Fréttablaðið - 08.07.2008, Blaðsíða 17
HEIMILI HEILSA HÚS BÖRN NÁM FERÐIR MATUR SUMAR TÍSKA GRÆJUR ATVINNA TILBOÐ VINNUVÉLAR O.FL.
Elvar Þór Karlsson er ungur
maður í toppformi, sem tók
þátt í 100 kílómetra hlaupi á
dögunum.
Elvar Þór Karlsson, sautján ára
nemi við Verslunarskóla Íslands,
hefur mikinn áhuga á líkams-
rækt og heilsusamlegum lífsstíl.
Hann hefur þó ekki verið jafn
áhugasamur um hreyfingu alla
tíð. „Ég hafði aldrei mikinn
áhuga á íþróttum hérna áður
fyrr, en fyrir tveimur og hálfu
ári ákvað ég að taka mig taki,
styrkja mig og reyna að koma
mér í form. Boot Camp varð fyrir
valinu,“ útskýrir hann. Elvar við-
ur kennir að mjög erfitt hafi verið
að byrja en smám saman hafi
áhuginn aukist og líkamsræktin
orðið skemmtilegri.
Elvar segist nú vera háður
hreyfingunni en hann hljóp ásamt
fimmtán öðrum 100 kílómetra
hlaup í síðasta mánuði. „Við þurft-
um að klára hlaupið á innan við
fimmtán klukkustundum og við
vorum tveir úr Boot Camp sem
hlupum þetta á rétt innan við tólf
tímum. Þetta gerðum við nánast án
þess að stoppa nema til þess eins
að næra okkur.“
Elvar æfir í Boot Camp þrisvar
til fjórum sinnum í viku en hina
daganna hleypur hann og lyftir.
Hann varð Íslandsmeistari í kraft-
lyftingum í hópi átján ára og yngri
í febrúar síðastliðnum og hefur
einnig keppt í styttri hlaupum. „Ég
hef líka þrisvar hlaupið maraþon.
Það er vont á meðan á því stendur
en það er mjög góð tilfinning að
klára,“ útskýrir hann.
Samhliða líkamsræktinni hugs-
ar Elvar mikið um mataræðið;
hefur sjálfur lesið sér vel til um
mat ásamt því að fá ráðleggingar
hjá Boot Camp. Hann passar sig að
borða alltaf á þriggja tíma fresti
og spáir mikið í bæði prótín- og
kolvetnisneyslu.
Elvar segist vera á því að Boot
Camp hafi breytt lífi sínu. „Þegar
ég byrjaði í Boot Camp fyrir tveim-
ur og hálfu ári þá gat ég varla
hlaupið tvo kílómetra,“ segir hann
og bætir við að hann gæti í fram-
tíðinni allt eins hugsað sér að læra
eða vinna við eitthvað sem tengist
líkamsrækt.
klara@frettabladid.is
Vatt kvæði sínu í kross
Elvar Þór Karlsson telur Boot Camp hafa breytt lífi sínu. FRÉTTABLAÐIÐ/VALLI
GOTT Í GRILLVEISLUNA
ÍTR leigir út hjólbörugrill
í veislur og annan mann-
fagnað.
SUMAR 3
ÞINN RÉTTUR
er yfirskrift nýrra pistla frá
Tryggingastofnun ríkisins
sem munu birtast mán-
aðarlega í Allt-inu.
HEILSA 2