Fréttablaðið - 29.07.2008, Blaðsíða 6

6 29. júlí 2008 ÞRIÐJUDAGUR
KJÖRKASSINN
VIRKJANIR Framkvæmdir við Búðarhálsvirkjun
hafa legið niðri síðan árið 2002. Breyttar aðstæð-
ur við orkuþörf og Norðlingaveitu réðu því að
virkjunin var sett á hakann.
Skipulagsstofnun gaf út leyfi fyrir vorið 2001 og
strax það ár hófust framkvæmdir að stöðvarhúsinu.
Sjö kílómetra aðkomuvegur var lagður upp að
fyrirhuguðu stöðvarhúsi, sprengt fyrir húsinu og
klettastálið steypusprautað og Tungnaá var brúuð.
Þorsteinn Hilmarsson, upplýsingafulltrúi Lands-
virkjunar, segir að óvissa með
Norðlingaölduveitu á sínum tíma
hafi haft áhrif á að framkvæmd-
um við Búðarháls var hætt. „Þá
breyttist orkuþörfin, en virkjunin
hafði verið hugsuð til að sjá
stækkun álvers Norðuráls fyrir
orku. Þeir sneru sér hins vegar til
samkeppnisaðilans og við vorum
ekki tilbúin til að lækka verðið,“
segir Þorsteinn.
Aðalstífla Búðarhálsvirkjunar
mun liggja þvert yfir farveg Köldukvíslar. Þá
verður Tungnaá einnig stífluð og við það myndast
sjö ferkílómetra inntakslón; Sporðöldulón.
Reiknað er með að virkjunin geti orðið allt að 120
MW og leggja þurfi 17 kílómetra langa 220 kV
háspennulínu vegna hennar.
Í matsskýrslu framkvæmdaaðila með verkinu
kemur fram að svæðið við Búðarás væri nokkuð
sótt af ferðamönnum, einkum yfir sumartímann.
Nauðsynlegt væri að koma góðum upplýsingum
til ferðamanna. Ekki er að sjá nein upplýsinga-
skilti við geilina fyrir stöðvarhúsinu sem staðið
hefur tóm í sex ár.
Hátt raforkuverð er forsenda þess að verið er
að huga að Búðarhálsvirkjun nú. „Virkjunin er
álitlegur kostur í samhengi við þá miklu eftir-
spurn sem er eftir orku núna. Heldur dýrari
virkjun getur verið hagkvæmur kostur ef
raforkuverð er hátt,“ segir Þorsteinn.
Spurður hvort menn hafi farið af geyst af stað í
framkvæmdir, í ljósi þess að gryfjan hefur staðið
tóm, segir Þorsteinn svo ekki vera. „Menn töldu
þetta vera skynsamlega ráðstöfun og þetta væri
ekkert sem hlypi frá okkur. Við höfum ekki talið
annað en að það verði af framkvæmdum, ef
ákveðið verður að falla frá þeim munum við
rækta svæðið upp.“
Skipulagsstofnun gerði í sínum úrskurði kröfu
um að gróðurlendi sem tapaðist vegna lónsins
yrði bætt. kolbeinn@frettabladid.is
Búðarhálsvirkjun er
álitlegur kostur á ný
Framkvæmdir við Búðarhálsvirkjun hafa legið niðri í nokkur ár. Hátt orkuverð
eykur líkur á að hún verði að veruleika. Gæti orðið á undan Þjórsárvirkjunum.
ÞORSTEINN
HILMARSSON
BÚÐARHÁLSVIRKJUN Lón virkjunarinnar, Sporðöldulón, verður
allt að sjö ferkílómetrar. Virkjunin getur framleitt allt að 120
MW.
GRYFJAN Stöðvarhús Búðarhálsvirkjunar verður í þessari risa-
vöxnu gryfju. Hún hefur staðið auð í sex ár.
MYND/KJARTAN PÉTUR SIGURÐSSON/PHOTO.IS
Stykkishólmur
Borgarnes
Sparaðu hjá Orkunni í dag!
SPÁÐU Í HVAÐ ÞÚ SPARAR!
www.orkan.is
-2 krónur
í Stykkishólmi
í dag!
Afsláttur er veittur af almennu verði Orkunnar sem er
170,1 kr. á 95 okt. bensíni og 188,0 kr. á dísel.
M.v. verð 29. júlí 2008.
LÖGREGLUMÁL Betur fór en á
horfðist þegar maður féll um tvo
metra niður af lyftara við störf
við Kárahnjúkavirkjun síðdegis á
sunnudag.
Verið var að lyfta manninum
með lyftara þegar slysið átti sér
stað en þá var hann að vinna að
vegg í Hraunaveitu að sögn
Óskars Bjartmarz, yfirlögreglu-
þjóns á Seyðisfirði.
Maðurinn var fluttur á
sjúkrahúsið í Neskaupstað en
reyndist lítið slasaður að sögn
Óskars.
Rannsókn málsins stendur yfir
hjá lögreglu.
- ht
Vinnuslys við Kárahnjúka:
Féll tvo metra
niður af lyftara
MÓTMÆLI Sjö meðlimir umhverfis-
hreyfingarinnar Saving Iceland
voru handteknir við aðgerðir á
Skarðsmýrarfjalli á Hengilssvæð-
inu í gær.
Um tuttugu mótmælendur
stöðvuðu vinnu við jarðhitaborun
Orkuveitu Reykjavíkur vegna
stækkunar Hellisheiðarvirkjunar
í mikilli þoku á tólfta tímanum í
gær að sögn Miriam Rose, tals-
manns hreyfingarinnar. Höfðu
þau stöðvað vinnu á svæðinu í að
minnsta kosti klukkustund þegar
lögregla kom á staðinn að sögn
Miriam.
„Við viljum mótmæla útþenslu
framkvæmdanna hér á Hellisheiði
og einnig fjárfestingum Orkuveit-
unnar í Jemen,“ segir Miriam en í
því skyni hengdu mótmælendur
upp fána með áletruninni „Orku-
veitu Reykjavíkur burt frá Hellis-
heiði og Jemen“.
Að sögn varðstjóra hjá lögregl-
unni á Selfossi höfðu tveir hinna
handteknu hlekkjað sig við jarð-
borinn Tý og fimm stóðu í vegi
fyrir hjólaskóflu og neituðu að
yfirgefa svæðið. Aðrir hlýddu
fyrir mælum um að fara af vinnu-
svæðinu.
Þrjár konur og fjórir karlar
voru handteknir, þar af sex útlend-
ingar af mismunandi þjóðerni. Til
stóð að yfirheyra fólkið í gær. - ht
Umhverfishreyfingin Saving Iceland mótmælti framkvæmdum á Hellisheiði:
Sjö mótmælendur handteknir
MÓTMÆLENDUR HANDTEKNIR Lögregla
handtók sjö liðsmenn umhverfissamtak-
anna Saving Iceland sem mótmæltu Hell-
isheiðarvirkjun á Skarðsmýrarfjalli í gær.
INDLAND, AP Fjörutíu og fimm
létust og hundrað sextíu og einn
særðist þegar að minnsta kosti
sextán sprengjur sprungu í
indversku borginni Ahmadabad á
laugardaginn.
Lítt þekktur íslamskur hópur
sagðist bera ábyrgð á árásunum.
Hópurinn sendi tölvupóst á
nokkrar indverskar fréttastofur
fimm mínútum áður en
sprengjurnar sprungu. Þar stóð:
„Í nafni Allah … finnið ógn
dauðans!“.
Lögregla réðist í gær inn á
heimili bandarísks ríkisborgara í
Mumbaí og tók þaðan tölvu sem
hún segir að pósturinn hafi verið
sendur úr. Lögregla gefur ekki
upp hvort maðurinn sé grunaður
um aðild að árásunum. - gh
Leitað hjá Bandaríkjamanni:
45 biðu bana í
sprengjuárás
FÓRNARLÖMB ÁRÁSARINNAR Margir
Indverjar hafa fallið í sprengjuárásum
hryðjuverkamanna síðustu ár.
FRÉTTABLAÐIÐ/AP
ÍRAK, AP Nærri fimmtíu manns
fórust samtals í tveimur
sprengjuárásum í Írak í gær.
Önnur árásin var gerð á píla-
grímaför sjía-múslima í höfuð-
borginni Bagdad en hin á útifund
Kúrda í borginni Kirkuk.
Árásin í Bagdad kostaði meira
en 30 manns lífið og var sú
mannskæðasta síðan 17. júní,
þegar bílasprengja varð 63
manns að bana. Árásin í gær var
gerð þegar þúsundir sjía héldu að
helgri byggingu í norðanverðri
borginni til að minnast dýrlings
frá áttundu öld. Flestir hinna
látnu voru konur og börn.
- gb
Sprengjuárásir í Írak:
Kostuðu tugi
manna lífið
Finnst þér textinn við nýtt
lag Baggalúts, Þjóðhátíð ´93,
ósmekklegur?
Já 28,2%
Nei 71,8%
SPURNING DAGSINS Í DAG:
Ætlar þú á útihátíð um verslun-
armannahelgina?
Segðu þína skoðun á visir.is.
MANNRÉTTINDI Íslandsdeild
Amnesty International hefur
ályktað um að Kína hafi svikið
loforð um umbætur í mannrétt-
indamálum fyrir Ólympíuleikana.
Í ályktuninni segir að leiðtogar
heimsins eigi ekki að samþykkja
að Ólympíuleikar fari fram í
skugga kúgunar og ofsókna.
- vsp
Amnesty ályktar um ÓL:
Kína hefur
svikið loforð
Gæsluvarðhald staðfest
Gæsluvarðhaldsúrskurður yfir
Þorsteini Kragh, athafnamanni og
Hollendingi, sem grunaður er um að
hafa flutt 190 kílógrömm af hassi inn
til landsins var staðfestur í Hæstarétti
í gær.
DÓMSMÁL
PALESTÍNA, AP Pyntingum hefur
fjölgað töluvert í fangelsum
Palestínumanna, bæði á Vestur-
bakkanum og á Gazasvæðinu.
Þetta fullyrða tvenn mannrétt-
indasamtök, palestínsku samtökin
Al Haq og alþjóðlegu samtökin
Human Rights Watch, sem hafa
höfuðstöðvar í New York.
Undanfarið ár hafa sveitir
Fatah á Vesturbakkanum og sveit-
ir Hamas á Gazaströnd handtekið
hundruð pólitískra andstæðinga
sinna. Talið er að tuttugu til
þrjátíu prósent fanganna beggja
vegna hafi mátt sæta pyntingum.
- gb
Mannréttindabrot í Palestínu:
Pyntingum á
föngum fjölgar