Fréttablaðið - 02.04.2008, Blaðsíða 4
MARKAÐURINN 2. APRÍL 2008 MIÐVIKUDAGUR4
F R É T T I R
Brúarlán Netbankans er þægileg leið til að brúa bilið frá kaupum
á nýrri íbúð til sölu á þeirri gömlu. Farðu á www.nb.is og kynntu
þér málið eða fáðu nánari upplýsingar í síma 550 1800.
Jón Aðalsteinn Bergsveinsson
skrifar
Henry Paulson, fjármálaráðherra Bandaríkj-
anna, kynnti á mánudag byltingarkenndar tillög-
ur bandarísku ríkisstjórnarinnar er varða eftirlit
með þarlendum fjármála- og tryggingafyrirtækj-
um. Viðlíka inngrip í bandarískan fyrirtækja-
rekstur hefur ekki verið kynnt til sögunnar síðan
í aðdraganda kreppunnar miklu í lok þriðja ára-
tugar síðustu aldar og sýnir það vel þann vanda
sem bandarísk stjórnvöld og seðlabanki standa
frammi fyrir nú um stundir.
Í tillögunum felst að bandaríski seðlabank-
inn fær leyfi til að fetta fingur út í það sem
honum þykir aflaga hafa farið í rekstri fjár-
mála- og tryggingafyrirtækja. Engar takmark-
anir eru settar á stærð og umsvif fyrirtækjanna
sem geta komið undir arnaraugu seðlabankans;
allt frá stórum fjárfestingarbönkum með starf-
semi víða um heim til lítilla fasteignalána- og
trygginga fyrirtækja með starfsemi á afmörkuð-
um svæðum. Þá er enn fremur lagt til að rekstur
fimm eftirlitsstofnana verði færður undir einn
hatt. Nokkrar stofnananna vinna enn eftir reglu-
gerðum sem tóku gildi á dögum borgarastríðsins
í Bandaríkjunum um miðbik nítjándu aldar og því
farið að slá í nokkrar þeirra.
Paulson sagði meðal annars tillögurnar til þess
fallnar að tryggja stöðugleika í bandarísku fjár-
mála- og efnahagslífi. Stjórnvöldum væri ekki að-
eins umhugað um bandaríska fjárfesta og hlut-
hafa í þarlendum fyrirtækjum heldur þegna lands
og þjóðar. Enn á eftir að leggja tillögurnar fyrir
bandaríska þingið og er reiknað með löngum um-
ræðum um þær. Mun það að líkindum falla í hlut
nýrrar ríkisstjórnar að vinna eftir lögunum verði
þau samþykkt, að mati Paulsons.
Tillögurnar hafa mætt harðri gagnrýni úr röðum
demókrata á bandaríska þinginu, sem telja þær
takmarkaðar. Þótt tillögurnar geti vissulega sett
fyrirtækjum ákveðnar skorður nái þær ekki yfir
rannsókn á meintum svikum og glæfralegum út-
lánum fasteigna- og verðbréfafyrirtækja sem rót
eru talin eiga að hluta í lausafjárþurrðinni á fjár-
málamörkuðum.
Paulson sagði ekki mega kenna fjármálafyrir-
tækjum einum um ástandið nú, sem beit að ráði
í ágúst í fyrra og hefur varað síðan. „Það er ekki
rétt að kenna núverandi eftirliti um ástand mála,“
sagði hann og bætti við að jafnvel væri ekki
tryggt að skilvirkara eftirlit kæmi í veg fyrir slík-
ar hremmingar. „Enda virðist sem erfiðleikar á
fjármálamörkuðum komi upp á fimm til tíu ára
fresti,“ hafði Associated Press-fréttastofan eftir
honum.
Ríkið fylgist betur
með fjármálalífinu
Bandarísk stjórnvöld hyggjast fylgjast betur með vafstri fjár-
málafyrirtækja. Þau vilja grípa inn í reksturinn þyki tilefni til.
FJÁRMÁLARÁÐHERRANN GENGUR Á BRAUT Henry Paulson,
fjármálaráðherra Bandaríkjanna, kynnti á mánudag viðamiklar
tillögur sem gera eiga eftirlit með bandarískum fjármála- og trygg-
ingafyrirtækjum skilvirkara. Viðlíka inngrip í bandarískan fyrirtækja-
rekstur hefur ekki sést síðan í byrjun kreppunnar miklu snemma á
síðustu öld. MARKAÐURINN/AFP
Talsverðar líkur eru taldar á því
að Baugur muni þrýsta á ný á um
afgerandi breytingar á bresku
verslanakeðjunni Woolworths.
Baugur á tíu prósenta hlut í
Woolworths í gegnum fjárfest-
ingararminn Unity Investment,
sem það heldur úti í félagi við FL
Group og breska athafnamann-
inn Kevin Stanford.
Woolworths birtir afkomutöl-
ur sínar síðar í vikunni. Rekstur-
inn hefur ekki gengið sem skyldi
síðustu ár, talið er að félagið
hafi tapað 130 milljónum punda,
20 milljörðum króna, í fyrra, og
eru yfirgnæfandi líkur á að arð-
greiðslur fyrir síðasta ár verði
skornar niður um helming.
Baugur hefur lengi þrýst á
um hagræðingu í rekstri Wool-
worths og Jón Ásgeir Jóhannes-
son, þáverandi forstjóri Baugs,
farið hörðum orðum um stjórn-
endur verslunarinnar á opinber-
um vettvangi. Þá segja fjölmiðl-
ar, með Sunday Times og Telegr-
aph í fararbroddi, að Baugsmenn
muni þrýsta á um uppstokkun í
rekstrinum enn á ný í vikunni.
Aðskilnað nytja- og matvöru-
deilda frá afþreyingunni beri
hæst enda felist þar mestu verð-
mætin, að mati blaðanna. - jab
JÓN ÁSGEIR JÓHANNESSON Líkur eru
á að Baugur muni krefjast uppstokkunar á
rekstri bresku verslunarinnar Woolworths á
næstu dögum. MARKAÐURINN/HEIÐA
Baugur í breskri uppstokkun
Mjög dró úr yfirtökum og sam-
runum fyrirtækja á nýliðnum árs-
fjórðungi miðað við sama tíma í
fyrra. Umsvifin hafa ekki verið
með minna móti síðan árið 2004,
samkvæmt Bloomberg-fréttaveit-
unni.
Munar um hátt álag á lánsfé og
óróleika á fjármálamörkuðum
sem hafi gert skuldsettar yfirtök-
ur afar kostnaðarsamar.
Fréttaveitunni telst til að verð-
mæti yfirtaka hafi numið 625
milljörðum dala á fjórðungnum,
jafnvirði rúmra 47 þúsund millj-
arða króna, á heimsvísu. Þetta
er fjörutíu prósenta samdráttur
frá sama tíma í fyrra. Mestur
er samdrátturinn hjá einkafram-
takssjóðum (e. private equity),
eða 71 prósent.
Bloomberg hefur eftir Tony
Burgess, yfirmanni hjá Deutsche
Bank, sem sér um yfirtökutök-
ur, að skýrustu merkin liggi í
færri skuldabréfaútgáfum og
sambankalánum, sem hafi fækk-
að um tæpan helming frá í fyrra.
Flestar yfirtökurnar hafi átt sér
stað í iðnaði, mest á nýmörkuð-
um í Asíu. Ekki megi reikna með
að byrlegar blási fyrr en eftir um
hálft ár, að sögn Bloomberg. - jab
BJÖRGÓLFUR THOR BJÖRGÓLFSSON
Novator, félag í eigu Björgólfs Thors, yfirtók
Actavis um mitt síðasta árs. Mjög hefur
dregið úr yfirtökum á fyrsta fjórðungi árs-
ins. MARKAÐURINN/VALLI
Mjög dregur úr yfirtökum
og samrunum fyrirtækja
Aðeins einn bauð í Somerfield,
sjötta stærsta stórmarkað Bret-
lands, og munu stærstu eigend-
ur vera að íhuga hvort söluferlið
verði dregið til baka.
Stærstu hluthafar verslanakeðj-
unnar eru fjárfestingamógúllinn
Robert Tchenguiz, stjórnarmað-
ur í Existu, fjárfestingarfélagið
Apax Partners og fleiri. Þá var
Kaupþing, sem hefur fjármagnað
fyrirtækjakaup Tchenguiz, skráð
fyrir níu prósenta hlut í þriggja
mánaða uppgjöri bankans í fyrra.
Breska dagblaðið Times segir
tilboðið, sem verslanakeðjan Co-
op gerði, ein af þeim stærstu á
Bretlandseyjum, liggja talsvert
undir væntingum hluthafa, sem
höfðu reiknað með um tveimur
til 2,5 milljörðum punda í versl-
unina. Það jafngildir rúmum 300
milljörðum íslenskra króna.
Þá segir að Tchenguiz, sem þrá-
faldlega hefur verið sagður eiga
í fjárhagsörðugleikum eftir nið-
ursveiflu á hlutabréfamörkuðum,
þrýsti á um söluna á meðan Apax
vilji setja hana á salt þar til hret-
inu sloti í hlutabréfamarkaði. - jab
GENGIÐ FRAMHJÁ SOMERFIELD Mun
færri buðu í verslanakeðjuna Somerfield
en búist var við. Vangaveltur eru um að
salan verði dregin til baka. MARKAÐURINN/AFP
Óvíst um söluna á Somerfield
Franski líkkjörarisinn Pernod
Ricard bar sigur úr býtum í
gær í miklu tilboðskapphlaupi
um sænska áfengisframleið-
andann Vin & Sprit. Fyrirtækið
framleiðir meðal annars Absolut-
vodkann, sem Íslendingar þekkja
orðið ágætlega.
Kaupverð nemur 55 milljörðum
sænskra króna, jafnvirði rúmra
725 milljarða íslenskra, og var
þetta stærsta einkavæðing
sænska ríkisins til þessa.
Baráttan um ríkisrekna
áfengisframleiðandann
hefur staðið yfir frá því í
fyrra og hefur marga fýst
í vodkadropann.
Um 2.500 manns starfa hjá
Vin & Sprit í tíu löndum og nam
velta fyrirtækisins rúmum níu
milljörðum sænskra króna. Mikil
áhersla hefur verið á að halda
stærstum hluta framleiðslunnar
í Svíþjóð, að sögn breska ríkisút-
varpsins.
Absolut er fjórða vinsælasta
sterka áfengistegundin í heimin-
um á eftir Smirnoff, rommi frá
Bacardi og viskíinu undir
merkjum Johnnie Walker
en öll fyrirtækin sem
framleiða þessa áfengu
drykki sóttust eftir því á
tímabili að kaupa Vin &
Sprit. - jab
Frakkar fengu sænska vodkann