Fréttablaðið - 09.12.2007, Page 89

51 MENNING
S
enn lýkur uppboðahrinu hjá stóru
uppboðshúsunum austan hafs og vest-
an og þótt niðurstöður liggi ekki fyrir
frá nokkrum stórum uppboðum í
næstu viku er ljóst að verð á málverk-
um eftir hin stærri nöfn frá síðustu
öld hækkar og hækkar. Christie’s, Sotheby’s og
Philips de Pury seldu í nóvember myndlist fyrir
áður óþekkta upphæð, 948 milljónir dala. Hrær-
ingar á fjármálamörkuðum höfðu engin áhrif á
markaðinn nema síður væri, sjóðir og fjársterk-
ir einstaklingar líta á verk eftir tiltekna lista-
menn sem örugga fjárfestingu. Hafa uppboðs-
húsin ekki séð önnur eins verð síðan markaður
með myndlist náði hámarki á tíunda áratugn-
um. Á uppboðum nóvember seldust 83 prósent
verka.
Málverk eftir írska málarann Francis Bacon,
Second Version of Study for Bullfight No. 1,
var slegið á 46 milljónir dala hjá Sotheby’s.
Sjálfsmynd hans á sama uppboði seldist fyrir
33 miljónir dala. Meðfylgjandi listi sýnir hvaða
listamenn fóru á hæstu verðum í nóvember:
Francis Bacon, Andy Warhol, Mark Rothko
sitja efst á listanum, Untitled (Red, blue,
orange) eftir bandaríska málarann Mark
Rothko seldist á 34,2 milljónir dala og eitt
þrettán málverka Warhol af Liz úr eigu Hugh
Grant leikara fór á 23,6 milljónir.
Höggmyndir eða þrívíð verk eru líka seld á
þessum uppboðum og þar er líka mikil
hreyfing á fjárhæðum sem gefnar eru fyrir
verk tiltekinna höfunda: Hanging Heart
(Magenta/Gold) eftir Jeff Koon fór á 23,6
milljónir hjá Sotheby’s og sló metið frá í vor
þegar hæsta verð var goldið fyrir verk eftir
núlifandi listamann, en þá seldi Sotheby
Lullaby Spring eftir Damien Hirst. Metverð
fékkst einnig fyrir verk eftir John Chamber-
lain, Anish Kapoor og Richard Serra, svo menn
geta litið Áfanga hans í Viðey með verðmerki í
huga þyki það betra. Verk eftir eldri höfunda
halda sinni stöðu, Picasso, Calder og Modigli-
ani seldust vel.
Kínversk verk eftir lifandi málara hafa farið
háu verði á uppboðum bæði í Asíu og Ameríku
á síðustu misserum: Zhang Xiaogang er í
miklum metum en eitt verka úr röð hans
Family Portrait seldist fyrir skömmu á tæpar 5
milljónir dala. Hann mun eiga verk á sýningu
Listasafns Akureyrar í vor á Listahátíð. Tekið
er eftir að svokallaðar dagsölur eru teknar að
velta stórum upphæðum, sem hafa verið
bundnar við kvölduppboðin. Dagsala Sotheby’s
í síðustu viku sló met; þar fóru verk fyrir 102
milljónir dala enda í boði verk eftir Gerhard
Richter, Robert Indiana, Andy Warhol og
Takashi Murakami, Warhol þeirra Japana.
Tekið er eftir að þátttaka í uppboðum er nú
alþjóðleg, ræður þar tilkoma netsins og boð um
síma. Bandaríkjamenn er enn fyrirferðarmest-
ir á uppboðum. Þeir áttu 55 prósent boða hjá
Sotheby´s í síðustu viku.
- pbb
MYNDLIST SÍFELLT DÝRARI
Topp tíu listinn í seldum verkum síðasta mánaðar.
Francis Bacon, Second Version for Bullfight. Nr. 1. $45,961,000
Mark Rothko, Untitled (Red, blue, orange) $34,201,000
Francis Bacon, Self Portrait $33,081,000
Jeff Koons, Hanging Heart (Magenta/Gold) $23,561,000
Andy Warhol, Liz $23,561,000
Mark Rothko, No. 7 (Dark Over Light) $21,041,000
Willem De Kooning, Untitled XXIII $19,921,000
Lucian Freud, Ib and Her Husband $19,361,000
Andy Warhol, Elvis 2 Times $15,721,000
Andy Warhol, Self Portrait (Green Camouflage) $12,361,000
FRANCIS BACON
1909-1992: SEC-
OND VERSION OF
STUDY FOR BULL-
FIGHT NO. 1. 200
x 147,7 sm. Olía á
striga 1969.
MYND: SOTHEBY´S IMAGES
19
Björn Ingólfsso
n
Endurminninga
r Sveins í Kálfss
kinni