Fréttablaðið - 07.10.2007, Blaðsíða 86
Draumurinn að syngja á Miss World
Eiríkur Hauksson þykir sláandi
líkur fígúrum að nafni blóðálfar,
sem koma fyrir í tölvuleiknum
World of Warcraft. Leikurinn er
spilaður á netinu af hundruð þús-
undum leikmanna um heim allan.
Eiríkur sjálfur kannaðist þó ekki
við leikinn þegar Fréttablaðið sló á
þráðinn til hans. „Ég get sagt
með alveg hreinni samvisku
að ég sé ekkert í tölvuleikj-
um á netinu. Ég er voðalega
lítill tölvumaður og datt
bara út þegar þetta fór af
stað. Það síðasta sem ég
man eftir er að standa í
sjoppu að spila Pacman,“
sagði Eiríkur og hló við.
Eftir að hafa virt blóðálfinn
fyrir sér var Eiríkur ekki frá því
að hann sæi svip með þeim. „Mér
finnst það nú mest vera hárið, og
ímyndin kannski líka. Ég vildi líka
óska þess að ég væri með svona
fallega græn augu,“ sagði hann.
„Þetta er það sem maður
kall-
ar
stingandi augnaráð,“ bætti hann
við og skellti upp úr.
Eiríkur sagði týpuna þó ansi
heillandi á hans mælikvarða.
„Þetta er spennandi týpa,“ sagði
hann. „Ef þeir gera einhvern tíma
bíómynd byggða á þessum leik
verð ég fremstur í röðinni. Ég er
alltaf til í að prófa eitthvað nýtt,
og þetta hlutverk myndi ég
taka að mér,“ sagði hann.
Eiríkur er staddur hér á
landi um helgina þar sem
hann syngur á Queen-tón-
leikum á Players. Þeir fyrri
voru í gærkvöldi, en leikur-
inn verður endurtekinn í
kvöld.
Eiríkur alveg eins og blóðálfur
„Þetta er tekið á Þingvöllum og
myndin heitir Morgunn á Þing-
völlum. Hún var reyndar ekki
tekin sérstaklega fyrir umslagið
því hún var sýnd á samsýningu í
Ketilshúsinu á Akureyri í ágúst
sem var haldin til heiðurs Jónasi
Hallgrímssyni,“ segir fjöllista-
maðurinn Ragnar Kjartansson en
hann á ljósmyndina sem prýðir
kápu nýjustu plötu Megasar, Hold
er mold, sem er væntanleg á næst-
unni. Þar má sjá þrjár fáklæddar
fyrirsætur með sígarettu í hönd
ofan á leiði þjóðskáldsins á Þing-
völlum.
Ragnar segist hafa stúderað
Jónas í allt sumar fyrir þessa sýn-
ingu og meðal annars lesið ævi-
söguna hans. Og eins og þruma úr
heiðskíru lofti laust þessari hug-
mynd niður í höfuðið á honum.
„Svo var bara lagt af stað snemma
um morguninn og myndin tekin í
morgundögginni á Þingvöllum,“
segir Ragnar en fyrirsæturnar
eru bæði af íslensku og erlendu
bergi brotnar. „Alveg eins og
Jónas, hann er bæði fyrir útlend-
inga og Íslendinga,“ segir Ragnar.
Listamanninum finnst þetta
leiði reyndar vera undarlegur og
magnaður staður því þarna hvíli
skáldið alls ekki. Og þessi dular-
fulla saga um bein Jónasar sem
sögð voru hafa verið flutt frá
Kaupmannahöfn umlyki staðinn.
„Ég er ekkert smeykur um að
þetta veki upp einhverja úlfúð eða
leiðindi því sýningin á Akureyri
var jú fyrst og fremst haldin til að
heiðra minningu Jónasar. Þegar
fólk sá hana þar var enginn sem
fór að fetta fingur út í hana og
sjálfum þykir mér hún bara fal-
leg.“
Ragnar segist hafa tekið vel í
hugmyndir Megasar þegar hann
vildi fá myndina á umslagið en
tónlistarmaðurinn var einnig með
verk á þessari sýningu. „Mér
finnst þetta mjög við hæfi og alveg
elegant auk þess sem þeir Jónas
og Megas eru svo tengdir í menn-
ingarsögunni,“ segir Ragnar en
Megas samdi frægt lag um skáldið
og fékk jafnframt íslenskuverð-
laun Jónasar Hallgrímssonar fyrir
sjö árum eins og frægt er orðið.
Megas vildi hins vegar lítið tjá sig
um málið við Fréttablaðið. Platan
Hold er mold kemur í búðir 15.
október en reiknað er með að hún
verði forseld á stórtónleikum
Megasar í Laugardalshöll laugar-
daginn 13.október. Þar hyggst
Megas fara yfir ferilinn ásamt
hljómsveit sinni Senuþjófunum og
má þá fastlega gera ráð fyrir að
Jónas Hallgrímsson fái sinn sess í
dagskránni.
„Það er auðvitað alltaf ánægju-
legt þegar vel gengur en það er
margt sem býr að baki. Ég er
mjög stolt af Garðari sem lista-
manni, syni og manneskju. Hann
hefur haldið sínu striki og eflst
sem listamaður og söngvari.“
Ásdís Sigríðardóttir lærði dýra-
fræði, eða zoology, í Bretlandi.
Hún útskrifaðist fyrir tveimur
árum, býr í nágrenni Newcastle
og starfar þar fyrir góðgerðasam-
tök sem berjast fyrir verndun
fugla.
„Ég hef elskað dýr frá því ég
man eftir mér. Þegar ég komst að
því að mörg þeirra eru í útrýming-
arhættu fannst mér ég þurfa að
gera eitthvað í því,“ segir Ásdís.
Hún segir það hafa tekið sig lang-
an tíma að taka stökkið. „Það er
eitthvað svo ríkt í þjóðarsálinni að
lífið snúist um að þéna sem mest
og ég var hálfpartinn búin að
ákveða að læra lífeðlisfræði þótt
ég hefði aldrei verið neitt sérstak-
lega spennt fyrir því. Samt skaut
reglulega upp í kollinum á mér
setningu sem amma mín sagði ein-
hvern tímann: „Ásdís mín, ef ég
hefði getað lært eitthvað þegar ég
var ung hefði ég lært það sem mig
langaði til þess að læra!“ Ég sann-
færðist endanlega þegar ég sá
hvað kærastinn minn var ánægð-
ur í sínu draumanámi í tölvuleikja-
hönnun og ég ákvað að eltast við
minn draum og læra dýrafræði.“
Samtökin sem Ásdís vinnur
fyrir heita Royal Society for the
Protection of Birds (RSPB). „Eins
og er starfa ég við að aðstoða dýra-
verndunarstarfsfólkið á skrifstof-
unni en vonast til að verða ein af
þeim einhvern daginn. Nýlega
hjálpaði ég til við verkefni sem
hefur verið hér í fréttum og fólst í
því að vernda hreiður sjaldgæfs
ránfugls. Það er mjög erfitt að
komast inn í dýraverndun því
störfin eru fá og margir um hvern
stól. En ég er að minnsta kosti
komin með fótinn inn um hurðina
og nú vantar mig bara reynsluna.
Hún kemur með tímanum.“
Verndar hreiður
sjaldgæfs ránfugls