Fréttablaðið - 12.11.2007, Blaðsíða 4

„Byggingafulltrúi fer rangt með þegar
hann segir að valið fólk hafi legið yfir málinu.
Rýnihópurinn lýsti alltaf mikilli óánægju með
teikningarnar og þær voru samþykktar á fundi sem
ætti ekki að teljast lögformlegur,“ segir Þórður
Magnússon, varaformaður Torfusamtakanna.
Magnúsar Sædal Svavarsson, byggingafulltrúi
Reykjavíkurborgar, sagði í Fréttablaðinu fyrir
skömmu að valið fólk hefði samþykkt teikninguna fyrir
Laugaveg 4 til 6. Eva María Jónsdóttir dagskrárgerðar-
kona á sæti í rýnihópnum. Hún segist ekki hafa verið
boðuð á fundinn þegar teikningarnar voru samþykktar.
„Ásgeir Bolli Kristinsson, fulltrúi kaupmanna, var
erlendis og Pétur H. Ármannsson sat hjá. Þá sátu
eftir embættismenn borgarinnar, sem eftir því sem
ég best veit eru arkitektar, og einn arkitekt frá
Listaháskólanum. Breiddin sem hópurinn á að
endurspegla var því horfin.“
Eva María segir málið hafa þvælst lengi um í
kerfinu og mönnum hafi því legið á að ljúka því.
„Ég er sannfærð um að enginn sem kom að máli er
ánægður með þessa teikningu, en borgin þorir ekki
að draga til baka til þau byggingarleyfi sem þegar
hafa verið gefin út af ótta við að eigendurnir fari í
mál og krefjist skaðabóta.“
Óánægja með teikninguna
Ný leiguþyrla
Landhelgisgæslunnar, LN-OBX,
lenti í Reykjavík á laugardag
eftir flug frá Förde í Noregi.
Þyrlan er flugdeild Landhelgis-
gæslunnar vel kunn því hún var
í leigu hjá henni síðastliðinn
vetur og gengur þar undir
nafninu Steinríkur. Tekur þyrlan
við hlutverki TF-SIF.
Ný leiguþyrla
til Íslands
Ung Vinstri græn á
Suðurlandi skora á Orkuveitu
Reykjavíkur að hætta við áform
um Bitruvirkjun á Ölkelduhálsi. Í
tilkynningu frá félaginu segir að
um mikla náttúruperlu sé að ræða
og að fegurð hennar megi líkja
við Landmannalaugar.
Í tilkynningunni segir einnig að
nóg sé af jarðvarmaorku sem
sækja megi án mikilla náttúru-
spjalla. Óspillt náttúra í nágrenni
þéttbýlis sé hluti af lífsgæðum.
UVG á Suðurlandi skora
jafnframt á sveitarstjórn Ölfuss
að afgreiða Bitruvirkjun ekki á
sama hátt og gert var með
efnistöku úr Ingólfsfjalli. Þá hafi
ákvörðun Skipulagsstofnunar
verið hnekkt.
Mótmæla virkjun
Karlmaður á
þrítugsaldri var handtekinn
eftir slagsmál í heimahúsi í
Reykjanesbæ á föstudagskvöld.
Að sögn lögreglu kastaðist í
kekki milli nokkurra gesta í
samkvæmi og svo mikið gekk á
að stórsá á innanstokksmunum.
Þegar leið á nóttina var
lögregla kölluð út vegna hávaða
í öðru samkvæmi í Reykjanes-
bæ. Þar voru fjórir menn sem
lögreglu grunaði að væru undir
áhrifum eiturlyfja.
Engin fíkniefni voru á
staðnum en við leit fundust
sprautur og nálar.
Stórsá á innan-
stokksmunum
Sinfóníuhljómsveit
Íslands og Austurhöfn-TR hafa
undirritað leigusamning til 35 ára
um aðsetur Sinfóníunnar í
Tónlistarhúsinu.
Sinfónían fær aðsetur fyrir
starfslið sitt í húsinu og tryggð
eru í samningnum afnot sinfóní-
unnar af stærsta sal hússins 60
sinnum á ári og til æfinga að auki
80 sinnum á ári.
Leigan nemur 73 milljónum
króna á ári auk virðisaukaskatts
og er hún til viðbótar við það sem
opinberir aðilar setja til verkefn-
isins.
Í Tónlistarhús-
inu næstu 35 ár
Hundruð íbúa
Súmötru í Indónesíu flýðu heimili
sín eftir að jarðskjálfti upp á 5,7 á
Richter skók eyjuna í gærmorgun.
Engar fregnir höfðu borist af
meiðslum á fólki né skemmdum á
eignum að því er Veður- og
jarðeðlisfræðistofnun Indónesíu
greindi frá. Engin aðvörun var
gefin út um að jarðskjálfti væri í
vændum.
Jarðskjálftar eru tíðir á Indónes-
íu, stærsta eyjaklasa í heimi. Í
desember árið 2004 orsakaði
jarðskjálfti flóðbylgju sem varð
yfir 230.000 að bana.
Jarðskjálfti skók
Súmötru í gær
Ísland er í fjórða
sæti af 128 á lista stofnunarinnar
World Economic Forum þar sem
jafnrétti kynjanna er metið. List-
inn var kynntur ásamt skýrslu í
Genf í Sviss á fimmtudaginn.
Norðurlöndin raða sér í efstu
fjögur sætin þar sem Svíþjóð er
efst, svo Noregur og Finnland í
þriðja sæti. Danmörk er í áttunda
sæti og skipa öll Norðurlöndin
sömu sæti á listanum og í fyrra.
Í skýrslu stofnunarinnar er
launabilið metið út frá fjórum
lykilþáttum: Þátttöku og tækifær-
um í efnahagslífi; aðgengi og
árangri í námi; pólitískri þátttöku;
heilbrigði og lífslíkum. Ríkjum er
svo raðað á listann eftir hlutfalls-
legu jafnrétti kynjanna út frá
fyrrgreindum þáttum þar sem 0
er fullkomið misrétti en 100 full-
komið jafnrétti. Þannig er Svíþjóð
í efsta sæti með 81,46 prósenta
jafnrétti í heildina litið en Jemen í
neðsta sæti með einungis 45,1 pró-
sent. Á Íslandi er heildarhlutfallið
78,36 prósent.
Ísland mælist með 98,7 prósenta
jafnrétti í menntaflokknum og 97
prósenta jafnrétti í heilbrigðis-
flokknum. Í efnahagsflokknum
lækkar hlutfallið niður í 72,1 pró-
sent og í pólitíska flokknum fer
það niður í 45,6 prósent.
Kristín Ástgeirsdóttir, fram-
kvæmdastýra Jafnréttisstofu,
segir hátt hlutfall í mennta- og heil-
brigðisflokki endurspegla styrk
norræna velferðarmódelsins. „En
það er mikilvægt að gera sér grein
fyrir að það sem setur Norðurlönd-
in svona hátt er að það er verið að
mæla hluti sem við leystum fyrir
löngu síðan á borð við ungbarna-
dauða og mæðradauða.“ Kristín
bendir á að mælingin fyrir pólit-
íska flokkinn sé hærri en hún ætti
að vera þar sem ferill Vigdísar
Finnbogadóttur sé þar inni en hún
hafi ekki haft pólitísk völd í reynd-
inni. „En það má segja að svona
mæling sé ákveðið aðhald og það
er fróðlegt að fylgjast með þessu
þar sem þetta er alltaf sama mæl-
ingin sem verið er að gera. Þetta er
því ein leið til að meta stöðuna.“
Ísland í fjórða sæti á
kynjajafnréttislista
Norðurlöndin raða sér í efstu sæti lista stofnunarinnar World Economic Forum
yfir kynjajafnrétti í heiminum. Ísland er með nánast fullkomið jafnrétti í flokkum
menntunar og heilbrigðis en sýnir lakari stöðu í pólitík og efnahagsmálum.