Fréttablaðið - 27.02.2007, Page 13

Aserbaídsjanar um
heim allan minntust þess á sunnu-
dag að fimmtán ár voru liðin frá
fjöldamorðum sem framin voru í
bænum Khojaly í héraðinu
Nagorno-Karabakh árið 1992.
Á þessum tíma geisaði stríð í
Nagorno-Karabakh, sem er hérað
í miðju Aserbaídsjan. Í þessu hér-
aði voru Armenar í miklum meiri-
hluta og hafa þeir í raun stjórnað
héraðinu sjálfir frá því stríðinu
lauk árið 1994.
„Þeir hafa hrakið alla Aser-
baídsjana burt. Þarna búa núna
aðeins Armenar,“ segir Zakir Jón
Gasanov, formaður Azeri, sem er
vináttufélag Íslands og Aserbaíd-
sjan. „En það hefur aldrei verið
samþykkt. Ekkert ríki hefur sam-
þykkt þetta, þótt það sé alltaf verið
að halda fundi.“
Armenski herinn réðst inn í
Khojaly hinn 26. febrúar árið 1992
og náði borginni fljótt á sitt vald,
en þar var eini flugvöllurinn í hér-
aðinu og borgin gegndi því lykil-
hlutverki í samgöngum milli
Armeníu og Nagorno-Karabakh.
Bandarísk og rússnesk mann-
réttindasamtök segja að hundruð
óbreyttra borgara hafi þar verið
myrt þennan dag, flestir á flótta
undan hermönnum, og til eru bæði
ljósmyndir og myndbönd af líkum,
sem mörg hver eru ansi illa farin.
„Við viljum ekki að þessir
atburðir gleymist,“ segir Zakir
Jón. Hann segir aðfarir Armena
hafa verið skelfilegar: „Þeir komu
og drápu alla, bæði karla, konur
og börn. Meira að segja óléttar
konur.“
Þrátt fyrir að eiginlegu stríði
hafi lokið fyrir meira en áratug
ríkir enn mikil spenna milli
Armena og Aserbaídsjana.
„Það er ennþá verið að berjast
við landamæri Armeníu og Aser-
baídsjan,“ segir Zakir Jón. „Á
hverjum degi er verið að skjóta
eitthvað. Í gær til dæmis var einn
maður drepinn.“
Fjöldamorðanna
í Khojaly minnst
Meirihluti barna á höfuð-
borgarsvæðinu fer fótgangandi í
skólann, eða 69 prósent þeirra. Þetta
sýnir ný könnun frá Félagsvísinda-
stofnun Háskóla Íslands, úrtak
könnunarinnar var 1.200 manns.
Um 34 prósent grunnskólabarna
fara með einkabíl í skólann, þrjú
prósent með strætó og eitt prósent
þeirra fer á hjóli.
Í könnuninni var einnig spurt
hvernig viðkomandi ferðaðist til
vinnu og kom þá í ljós að 73 prósent
fara með einkabíl, tólf prósent
gangandi, sjö prósent með strætó
og fjögur prósent sem farþegar í
bíl.
Flest börn ganga til skóla
Framkvæmdir eru
að hefjast við viðbyggingu
göngudeildar BUGL, Barna- og
unglingageðdeildar Landspítala.
Siv Friðleifsdóttir heilbrigðisráð-
herra tók fyrstu skóflustunguna
þegar samningar við verktaka
voru undirritaðir.
Nýja húsnæðið verður um
1.250 fermetrar að stærð og mun
verktaki skila því fullbúnu í maí á
næsta ári. Húsnæðið verður tekið
í notkun um það leyti en með nýja
húsnæðinu munu aðstæður
starfsfólks og sjúklinga stór-
batna, segir í tilkynningu frá
heilbrigðisráðuneytinu.
Biðlistar munu ekki styttast
þrátt fyrir að húsnæðið stækki.
Aðstaðan bætt