Fréttablaðið - 21.12.2007, Blaðsíða 48

BLS. 8 | sirkus | 21. DESEMBER 2007
É g hef alltaf haft gaman af öllu því sem tengist heimili og hönnun frá því að ég man
eftir mér. Þegar ég var lítil var ég
alltaf að taka til og breyta herberg-
inu mínu og fannst fátt skemmti-
legra en að fara í heimsóknir með
mömmu til vinkvenna hennar og fá
að taka til,“ segir Þórunn Högna-
dóttir þáttastjórnandi, en hún hefur
eflaust verið eftirsóttur heimilis-
gestur á sínum yngri árum, ólíkt
öðrum börnum sem skilja yfirleitt
allt eftir í drasli. Síðastliðin fjögur ár
hefur Þórunn unnið við sjónvarps-
þáttinn vinsæla Innlit/útlit sem
sýndur er á Skjá einum og því má
segja að snemma hafi krókurinn
beygst hjá henni. „Það er búið að
vera brjálað hjá mér að gera en jóla-
þátturinn okkar fór einmitt í loftið
nú í vikunni,“ segir Þórunn sem
hefur skreytt heimilið fagurlega
þrátt fyrir mikið annríki. „Við vorum
síðustu jól á Flórída og misst um því
af hinum íslensku jólum og öllum
jólaundirbúningnum sem fylgir,“
segir Þórunn sem ákvað að bæta
upp jólatréleysi síðasta árs með
tæplega tveggja metra háu jólatré
sem mikil lofthæð íbúðarinnar ber
vel.
Miklar framkvæmdir eiga sér stað
í íbúð Þórunnar og eiginmanns
hennar, Brands Gunnarssonar fast-
eignasala, en þau búa í fallegri íbúð
í Grafarvoginum ásamt tveimur
börnum en elsti sonur Þórunnar,
sem er 19 ára, býr hjá ömmu sinni.
„Okkur hafði lengi dreymt um að
færa eldhúsið inn í stofuna og fá
auka herbergi út úr eldhúsinu. Við
létum verða af þessum framkvæmd-
um nú í haust en þær hafa dregist á
langinn eins og oft vill verða,“ segir
hún sem er orðin frekar þreytt á
óreiðunni og rykinu sem fylgir breyt-
ingunum, en framkvæmdirnar eiga
enn þá langt í land. „Við erum rosa-
lega ánægð með nýja skipulagið á
íbúðinni. Alrýmið þar sem eldhúsið,
borðstofan og stofan eru, er í miklu
uppáhaldi hjá fjölskyldunni. Ég get
samt ekki beðið eftir því að fram-
kvæmdirnar verði að baki því mér
líður best þegar allt er hreint og fínt
í kringum mig,“ bætir Þórunn við.
Erfitt er þó að sjá á íbúðinni alla
óreiðuna sem Þórunn minnist á og
afsakar í bak og fyrir.
„Ég hef rosalega gaman af því að
versla fyrir heimilið og er mjög nýj-
ungagjörn. Oft geng ég í gegnum
tímabil þar sem ég hef æði fyrir ein-
hverju ákveðnu og safna að mér öllu
í þeim stíl,“ viðurkennir Þórunn.
„Það má eiginlega segja að ég sé
veikust fyrir öllu því sem mér finnst
vera fallegt,“ segir Þórunn en heimil-
ið er afar stílhreint og hver hlutur
fær að njóta sín. Í ganginum á milli
forstofunnar og alrýmisins er for-
láta skenkur sem tengir saman
rýmið á skemmtilegan hátt. „Skenk-
urinn er í miklu uppáhaldi hjá mér
en frænka mín gaf mér hann að gjöf.
Skenkurinn er frá sjötta áratugnum
og er úr tekki en ég pússaði hann
upp og lakkaði hann í svörtu,“ segir
Þórunn sem er margt til lista lagt.
Svefnherbergi Þórunnar er mikið
notað þessa dagana en Þórunn og
Brandur festu nýlega kaup á rúmi
sem þau eru alsæl með. Hvíta blóma-
ljósið „Midsummer light“ og blóma-
hengið „Evy“, sem er við rúmgaflinn,
eru eftir hollenska hönnuðinn Tord
Boonte og gefa herberginu draum-
kenndan blæ sem á vel heima í
svefnherberginu. „Mig langar rosa-
lega mikið til að setja blómin við
rúmgaflinn í plexigler en hef bara
ekki haft tíma til þess,“ segir Þórunn
sem er mjög hrifin af plexigleri. Við
náttborðið hangir rómantísk ljósa-
króna og frá henni stafar undurfög-
ur birta. „Ég keypti ljósakrónuna hjá
Fríðu frænku og lét síðan smíða
plexigler yfir hana,“ segir Þórunn en
plexiglerið gerir ljósakrónuna
nútímalegri og passar vel við ein-
faldan stíl Þórunnar. Í svefnherberg-
inu er skemill með kálfskinni, en
skemillinn hefur mikið tilfinninga-
legt gildi fyrir Þórunni. „Skemillinn
er frá móður minni og var notaður
við snyrtiborð sem hún átti. Tækni-
lega séð á hún hann enn því ég fékk
hann að láni frá henni. Kálfskinnið
ofan á skemlinum er frá pabba
mínum en hann fékk það frá ömmu
minni,“ segir Þórunn um fagra „ætt-
argripinn“.
Yfir heimili Þórunnar svífur yfir
andi jólanna, á eldhúsborðinu eru
fagurskreyttir piparkökukarlar í
öllum regnbogans litum og veglegur
aðventukrans sem Þórunn útbjó er
upptendraður á stofuborðinu. „Ég
er mikið jólabarn og hef gaman af
að skreyta heimilið. Fyrir þessi jólin
hef ég keypt mikið af jólaskrauti í
versluninni Egg við Smáratorg og
þaðan eru „klakalengjurnar“ sem ég
notaði í aðventukransinn og á jóla-
tréð.“ En skrautið nýtur sín vel á
heimilinu þar sem svart, hvítt og
silfurlitaðir tónar eru ríkjandi.
„Svarti liturinn er í miklu uppáhaldi
hjá mér en stundum finnst mér
vanta hlýju í íbúðina, sérstaklega
þegar ég er ekki með kveikt á öllum
kertunum og því langar mig að bæta
hlýjum tónum við litaskalann á
ÞÓRUNN HÖGNADÓTTIR Í INNLITI/ÚTLITI OPNAR HEIMILI SITT
SVART/HVÍT SMARTHEITAPAR
Það er ekki amalegt að hafa New York yfir borðstofuborðinu. Svarta ljósakrónan frá versluninnKlakalengjurnar á jólatrénu fékk Þórunn
í versluninni Egg.
Ljósakrónan frá Fríðu frænku með plexigleri setur
svip sinn á svefnherbergið.
ÆTTARGRIPURINN Skemillinn er ættaður frá mömmu
Þórunnar og bólstraður með kálfskinni föðurins.
Þórunn fyrir framan uppáhaldsmyndina
sína, mynd af New York.
SVARTUR SKENKURINN tengir saman ganginn og
alrýmið á skemmtilegan hátt, en svarti liturinn er
ríkjandi í íbúðinni.
Rómantískt svefnherbergi Þórunnar og Brands er
mikið notað eftir að þau fjárfestu nýlega í hjóna-
rúmi. Blómablúndan er falleg við rúmgaflinn og
fylgir manni eflaust inn í draumalandið.