Fréttablaðið - 28.06.2008, Blaðsíða 66

42 28. júní 2008 LAUGARDAGUR
sport@frettabladid.is
Stelpurnar í íslenska landsliðinu fögnuðu 7-0 sigrinum á
Grikkjum með því að horfa á undanúrslit EM og borða
síðan saman í höfuðstöðvum KSÍ. Rakel Hönnudóttir sló
svo í gegn með gítarspili í hófi heima hjá Katrínu Ómars-
dóttur. Katrín sjálf ku hafa látið gítarinn í friði en hún
hefur þó gefið út að hún sé afbragðs gítarleikari.
Þóra B. Helgadóttir, markmaður liðsins, sér ekki eftir
því að hafa snúið aftur í landsliðið. Hún hætti að gefa
kost á sér vegna mikilla anna í vinnu en eftir meiðsli
Guðbjargar Gunnarsdóttur sneri hún aftur. Hún vinnur
hjá DHL í Belgíu þar sem hún spilar með Anderlecht.
„Ég nota sumarfríið mitt til að spila með landslið-
inu en það er ekkert slæmt. Ég fæ eitthvert frí um
jólin,“ sagði Þóra glaðbeitt. Hún gefur áfram
kost á sér í landsliðið en hún hafði ekki mikið
að gera í síðustu tveimur leikjum.
Enn hefur ekki verið ákveðið hvort spilaður
verði vináttuleikur eða -leikir til undirbúnings
fyrir leikinn gegn Frökkum, mikilvægasta leik í
sögu íslenskra landsliða. „Ég er á báðum áttum hvort við eigum að
spila leik, það væri mjög fínt þar sem þessir síðustu tveir leikir voru
frekar auðveldir,“ sagði Þóra sem fékk á sig fjögur skot að markinu,
og aðeins eitt á markið í leikjunum gegn Slóvenum og Grikkjum.
„En það má ekki gleyma því að það er mikið álag á stelpunum
um þetta leyti. Það er mikið spilað hér heima og Valur fer í
Evrópukeppnina. Menn verða kannski fyrir álagsmeiðslum
og slíkt. Það verður væntanlega farið vel yfir þetta,“ sagði
Þóra en tímabilið hennar hjá Anderlecht hefst um miðjan
ágústmánuð.
Þóra er vítaskytta Anderlecht og viðurkennir hún að hafa
vonast eftir því að Ísland fengi vítaspyrnu gegn Grikkjum. „Ég
var að vonast eftir því að skora úr víti. Ég hef reynt að gerast
vítaskytta landsliðsins en án árangurs,“ sagði Þóra kímin en
hún mat mikils stuðning áhorfenda á Laugardalsvelli.
„Stuðningurinn var alveg frábær. Ég held að þetta sé
besti heimavöllur í Evrópu. Það er þessi stuðningur sem
við munum sakna hvað mest úti í Frakklandi,“ sagði Þóra.
ÞÓRA B. HELGADÓTTIR: SEGIR LAUGARDALSVÖLL VERA BESTA HEIMAVÖLL Í EVRÓPU
Sér ekki eftir því að eyða sumarfríi í landsliðið
> Komin verkefni fyrir landsliðið
Undirbúningur íslenska handboltalandsliðsins fyrir ÓL í
Peking er að komast á hreint. Spænska landsliðið mun
að öllum líkindum sækja Ísland heim 18. og 19. júlí
og spila tvo leiki við strákana okkar. Í kjölfarið heldur
landsliðið til Frakklands þar sem það
tekur í þátt í þriggja liða móti með
Frökkum, Spánverjum og Egyptum.
Einar Þorvarðarson, framkvæmda-
stjóri HSÍ, sagði að einnig yrði reynt
að fá verkefni skömmu fyrir brottför
til Kína og jafnvel kæmi til greina
að fá leik í Peking.
HANDBOLTI Sigursælasta félag
Þýskalands síðustu ár og að
margra mati besta félagslið heims,
Kiel, er við það að ná samningum
við Alfreð Gíslason. Hinn sigur-
sæli Noka Serdarusic er hættur að
þjálfa félagið eftir fimmtán ára
veru en á þessum fimmtán árum
gerði hann félagið ellefu sinnum
að þýskum meisturum. Kiel vann
meðal annars tvöfalt í ár og þre-
falt í fyrra. Það var Ciudad Real
sem stóð í vegi fyrir því að Kiel
ynni aftur þrefalt.
Eftir því sem þýskir fjölmiðlar
greindu frá í gær er málið langt
komið og er búist við því að Alfreð
skrifi undir fljótlega. Kiel þarf að
greiða vel til að fá Alfreð en hann
er samningsbundinn Gummers-
bach til 2010. Kiel hefur boðið
Gummersbach 750 þúsund evrur
til að losa Alfreð undan samningi
en það eru rúmlega 95 milljónir
íslenskra króna. Talið er að Gum-
mersbach hafi einfaldega ekki
efni á að hafna slíku tilboði.
Gangi félagið að tilboðinu, sem
talið er að það geri, verður Alfreð
dýrasti þjálfarinn í sögu þýsku
úrvalsdeildarinnar en aldrei hefur
slík upphæð verið greidd fyrir
þjálfara áður í þýska boltanum.
Málið er það langt komið að
Gummersbach er þegar talið vera
búið að semja við Bosníumanninn
Sead Hasanefendic um að taka við
liðinu. Hann er þjálfari Túnis sem
stendur en þjálfaði Gummersbach
á árum áður og er þess utan búsett-
ur í bænum.
Talið var að fimm þjálfarar
kæmu til greina sem arftakar
Serdarusic. Ásamt Alfreð var
talað um Staffan Olsson, Magnus
Andersson, Ola Lindgren og svo
var einnig talið koma til greina að
Stefan Lövgren yrði tímabundið
þjálfari liðsins. Þýska blaðið
Kölner Express hélt því aftur á
móti fram að það væri enginn slík-
ur listi í gangi. Alfreð Gíslason
væri listinn hjá Kiel.
Uwe Schwenker, framkvæmda-
stjóri Kiel, sagði í viðtölum í gær
að Kiel vildi fá norrænan þjálfara
og tók sérstaklega fram að Alfreð
Gíslason uppfyllti allar þær kröf-
ur sem félagið gerði til næsta
þjálfara.
Að Alfreð sé talinn líklegastur
allra til að taka við Kiel segir
meira en mörg orð um orðspor
hans sem þjálfara. Kiel er gríðar-
lega sigursælt félag með marga af
bestu handboltamönnum heims
innan sinna raða. Félagið á mikið
af peningum og að þjálfa Kiel er
draumur flestra þjálfara.
Fari svo að Alfreð yfirgefi
Gummersbach verður Róbert
Gunnarsson eini Íslendingurinn
eftir í herbúðum félagsins. Guð-
jón Valur Sigurðsson er farinn til
Rhein Neckar Löwen og Sverre
Jakobsson er farinn í HK.
Serdarusic er reyndar orðaður við
Löwen í þýskum fjölmiðlum en
ljóst er að mörg félög renna hýru
auga til þessa frábæra þjálfara
sem af mörgum er talinn vera sá
besti í heiminum.
Alfreð sagði við Fréttablaðið í
gær að hann gæti ekkert tjáð sig
að svo stöddu. henry@frettabladid.is
Kiel til í að greiða um
100 milljónir fyrir Alfreð
Þýskir fjölmiðlar hafa greint frá því að þýska stórliðið Kiel ætli sér að ráða
Alfreð Gíslason sem næsta þjálfara félagsins. Kiel er talið vera tilbúið að greiða
Gummersbach um 100 milljónir til að fá Alfreð strax en það er einstök upphæð.
Á LEIÐ TIL BESTA FÉLAGS HEIMS? Alfreð Gíslason gæti orðið dýrasti þjálfarinn í sögu
þýsku úrvalsdeildarinnar fari svo að hann taki við Kiel sem margir telja besta félags-
lið heims. Kiel er tvöfaldur meistari í Þýskalandi. FRÉTTABLAÐIÐ/PJETUR
FÓTBOLTI Sjálfstraustið og hrok-
inn í Eric Cantona hefur ekkert
minnkað þótt það séu meira en
tíu ár liðin síðan hann lagði skóna
á hilluna.
Cantona hefur ekki áhuga á að
taka við franska landsliðinu þótt
hann haldi því fram að hann
myndi gera miklu betri hluti en
fyrrverandi þjálfari, Raymond
Domenech, eða líklegur eftir-
maður hans, Didier Deschamps.
„Ég ætla að snúa aftur í ellefu
manna fótbolta til að verða besti
stjóri í heimi. Ég ætla nálgast
starfið eins og listamaður og
gefa fótboltanum eitthvað nýtt,”
sagði Cantona kokhraustur en
hann hefur þjálfað franska
strandfótboltalandsliðið að und-
anförnu.
„Auðvitað væri ég langbesti
kosturinn til þess að taka við
franska landsliðinu. Deschamps
mun bara taka upp þráðinn frá
Domenech en undir minni stjórn
myndi liðið spila miklu fallegri
fótbolta,“ sagði Cantona sem vill
stjórna Man. Utd eða enska
landsliðinu í næstu framtíð. - óój
Eric Cantona er ekki að skafa utan af hlutunum:
Verð besti stjóri í heimi
GUÐS GJÖF Eric Cantona vill verða
stjóri í Englandi. NORDICPHOTOS/GETTY
- lífið er leikur
www.motormax.is
Mótormax Reykjavík - Kletthálsi 13 - Sími 563-4400
Mótormax Egilsstöðum - Sími 470-5080 / 470-5070
Mótormax Akureyri - Sími 460-6060
Mótormax
hefur úrvalið af bátum
og mótorum
Steady harðplastbátar
Skemmtilegu norsku bátarnir með eiginleika
slöngubáta og styrkinn úr harðplastinu.
Verð 114.000
Ending og traust er aðall Yamaha.
Vandaðir mótorar á góðu verði.
Verð frá 135.000
Nýkomnir glæsilegir Yamarin bátar
Verð 3.150.000
Yamaha utanborðsmótorar