Fréttablaðið - 02.06.2007, Blaðsíða 6

Slysum hér á landi
hefur farið fjölgandi á milli ára
frá því að byrjað var að skrá þau
í apríl 2002. Árið 2003 voru þau
26.017 talsins en samtals 32.518 á
síðasta ári. Langflest þeirra áttu
sér stað á heimili og í frítíma
landsmanna eða 12.308.
Þetta kemur fram í Slysaskrá
Íslands, en landlæknisembættið
hefur birt tölur úr henni fyrir
árið 2006.
Tveir næststærstu slysaflokk-
arnir eru vinnuslys og umferðar-
óhöpp. Flest slysin eiga sér stað á
tímabilinu frá 10 árdegis til 22
síðdegis. Mest er slysatíðnin hjá
einstaklingum á aldrinum 10 til
nítján ára.
Slysaskráin er miðlægur gagna-
banki sem inniheldur upplýsing-
ar um slys sem verða á Íslandi.
Tilgangurinn með henni er að
safna á einn stað upplýsingum
um slys á landinu öllu og sam-
ræma skráningu þeirra. Jafn-
framt að veita yfirlit yfir fjölda
slysa, orsakir þeirra og
afleiðingar, þannig að unnt sé að
hafa áhrif á þessa sömu þætti.
Hlutverk Slysaskrár er enn
fremur að skapa möguleika á ítar-
legri rannsóknum á slysum. Hún
veitir margvíslegar upplýsingar
um slys, slasaða einstaklinga og
ökutæki. Tilraunaskráning slysa
hófst 1. október 2001. Formleg
skráning hófst hins vegar 1. apríl
2002 og frá og með þeim tíma
hafa tölur verið gefnar út.
Um þessar mundir taka tólf
skráningaraðilar þátt í að skrá
upplýsingar í Slysaskrá Íslands.
Meðal þeirra helstu eru Ríkislög-
reglustjóraembættið, Landspítali
- háskólasjúkrahús og Vinnueft-
irlitið. Ætla má að ríflega helm-
ingur þeirra slysa sem verða á
landinu séu nú skráð í Slysaskrá
Íslands. Markvisst er unnið að
áframhaldandi fjölgun skráningar-
aðila, að því er fram kemur í upp-
lýsingum frá landlæknis-
embættinu.
Slysum fjölgar stöðugt
Slysum á Íslandi hefur fjölgað umtalsvert milli ára frá því að skráning þeirra var
skipulega hafin 2003. Á síðasta ári voru þau ríflega 32.500, flest á heimili og í frítíma
landsmanna. Tveir næststærstu slysaflokkarnir voru vinnuslys og umferðaróhöpp.
Hæstiréttur felldi í gær
úr gildi frávísun Héraðsdóms
Reykjavíkur á hluta endurákæru í
Baugsmálinu. Dómurinn lagði fyrir
héraðsdóm að fjalla efnislega um
þá tíu ákæruliði sem var vísað frá í
heild sinni, auk þess hluta eins
ákæruliðar til viðbótar sem vísað
var frá.
Fjallað verður um málið í Héraðs-
dómi Reykjavíkur 13. júní næst-
komandi.
Héraðsdómur felldi dóm 3. maí
síðastliðinn. Þar var Jón Ásgeir
Jóhannesson sakfelldur í einum
ákærulið og Tryggvi Jónsson í
fjórum. Ákæru á hendur Jóni
Gerald Sullenberger var vísað frá.
Hæstiréttur felldi frávísun úr
gildi að nær öllu leyti. Aðeins í
einum ákærulið staðfesti hann frá-
vísun á aðalkröfu saksóknara, en
felldi úr gildi frávísun vegna vara-
kröfunnar.
Í öllum ákæruliðum sem vísað
var frá þar sem Jón Ásgeir var
ákærður mun nú reyna á refsi-
ákvæði 104. greinar hlutafélaga-
laga, sem ekki hefur reynt á fyrir
dómi áður. Þar er lagt bann við
lánum hlutafélaga til tengdra aðila.
Hæstiréttur tekur undir með sækj-
anda í málinu að sé lagagreinin
óskýr eigi það ekki að leiða til frá-
vísunar heldur sýknu.
Ákærulið þar sem Tryggvi var
sakaður um fjárdrátt var einnig
vísað aftur í héraðsdóm. Þar var
Hæstiréttur ósammála því mati
héraðsdóms að saksóknari hefði átt
að sundurgreina alla greiðslukorta-
reikningana sem ákært er vegna.
Að lokum hafnaði Hæstiréttur
því að sú staðreynd að Jón Gerald
hafði stöðu vitnis við rannsókn lög-
reglu lengst af ætti að leiða til þess
að vísa ætti frá hans þætti málsins.
Taldi dómurinn nægja að ein yfir-
heyrsla fór fram þar sem Jón Ger-
ald hafði stöðu sakbornings. Þar var
hann einungis spurður hvort hann
stæði við allt sem hann sagði lög-
reglu þegar hann var yfirheyrður
sem vitni, sem hann staðfesti.
Héraðsdómur taki efnislega afstöðu
„Ég held
að það sé nú skynsamlegt
að fá reynslu á þessi lög
áður en menn fari í miklar
breytingar á þeim,“ segir
Guðlaugur Þór Þórðarson,
nýbakaður heilbrigðisráð-
herra, um bann við reyk-
ingum á krám og veitinga-
stöðum.
„Finnist einhverjir aug-
ljósir vankantar á þessu
er sjálfsagt að fara yfir það mál og
það mun ég gera. En eftir því sem
ég best veit hefur þetta gengið vel
í þeim löndum sem hafa reynt
þetta,“ segir hann. „Það er því
ekkert sem kallar á það á þessari
stundu að þessi nýsamþykktu lög
verði endurskoðuð.“
Guðlaugur Þór var samþykkur
lögunum á sínum tíma en greiddi
einnig atkvæði með breyt-
ingartillögu um þau. Í
henni var mælst til þess
að „leyfa reykingar í sér-
stökum herbergjum eða á
afmörkuðum svæðum á
veitinga- og skemmtistöð-
um“.
Guðlaugur segir að
málið sé ekki einfalt, þar
takist á frelsi fólks til að
vera laust við reyk og
frelsi fólks til að reykja.
„Menn geta svo fært rök fyrir
frelsinu á hvorn veginn sem er,“
segir hann.
Nokkrir veitingamenn hafa risið
öndverðir gegn banninu og Heim-
dallur, félag ungra sjálfstæðis-
manna, segir að með því grafi
stjórnvöld undan eignarréttinum.
VÉLASVIÐ | Klettagörðum 8-10 | 104 Reykjavík | Sími 590 5100 |www.hekla.is/velasvid
HEKLA er umboðsaðili Perkins á Íslandi
Veldu aðeins viðurkennda varahluti
Ferðaskrifstofa
Leyfishafi
Ferðamálastofu
Tekur þú reykingabanninu
fagnandi?
Hefur þú blandað íþróttum
saman við áfengi?