Fréttablaðið - 22.02.2008, Blaðsíða 16
16 22. febrúar 2008 FÖSTUDAGUR
nær og fjær
„ORÐRÉTT“
Skömmu fyrir áramót tók Steinunn við sem
framkvæmdastýra UNIFEM á Íslandi og það
hefur verið í nógu að snúast hjá henni síðan.
„Þetta eru frjáls félagasamtök og ég er
í raun eini starfsmaður skrifstofunnar
og mitt hlutverk er að halda öllu á
floti en það er svo stjórnin sem legg-
ur línurnar,“ segir hún. „Okkar hlut-
verk er að styðja við þróunarsjóði í
þágu kvenna á vegum Sameinuðu
þjóðanna og það gerum við með
vitundarvakningu hér á Íslandi og
fjáröflun meðal almennings og
einkafyrirtækja en svo hvetjum
við líka stjórnvöld til að veita
þessum málaflokki athygli.“
Segir Steinunn hlutverk
UNIFFEM að styðja við konur
í þróunarlöndunum og á
stríðshrjáðum svæðum en einnig taki þau þátt
í kvennabaráttunni hér á landi.
Steinunn lauk BA-námi í mannfræði frá
Háskóla Íslands árið 2006 og nú er hún langt
komin með að ljúka meistaranámi í hag-
nýtri menningarmiðlun frá sama háskóla.
En þegar er spurt hvað sé að frétta af
öðrum vígstöðum verður fátt um svör.
„Það má eiginlega segja að lífið snúist
um vinnuna um þessar mundir en ég
er alveg á kafi. Svo er ég að fara í fimm
daga ferð til New York á kvennaráð-
stefnu Sameinuðu þjóðanna.
Þar verða einnig fjölmargar
hliðarráðstefnur sem ég er
mjög spennt fyrir en það eru
konur úr grasrótinni sem
standa fyrir þeim svo ég verð
í góðum félagsskap þar.“
HVAÐ ER AÐ FRÉTTA? STEINUNN GYÐU- OG GUÐJÓNSDÓTTIR FRAMKVÆMDASTÝRA
Með konum úr grasrótinni í New York
VIKA 3
DAGBÓK NÝRRA
ÍSLENDINGA
„Það er vinnuvika
í skólanum svo
ég ákvað að fara
í heimsókn til
fjölskyldu minnar
á Englandi,“
segir Charlotte.
Foreldrar hennar
búa í Winchester
í suðausturhluta
landsins, yngri bróðir hennar í
Bristol og yngri systir hennar í
Lundúnum. „Það er mikið fjör hjá
okkur. Við förum út að borða en
það er eitt af því sem ég sakna
þar sem ég hef ekki efni á slíku
á Íslandi. Amma og afi koma í
hádegismat á laugardaginn svo
pabbi bað mig að koma með fullt
af þorramat, slátur, svið, hákarl og
brennivín. “
Charlotte Ólöf Ferrier:
MEÐ ÞORRAMAT
TIL ENGLANDS
Algirdas er
ánægður með
framtak tónlistar-
mannanna
sem stóðu fyrir
tónleikum gegn
rasisma í fyrra-
dag. „Þetta hlýtur
að hafa áhrif,
sérstaklega þegar stjórnmálamenn
láta til sín taka með þessum hætti
líkt og Geir Haarde gerði.“
En Algirdas tekur einnig eftir
athyglisverðum breytingum. „Nú
er hagurinn að vænkast í Litháen.
Til dæmis er komin upp sú staða
þar að Litháar fást ekki jafn
auðveldlega til láglaunastarfa og
því hafa Hvít-Rússar sótt mikið í
þau störf í Litháen. Ég veit líka um
marga landa mína hér sem eru
að huga að því að flytja aftur til
heimalandsins þar sem ástandið
er að batna mikið.“
Algirdas Slapikas:
ÁSTANDIÐ AÐ
BATNA Í LITHÁEN
„Ég var að koma
til Ísafjarðar,
mikið afskaplega
er ég feginn,“
segir Filipe. „Ég
var í fjóra daga í
Reykjavík, heldur
lengur en ég
ætlaði en ég var
veðurtepptur eins og fyrri daginn.
Síðast gat ég gert gott úr verunni í
Reykjavík en að þessu sinni var því
ekki að heilsa því það var rigning
allan tímann og það hefur slæm
áhrif á mig.“
En það eru afar spennandi tímar
fram undan. „Kærasta mín er að
koma í næsta mánuði og að sjálf-
sögðu hlakka ég mikið til. Reyndar
er hún ekkert hrifin af köldu
veðurfari en ég geri mitt besta til
að halda á henni hita,“ segir hann
og hlær við.
Filipe Moreira de Figueiredo:
KÆRASTAN FER
AÐ KOMA
„Það skiptir
meira máli hver
manneskjan er
en hvaðan hún
kemur,“ segir
Rachid. Hann
telur tónleika
Bubba Morthens
gegn kynþátta-
hatri góða
hugmynd þótt hann telji kynþátta-
hatur ekki vera stórt vandamál
á Íslandi. „Kannski á þetta fólk í
einhverjum vandræðum með sjálft
sig og þarf að kenna einhverjum
öðrum um,“ segir hann. „Ég kann
mjög vel við Íslendinga. Fólk hér er
opið. Kannski er það bara eitthvað
nýtt að hér séu útlendingar og það
getur tekið tíma að venjast því.“
Rachid Benguella:
KANN VEL VIÐ
ÍSLENDINGA
Iceland Express hefur afhent
ADHD-samtökunum framlag að
andvirði 2,35 milljónum króna.
Upphæðin safnaðist meðal far-
þega í vélum félagsins frá ágúst
2006 fram til ársloka 2007.
Við upphaf samstarfsins fengu
ADHD-samtökin 500 þúsund króna
ferðastyrk, þannig að í heild er
framlag Iceland Express og far-
þega félagsins um 2,85 milljónir.
ADHD-samtökin eru til stuðn-
ings börnum og fullorðnum með
athyglisbrest og ofvirkni. Að sögn
Ingibjargar Karlsdóttur, formanns
samtakanna, eru styrkir sem þess-
ir afar mikilvægir fyrir starfsem-
ina.
Ágóðinn af klink söfnun farþeg-
anna verður nýttur til að útbúa
fræðsluefni fyrir kennara um nám
barna sem glíma við ADHD. - elj
Tvær milljónir söfnuðust
Afgreitt með evru
„Ég held að það sé búið að
afgreiða það í eitt skipti
fyrir öll. Einhliða upptaka
Íslands á evru er ekki inni í
myndinni.“
GEIR H. HAARDE FORSÆTISRÁÐ-
HERRA
Fréttablaðið 21. febrúar 2008
Loðnan hverfur með
milljarð
„Ætli þetta þýði ekki milljarð
í minni tekjur fyrir Eyja-
menn.“
SIGURGEIR BRYNJAR KRIST-
GEIRSSON, FRAMKVÆMDASTJÓRI
VINNSLUSTÖÐVARINNAR, UM
VEIÐISTÖÐVUN Á LOÐNU.
Fréttablaðið 21. febrúar 2008
Kraftmiklar ryksugur
fyrir öll heimili
Verð frá kr.:
16.900
Miele
ryksugur
SAMSTARFSSAMNINGURINN UNDIRRITAÐUR Erling Erlingsson, framkvæmdastjóri
Iðnmenntar, og Margit Elva Einarsdóttir, forstöðumaður viðburða hjá AP almanna-
tengslum og framkvæmdastjóri Verks og vits.
Íslandsmót iðngreina verð-
ur haldið 18. og 19. apríl
í Laugardalshöll. Mótið
verður héðan í frá haldið
í tengslum við sýninguna
Verk og vit, sem í ár fer
fram dagana 17. til 20. apríl.
Iðnmennt hefur séð um mótið, en
nýlega var gerður samstarfssamn-
ingur við AP almannatengsl sem
mun sjá um framkvæmd mótsins.
Margit Elva Einarsdóttir hjá AP
almannatengslum er einnig fram-
kvæmdastjóri sýningarinnar Verks
og vits. Hún segir mikið verða um
að vera í Laugardalshöllinni þessa
daga og viðburðirnir tveir muni
styðja vel hvor við annan.
Að sögn Erlings Erlingssonar,
framkvæmdastjóra Iðnmenntar,
eru mót eins og Íslandsmótið ein-
hver besta kynning á iðnmenntun
sem til er. Markmiðið með Íslands-
móti iðngreina er að auka sýni-
leika iðn- og starfsmenntunar,
kynna greinarnar fyrir almenn-
ingi og vekja athygli á þeim tæki-
færum sem felast í námi og starfi
í iðngreinum. Íslandsmótið er
ætlað iðnnemum og nýútskrifuð-
um iðnaðarmönnum.
Keppt verður í dúklagningum,
hársnyrtingu, málaraiðn, stáls-
míði, múrverki, pípulögn, raf-
virkjun, bílgreinum, snyrtifræði,
trésmíði, prentiðn, grafískri miðl-
un og ljósmyndun.
- þeb
Vilja auka sýni-
leika iðngreina
FRÁ FYRRI SÝNINGU VERKS OG VITS
KEPPT Í SNYRTINGU Þegar iðnnemar
hafa keppt á íslandsmóti, hafa þeir verið
í Kringlunni undanfarin ár.
REYNT AÐ HEFLA TIL SIGURS Á ÍSLANDSMÓTI IÐNGREINA