fyrir
því. Það er alveg með ólíkindum,“
segir hann.
„Ég er fullur þakklætis og auð-
mýktar gagnvart því hvernig mér
hefur vegnað og það er ótrúlegt
þegar ég hugsa til baka og skoða
ævi mína. Þetta lífshlaup mitt er
auðvitað bara eitt stórt ævintýri.“
Hann segir það æðislegt að verða
fimmtugur. „Að sama skapi finnur
þú fyrir því að þú ert dauðlegur en
um leið breytast gildi og áherslur.
Maður nýtur dagsins í dag í miklu
ríkari mæli og miklu dýpra en
maður gerði áður fyrr,“ segir Bubbi
sem æfir tvisvar á dag og segist
vera í betra formi en fyrir tuttugu
árum.
freyr@frettabladid.is
BUBBI MORTHENS: ÞRIGGJA TÍMA AFMÆLISTÓNLEIKAR 6. JÚNÍ
Dauðlegur en þakklátur
SAMNINGURINN Í HÖFN Bubbi, Bjarni Ármannsson og Árni Pétur Jónsson handsala samninginn vegna stórtónleikanna í Laugardalshöll á
afmælisdegi Bubba, sjötta júní. FRÉTTABLAÐIÐ/STEFÁN
1 dálkur 9.9.2005 15:17 Page 1
VEISTU SVARIÐ
1 Zacharias Moussaoui.
1 Starfsmenn 27 leikskóla.
1 Heimir Örn Árnason.
HRÓSIÐ
...fær myndasögubúðin Nexus
sem tók þátt í „Free Comic Book
Day“ á laugardaginn og gaf yfir
eitt þúsund blöð fyrir börn og
fullorðna.
FRÉTTIR AF FÓLKI
Tískuspekúlantinn og bloggarinn Diane Pernet kom hingað til lands
í gær og fylgdist með fatahönnuðum
framtíðarinnar á útskriftarsýningu
Listaháskólans í gærkvöldi og mun hún
vera hér fram á sunnudag. Það er ekki
beint hægt að kalla Pernet íslandsvin
eftir komu hennar á Icelandic Fashion
Week í fyrra. Pernet fór ekki fögrum
orðum um íslenska tísku og kom meðal
annars fram í tímaritinu Sirkus undir
yfirskriftinni, „Pernet slátrar íslenskri
tísku!“ . Henni hefur því verið boðið
hingað til að bjarga orðspori landans
og mun skrifa um þennan viðburð á
bloggsíðunni sinni, www.ashadedvie-
wonfashion.com. Pernet
er mikill áhrifavaldur í
tískuheiminum og er
bloggið hennar víðles-
ið. Fleiri blaðamenn
eru hér samankomnir
um helgina og
eru þeir frá helstu
tískusneplum heims
svo sem Harpers
Bazar, V- magazine,
American Elle og i-
D magazine. Verð-
ur því forvitnilegt
að fylgjast
með þessum
blöðum á
næstunni.
Ný stjarna fæddist í Meistaranum á fimmtudaginn þegar Jónas Örn
Helgason lagði Illuga Jökulsson í
magnaðri viðureign. Framganga þessa
unga verkfræðinema hefur vakið mikla
athygli úti í þjóðfélaginu enda hafði
Illugi farið á kostum í keppninni hingað
til. Næst mætast Erlingur Sigurðsson
og Inga Dóra Ingvarsdóttir og eftir
þann þátt kemur í ljós hverjir keppa um
fimm milljónir íslenskra króna. Aðdá-
endur þáttarins höfðu velt vöngum yfir
hvort úrslitin yrðu 18. maí en þættirnir
hafa verið vikulega hingað til. Þeir þurfa
þó engu að kvíða því aðstandendur
þáttarins gerðu sér fyllilega grein fyrir
því að undankeppnin í Eurovision
myndi ræna allri athygli
og því hefur
úrslitaþátturinn
verið settur
fimmtudaginn
25. maí. Fyrir
þá sem geta
ómögulega
hugsað sér að
horfa á Silvíu
Nótt og félaga geta
þeir huggað sig við
að sérstakur upp-
rifjunarþáttur
verður á
dagskrá þá.
- fgg/áp
LÁRÉTT:
2 vandræði 6 skammstöfun 8 keyra
9 bein 11 klafi 12 erfiði 14 hindrun
16 í röð 17 tal 18 enþá 20 tveir
eins 21 velta.
LÓÐRÉTT:
1 erindi 3 samtök 4 skotskífa 5
draup 7 markvís 10 af 13 angan 15
slæma 16 húðpoki 19 á líðandi
stundu.
LAUSN:
LÁRÉTT: 2 basl, 6 eh, 8 aka, 9 rif, 11
ok, 12 strit, 14 tálmi, 16 hi, 17 mál,
18 enn, 20 ll, 21 snúa.
LÓÐRÉTT: 1 vers, 3 aa, 4 skotmál, 5
lak, 7 hittinn, 10 frá, 13 ilm, 15 illa,
16 hes, 19 nú.